% Text title            : shAradAstutiH 3
% File name             : shAradAstutiH3.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran at gmail.com
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Sharada Stutih 3 ..}##
\itxtitle{.. shrIshAradAstutiH 3 ..}##\endtitles ##
(jaitrayAtrAM nirvartya shrIshR^i~NgagiripraveshakAle)
dUrIkR^itya parIkShaNasya karaNaM kiM te girAM devate
     yuktaM varShachatuShTayopari kiyadghasrAnkR^ipAvAridhe |
mando matpadayugmavirahaM soDhuM na shaknotyayaM
     ka~nchitkAlamapIti padmajasakhi j~nAtvApi mAtarbhR^isham || 1||

yadyapyamba sarojayonidayite lokAnasheShAnapi
     shraddhAbhaktiyutAnvidhAya nitarAM kAryANi sarvANyapi |
duHsAdhyAnyapi lokasantatibahushreyaskarANyAdarA\-
     tsapUrNAnyakarostathApi padayordUraM na soDhuM kShamaH || 2||

tvatpAdAmbujayoH kadApi viraho mA bhUdito vA girAM
     mAtarnamrajanAvanavratadhare kAruNyavArAnnidhe |
chenmayyasti kR^ipA manorathatatiM sampUrayAtraiva me
     duHsAdhyAmitarairasheShajanatAshreyaskarIM shArade || 3||

mantUnAM tatirasti cha prabhavati syAdeva chAgre mama
     prAleyosrashishUttamA~Ngasahaje sandehagandho.api na |
tasyAshchedgaNanAM karoShi hR^idayA tvaM chApi mAtastadA
     nirvyAjA karuNA nirAshrayatayA kutrApi lInA bhavet || 4||

sarasvati kR^ipAnidhe sarasijAsanapreyasi
     praNamrajanapAlini prachurabodhasandAyini |
samastasukalAsvapi prasR^itabodhamenaM javAt
     surAsuranamaskR^ite kuru karAttachinmudrike || 5||

kAmaM santu surA nijA~NghrikamalAsaktAntara~NgAndivA\-
     rAtraM pUjanadehadaNDanaparAnpAtuM chirAyAmbike |
nAhaM tatpadapa~NkajAnusaraNaM kartuM samartho girAM
     mAtastvatpadameva satvaramano.abhIShTapradaM saMshraye || 6||

bANIsindhusutAgirIndratanayArUpANi dhR^itvA purA
     devAnAM parirakShaNaM trijagatAmapyAdarAdyAkarot |
sA tvaM samprati shR^i~NgashailanilayA shrIshAradambAbhidhAM
     dhR^itvA shrotramanoharAM prakuruShe lokAvanaM sAdaram || 7||

mUkAnAmapi vAgvidhAnachaturA yasyAH padAmbhojayoH
     kAdAchitkanamaskriyA bhuvi bhavechChrIshArade nishchitam |
tAM tvAma~NghrisarojanamrajanatAsaMrakShaNaikavratAM
     dR^iShTvA tR^iptimaho kadApi na bhajetAM me dhruvaM chakShuShI || 8||

jvAlAmAlinikAvinirmitashuchiprAkAramadhyasthite\-
     tyAhvAM namrajanasya kiM prathayituM jvAlAvalImadhyataH |
susthAyA api naiva vahnijanitA bAdhA bhavedityaho
     chitraM kautukataH pradarshitavatI vAchAM parA devate || 9||

agnAvagneH pravR^ittirna hi bhavati kadApIti vAtAtmajoktiM
     pratyakShIkartumevAnatajanavitatervANi shR^i~NgAdrivAse |
atyugrAppittakIlAsthitatarumayaveshmasthitAmAtmamUrtiM
     mallIpuShpAdiyuktAmapi tanuvasanAM kITayuktAmarakShaH || 10||

proktaM kenAgamAnte kimu paramamahaHsannidhau svasvakAryA\-
     shaktA devA babhUvuH shuchipavanamukhA ityamuM mukhyamartham |
jAnantvAtmA~NghrinamrA iti vidhiramaNI dArugehe sthitAsI\-
     jjvAlAmAlAkule.asminsumavasanayutA dAhagandhena shUnyA || 11||

lokAnAmavanArthamAdiguruNA saMsthApitAhaM purA
     bhUsthAnAmapi tAnpramattahR^idayAnnaiva tyajAmi kvachit |
AtmAnAtmavivekamukhyasuguNAndattvA dR^iDhAnsantataM
     rakShAmIti vibodhanAya vihitaM chitraM girAM devate || 12||

smR^itvA saMyamichakravartirachitAM tvaM prArthanAM shArade
     sR^iShTe svena jagatyahetukakR^ipAmAlochya naijAM muhuH |
devAgAravinirmitestu samaye prAptAmashuddhiM parAM
     soDhvA sannidhimAtanotu bhavatI vAchAM parA devatA || 13||

mAtA putrakR^itAmashuddhivitatiM soDhvA punaH shArade
     hyutsa~Nge viniveshya lAlanamaho yadvatkarotyAdarAt |
tvaM mAtA jagatAM tathaiva bahudhA jAtAmashuddhiM muhuH
     soDhvA sannidhimAtanotu bhavatI vAchAM parA devatA || 14||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIshAradAstutiH (3) sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}