% Text title : Shakti pIthas listed in Tantrachudamani % File name : shaktipIThAni.itx % Category : devii, shaktipITha, devI % Location : doc\_devii % Description/comments : Tantrachudamani % Latest update : January 27, 2019 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shakti Peethas ..}## \itxtitle{.. tantrachUDAmaNau pIThanirNayaH athavA shaktipIThAni ..}##\endtitles ## Ishvara uvAcha | mAtaH parAtpare devi sarvaj~nAnamayIshvari | kathyatAM me sarvapIThashaktibhairavadevatAH || 1|| devyuvAcha | shR^iNu vatsa pravakShyAmi dayAla bhaktavatsala | yAbhirvinA na sidhyanti japasAdhanasatkriyAH || 2|| pa~nchAshadekapIThAni evaM bhairavadevatAH | a~Ngapratya~NgapAtena viShNuchakrakShatena cha || 3|| mamAdyavapuSho deva hitAya tvayi kathyate | mamAnyavapuSho brahmarandhraM hi~NgulAyAM bhairavo bhImalochanaH || 4|| koTTarI sA mahAdeva triguNA yA digambarI | karavIre trinetraM me devI mahiShamardinI || 5|| krodhIsho bhairavastatra sarvasiddhipradAyakaH | sugandhAyAM nAsikA me devastryambabhairavaH || 6|| sundarI sA mahAdevI sunandA tatra devatA | kAshmIre kaNThadesha~ncha trisandhyeshvarabhairavaH || 7|| mahAmAyA bhagavatI guNAtItA varapradA | jvAlAmukhyAM tathA jihvA deva unmattabhairavaH || 8|| ambikA siddhidAnAmnI stanaM jAlandhare mama | bhIShaNo bhairavastatra devI tripuramAlinI || 9|| hArdapIThaM vaidyanAthe vaidyanAthastu bhairavaH | devatA jayadurgAkhyA nepAle jAnu me shiva || 10|| kapAlI bhairavaH shrImAn mahAmAyA cha devatA | mAnase dakShahasto me devI dAkShAyaNI hara || 11|| amaro bhairavastatra sarvasiddhipradAyakaH | utkale nAbhidesha~ncha virajAkShetramuchyate || 12|| vimalA sA mahAdevI jagannAthastu bhairavaH | gaNDakyAM gaNDapAta~ncha tatra siddhirna saMshayaH || 13|| tatra sA gaNDakI chaNDI chakrapANistu bhairavaH | bahulAyAM vAmabAhurbahulAkhyA cha devatA || 14|| bhIruko bhairavastatra sarvasiddhipradAyakaH | ujjayinyAM kUrpara~ncha mA~Ngalya kapilAmbaraH || 15|| bhairavaH siddhidaH sAkShAddevI ma~NgalachaNDikA | chaTTale dakShabAhurme bhairava~nchandrashekharaH || 16|| vyaktarUpA bhagavatI bhavAnI yatra devatA | visheShataH kaliyuge vasAmi chandrashekhare || 17|| tripurAyAM dakShapAdo devI tripurasundarI | bhairavastripuresha~ncha sarvAbhIShTapradAyakaH || 18|| trisrotAyAM vAmapAdo bhrAmarI bhairaveshvaraH | yonipIThaM kAmagirau kAmAkhyA tatra devatA || 19|| yatrAste triguNAtItA raktapAShANarUpiNI | yatrAste mAdhavaH sAkShAdumAnando.atha bhairavaH || 20|| sarvadA vihareddevI tatra muktirna saMshayaH | tatra shrIbhairavI devI tatra cha kShetradevatA || 21|| prachaNDachaNDikA tatra mAta~NgI tripurAmbikA | vagalA kamalA tatra bhuvaneshI sadhUminI || 22|| etAni parapIThAni shaMsanti varabhairavAH | evaM tu devatAH sarvA evaM tu dasha bhairavAH || 23|| sarvatra viralA chAhaM kAmarUpe gR^ihe gR^ihe | gauri shikharamAruhya punarjanma na vidyate || 24|| karatoyAM samAramya yAvaddikkaravAsinIm | shatayojanavistIrNaM trikoNaM sarvasiddhidam | devA maraNamichChanti kiM punarmAnavAdayaH || 25|| kShIragrAme mahAmAyA bhairavaH kShIrakhaNDakaH | yugadyA sA mahAmAyA dakShA~NguShThaM pado mama || 26|| nakulIshaH kAlIpIThe dakShapAdA~NgulI cha me | sarvasiddhikarI devI kAlikA tatra devatA || 27|| a~NgulIvR^indaM hastasya prayAge lalitA bhavaH | jayantyAM vAmaja~NghA cha jayantI kramadIshvaraH || 28|| bhuvaneshI siddhirUpA kirITasthA kirITataH devatA vimalA nAmnI saMvartto bhairavastathA || 29|| vArANasyAM vishAlAkShI devatA kAlabhairavaH | maNikarNIti vikhyAtA kuNDalaM cha mama shruteH || 30|| kanyAshrame cha pR^iShThaM me nimiSho bhairavastathA | sarvANI devatA tatra kurukShetre cha gulphataH || 31|| sthANurnAmnA cha sAvitrI devatA maNivedake | maNibandhe cha gAyatrI sarvAnandastu bhairavaH || 32|| shrIshaile cha mama grIvA mahAlakShmIstu devatA | bhairavaH sambarAnando desho desho vyavasthitaH || 33|| kA~nchIdesho cha ka~NkAlo bhairavo rurunAmakaH | devatA devagarbhAkhyA nitambaH kAlamAdhave || 34|| bhairavashchAsitA~Ngashcha devI kAlI susiddhidA | dR^iShTA dR^iShTA namaskR^itya mantrasiddhimavApnuyAt || 35|| kujavAre bhUtatithau nishArddhe yastu sAdhakaH | natvA pradakShiNIkR^itya mantrasiddhimavApnuyAt || 36|| shoNAkhyA bhadrasenastu narmadAkhye nitambakaH | rAmagirau stanAnya~ncha shivAnI chaNDabhairavaH || 37|| vR^indAvane keshajAlamumA nAmnI cha devatA | bhUtesho bhairavastatra sarvasiddhipradAyakaH || 38|| saMhArAkhya Urddhadanto devI.anale nArAyaNI shruchau | adhodanto mahArudro vArAhI pa~nchasAgare || 39|| karatoyAtaTe karNe vAme vAmanabhairavaH | aparNA devatA yatra brahmarUpAkarodbhavA || 40|| shrIparvate dakShagulphastatra shrIsundarI parA | sarvasiddhIshvarI sarvA sundarAnandabhairavaH || 41|| kapAlinI bhImarUpA vAmagulpho vibhAShake | bhairavashcha mahAdeva sarvAnandaH shubhapradaH || 42|| udara~ncha prabhAse me chandrabhAgA yashasvinI | vakratuNDo bhairava UrdhvoShTho bhairavaparvate || 43|| avantI cha mahAdevI lambakarNastu bhairavaH || 44|| chivuke bhrAmarI devI vikR^itAkSho janasthAne | gaNDo godAvarItIre vishveshI vishvamAtR^ikA || 45|| daNDapANibhairavastu vAmagaNDe tu rAkiNI | bhairavo vatsanAbhastu tatra siddhirna saMshayaH || 46|| ratnAvalyAM dakShaskandhaH kumArI bhairavaH shivaH | mithilAyAmumA devI vAmaskandho mahodaraH || 47|| nalAhATyAM nalApAto yogIsho bhairavastathA | tatra sA kAlikA devI sarvasiddhipradAyikA || 48|| kAlIghATe muNDapAtaH krodhIsho bhairavastathA | devatA jayadurgAkhyA nAnAbhogapradAyinI || 49|| vakreshvare manaHpAto vakranAthastu bhairavaH | nadI pApaharA tatra devI mahiShamardinI || 50|| yashore pANipadma~ncha devatA yashoreshvarI | chaNDashcha bhairavo yatra tatra siddhirna saMshaya || 51|| aTTahAse choShThapAto devI sA phullarA smR^itA | vishvesho bhairavastatra sarvAbhIShTapradAyakaH || 52|| hArapAto nandipure bhairavo nandikeshvaraH | nandinI sA mahAdevI tatra siddhimavApnuyAt || 53|| la~NkAyAM nUpura~nchaiva bhairavo rAkShaseshvaraH | indrAkShI devatA tatra indreNopAsitA purA || 54|| virATadeshamadhye tu pAdA~NgulinipAtanam | bhairavashchAmR^itAkhyashcha devI tatrAmbikA smR^itA || 55|| mAgadhe dakShaja~NghA me vyomakeshastu bhairavaH | sarvAnandakarI devI sarvAnandaphalapradA || 56|| etAste kathitAH putra pIThanAthAdhidevatAH | kShetrAdhipaM vinA deva pUjayet pIThadevatAm || 57|| bhairavairhrayate sarvaM japapUjAdisAdhanam | aj~nAtvA bhairavaM pIThe pIThashaktita~ncha sha~Nkara || 58|| prANanAtha na sidhyettu kalpakoTi japAdibhiH | na deyaM parashiShyAya nindakAya durAtmane || 59|| shaThAya krUrakAryAya datvA mR^ityumavApnuyAt | dadyAchChAntAya shiShyAya niShThikAya shuchau priye | sAdhakAya kulInAya mantrI mantrArthasiddhaye || 60|| iti tantrachUDAmaNau shivapArvatIsaMvAde ekapa~chAshadvidyopattau pIThanirNayaH samAptaH atahvA shaktipIThanAmAni samAptA | ## The verse numbers differ in available printed texts. \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}