% Text title            : Shrichakra Varnanam
% File name             : shrIchakravarNanam.itx
% Category              : devii, shivarahasya, devI
% Location              : doc\_devii
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | bhavAkhyaH dvitIyAMshaH | adhyAyaH 16 ||
% Latest update         : September 16, 2023
% Send corrections to   : sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shrichakra Varnanam ..}##
\itxtitle{.. shrIchakravarNanam ..}##\endtitles ##
munayaH \-
kathaM devyA tArakAre puraM shrIpuranAmakam |
kalpitaM shrImaheshAj~nAvashatastadadAdya naH || 1||
skandaH \-
yathA devyA nirmita~ncha shrIpuraM shrR^iNuta dvijAH |
kAmeshena dvijenaiva (shivenaiva) sA proktA parameshvarI || 2||
lalitA shrImahAdevI saiva tripurasundarI |
manasA chintayAmAsa puraM tatra manoramam || 3||
maNiprAkArashatakairbhUdharAkAragopuraiH |
maNimANikyakhachita navaratnorukAntibhiH || 4||
praphullasumanAmodiratnavR^ikShavanAvR^itam |
kalpavATIparivR^itanIpodyAnavirAjitam || 5||
sudhAsindhutara~NgaugharamyaparyantamArutam |
navaratnAgArasaudhakumbhodyatkAntikAntitam || 6||
divyamuktAvalIkL^iptasarAvali(valya)vibhUShitaiH(vibhUShitam) |
gomedapuShparAgodyatpravAlamaNitoraNaiH || 7||
hIrajAlakasa~nChannakumbhavamaulivirAjiteH |
saudhapa~NktisamutsedhavishAlAyutashastadA || 8||
maNimANikyakhachitanavaratnavichitritaiH |
dhUpitaistagarAmoda(pAra)pATIroshIrachandanaiH || 9||
puradvArairdhavalitagavAkShavalabhIyutaiH |
maNTapAvalisa~nChannamaulipAlitatadyutiH || 10||
maNirochichitAdarsha kuTTimodyatkavATakaiH |
prAkpashchAduttare chaiva dakShiNe pUrvataH kramAt || 11||
maNigopuramaulisthahIrodyatkalashaprabhaiH |
tirarakAritachandrArkaiH prAkArairmaNikalpitaiH || 12||
niyutAyutagodbhAsisamuchChrArAyorumaNDaleH |
gomedapuShparAgendranIlavaiDUryahIrajaiH || 13||
muktAvidrumaraktAchChatatikAntivirAjitaiH |
garuDodgAraratnAnAM maNTapAvalishobhitaiH || 14||
hIrasaudhamaNi(saudhairmaNi)prodyadvAtAyanagavAkShakaiH |
devIvihArasadanairmadanAntakarasya cha || 15||
paryantaratnamAlAdiChannamaulivirAjitaiH |
chandropalamahAsaudhaishchandrAsAraikanirjharaiH || 16||
ramyAdarshamahAsaudhai ratnapuShpavirAjitaiH |
yAlI(pALI)pAlIchitAnekamayUravarahaMsakaiH || 17||
gajasaudhairhaMsasaudhaissihmasaudhaishcha bhAsvaraiH |
tura~Ngarathasaudheshcha shArdUlottamasaudhakaiH || 18||
tattatprAkArAntarAle shrIdevyA manasA.a.atataiH (manasA tataiH) |
suratnataravastatra maNi(mahA)puShpakalA(phalA)vR^itAH || 19||
chandanAnAM cha vipinairnayanAnandadAyakaiH |
kalpavR^ikShoruvipinairnIpopavanasundaraiH || 20||
kadambavanarAjIbhi(bhI) rAjadrAjIvavApikAH(kaiH) |
tatprAntamadhyasaudhaishcha navaratnavichitritaiH || 21||
dhArAsAragR^ihaishchaiva bhramadrathagR^ihaistathA |
mandArapArijAtotthavanavAyusugandhitaiH || 22||
pratyagraketakodbhAsichampakoddAmasaurabhaiH |
kuravAshokavakularasAlamadhukairdhavaiH || 23||
kharjUrapUganArelanAgapunnAgaloghrakaiH |
takkolA~NkolahintAlamaNirambhAkapitthakaiH || 24||
tagarAgarukedAraradevadArumadhUkakaiH |
chira(chiri)bilvaishcha bilvaishcha madhUkAmrAtakairdharuvaiH || 25||
vallayastatrarAjanti(nte) drAkShe(kShai)lApippalIyutAH |
marIchayaH kundavalyaH (kundamalyo) jAjIkAH chandrikAyutAH || 26||
tadramyakusumAmodisaumyabandhuramArutaH |
haMsA mayUrAshcha pikA kokasArasapa~NktayaH || 27||
kApotashArikArAvamR^igAshcha chamarIgaNAH |
kura~NgA hastinaH kolAH sa~ncharanti vane mudA || 28||
nayanAnanda daM nityaM shrIpure maNidvIpake |
padminyo vividhAstatra ratnasopAnamaNDitAH || 29||
prAntaratnodyatamahAmaNTapAvalibhAsurAH |
tatra devadrumApAravanarAjivirAjitam || 30||
tatprAchyAM maNisa~NkL^iptaM daNDinIdhAma sundaraM (uttamam) |
nAnAratnamaNibhrAjisindhuraughavirAjitam || 31||
bhadramandrairbhadramR^igaishchaturdantAlishobhitaiH |
kaTasravanmadabharaiH kumbhodyatpANDarAruNaiH || 32||
maNigraiveyaghaNTAdi kuthA~NkushavibhUShitaiH |
pUrvato bhAti shailendranibhairvAraNasattamaiH || 33||
dakShiNe tatra prAkAro navaratnavirAjitaH |
mantriNyAstatra taddhAma navaratnavichitritam || 34||
uchchaiHshravAdhikairashvairnAnAvarNairbalotkaTaiH |
kalmAShistittiraprakhye raktakarburashvetakaiH || 35||
nIlapItakamA~njiShThairmayUrasadR^ishairhayaiH |
tatrAshvakoTibhiryuktA mantriNI sevitA tadA || 36||
mantriNyAH (mudriNyAH) pashchime dhAma navaratnavichitritam |
kumbhodyanmaNikL^iptAkShachakrajAlapatAkakaiH || 37||
yugandharAkShaphalakairghoNAkarburashobhitaiH |
ratheshcha koTibhistatra shobhitA mantriNI (mudriNI) tadA || 38||
vArAhyAshchottamaM dhAma ratnAvalivibhUShitam |
sApi pramuditA nityaM pAti taM yoginIgaNaiH || 39||
navakoTibhiratyugrAH prAsA(pAshA)sivarapANibhiH |
nityAnAmantarA sadma padmarAgamaNItatam || 40||
tato hi paritastatra jvAlAmAlinikA tataH |
prAkAro vahni.a.avItaH (vahninAvItaH) paryantajvAlashobhitaH || 41||
anindhano dahatyeShasvashikhAlehi(Di)tAmbaraH |
ahorAtramavishrAnto jvAlAvyAptadigambaraH || 42||
mAtaro vaTukAshchaiva DAkinyo yoginIgaNAH |
yAnti tatrAntare devyAH prAkArANAM shatAShTakam || 43||
mArtANDabhairavashchaiva tathaivAnandabhairavaH |
pramodabhairavashchaiva tathA vai modabhairavaH || 44||
prAchyAM pratIchyAM tatpAti (tatpAnti) dakShiNe cha tathottare |
sudhAkUpAH sudhAvApyo ghR^itakShIradadhisravAH || 45||
maghusravAstathA nadyaH puTake puTake madhu |
sudhAphalAssadA vR^ikShAshchAmlAnAni sumAnyapi || 46|| 
(sudhAphalA sadA vR^ikShA amlAnAni sumAnyapi) || 46||
yojanAyutagandhIni netrAnandakarANi cha |
dvIpo.ayaM kumudAkArassudhAvArdhi tara~NgakaiH || 47||
ra~njitaH parito bhAti maNisArakaisundaraH |
lakShadvayaM losachanAnAM (yojanAnAM) manasA shivanirmitaH || 48||
tatra chintAmaNitate saudhe paramabhAsvare |
kAmeshvaryA cha kAmeshastatra nityamupAsate || 49||
nAnAbhogavihAreshcha nityAbhiH parisevitaH |
brahmaviShNvIshvara sadAshivarudroruma~nchake || 50||
niShaNNaH parayA devyA kAmeshaH kAmadAyakaH |
kAmeshvaryA sadaivAste kAmadAnaikadIkShitaH || 51||
koTikandarpadarpaghnaH kapardaiNA~NkashobhitaH |
suraktapa~NkajAkAravigrahassundarAkR^itiH || 52||
japAsumanibhAdhikyakAmeshyA kAntiva(ma)ttayA |
sevito vividhairbhogairnityAbhiH parisevitaH || 53||
(skandaH \-)
pAthojAtabhavapriyAkaramahApa~NkeruhAdhyAsitA
pANyorloladhR^itAkSha (pANiM lolaghR^itAkSha) chAmaragaNaissaMvIjitA sA shivA |
nityAbhiH parisevitA pramathapenAdhyAsta ma~nchottaraM
svasyAraktanakhAMshunirgataharibrahmeshalIlAyutA || 54||

|| iti shivarahasyAntargate bhavAkhye shrIchakravarNanam ||

\- || shrIshivarahasyam | bhavAkhyaH dvitIyAMshaH | adhyAyaH 16 ||
##
- .. shrIshivarahasyam . bhavAkhyaH dvitIyAMshaH . adhyAyaH 16 ..

Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}