% Text title            : Shri Shivakamasundaridandakam
% File name             : shivakAmasundarIdaNDakaM.itx
% Category              : devii, devI, daNDaka
% Location              : doc\_devii
% Author                : Patanjali
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Shivakamasundaridandakam ..}##
\itxtitle{.. shrIshivakAmasundarIdaNDakam ..}##\endtitles ##
pata~njalimaharShipraNItaM
yA mAyA sA cha mAyA parashivasachivA vishvasaMsR^iShTirakShA\-
      bha~NgaprAvINyashilpaprakaTitamahimA mohayantI jaganti |
mAnaM meyaM cha mAtA na bhavati cha yayA jAyate vidyayA svaM
      tattvaM bhAvaH parAmbA jayatu mama hR^idi shrIkarI brahmavidyA || 1||
jaya ! jaya ! jagadamba ! jalaruhabhavamukhyanAkAlayavyU\-
hasevAsamAnamrakoTImaNIdhoraNIbhAnubhAsvatpadAbje ! nama \-
chittarAgAsike ! chittara~NgAsike ! || 2||
agAdhasaMsArahiMsAsamAta~Nkasha~NkA.agada~NkAradIkShA~Nkure  ! akhaNDa\-
vidhyaNDa ShaNDopari dyotamAnAlayAkalpakalpadrumAnalpa puShpabhrama\-
dbhR^i~NgagItodayollAsichintAmaNisyandamAnAmbupUrAtivardhiShNu\-
paryantapIyUShapAthodhiri~Nkhattara~NgachChaTATopavalgatkaNashreNijIvat\-
prapa~nchapravR^ittastuta prakriye.avikriye ! || 3||
mandrachandrA~NkurottaMsaphAlAnalajvAlamAlaughalIlApata~NgI\-
kR^itAna~Ngasa~njIvanAlokite ! bhUrikAruNyabhArAtikhinnAshaye !
valgupAshA~NkushekShusphurachchApa\-puShpeShuhaste !
namaste samastaikamAtaH !  shive ! || 4||
jaya jaya shivakAmasundari(rya) anantaM digantaM bhajantaM guNaM
tAvakaM bhAvukaM kiM punaH stotumastIha kashchit sudhIratra ? vR^itrAhite
shastrashabdAsahe; prastutatrAsashuShyadvapuShya~njasA bhUtashAntatviShi
jyotiShi svAhayA sevite; jIvite jIviteshe nirAshe, muhusrasyati
prAyasho rakShasi, prANarakShauShadhaM kA~NkShati drAgaho pAshini, vyAkule
chAnile, vittanAthe.apyatha svastikAme, chirAllajjayA bha~Ngure sha~Nkare,
kuNThadordaNDachaNDimni hA puNDarIkekShaNe muktalajjAmaraM trastavidyAdharaM
bhagnasAdhyachChaTaM khinnakhinnoragaM bhinnatunnArNavaM khaNDyamAnANDajaM
chUrNyamAnAchalaM pATyamAnadrumaM bhakShitaiNA~NkakaM pAtitAhaskaraM
nirmanuShyaM nirAlokamevaM jagadrAdhamAnaM chirAdedhamAnaM balAdantaka\-
syAntakaM vedhaso vedhasa~ncheshvarasyeshvaraM shAr~NgiNaH
shAr~NgiNaM sarvalokadruhaM
mAhiSha~nchAsuraM prodyatAnekadordaNDakhelollalatkheTakhaDgAsisha~NkheShu\-
bANAsanAdyAyudhastomakimmIritAshAvakAshA |
samaprochchalatpuShkalAvartakadhvAnadhikkAracha~nchUnmiShatsiMhanAdArbhaTI\-
visphuTatsarvavidhyaNDabhANDA taTitkoTisandohanindAkarAmanda
kalpAntakAlAntakAlIkanetrAnalollAsasachChAtrakR^ichChretarajvAla\-
mAlApuShA dhIradhIrasvanadghaNTikAkANDanirghAtaghoShottruTatsandhi\-
bandhAnvitAdrIndraniryachChilAdhUlikApAlikApItadaityaughamegha\-
sravadraktadhArApagApUrajAlena shUlena nirbhidya dhUmrAkSharakShashcha chaNDa~ncha
muNDaM nishumbha~ncha shumbhaM tathA raktabIjaM madhu kaiTabha~nchApi hatvA
samastAsurAnIkamuttejitA vIralakShmIvilAsena devi tvameva hyarakShaH
samastaM jagattatkShaNe kiM bruve vA prasannAmapi tvAM na sannA bhayenAkShamA
nekShituM vA.amarAste.api te vikramaprakriyAjalpane.alpe punaH ke vayaM kiM
parA.alaM girAM devatA sApi kiM vA paraistvAM tvamevAbhijAnAsi || 6||
lokAnanekAn yadekA sR^ijasyAdareNAvasi dhvaMsayasyamba !
keyUrakoTIrabhedena bhinnaM yathA svarNamekaM tathopAdhibhedAdanekAsi |
mAyayA mohitA hyAdriyante paraM daivataM naiva te saMvidantyantare tvAM paraM
tattvamityalpapuNyA janA doSha eSha tvayaivotpAditaH kiM ? na vA
yatprapa~nchasya saMvR^iddhaye naikamArgAH kR^itAH | tAvatA mAdyati, krudhyati,
druhyati, trasyati, spardhate, khidyate, klishyate, yAchate, nashyati,
bhrashyati prAyasho.ayaM janaH; tvAM pare shraddhayA.a.arAdhya sAdhyAntaraM
santyajantomudhaivAbhimAna~ncha bhogaM tR^iNAyApyamatvA.amR^itatvaM bhajante
haraprANabhUte ! jagattrANashIle ! bhavatpAdasevAvidhiH sarvalabhyaH
kimasmAkamapyakShipadyAM gatA.asIti chitraM yatastAdR^ishairapyajasraM
munIndraiH vimR^igyAsi tattvAmahaM bhAvaye chetasA pAhi shaM dehi
shailAtmaje ! || 7||

iti umApatishivapraNItA shrIshivakAmasundarIdaNDakaM samAptA |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}