% Text title            : Sharika Kavacham
% File name             : shArikAkavacham.itx
% Category              : devii, dashamahAvidyA, devI
% Location              : doc\_devii
% Transliterated by     : Sivakumar Thyagarajan Iyer shivakumar24 at gmail.com
% Proofread by          : Sivakumar Thyagarajan Iyer, Psa Easwaran psaeaswaran at gmail.com
% Latest update         : February 18, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Sharika Kavacham ..}##
\itxtitle{.. shArikAkavacham ..}##\endtitles ##
OM shrIgaNeshAya namaH |
atha shArikAkavacham |
shrIbhairava uvAcha \-
OM adhunA shR^iNu deveshi shArikAkavachaM param |
trailokyamohanaM nAma mUlamantramayaM param || 1||
asya shravaNamAtreNa sarvayaj~naphalaM labhet |
sarvApattAraNaM divyaM sarvasiddhipradaM kalau || 2||
sarvasvaM me rahasyaM me paramaM paramAdbhutam |
dhAraNAdasya deveshi viShNunA sa jalodbhavaH || 3||
dAnavendro hataH shIghramandhakAro yathendunA |
mayApi tripurAdhyakSho dAnavo jiShNunA balaH || 4||
jambho vR^itrAsuro devi prabhAvAdasya varmaNaH |
kavachasyAsya deveshi R^iShirbhairava IritaH || 5||
triShTupChando devatA cha trailokyamohinIshvarI |
shArikA sharma bIjaM cha mAshaktiH kIlakaM gajaH || 6||
trailokyamohavidyArthe viniyogaH prakIrtitaH |
OM me  durgA shiraH pAyAdekAkSharavibhUShaNA || 7||
OM hrIM chaNDI lalATaM me jagadullAsarUpiNI |
OM hrIM shrIM tryakSharA pAtu bhruvau me bhagamAlinI || 8||
OM hrIM shrIM hUM cha netre.avyAtsarvama~Ngalama~NgalA |
OM hrIM shrIM hUM phrAma.avyAnme shrutI sha~NkaravallabhA || 9||
OM hrIM shrIM hUM phrAM AM pAtu nAsAM nArAyaNeshvarI |
OM hrIM shrIM hUM phrAM AM shAM me pAtu vaktraM sarasvatI || 10||
aM AM iM IM  radAnpAtu mAtR^ikA shekhareshvarI |
uM UM R^iM R^IM lR^iM lR^IM eM aiM pAyAdoShThau bhavapriyA || 11||
OM auM aM aH galaM pAtu nIlakaNThAsaneshvarI |
kaM khaM gaM ghaM ~NaM me pAtu skandhau skandasamarchitA || 12||
chaM ChaM jaM jhaM ~naM me pAyAdvakSho vAmapriyAmbikA |
TaM ThaM DaM DhaM NaM me pAyAtpArshvau parvatanandinI || 13||
taM thaM daM dhaM naM me pAtu kukShiM kulAkuleshvarI |
paM phaM baM bhaM maM me pAtu nAbhiM nAradasevitA || 14||
yaM raM laM vaM gudaM pAtu guhyakeshvarapUjitA |
shaM ShaM saM haM kaTiM pAtu devI kAtyAyanI tathA || 15||
LaM kShaH UrU sadA pAtu sarvasArasvatapradA |
OM shAM jAnU shivA pAtu OM AM ja~Nghe.avatAdumA || 16||
OM phrAM pAdau sadA pAtu rAjamAta~NginI mama |
OM hUM pAdAdimUrdhAntaM vapurme pAtu kubjikA || 17||
OM shrIM mUrdhAdipAdAntaM vapurme, pAtu shAradA |
OM hrIM saptAkSharIpAtu shArikA sakalaM vapuH || 18||
pUrve mAM pAtu brahmANI vahnau me vaiShNavI sadA |
dakShiNe.avatu mAM chaNDI nairR^ite me.aparAjitA || 19||
pashchime.avatu kaumArI vAyavye shAmbhavI cha mAm |
vArAhI chottare pAyAdIshAne nArasiMhikA || 20||
prabhAte mAmumA pAtu madhye kAmA.avatAchcha mAm |
chArva~NgI mAM dinAnte.avyAnnishAdau Ta~NkadhAriNI || 21||
nishIthe.avyAdugratArA nishAnte pArvatI cha mAm |
sarvatra yakShiNI pAtu shivA mAM pAtu sarvadA || 22||
asitA~NgaH kShiteH pAtu rururmAM pAtu pAthasaH |
chaNDo mAM pAtu marutaH krodho.avyAnmAM hutAshanAt || 23||
unmattaH somataH pAtu kapAlI sUryato.avatu |
bhIShaNo yaj~navighnAttu saMhAraH shUnyamaNDalAt || 24||
raNe mAM kAlikA pAtu dyUte tripurasundarI |
durgA.avatu vivAde vA shrIchakraM sarvadA.avatu || 25||
sarvatra sarvadA devI pAtu mAM shArikA parA |
dhanaM putraM sutAndArAngR^ihaM yadyattu mAmakam |
tattanmama shivaH pAtu vAmadevo chidIshvaraH || 26||

ityetatkavachaM divyaM triShu lokeShu durlabham |
trailokyamohanaM nAma shArikAyA rahasyakam || 27||
vinA.amunA na siddhiH syAtkavachendreNa pArvati |
koTilakShyaprajaptasya mantrasyA.asya maheshvari || 28||
tasmAtpaThechChive varma manugarbhamanukShaNam |
sarvotpAtaprashamanaM balabuddhipravardhanam || 29||
paramAnandadaM loke paramaishvaryakAraNam |
yaH paThetpAThayedvApi shR^iNoti shrAvayedapi || 30||
sa eva bhairavAdhyakShastrailokyavijayI vibhuH |
ravau bhUrje likhedvarma svayambhUkusumasrajA || 31||
kusumenAShThagandhena stanyena nijaretasA |
dhArayenmUrdhni vA bAhau prApnuyAtparamAM gatim || 32||
dhanakAmI labhedvittaM putrakAmI labhetprajAm |
raNe ripUnnaro hatvA kalyANI gR^ihamAvishet || 33||
dhR^itvA vakShasi deveshi vAgmitvaM jAyate kShaNAt |
vandhyA cha kAkavandhyA cha mR^itavatsA labhetsutAn || 34||
mArkANDeyAyuSho devi sAkShAdvaishravaNopamAn |
kiM kiM na labhate martyaH paThankavachamuttamam || 35||
yaH paThedardharAtre tu shmashAne muktakuntalaH |
pItvA shIdhuM sa deveshi devIdarshanamApnuyAt || 36||
stambhayedbhAskaraM vAyuM mohayettrijagaddhruvam |
bahu kiM kathyatAM tasya kavachasyA.asya dhAraNAt || 37||
paThaNAchChravaNAdvApi sa bhavedbhairavopamaH |
itIdaM kavachaM devi trailokyavashyakAraNam || 38||
trailokyamohanaM nAma gopanIyaM sureshvari |
yasya kasya na dAtavyaM vinA shiShyeNa pArvati || 39||
dIkShitAya kulInAya dattvA mokShamavApnuyAt |
vinA dAnaM na gR^ihNIyAnnadadyAddakShiNAM vinA || 40||
dattvA gR^ihItvA.apyubhayoH siddhihAnirbhaveddhruvam |
anyathA yastu gR^ihNIyAddadyAdvA kavacheshvaram || 41||
putrAndArAnsutA.Nshchaiva yoginyo bhakShayanti tam |
aj~nAtvA kavachaM devi pUjayechChrIshilAM shive || 42||
sa bhavechChivahA satyaM sarvopadravasa~NkulaH |
dhR^itvA yaH kavachaM devi pUjayechChrIshilAM shive || 43||
sa eva paramAM siddhiM labhate nAtra saMshayaH |
itIdaM kavachaM devi sAraM sarvasvamuttamam |
rahasyaM shArikAratnaM gopanIyaM svayonivat || 44||

iti shrIrudriyAmale tantre shArikAkavachaM samAptam |
##

Encoded by Sivakumar Thyagarajan Iyer
Proofread by Sivakumar Thyagarajan Iyer, Psa Easwaran psaeaswaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}