% Text title            : Shailaputri Stutih Himalaya
% File name             : shailaputrIstutiHhimAlaya.itx
% Category              : devii, durgA
% Location              : doc\_devii
% Transliterated by     : Mohan Chettoor
% Proofread by          : Mohan Chettoor
% Latest update         : July 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Himalayaraja Krita Shailaputri Stutih ..}##
\itxtitle{.. himAlayarAjakR^ita shailaputrIstutiH ..}##\endtitles ##
himAlaya uvAcha |
mAtastvaM kR^ipayAgR^ihe mama sutA jAtAsi nityApi
      yadbhAgyaM me bahujanmajanmajanitaM manye mahatpuNyadam |
dR^iShTaM rUpamidaM parAtparatarAM mUrtiM bhavAnyA api
      mAheshIM prati darshayAshu kR^ipayA vishveshi tubhyaM namaH || 1||
shrIdevyuvAcha |
dadAmi chakShuste divyaM pashya me rUpamaishvaram |
Chindhi hR^itsaMshayaM viddhi sarvadevamayIM pitaH || 2||
shrImahAdeva uvAcha |
ityuktvA taM girishreShThaM dattvA vij~nAnamuttamam |
svarUpaM darshayAmAsa divyaM mAheshvaraM tadA || 3||
shashikoTiprabhaM chAruchandrArdhakR^itashekharam |
trishUlavara hastaM cha jaTAmaNDitamastakam || 4||
bhayAnakaM ghorarUpaM kAlAnalasahasrabham |
pa~nchavaktraM trinetraM cha nAgayaj~nopavItinam || 5||
dvIpicharmAmbaradharaM nAgendrakR^itabhUShaNam |
evaM vilokya tadrUpaM vismito himavAn punaH || 6||
provAcha vachanaM mAtA rUpamanyatpradarshaya |
tataH saMhR^itya tadrUpaM darshayAmAsa tatkShaNAt || 7||
rUpamanyanmunishreShTha vishvarUpA sanAtanI |
sharachchandranibhaM chArumukuTojjvalamastakam || 8||
sha~NkhachakragadApadmahastaM netratrayojjvalam |
divyamAlyAmbaradharaM divyagandhAnulepanam || 9||
yogIndravR^indasaMvandyaM suchArucharaNAmbujam |
sarvataH pANipAdaM cha sarvato.akShishiromukham || 10||
dR^iShTvA tadetatparamaM rUpaM sa himavAn punaH |
praNamya tanayAM prAha vismayotphullalochanaH || 11||
himAlaya uvAcha |
mAtastavedaM paramaM rUpamaishvaramuttamam |
vismito.asmi samAlokya rUpamanyatpradarshaya || 12||
tvaM yasya so hyashochyo hi dhanyashcha parameshvari |
anugR^ihNIShva mAtarmAM kR^ipayA tvAM namo namaH || 13||
shrImahAdeva uvAcha |
ityuktA sA tadA pitrA shailarAjena pArvatI |
tadrUpamapi saMhR^itya divyaM rUpaM samAdadhe || 14||
nIlotpaladalashyAmaM vanamAlAvibhUShitam |
sha~NkhachakragadApadmamabhivyaktaM chaturbhujam || 15||
evaM vilokya tadrUpaM shailAnAmadhipastataH |
kR^itA~njalipuTaH sthitvA harSheNa mahatA yutaH || 16||
stotreNAnena tAM devIM tuShTAva parameshvarIm |
sarvadevamayImAdyAM brahmaviShNushivAtmikAm || 17||
himAlaya uvAcha |
mAtaH sarvamayi prasIda parame vishveshi vishvAshraye
      tvaM sarvaM nahi ki~nchidasti bhuvane tattvaM tvadanyachChive |
tvaM viShNurgirishastvameva nitarAM dhAtAsi shaktiH parA
      kiM varNyaM charitaM tvachintyacharite brahmAdyagamyaM mayA || 18||
tvaM svAhAkhiladevatR^iptijananI vishveshi tvaM vai svadhA
      pitR^INAmapi tR^iptikAraNamasi tvaM devadevAtmikA |
havyaM kavyamapi tvameva niyamo yaj~nastapo dakShiNA
      tvaM svargAdiphalaM samastaphalade deveshi tubhyaM namaH || 19||
rUpaM sUkShmatamaM parAtparataraM yadyogino vidyayA
      shuddhaM brahmamayaM vadanti paramaM mAtaH sudR^iptaM tava |
vAchA durviShayaM mano.atigamapi trailokyabIjaM shive
      bhaktyAhaM praNamAmi devi varade vishveshvari trAhimAm || 20||
udyatsUryasahasrabhAM mama gR^ihe jAtAM svayaM lIlayA
      devImaShTabhujAM vishAlanayanAM bAlendumauliM shivAm |
udyatkoTishashA~NkakAntinayanAM bAlAM trinetrAM parAM
      bhaktyA tvAM praNamAmi vishvajananI devi prasIdAmbike || 21||
rUpaM te rajatAdrikAntivimalaM nAgendrabhUShojjvalaM
      ghoraM pa~nchamukhAmbujatrinayanaiImaiH samudbhAsitam |
chandrArdhA~NkitamastakaM dhR^itajaTAjUTaM sharaNye shive
      bhaktyAhaM praNamAmi vishvajanani tvAM tvaM prasIdAmbike || 22||
rUpaM te shAradachandrakoTisadR^ishaM divyAmbaraM shobhanaM
      divyairAbharaNairvirAjitamalaM kAntyA jaganmohanam |
divyairbAhuchatuShTayairyutamahaM vande shive bhaktitaH
      pAdAbjaM janani prasIda nikhilabrahmAdidevastute || 23||
rUpaM te navanIradadyutiruchiphullAbjanetrojjvalaM,
      kAntyA vishvavimohanaM smitamukhaM ratnA~NgadairbhUShitam |
vibhrAjadvanamAlayAvilasitoraskaM jagattAriNi,
      bhaktyAhaM praNato.asmi devi kR^ipayA durge prasIdAmbike || 24||
mAtaH kaH parivarNituM tava guNaM rUpaM cha vishvAtmakaM
      shakto devi jagatraye bahuguNairdevo.athavA mAnuShaH |
tat kiM svalpamatibravImi karuNAM kR^itvA svakIyai\-
      rguNairno mAM mohaya mAyayA paramayA vishveshi tubhyaM namaH || 25||
adya me saphalaM janma tapashcha saphalaM mama |
yattvaM trijagatAM mAtA matputrItvamupAgatA || 27||
dhanyo.ahaM kR^itakR^ityo.ahaM mAtastva nijalIlayA |
nityApi madgR^ihe jAtA putrIbhAvena vai yataH || 27||

iti himAlayarAjakR^ita shailaputrIstutiH |
##

Encoded and proofread by Mohan Chettoor

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}