% Text title : shrI shivakAmasundarI sahasranAmastotra 1 % File name : shivakAmasundarIsahasranAmastotra.itx % Category : sahasranAma, devii, stotra, devI, pArvatI % Location : doc\_devii % Proofread by : DPD % Description-comments : From bhRiNgiriTisaMhitAyAM % Latest update : August 23, 2015 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIshivakAmasundarIsahasranamastotram ..}## \itxtitle{.. shrIshivakAmasundarIsahasranAmastotram ..}##\endtitles ## || pUrvapIThikA || yasyAssarvaM samutpannaM charAcharamidaM jagat | idaM namo naTeshAnyai tasyai kAruNyamUrtaye || kailAsAdrau sukhAsInaM shivaM vedAntagocharam | sarvavidyeshvaraM bhUtirudrAkShAla~NkR^itaM param || 1|| sarvalakShaNasampannaM sanakAdimunIDitam | saMsArAraNyadAvAgniM yogirAjaM yatendriyam || 2|| mukuTendusudhApUralabdhajIvakashIrShakam | vyAghracharmAmbaradharaM nIlakaNThaM kapardinam || 3|| savyahaste vahnidharaM mandasmitamukhAmbujam | DhakkAM cha dakShiNe haste vahantaM cha trilochanam || 4|| abhayaM dakShahastena darshayantaM manoharam | Dolahastena vAmena darshayantaM padAmbujam || 5|| kuchitaM dakShapAdena tiShThantaM musalopari | brahmaviShNvAdivinutaM vedavedyaM naTeshvaram || 6|| praNamya pArvatI gaurI paprachCha muditAnanA | sarvalakShaNasampannA sarvadA sarvadA nR^iNAm || 7|| pArvatyuvAcha \- shiva! sha~Nkara! vishvesha! mahAdeva! dayAnidhe! sarvAsAM chaiva devInAM nAmasAhasramuttamam || 8|| purA proktaM sadAnanda ! mahyaM shrIpatipUjita ! | shivakAmasundarInAmnAM sahasraM vada sundara! || 9|| sadyassampatkaraM puNyaM sarvapApapraNAshanam | ityuktvA pArvatI devI tuShTAva naTaneshvaram || 10|| satyaprabodhasukhasantatirUpa vishva \- mAyendrajAlikavareNya samastasAkShin | sR^iShTisthitipralayahetukaviShNurudra shrImannaTesha mama dehi karAvalambam || 11|| bhUvArivahnipavanAmbarachandrasUrya \- yajvAShTamUrtivimalIkR^itavigrahedasha | svA~NghryambujadvayaniShastahR^idAM prasanna ! shrImannaTesha mama dehi karAvalambam || 12|| li~NgAkR^ite pashupate girijApate tvaM nArAyaNesha girivAsa vidhIsha shambho phAlAkSha sha~Nkara! maheshvara manmathAre shrImannaTesha mama dehi karAvalambam || 13|| shrInIlakaNTha shamanAntaka pa~nchavaktra pa~nchAkSharapriya parAtpara! vishvavandya | shrIchandrachUDa gajavaktrapitaH paresha shrImannaTesha mama dehi karAvalambam || 14|| ga~NgAdhara pramathanAtha sadAshivAryA \- jAne! jalandhararipo jagatAmadhIsha | sharvogra bharga mR^iDa shAshvata! shUlapANe shrImannaTesha mama dehi karAvalambam || 15|| sthANo triNetra shipiviShTa! mahesha! tAta nArAyaNapriya kumAraguro kapardin | shambho! girIsha! shiva lokapate! pinAkin shrImannaTesha mama dehi karAvalambam || 16|| khaDgA~Ngin andhakaripo bhava bhIma rudra devesha! khaNDaparasho! karuNAmburAshe | bhasmA~NgarAga parameshvara! vishvamUrte shrImannaTesha dehi karAvalambam || 17|| vishveshvarAtmaka vivekasukhAbhirAma shrIvIrabhadra! makhahantarumAsahAya | vIreshvaraiNakara shubhravR^iShAdhirUDha shrImannaTesha mama dehi karAvalambam || 18|| evaM stutvA mahAdevI pa~nchA~NgaM praNanAma ha | tatastuShTo naTeshashcha provAcha vachanaM shubham || 19|| evameva purA devI mahAlakShmIH pativratA | sha~NkhachakragadApANiH sarvalokahitAvahaH || 20|| dharmasaMsthApanArthAyAvatArAnyuge yuge | kariShyati mahA viShNuH mama bhartA dasha shR^iNu || 21|| matsyaH kUrmo varAhashcha nArasiMho.atha vAmanaH | rAmo dAsharathishchaiva rAmaH parashudhArakaH || 22|| halabhR^it balarAmashcha kR^iShNaH kalkiH dasha smR^itAH | avatAreShu dashasu madbharturnAshasha~NkayA || 23|| prAptA bhavanta sharaNaM bhavAneva parA gatiH | ityuktvA cha mahAlakShmIrbhastAnAmiShTadAyakam || 24|| vedapAdastavaM chAru madhuraM madhurAkSharam | uktvA tuShTAva muditA naTeshAnaM maheshvaram || 25|| vighneshvaraM vItavirAgasevitam vidhIndraviShNvAdinatA~Nghripa~Nkajam | sabhAsadAmAshu sukhArthasiddhidaM gaNAnAM tvAM gaNapatiM havAmahe || 26|| nagendratanayAramyastanyapAnaratAnanam | mANikyakuNDaladharaM kumAraM puShkarasrajam || 27|| namaH shivAya sAmbAya sagaNAya sasUnave | namo j~nAnasabheshAya dishAM cha patayenamaH || 28|| namo brahmAdidevAya viShNukAntAya shambhave | pItAmbarAya cha namaH pashunAM pataye namaH || 29|| sanmArgadAya shiShTAnAmAshritAnAM dvijanmanAm | abhaktAnAM mohadAtre pathInAM pataye namaH || 30|| apasmAramadhaH kR^itya nR^ityantaM tasya pR^iShThake | sarvAbharaNaramyaM taM pashyema sharadashshatam || 31|| sundaraM smeravadanaM naTarAjamumApatim | sampUjya nR^ityapAdaM te jIvema sharadashshatam || 32|| kubhIndradaityaM hatavAniti shambhurjagatpatiH | shrutvA te kIrtimamalAM nandAma sharadashshatam || 33|| manmathAndhakasaMhArakathAshrutimanoharam | shrutvA te vikramayutaM modAma sharadashshatam || 34|| sarvaduHkhAnvihAyAshu shiva te.a~NghriyugAmbujam | archayantaH sadA dhanyA bhavAma sharadashshatam || 35|| tvatkIrtanaM sadA bhaktyA sarvakalmaShanAshanam | sha~NkarAghahara svAmin shR^iNavAma sharadashshatam || 36|| tvachcharitraM pavitraM cha sarvadAridryanAshanam | asmatputrapraNaptRRINAM prabravAma sharadashshatam || 37|| tvadbhaktakalpakatarumAshrayantassadA vayam | indriyAghaughanichayairajItAssyAma sharadashshatam || 38|| evaM stutvA mahAdevI mahAlakShmIrmanoharA | praNamya chitsabhAnAthaM tiShThantI muditAnanA || 39|| manmA~Ngalyasya rakShAyai mantramekaM mamAdisha | tAM dR^iShTvA cha mahAdevaH prahasannidamabravIt || 40|| tvaM shIghraM gachCha deveshIM shivakAmAM cha sundarIm | tatra gatvA maheshAnIM pUjaya tvaM visheShataH || 41|| sahasrakusumaiH padmaiH naivedyaishcha manoharaiH | ityuktvA paramaprIto bhagavAnbhaktavatsalaH || 42|| shivakAmasundarInAmnAM sahasraM prajagAda ha | upadishya cha tAM devIM preShayAmAsa sha~NkaraH || 43|| lakShmIrgatvA maheshAnIM shivakAmIM mudAnvitA | shivoktena prakAreNa sahasraiH pa~NkajaiH kramAt || 44|| nAmabhishcha tritAraishcha yuktvaishcha sumahattaraiH | pUjayAmAsa vidhivat shivAchintanatatparA || 45|| tadA shivaH shodhanAya tasyAH chittaM jagatprabhuH | AnIteShu cha padmeShu nyUnamekaM chakAra hi || 46|| atIva duHkhitAlakShmIH pUrtikAmechChayA svayam | abhAvapuShpasampUrtyai netramutpATya vAmakam || 47|| archayAmAsa lakShmIshcha bhaktyA paramayA yutA | dR^iShTevadaM sundarIdevI shivakAmamanoharI || 48|| pUrvasmAdapi saundaryaM netraM datvA.atiharShataH | tuShTA.ahamiShTaM vriyatAM varamityAha sha~NkarI || 49|| tadA vavre mahAlakShmIH sarvalokapriya~Nkaram | sauma~NgalyaM kuru mama dIrghaM cha bhavatu dhuvam | tathA bhavatu bhadraM te viShNuM gachCha yathAsukham || 50|| ityuktvA.antardadhe devI shivakAmI maheshvarI | lakShmIshcha viShNuM gatvA.atha yathApUrvaM sthitorasi || 51|| tAdR^ishaM nAmasAhasraM shivakAmyAH manoharam | vadAmi shR^iNu he devInAmasAhasramuttamam || 52|| R^iShiH Chando devatA cha bIjaM shaktishcha kIlakam | karA~NganyAsakau pUrvaM surahasyaM maheshvari || 53|| nAmnAM tripurasundaryAH yatprostaM tadvadeva hi | shivakAmasundarIprItyai viniyogo jape smR^itaH || 54|| digbandhaM tato dhyAyet shivakAmIM maheshvarIm | tatashcha pa~nchapUjA cha kartavyA manujApinA || 55|| tataH paraM stotrametajjaptavyaM bhadrakAminA | stotrAnte cha prakartavyama~NganyAsaM cha pUrvavatt || 56|| kR^itvA cha digvimokaM cha tatodhyAyechcha sundarIm | lamityAdimamantraishcha pa~nchapUjAM cha saMvadet || 57|| OM asya shrI shivakAmasundarIsahasranAmastotramahA mantrasya | AnandabhairavadakShiNAmUrtiH R^iShiH | devI gAyatrI ChandaH | shrIshivakAmasundarI devatA | bIjaM shaktiH kIlakaM karA~NganyAsau cha shrImahAtripurasundarImahAmantravat | || dhyAnam || padmasthAM kanakaprabhAM parilasatpadmAkShiyugmotpalAm akShasrakShukashArikAkaTilasat kalhAra hastAbjinIm | raktasraksuvilepanAmbaradharAM rAjIvanetrArchitAM dhyAyet shrIshivakAmakoShThanilayAM nR^itteshvarasya priyAm || muktAkundendugaurAM maNimayamakuTAM ratnatANTa~NkayuktAM akShasrakpuShpahastA sashukakaTikarAM chandrachUDAM trinetrIm | nAnAla~NkArayuktAM suramakuTamaNidyotita svarNapIThAM yAsApadmAsanasthAM shivapadasahitAM sundarIM chintayAmi || ratnatATa~NkasaMyuktAM suvarNakavachAnvitAm | dakShiNordhvakarAgreNa svarNamAlAdharAM shubhAm || dakShAdhaH karapadmena pullakalhAra dhAriNIm | vAmenoedhvakarAbjena shukArbhakadharAM varAm | kaTideshe vAmahastaM nyasyantIM cha sudarshanAm || shivakAmasundarIM naumi prasannavadanAM shivAm | lamitpAdipa~nchapUjA || || shrI shivakAmasundarIsahasranAmastotram || OM aiM hrIM shrIM aM \- 1|| agaNyA.agaNyamahimA.asurapretAsanasthitA | ajarA.amR^ityujananA.apyakAlAntaka bhIkarA || 1|| ajA.ajAMshasamudbhUtA.amarAlIvR^itagopurA | atyugrAjinaTachChatrukabandhAnekakoTikA || 2|| adridurgA.aNimAsiddhidApiteShTAmarAvaliH | anantA.ananyasulabhapriyA.adbhutavibhUShaNA || 3|| anUrukarasa~NkAshA.akhaNDAnandasvarUpiNI | andhIkR^itadvijArAtinetrA.atyugrATTahAsinI || 4|| annapUrNA.aparA.alakShyA.ambikA.aghavinAshinI | apArakaruNApUranibharekhAM janAkShiNI || 5|| amR^itAmbhodhimadhyasthA.aNimAsiddhimukhAshritA | aravindAkShamAlAlipAtrashUladharA.anaghA || 6|| ashvamedhamakhAvAptahaviHpujakR^itAdarA | ashvasenAvR^itA.anekapArUDhA.apyagajanmabhUH || 7|| oM aiM hrIM shrIM AM \- 2|| AkAshavigrahA.a.anandadAtrI chAj~nAbjabhAsurA | AchAratatparasvAntapadmasaMsthA.a.aDhyapUjitA || 8|| AtmAyattajagachchakrA chAtmArAmaparAyaNA | AdityamaNDalAntasthA chAdimadhyAntavarjitA || 9|| AdyantarahitA.achAryA chAdikShAntArNarUpiNI | AdyA.amAtyunutA chAjyahomaprItA.a.avR^itA~NganA || 10|| AdhArakamalArUDhA chAdhArAdheyavivarjitA | AdhihInA.a.asurIdurgA.a.ajisa~NkShobhitAsurA || 11|| AdhoraNAj~nAshuNDAgrAkR^iShTAsuragajAvR^itA | AshcharyaviyahA.a.achAryasevitA.a.agamasaMstutA || 12|| AshritAkhiladevAdivR^indarakShaNatatparA | OM aiM hrIM shrIM iM \- 3|| ichChAj~nAnakriyAshaktirUperAvatisaMstutA || 13|| indrANIrachitashvetachChatreDAbhakShaNapriyA | indrAkShIndrArchitendrANI chendirApatisodarI || 14|| indirendIvarashyAmA cherammadasamaprabhA | ibhakumbhAbhavakShojadvayA chekShudhanurdharA || 15|| ibhadantorunayanA chendragopasamAkR^itiH | ibhashuNDoruyugalAchendumaNDalamadhyagA || 16|| iShTArtighnIShTavaradA chebhavaktrapriya~NkarI | OM aiM hrIM shrIM IM \- 4|| IshitvasiddhisamprArthitApaseShatsmitAnanA || 17|| IshvarIshapriyA cheshatANDavAlokanontukA | IkShaNotpannabhuvanakadambA cheDyavaibhavA || 18|| OM aiM hrIM shrIM uM \- 5|| uchchanIchAdirahitA.apyurukAntAravAsinI | utsAharahitendrArishchorusantoShitAmarA || 19|| udAsInoDurAvaktrA.apyugrakR^ityavidUShaNI | upAdhirahitopAdAnakAraNonmattanR^ittakI || 20|| urusyandanasambaddhakoTyashvoruparAkramA | ulkAmukhI hyumAdevI chonmattakrodhabhairavI || 21|| OM aiM hrIM shrIM UM \- 6|| Urjitaj~noDhabhuvanakadambordhvamukhAvaliH | UrdhvaprasAritA~NghrIshadarshanodvigramAnasA || 22|| UhApohavihInorujitarambhAmanoharA | OM aiM hrIM shrIM R^iM \- 7|| R^igvedasaMstutA R^iddhidAyinI R^iNamochinI || 23|| R^ijumArgaparaprItA R^iShabhadhvajabhAsurA | R^iddhikAmamunivrAtasatrayAgasamarchitA || 24|| OM aiM hrIM shrIM RRIM \- 8|| RRIkAravAchyA RRIkShAdivR^itA RRIkAranAsikA | OM aiM hrIM shrIM lR^iM \- 9|| lR^ikariNI lR^ikAroShThA OM aiM hrIM shrIM lRRIM \- 10|| lRRIvarNAdharapallavA || 25|| OM aiM hrIM shrIM eM \- 11|| ekAkinyekamantrAkSharaidhitotsAhavallabhA | OM aiM hrIM shrIM aiM \- 12|| aishvaryadAtrI OM aiM hrIM shrIM oM \- 13|| cho~NkAravAdivAgIshasiddhidA || 26|| ojaHpu~njaghanIsAndrarUpiNyo~NkAramadhyagA | oShadhIshamanuprItA OM aiM hrIM shrIM auM \- 14|| chaudAryagupAvAridhiH || 27|| aupamyarahitAchaiva OM aiM hrIM shrIM aM \- 15|| ambujAsanasundarI | ambarAdhIshanaTanasAkShiNI OM aiM hrIM shrIM aH \- 16|| aH padadAyinI || 28|| OM aiM hrIM shrIM kaM \- 17|| kabarIbandhamukharIbhamarabhramarAlakA | karavAlalatAdhArAbhIShaNA kaumudInibhA || 29|| karpUrAmbA kAlarAtriH kAlI kalivinAshinI | kAdividyAmayI kAmyA kA~nchanAbhA kalAvatI || 30|| kAmeshvarI kAmarAjamanuprItA kR^ipAvatI | kArtavIryadvisAhasradordaNDapaTahadhvaniH || 31|| kiTivaktrAdhikArodyadgaNaprotsAhitA~NganA | kIrtipradA kIrtimatI kumArI kulasundarI || 32|| kuntAyudhadharA kubjikAmbA kudhravihAriNI | kulAgamarahasyaj~navA~nChAdAnaparAyaNA || 33|| kUTasthitijuShI kUrmapR^iShThajitprapadAnvitA | kekAshabdatiraskAribANAsanamaNIravA || 34|| keshAkeshichaNA keshirAkShasAdhipamardinI | kaitakachChadasandhyAbhapisha~NgitakachAmbudA || 35|| kailAsottu~NgashR^i~NgAdravilAseshaparAjitA | kaishikyArabhaTIrItistutarakteshvarIpriyA || 36|| kokAhitakaraspardhinakhA kokilavAdinI | kopahu~NkArasantrastasasenAsuranAyakA || 37|| kolAhalaravodrekari~NkhajjambukamaNDalA | kauNiDanyAnvayasambhUtA karicharmAmbarapriyA || 38|| kaupInashiShTaviprarShistutA kaulikadeshikA | kausumbhAstaraNA kaulamArganiShThAntarAsthitA || 39|| ka~NkaNAhigaNakShemavachanodvignatArkShyakA | ka~njAkShI ka~njavinutA ka~njajAtipriya~NkarI || 40|| OM aiM hrIM shrIM khaM \- 18|| khaDgakheTakadordaNDA khaTvA~NgI khaDgasiddhidA | khaNDitAsuragarvAdriH khalAdR^iShTasvarUpiNI || 41|| khaNDendumaulihR^idayA khaNDitArkendumaNDalA | kharAMshutApashamanI khasthA khecharasaMstutA || 42|| khecharI khecharImudrA khecharAdhIshavAhanA | khelApArAvataratiprItA khAdyAyitAntakA || 43|| oM aiM hrIM shrIM gaM \- 19|| gaganA gaganAntasthA gaganAkAramadhyamA | gajArUDhA gajamukhI gAthAgItAmarA~NganA || 44|| gadAdharI gadA.a.adhAtamUrChitAnekapAsurA | garimAlaghimAsiddhivR^itA grAmAdipAlinI || 45|| garvitA gandhavasanA gandhavAhasamarchitA | garvitAsuradArAshrupa~NkitAjivasundharA || 46|| gAyatrI gAnasantuShTA gandharvAdhipatIDitA | giridurgA girIshAnasutA girivarAshrayA || 47|| girIndrakrUrakaThinakarShaddhalavarAyudhA | gItachAritraharitashukaikagatamAnasA || 48|| gItishAstraguruH gItihR^idayA gIrgirIshvarI | gIrvANadanujAchAryapUjitA gR^idhravAhanA || 49|| guDapAyasasantuShTahR^idyaptatarayoginI | guNAtItA gururgaurI goptrI govindasodarI || 50|| gurumUtirguNAmbhodhirguNAguNavivarjitA | guheShTadA guhAvAsiyogichintitarUpiNI || 51|| guhyAgamarahasyaj~nA guhyakAnandadAyinI | guhyA guhyArchitA guhyasthAnabindusvarUpiNI || 52|| godAvarInadItIravAsinI guNavarjitA | gomedakamaNIkarNakuNDalA gopapAlinI || 53|| gosavAsaktahR^idayA goshR^i~NgadhyAnamodinI | ga~NgAgarva~NkaShodyuktarudraprotsAhavAdinI || 54|| gandharvavanitAmAlAmodinI garvanAshinI | gu~njAmaNigaNaprotamAlAbhAsurakandharA || 55|| oM aiM hrIM shrIM ghaM \- 20|| ghaTavAdyapriyA ghorakoNapaghnI ghaTArgalA | ghaTikA ghaTikAmukhyaShaTpArAyaNamodinI || 56|| ghaNTAkarNAdivinutA ghanajyotirlatAnibhA | ghanashyAmA ghaTotbhUtatApasAtmArthadevatA || 57|| ghanasArAnuliptA~NgI ghoNoddhR^itavasundharA | ghanasphaTikasa~NklR^iptasAlAntarakadambakA || 58|| ghanAlyudbhedashikharagopurAnekamandirA | ghUrNItAkShI ghR^iNAsindhuH ghR^iNividyA ghaTeshvarI || 59|| ghR^itakAtinyahR^iddhaNTAmaNimAlAprasAdhanA | ghorakR^ityA ghoravAdyA ghorAghaughavinAshinI || 60|| ghorAghanakR^ipAyuktA ghananIlAmbarAnvitA | ghorAsyA ghorashUlAgraprotAsurakalevarA || 61|| ghoShatrastAntakabhaTA ghorasa~NghoShakR^idbalA | OM aiM hrIM shrIM ~NaM \- 21|| ~NAntArNAdyamanuprItA ~NAkArADImparAyaNA || 62|| ~NIkArimama~njuma~njIracharaNA ~NA~NkittA~NguliH | oM ai hrIM shrIM chaM \- 22|| chakravartisamArAdhyA chakranemiravontukA || 63|| chaNDamArNDadhikkAriprabhA chakrAdhinAyikA | chaNDAlAsyaparAmodA chaNDavAdapaTIyasI || 64|| chaNDikA chaNDakodaNDA chaNDaghnI chaNDabhairavI | chaturA chaturAmnAyashirolakShitarUpiNI || 65|| chatura~NgabalopetA charAcharavinodinI | chaturvaktrA chakrahastA chakrapANisamarchitA || 66|| chatuShShaShTikalArUpA chatuShShaShyacharchanostukA | chandramaNDalandhyayasthA chaturvargaphalapradA || 67|| chamarImR^igayodyuktA chira~njIvitvadAyinI | champakAshokasradbaddhachikurA charubhakShiNI || 68|| charAcharajagaddhAtrI chandrikAdhavalasmitA | charmAmbaradharA chaNDakrodhahu~NkArabhIkarA || 69|| chATuvAdapriyA chAmIkaraparvatavAsinI | chApinI chApamukteShuchChannadigbhrAntapannagA || 70|| chitrabhAnumukhI chitrasenA chitrA~NgadeShTadA | chitralekhA chidAkAshamadhyagA chintitArthadA || 71|| chintyA chirantanI chitrA chitrAmbA chittavAsinI | chaitanyarUpA chichChaktishchidambaravihAriNI || 72|| choraghnI chIryavimukhA chaturdashamanupriyA | oM aiM hrIM shrIM ChaM \- 23|| ChatrachAmarabhR^illakShmIvAgindrANIratIvR^itA || 73|| ChandashshAstramayI ChandolakShyAchChedavivarjitA | ChandorUpAChandagatiH ChandashshiravihAriNI || 74|| ChadmahR^itChavisandIptasUryachandrAgnitArakA | CharditANDAvalishChAditAkArA ChinnasaMshayA || 75|| ChAyApatisamArAdhyA ChAyAmbA ChatrasevitA | ChinnamastAbikA ChinnashIrShashatrushChalAntakI || 76|| CheditAsurajihvAgrA ChatrIkR^itayashasvinI | OM aiM hrIM shrIM jaM \- 24|| jaganmAtA jagatsAkShI jagadyonirjagadguruH || 77|| jaganmAyA jagantvR^indavanditA jayinIjayA | janajADyapratApaghnI jitAsuramahAvrajA || 78|| jananI jagadAnandadAtrI jahnusamarchitA | japamAlAvarAbhItimudrApustakadhAriNI || 79|| japayaj~naparAdhInahR^idayA jagadIshvarI | japAkusumasa~NkAshA janmAdidhvaMsakAraNA || 80|| jAladhrapUrNakAmoDyANachatuShpITharUpiNI | jIvanArthidvijavrAtatrANanAbaddhaka~NkaNA || 81|| jIvabrahmaikatAkA~NkShi janatAkIrNapArvabhUH | jambhinI jambhabhitpUlyA jAgradAditrayAtigA || 82|| jaladagridharA jvAlAprochchakeshI jvarArtihR^it | jvAlAmAlinikA jvAlAmukhI jaiminisaMstutA || 83|| OM aiM hrIM shrIM jhaM \- 25|| jhala~njhalakR^itasvarNama~njIrA jhaShalochanA | jhaShakuNDalinI jhallarIvAdyamuditAnanA || 84|| jhaShaketusamArAdhyA jhaShamAMsAnnabhakShiNI | jhaShopadravakR^iddhantrI jhmrUmmantrAdhidevatA || 85|| jha~njhAnilAtigamanA jhaSharANNItasAgarA | OM aiM hrIM shrIM j~naM \- 26|| j~nAnamudrAdharA j~nAnihR^itpadmakuharAsthitA || 86|| j~nAnamUrtij~nanigamyA j~nAnadA j~nAtivarjitA | j~neyA j~neyAdirahitA j~nAtrI j~nAnasvarUpiNI || 87|| oM aiM hrIM shrIM TaM \- 27|| Ta~NkapuShpAlisra~Nma~njukandharA Ta~NkitAchalA | Ta~NkavetrAdikAnekashastrabhR^iddorlatAvaliH || 88|| oM ai hrIM shrIM ThaM \- 28|| ThakAranibhavakShojadvayAdhovR^ittabhAsurA | ThakArA~NkitajAnvagrajitakorakitAmbujA || 89|| oM aiM hrIM shrIM shaM \- 29|| DAkinI DAmarItantrarUpA DADimapATalA | DambaghnI DambarA.a.aDambaronmukhI DamarupriyA || 90|| DimbadAnachaNA DolAmuditA DuNThipUjitA | oM aiM hrIM shrIM DhaM \- 30|| DhakAninadasantuShTashikhinR^ittasamutsukA || 91|| oM aiM hrIM shrIM NaM \- 31|| NakArapa~njarashukI NakArodyAnakokilA | oM aiM hrIM shrIM taM \- 32|| tattvAtItA tapolakShyA taptakA~nchanasannibhA || 92|| tantrI tattvamasIvAkyaviShayA taruNIvR^itA | tarjanya~NguShThasaMyogaj~nAnabrahmamunIshvarA || 93|| tarjitAnekadanujA takShakI taDitAlibhA | tAmrachUDadhvajotsa~NgA tApatrayavinAshinI || 94|| tArAmbA tArakI tArApUjyA tANDavalolupA | tilottamAdidevastrIshArIronsukamAnasA || 95|| tilvadrusa~NkulAbhogakAntArAntaravAsinI | trayIdviDrasanAraktapAnalolAsidhAriNI || 96|| trayImayI trayIvedyA tryayyantodgItavaibhavA | trikoNasthA trikAlaj~nA trikUTA tripureshvarI || 97|| trichatvAriMshadashrA~NkachakrAntarbindusaMsthitA | tritArA tumburUdgItA tArkShyAkArA trikAgnijA || 98|| tripurA tripuradhvaMsipriyA tripurasundarI | tristhA trimUrtisahajashaktistripurabhairavI || 99|| OM aiM hrIM shrIM thaM \- 33|| thAM thIkaramR^idagAdibhR^idviShNumukhasevitA | thAM thIM taktaka thiM tokR^ittAladhvanisabhA~NgaNA || 100|| OM aiM hrIM shrIM daM \- 34|| dakShA dAkShAyaNI dakShaprajApatimakhAntakI | dakShiNAchArarasikA dayAsampUrNamAnasA || 101|| dAridryonmUlinI dAnashIlA doShavivarjitA | dArukAntakarI dArukAraNyamunimohinI || 102|| dIrghadaMShTrAnanA dIrgharasanAgIrNadAnavA | dIkShitA dIkShitArAdhyA dInasaMrakShaNodyatA || 103|| duHkhAbdhibaDabA durgA dumbIjA duritApahA | duShTadUrA durAchArashamanI dyUtavedinI || 104|| dvijAvagUraNasvAntapishitAmoditANDajA | OM aiM hrIM shrIM dhaM \- 35|| dhanadA dhanadArAdhyA dhanadAptakuTumbinI || 105|| dharAdharAtmajA dharmarUpA dharaNidhUrdharA | dhAtrI dhAtR^ishirachChetrI dhIdhyeyA dhuvapUjitA || 106|| dhUmAvatI dhUmranetragarvasaMhAriNI dhR^itiH | OM aiM hrIM shrIM naM \- 36|| nakhotpannadashAkAramAdhavA nakulIshvarI || 107|| naranArAyaNastutyA nalinAyatalochanA | narAsthisragdharA nArI narapretoparisthitA || 108|| navAkSharInAmamantrajapaprItA naTeshvarI | nAdachAmuNDikA nAnArUpakR^innAstikAntakI || 109|| nAdabrahmamayI nAmarUpahInA natAnanA | nArAyaNI nandividyA nAradodgItavaibhavA || 110|| nigamAgamasaMvedyA netrI nItivishAradA | nirguNA nityasantuShTA nityAShoDashikAvR^itA || 111|| nR^isiMhadarpashamanI narendragaNavanditA | naukArUDhAsamuttIrNabhavAmbhodhi nijAshritA || 112|| oM aiM hrIM shrIM paM \- 37|| paramA paramaM jyotiH parabrahmamayI parA | parAparamayI pAshabANA~NkushadhanurdharA || 113|| parAprAsAdamantrArthA pata~njalisamarchitA | pApaghnI pAsharahitA pArvatI parameshvarI || 114|| puNyA pulindinIpUjyA prAj~nA praj~nAnarUpiNI | purAtanA parAshaktiH pa~nchavarNasvarUpiNI || 115|| pratya~NgirAH pAnapAtradharA pInonnatastanI | oM aiM hrIM shrIM phaM \- 38|| phaDarNadhvastapApaughadAsA phaNivareDitA || 116|| phaNiratnAsanAsInakAmeshotsa~NgavAsinI | phaladA phalgunaprItA phullAnanasaroruhA || 117|| phullottaptA~NgasAhasradalapa~NkajabhAsurA | oM aiM hrIM shrIM baM \- 39|| bandhUkasumanorAgA bAdarAyaNadeshikA || 118|| bAlAmbA bANakusumA bagalAmukhirUpiNI | binduchakrasthitA bindutarpaNaprItamAnasA || 119|| bR^ihatsAmastutA brahmamAyA brahmarShipUjitA | bR^ihadaishvaryadA bandhahInA budhasamarchitA || 120|| brahmachAmuNDikA brahmajananI brAhmaNapriyA | brahmaj~nAnapradA brahmavidyA brahmANDanAyikA || 121|| brahmatAlapriyA brahmapa~nchama~nchakashAyinI | ##(??)## brahmAdivinutA brahmapatnI brahmapurasthitA || 122|| brAhmImAheshvarImukhyashaktivR^indasamAvR^itA | oM aiM hrIM shrIM bhaM \- 40|| bhagArAdhyA bhagavatI bhArgavI bhArgavArchitA || 123|| bhaNDAsurashirashChetrI bhAShAsarvasvadarshinI | bhadrA bhadrArchitA bhadrakAlI bhargasvarUpiNI || 124|| bhavAnI bhAgyadA bhImA bhAmatI bhImasainikA | bhuja~NganaTanodyuktA bhujanirjitadAnavA || 125|| bhrukuTIkrUravadanA bhrUmadhyanilayasthitA | bhetAlanaTanaprItA bhogirAjA~NgulIyakA || 126|| bheruNDA bhedanirmuktA bhairavI bhairavArchitA | oM aiM hrIM shrIM maM \- 41|| maNimaNDapamadhyasthA mANikyAbharaNAnvitA || 127|| manonmanI manogamyA mahAdevapatitratA | mantrarUpA mahArAj~nI mahAsiddhAlisaMvR^itA || 128|| mandarAdikR^itAvAsA mahAdevI maheshvarI | mahAhidhamekhalA mArgadurgA mA~NgalyadAyinI || 129|| mahAvatakratuprItA mANibhadrasamarchitA | ##(??)## mahiShAsurashirashChedanartakI muNDakhamiDanI || 130|| mAtA marakaTashyAmA mAta~NgI matisAkShiNI | ##(??)## mAdhavI mAdhavArAdhyA madhumAMsapriyA mahI || 131|| mArI mArAntaka kShobhakAriNI mInalochanA | mAlatIkundamAlADhyA mAShaudanasamunsukA || 132|| mithunAsaktahR^idayA mohitAsheShaviShTapA | mudrA mudrApriyA mUrkhanAshinI meShabhakShiNI || 133|| mUkAmbA mukhajA modajanakAlokanapriyA | maunavyAkhyAparA maunasatyachinmAtralakShaNA || 134|| mau~njIkachChadharA maurvIdvirephamukharonmukhA | oM aiM hrIM shrIM yaM \- 42|| yaj~navR^indapriyA yaShTrI yAntavarNasvarUpiNI || 135|| yantrarUpA yashodAtmajAtasajutavaibhavA | yashaskarI yamArAdhyA yajamAnAkR^itiryatiH || 136|| yAkinI yakSharakShAdivR^itA yajanatarpaNA | yAthArthyavigrahA yogyA yoginI yoganAyikA || 137|| yAminI yajamotsAhA yAminIcharabhakShiNI | yAyajUkarchitapadA yaj~neshI yakShiNIshvarI || 138|| yAsApadmadharA yAsApadmAntarapariShkR^itA | yoShA.abhaya~NkarI yoShidvR^indavanditapAdukA || 139|| OM aiM hrIM shrIM raM \- 43|| raktachAmuNDikA rAtridevatA rAgalolupA | raktabIjaprashamanI rajogandhanivAriNI || 140|| raNaraganaTIrattramajjIracharaNAmbujA | rajadhvavastAchalA rAgahInamAnasahaMsinI || 141|| rasanAlepitakrUraraktabIjakalevarA | rakShAkarI ramA ramyA ra~njinI rasikAvR^itA || 142|| rAkiNyambA rAmanutA ramAvANIniShevitA | rAgAlApaparabrahma shiro mAlAprasAdhanA || 143|| rAjarAjeshvarI rAj~nI rAjIvanayanapriyA | rAjavrAtakirITAMshunIrAjitapadAmbujA || 144|| rudrachAmuNDikA rukmasadR^ishA rudhirapriyA | rudratANDavasAmarthyadarshanotsukamAnasA || 145|| rudrATTahAsasa~NkShubhyajjagantuShTividhAyinI | rudrANI rudravanitA rururAjahitaiShiNI || 146|| reNukA reNukAsUnustutyA revAvihAriNI | rogaghnI roShanirdagdhashatrusenAniveshinI || 147|| rohiNIshAMshusambhUtajharIratnavitAnakA | raudrI raudrAstranirdagdharAkShasA rAhupUjitA || 148|| oM aiM hrIM shrIM laM \- 44|| laghUktivalgustimitavANItyaktavipa~nchikA | lajjAvatI lalatprochchakeshA lambipayodharA || 149|| layAdikartrI lomAlilatAnAbhIsaraH kaTI | laladoShThadaladvandvavadanA lakShyadUragA || 150|| lalantikAmaNIbhAsvanniTilashrImukhAmbujA | lalATArdhanishAnAthakala~NkodbhAsilochanA || 151|| lalitA lobhinI lobhahInA lokeshvarI laghuH | lakShmIrlakShmIshasahajA lakShmaNAgrajavanditA || 152|| lAkinI laghitApR^ibhodhinivahA lalitAgbikA | lAjahomapriyA lambamuktAbhAsuranAsikA || 153|| lAbhAlAbhAdirahitA lAsyadarshanakovidA | lAvaNyadarshanodvignaratIshA ladhubhAShiNI || 154|| lAkShArasA~nchitapadA ladhushyAmA latAtanuH | lAkShAlakShmItiraskAriyugalAdharapallavA || 155|| lIlAgatiparAbhUtahaMsA lIlAvinodinI | lIlAnandanakalpadrumalatADolAvihAriNI || 156|| lIlApItAbdhivinutA lIlAsvIkR^itaviyahA | lIlAshukostimuditA lIlAmR^igavihAriNI || 157|| lokamAtA lokasR^iShTisthitisaMhArakAriNI | lokAtItapadA lokavandyA lokaikasAkShiNI || 158|| lokAtItAkR^itirlabdhA mArgatyAgaparAntakI | ##(??)## lokAnulla~NghitanijashAsanA labdhaviyahA || 159|| lomAvali latA lambistanayugmanatAnanA | lolachittavidUrasthA lomalambyaNDajAlakA || 160|| labitArishirohastA lokarakShAparAyaNA | OM aiM hrIM shrIM vaM \- 45|| vanadurgA vindhyadalavAsinI vAmakeshvarI || 161|| vashinyAdistutA vahnijvAlodgArimukhI varA | vakShojayayugmavirahAsahiShNukarasha~NkarA || 162|| vA~NmanotItaviShayA vAmAchArasamutsukA | vAjapeyAdhvarAnandA vAsudeveShTadAyinI || 163|| vAditradhvanisambhrAntadiggajAlirvidhIDitA | vAmadevavasiShThAdipUjitA vAridaprabhA || 164|| vAmastanAshliShddhastapadmashambhuvihAriNI | vArAhI vAstumadhyasthA vAsavAntaH pureShTadA || 165|| vArA~NganAnItapUrNakumbhadIpAlimaNTapA | vArijAsanashIrShAlimAlA vArdhisarovarA || 166|| vAritAsuradarpashrIH vArdhaghnImantrarUpiNI | vArtAlI vAruNI vidyA varuNArogyadAyinI || 167|| vijayA vijayAstutyA virUpA vishvarUpiNI | viprashatrukadambaghnI viprapUjyA viShApahA || 168|| viri~nchishikShaNodyuktamadhukaiTabhanAshinI | vishvamAtA vishAlAkShI virAgA vIshavAhanA || 169|| vItarAgavR^itA vyAghrapAda nR^ittapradarshinI | vIrabhadrahatonmattadakShayaj~nAshritAmarA || 170|| vedavedyA vedarUpA vedAnanasaroruhA | vedAntaviShayA veNunAdaj~nA vedapUjitA || 171|| vauShaTmantramayAkArA vyomakeshI vibhAvarI | ?? vandyA vAgvAdinI vanyamAMsAhArA vaneshvarI || 172|| vA~nChAkalpalatA vANI vAkpradA vAgadhIshvarI | oM aiM hrIM shrIM shaM \- 46|| shaktivR^indAvR^itA shabdamayI shrIchakrarUpiNI || 173|| shabarI shabarIdurgA sharabheshachChadAkR^itiH | shabdajAlodbhavaDhDhakkAravAsandigdhatApasA || 174|| sharaNAgatasantrANaparAyaNapaTIyasI | shashA~NkashekharA shastradharA shatamukhAmbujA || 175|| shAtodarI shAntimatI sharachchandranibhAnanA | shApApanodanachaNA sha~NkAdoShAdinAshinI || 176|| shivakAmasundarI shrIdA shivavAmA~NgavAsinI | shivA shrIdAnanipuNalochanA shrIpatipriyA || 177|| shukAdidvijavR^indoktistabdhamAnasagIShpatiH | shukramaNDalasa~NkAshamuktAmAlA shuchismitA || 178|| shukladaMShTrAgrasandIptapAtAlabhrAntapannagA | shubhrAsanA shUrasenAvR^itA shUlAdinAshinI || 179|| shUkavR^ishchikanAgAkhurvR^ikahriMsrAlisaMvR^itA | shUlinI shUlaDgAhisha~NkhachakragadAdharA || 180|| shokAbdhishoShaNodyuktabaDavA shrotriyAvR^itA | sha~NkarAli~NganAnandamedurA shItalAmbikA || 181|| sha~NkarI sha~NkarArdhA~NgaharA shAkkaravAhanA | shambhukopAgninirdagdhamadanotpAdakekShaNA || 182|| shAmbhavI shambhuhastAbjalIlAruNakarAvaliH | shrIvidyA shubhadA shubhavastrA shumbhAsurAntakI || 183|| oM aiM hrIM shrIM ShaM \- 47|| ShaDAdhArAbjanilayA ShADguNyashrIpradAyinI | ShaDUrmighni ShaDadhvAntapadArUDhasvarUpiNI || 184|| ShaTkoNamadhyanilayA ShaDarNA ShAntarUpiNI | ShaDjAdisvaranirmAtrI ShaDa~NgayuvatIshvarI || 185|| ShaDbhAvarahitA ShaNDakaNTakI ShaNmukhapriyA | ShaDsAsvAdamuditA ShaShThIshAdimadevatA || 186|| ShoDhAnyAsamayAkArA ShoDashAkSharadevatA | oM aiM hrIM shrIM saM \- 48|| sakalA sachchidAnandalakShaNA saukhyadAyinI || 187|| sanakAdimunidhyeyA sandhyAnATyavishAradA | samastalokajananI sabhAnaTanara~njinI || 188|| saraH pulinalIlArthiyuvatInivahotsukA | sarasvatI surArAdhyA surApAnapriyAsurA || 189|| sarojalavihArodyatpriyAkR^iShTottarAMshukA | sAdhyA sAdhyAdirIhatA svatantrA svastirUpiNI || 190|| sAdhvI sa~NgItarasikA sarvadA sarvama~NgalA | sAmodgItanijAnandamahimAlissanAtanA || 191|| sArasvatapradA sAmA saMsArArNavatAriNIm | sAvitrI sa~NganirmuktA satIshI sarvatomukhI || 192|| sAkhyatatvaj~nanivahavyApisAlA sukheshvarI | siddhasa~NghAvR^itA sAndhyavanditA sAdhusatkR^itA || 193|| siMhAsanagatA sarvashR^i~NgArarasavAridhiH | sudhAbdhimadhyanilayA svarNadvIpAntarasthitA || 194|| sudhAsiktAlavAlodyatkAyamAnalatAgR^ihA | subhagA sundarI subhrUH samupAsyatvalakShaNA || 195|| suradusa~NkulAbhogataTA saudAminInibhA | surabhIkeshasambhrAntadvirephamukharAnvitA || 196|| sUryachandrAMshudhikkAriprabhAratnAlimaNDapA | somapAnodbhavAmodavipragItApadAnakA || 197|| somayAgapriyA somasUryavahnivilochanA | saugandhikamarudvegamoditA sadvilAsinI || 198|| saundaryamohitAdhInavallabhA santatipradA | saubhAgyamantriNI satyavAdA sAgaramekhalA || 199|| svashvAsochChavAsabhuvanamochanonmochanA svadhA | OM aiM hrIM shrIM haM \- 49|| hayArUDhA hayagrIvavinutA hatakilbiShA || 200|| harAli~NganashItAMshUnmiShannetramudvatI | harinAbhisamudbhUtaviri~nchivinutA harA || 201|| hAdividyA hAnihInA hAkinI harichaNDikA | hArAvaliprabhAdIpta haridantadigambarA || 202|| hAlAhalaviShodvigraviShTApAnekarakShakI | hAhAkAraravodgItadanujA hArama~njulA || 203|| himAdritanayA hIramakuTA hArapannagA | hutAshanadharA homapriyA hotrI hayeshvarI || 204|| hemapadmadharA hemavarmarAjasamarchitA | haMsinI haMsamantrArthA haMsavAhA harA~NgabhR^it || 205|| hR^idyA hR^idyamanonityavAsA harakuTumbinI | ##(??)## hrImatiH hR^idayAkAshataraNiH hrimparAyaNA || 206|| OM aiM hrIM shrIM kShaM \- 50|| kShaNadAcharasaMhArachaturA kShudradurmukhA | kShaNadArchyA kShapAnAthasudhArdrakabarI kShitiH || 207|| kShamA kShamAdharasutA kShAmakShobhavinAshinI | kShiprasiddhimpradA kShipragamanA kShuNNivAriNI || 208|| kShINapuNyAsuhR^it kShIravarNA kShayavivarjitA | kShIrAnnAhAramuditA kShmryUmmantrApteShTayogirAT || 209|| kShIrAbdhitanayA kShIraghR^itamadhvAsavArchitA | kShudhArtidInasantrANA kShitisaMrakShaNakShamA || 210|| kShema~NkarI kShetrapAlavanditA kShetrarUpiNI | kShaumAmbaradharA kShatrasamprArthitajayotsavA || 211|| kShvelabhugrasanAsvAda jAta vAgrasavaibhavA | iti shrIbhR^i~NgiriTisaMhitAyAM shaktyutkarShaprakaraNe shivagaurIsaMvAde shrIshivakAmasundarIsahasranAmastotraM sampUrNam || uttarapItikA || ityetatte mayA.a.akhyAtaM nAma sAhasramuttamam | shivakAmasundarIdevyAH shivAyAH parameshvari || 1|| chaturvedasya tAtparyasArabhUtaM sukhapradam | sahasranAmaka stotraratnAbhidhamidaM priye | shrutyantavAkyanichayabaddhaM shIghraprasiddhidam || 2|| AyurArogyadaM puNyavardhanaM bhuktimuktidam | vighnavAraNavighneshaM saMsAradhvAntabhAskaram || 3|| shokakAntAradAvAgnimaj~nAnAbdhighaTodbhavam | rogaparvatadabhbholiM shatruvargAhitArkShyakam || 4|| sarvavidyApradaM nRRINAM tuShTidaM puShTidaM priye | bhUtAH pretAH pishAchAshcha brahmarakShogaNoragAH || 5|| jaTAmunigaNAH kShudrajvarakR^idgrahamaNDalAH | koTarArevatIjyeShThApUtanAmAtR^ikAdayaH || 6|| mahAjvarakarAshchAnye bhetAlAgnidharAshshive | apasmArAdimAshchAnye dR^iShTA hiMsArArAshshive || 7|| rAkShasA manujA yaj~navighnabhUtAshcha pannagAH | sAluvAH sharabhAH siMhAH vyAghrA R^ikShA gajA vR^iShAH | shAkkarA mahiShAchChagAH gavayAvR^ikajambukAH | anye vanyA mR^igA devi hiMsakAshshUkavR^ishchikAH || 9|| aNDajAssvedajA devi chodbhidAshcha jarAyujAH | ye ye hiMsAkarAssarve nAmasAhasrajApinam || 10|| dR^iShTvA bhItyA paribhrAntAH skhalantashcha vidUrataH | patantashcha palAyante prANatrANaparAyaNAH || 11|| ambikAnAmasAhasrajapashIlasya yoginaH | dravyANi yo.apaharate taM bhakShayati yoginI || 12|| shivakAmasundarIbhastishAlinaM dveShTi yo naraH | taM nAshayati sA devI saputragaNabAndhavam || 13|| shivakAmasundarIbhakte chAbhichArAdiduShkR^itim | yaH prerayati mUDhAtmA taM devI shivasundarI || 14|| mukhAgnijvAlayA devI dAhayatya~njasA dhuvam | anena sadR^ishaM stotraM nAsti nAstyadrikanyake || 15|| etatstotrajapenaiva viShNurlakShmIshvaro.abhavat | jagadrakShakakartR^itvaM brahmaNo vedhasaH priye || 16|| sR^iShTikartR^itvamapyambe vedAnAM cha vidhAyakaH | abhUdanye.amarAshchaiva vahnIndrayamarAkShasAH || 17|| jalavAyvIshadhanadAH yoginashcha maharShayaH | japAdasya svayaM siddhiM lebhire satataM shive || 18|| mama shaktimayI tvaM hi devI sA kAmasundarI | tasyAH prabhAvaM nAnyena vastuM shakyaM hi sundari! || 19|| tvayaiva chintanIyaM tat tvatto nAnyAsti hi priyA | etannAmasahasrasya jape traivarNikaH priye || 20|| mayAdhikriyate.anyeShAM cha bhavedadhikAratA | anye tu pAThayedvipraiH labherandaveShTakAmanAm || 21|| yo viprashshAntahR^idayaH nAmasAhasramuttamam | japati shraddhayA yuktaH sarvAnkAmAnavApnuyAt || 22|| shukravAre saumavAre bhaumavAre gurordine | darshe parvaNi pa~nchamyAM navamyAM kulasundari || 23|| kR^iShNA~NgArachaturdashyAM sa~NkrAntAvayane viShau | vR^iShe shuklanavamyAM cha shrAvaNyAM mUlabhe shubhe || 24|| AShADhe cha tulAyAM cha nakShatre pUrvaphalgune | jyeShThe cha phAlgune mAsi uttare phalgune shubhe || 25|| nakShatre cha shubhAM devIM gaurInAmabhirambikAm | archayetsatataM prItA sundarI bhavati priye || 26|| pratipanmukharAkAntadinarAtriShu chAmbikAm | archayetkusumairbilvaiH hAridraiH kukumaiH shubhaiH || 27|| haridrAchUrNasampR^iktairakShatairtulasIdalaiH | kesaraiH ketakaishchaiva mandAraishchampakairapi || 28|| prathamaM gandhatailenAbhiShichya tataH param | payasA madhunA daghnA ghR^itena likuchena cha || 29|| nArikelAmrapanasakadalInAM phalatrayam | sharkarAmadhusampR^iktaM pa~nchjAmR^itamathAmbikAm || 30|| abhiShichya tataH pashchAtsagandhIshchandanaiH shubhaiH | annaishcha ku~Nkumaishchaiva phalAnAM cha rasaistathA || 31|| ga~NgAmbubhistataH kuryAtvAsitaiH salilaishshubhaiH | samyagunmArjya vastraishcha pItAmbaramukhaiH shivaiH || 32|| AchChAdya ka~nchukaishchaivAla~NkR^ityAbharaNaissumaiH | shuddhAnnaiH pAyasAnnaishcha rasakhaNDAnnaishcha bhakShyakaiH || 33|| guDAnneH pAyasApUpairmAShApUpaishcha lehyakaiH | khAdyaishcha vividhairannaiH chitrAnnaishcha visheShataH || 34|| laDDukairmodakaishchApi karambhaishcha sharAvakaiH | phalaishcha vividhaishchApi kuryAnnaivedyamAdarAt || 35|| ShoDashairupachAraishcha pUjayechChivasundarIm | suvAsinIH kanyakAshcha vastrAnnaishcha prapUjayet || 36|| ebhirnAmabhirevaitAM mUrte yantre ghaTe.api vA | AvAhyAbhyarchyayeddevIM japedvA sannidhau stutim || 37|| yaM yaM kAmayate shIghraM taM taM prApnotyasaMshayaH | vidyArthI labhate vidyAM putrArthI putramApnuyAt || 38|| kanyArthI labhate kanyAM apsarassadR^ishIM shive | dhanArthI labhate shIghraM dhanaM bhUri maheshvari || 39|| shrIvidyopAstishIlAnAmAtmarakShArthamAdarAt | shatrunirghAtanArtha~ncha svadAsAnugrahAya cha || 40|| japtavyaM satataM bhadre shrutivadvAgyatashshuchiH | sarvamantrAdhikAratvAt shrIvidyopAsakasya tu || 41|| guruM svayaM japyaM vinA sundaryevAsya deshikA | teShAmeva vidhiH prokto nAnyeShAM menakAtmante || 42|| upadeshAdeva cha guroH japtavyaM shivabhAShitam | shrIchakrapurasamAjastripurAtuShTikAraNam || 43|| tattvamasyAdivAkyArthaparabrahmapadapradam | shivaj~nAnapradaM devi shIghrasiddhikaraM param || 44|| shrautasmArtAdikarmAdau bhaktyedaM yo japetpriye | avighnena cha tatkarma sAphalyaM chaiti nishchayaH || 45|| yuddhe prayANe durddharShe svapne vAte jale bhaye | japtavyaM satataM bhadre tattachChAntyai maheshvari || 46|| tattanmAtR^ikayA pustaM tritAreNa samanvitam | stotrametajjapeddevImarchayechcha visheShataH || 47|| sadA tasya hR^idambhoje sundarI vasati dhuvam | aNimAdimahAsiddhIH labhate nAtra saMshayaH || 48|| ashvamedhAdibhiryaj~naiH yatphalaM tat sudurlabham | aNimAdimamahAsiddhIH labhate nAtra saMshayaH || 49|| ebhirnAmabhirevaM yaH kAlIM durgA~ncha chaNDikAm | archayetsatataM bhaktyA ye sarvAnkAmAMllabhennaraH || 50|| sundarImUrtibhedAshcha kAlI durgA cha chaNDikA || 51|| ekaiva shaktiH parameshvarasya bhinnA chaturdhA viniyogakAle | bhoge bhavAnI puruSheShu viShNuH kopeShu kAlI samareShu durgA || 52|| ekA shaktishcha shambhorvinimayanavidhau sA chaturdhA vibhinnA krodhe kAlI vijAtAcha samarasamaye sA cha chaNDI cha durgA | bhoge sR^iShTau niyoge cha sakalajagatAM sA bhavAnI cha jAtA sarveShAM rakShaNAnugrahakaraNavidhau tasya viShNurbhavetsA || 52|| samprayachChati tasyeShTamachirAdeva sundarI | stotraratnamidaM bhadre sadA niShkAmanAyutaH || 53|| yo japenmAmakaM dhAma brahmaviShNvAdidurlabham | satyaj~nAnamanantAkhyaM brAhmaM kaivalyasa~nj~nakam || 54|| bhavAbdhitArakaM so.api prApnoti madanugrahAt | chitsabhAyAM nR^ityamAnanaTarAjasya sAkShiNI || 55|| tasyaiva mahiShI nAmrA shivakAmA cha sundarI | sA parabrahmamahiShI sadAnandA shubhapradA || 56|| shivakAmasundarInAmnAM sahasraM proktamambike | etasya sadR^ishaM stotraM nAsti nAsti jagattraye || 57|| satyaM satyaM punassatyaM tvAM shape.ahaM vadAmi te | nAstikAya kR^itaghnAya vipradveShaparAya cha || 58|| na deyaM vedaviprarShibhaktiyuktAya shAmbhavi | deyaM tripuravidyeshItyatharvashruti choditam || 59|| vistR^itena kimanyachcha shrotukAmAsi sundari | iti nigaditavantaM rAjate parvate.asmin navamaNigaNapIThe saMsthitaM devamIsham | muhurapi kR^itanamrA bhaktinamrA bhavAnI karayugasarasijenAlili~NgAtigADham || 60|| iti shrIbhR^i~NgiriTisaMhitAyAM shaktyutkarShaprakaraNe shivagaurIsaMvAde shrIshivakAmasundarIsahasranAmastotrottarapIThikA sampUrNA || || shivamastu || ## Proofread by DPD \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}