% Text title            : shrImUkapanchashatI
% File name             : shrImUka500.itx
% Category              : shataka, devii, otherforms, devI, panchashatI
% Location              : doc\_devii
% Author                : mUka mahAkavi
% Transliterated by     : Sridhar  Seshagiri sridhar.seshagiri at gmail.com
% Proofread by          : Sridhar  Seshagiri sridhar.seshagiri at gmail.com
% Latest update         : January 6, 2003, March 10, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrImUkapa~nchashatI ..}##
\itxtitle{.. shrImUkapa~nchashatI ..}##\endtitles ##

\centerline{mAtA marakatashyAmA mAta~NgI madashAlinI .}
\centerline{kuryAt kaTAkSha.n kalyANI kadambavanavAsinI ..}
\centerline{.. shrIH ..}
\centerline{.. shrIchandramaulIshvarAya namaH ..}
\centerline{.. shrIkAraNaparachidrUpAyai namaH ..}
\centerline{shrImUkamahAkavipraNItA}
\centerline{.. shrIH ..}
\centerline{.. shrImUkapa~nchashatI ..}
\centerline{shrIkAmAkShIparadevatAyAH pAdAravindayoH}
\centerline{bhaktibhareNa samarpitam ..}
AryAmeva vibhAvayanmanasi yaH pAdAravindaM puraH

pashyannArabhate stuti.n sa niyata.n labdhvA kaTAkShachChavim .
kAmAkShyA mR^idulasmitA.nshulaharIjyotsnAvayasyAnvitA\-
mArohatyapavargasaudhavalabhImAnandavIchImayIm..
            ##[##mandasmita 101 ##]##

shrImatparamaha.nsaparivrAjakAchAryavarya shrIkAmakoTipIThAdhIshvara\-
jagadguru shrImat chandrashekharendrasarasvatI shrIpAdAnA.n
shrImukhena samadbhAsitA
\medskip\hrule\medskip
\newpage
\centerline{.. shrIH ..}
\centerline{.. shrIchandramaulIshvara ..}
\centerline{mudrA}
svasti shrImadakhilabhUmaNDalAla.nkAra\-trayastri.nshatkoTi\-
devatAsevita shrIkAmAkShIdevIsanAtha\-shrImadekAmranAtha\-
shrImahAdevIsanAtha\-shrIhastinirinAtha\-sAkShAtkAraparama\-
adhiShThAnasatyavratanAmA~Nkita\-kA~nchIdivyakShetre shAradA\-
maThasusthitAnAm\, atulitasudhArasamAdhuryakamalAsanakAminI\-
dhammilla samphullamallikAmAlikAniShyandamakarandajharI\-
sauvastikavA~N.hnigumbhavijR^imbhaNAnandatundilitamaNIShi\-
maNDalAnAm\, anavaratAdvaitavidyAvinodarasikAnAm\,
nirantarAla.nkR^itIkR^itashAntidAntibhUmnAm\, sakalabhuvana\-
chakrapratiShThApaka shrIchakrapratiShThAvikhyAtayasho.ala.nkR^itAnAm\,
nikhilapAShaNDaShaNDakaNTakoddhATanena vishadIkR^itavedavedAnta\-
mArgaShaNmatapratiShThApakAchAryANAm\, shrImatparamaha.nsaparivrAjaka\-
AchAryavarya\-shrIjagadguru shrImachCha.nkarabhagavatpAdAchAryANAm
adhiShThAne si.nhAsanAbhiShikta shrImanmahAdevendrasarasvatI\-
sa.nyamIndrANAm\, antevAsivarya shrImachchandrashekharendrasarasvatI
shrIpAdaiH .
\centerline{kriyate nArAyaNasmR^itiH}
tatrabhavAn mUka iti suprasiddhaH mahAkavishiromaNiH
shrIkAmAkShIdevIkaruNAkaTAkShatara~NgitapuNyakavitArasapUraH
`mUkapa~nchashatI' iti karturnAmnA prasiddhamima.n lokottara.n
granthaM praNIya bhUmaNDale.anuttamaM puNyayashovisheSha.n shAshvatI.n
parAnandAnubhUti.n cha labdhavAniti suviditameva . stotraratne
chAsmin kA~nchImadhyagata kAmakoTipIThAdhiShThAtrIm
indumauleraishvaryarUpA.n shrIkAmAkShIM paradevatAm\,
ArUDhayauvanATopA\, taruNimasarvasva.n\, nityataruNI\,
lAvaNyAmR^itatara~NgamAlA\, vibhramasamavAyasArasannAhA\,
shR^i~NgArAdvaitatantrasiddhAnta.n\, mInadhvajatantraparamatAtparya.n\\,
kandarpasUtikApA~NgI\, manasijasAmrAjyagarvabIja.n\,
puShpAyudhavIryasarasaparipATI\, madanAgamasamayadIkShita\-
kaTAkShA\, kusumasharagarvasampatkoshagR^iham\, ana~Ngabrahmatattva\-
bodhasirA\, pa~nchasharashAstrabodhanaparamAchAryadR^iShTipAtA
ityAdirUpeNa varNayan punaH lAvaNyamR^itaparakAShThAbhUtA.n
tAmeva paradevatA.n\, kAraNaparachidrUpA\, kaivalyAnandakandaH\,
AmnAyarahasyam\, upaniShadaravindakuharamadhudhArA\,
vA~Nmano.atItA\, AnandAdvaitakandalI\, muktibIjam\,
AgamasallApasArayAthArthya.n\, bodhAmR^itavIchI\, abhidAkR^itiH\,
aikAtmyaprakR^itiH\, nigamavachassiddhAntaH\, gurumUrtiH\, ityeva.n\-
rUpeNa sAkShatkurvan yauvanashR^i~NgArAdiviShayarasAnubhava\-
sAmagrI.n j~nAnavairAgyAdibrahmAnandAnubhavasAmagrItvena
sampAdayan \-
##"##shiva shiva pashyanti sama.n shrIkAmAkShIkaTAkShitAH puruShAH .
vipinaM bhavanamamitraM mitra.n loShTa.n cha yuvatibimboShTham ..##"##
iti paradevatAnugrahaphalIbhUtAM paravairAgyakAShThAM prakaTayati .
              ##[##AryA 48 ##]##

padmapa~nchashatakAtmake.atra granthe shatakAnA.n yA AnupUrvI
tasyAmaya.n visheSho dR^ishyate . yathA kashchana shishuH chakShurAdi
indriyaprAgalbhyAvirbhAvAtpUrvaM manovR^ittimAtreNa kalayati
svepsitam \; evamAryAshatake bhaktashishoH manaH pravR^ittim
ambikAyAH svarUpAnusandhAnapaTIyasI.n sampAdayati
kavipu~NgavaH \; ayamAshayaH \-
##"##antarapi bahirapi tva.n jantutaterantakAntakR^idahante .
chintitasantAnavatA.n santatamapi tantanIShi mahimAnam ..##"##
iti shlokena sUchitaH ..         ##[##AryA 98 ##]##

dvitIyashatake tAvat yathA ki~nchitpravR^iddhagrahaNashaktiH
bAlakaH khAntike vidyamAnasya  vastunaH darshana\-
sparshanAdibhiH AhlAdamadhigachChati tadvat bhaktabAlakaH
atyantamadhobhAge vidyamAnasya svasyAntikatvenaiva
jaganmAtuH nirantaradhyAnaphalIbhUta pAdAravinda darshana\-
AnandamanubhavatItyayamAshayaH \-
##"##marAlInA.n yAnAbhyasanakalanAmUlagurave
daridrANA.n trANavyatikarasurodyAnatarave .
tamaskANDaprauDhiprakaTanatiraskArapaTave
jano.aya.n kAmAkShyAshcharaNanalinAya spR^ihayate ..##"##
iti shlokena sUchitaH ..       ##[##pAdAravinda 3 ##]##

yathA manasaH j~nAnendriyANA.n cha sphUrtyanantarameva
vAkprasarati\, tathaiva AryApAdAravindashatakayoranantara.n
svapremAspada.n vastu nirargala.n stotumArabhate \-
##"##pANDityaM parameshvari stutividhau naivAshrayante girA.n
vairi~nchAnyapi gumphanAni vigaladgarvANi sharvANi te .
stotu.n tvAM pariphullanIlanalinashyAmAkShi kAmAkShi mA.n
vAchAlIkurute tathApi nitarA.n tvatpAdasevAdaraH ..##"##
itAdinA stutishatakena .         ##[##stuti 1 ##]##

laukikAvidyAdiShu kushalaH kashchana yathA laukikasampadaH
prApturmaho bhavati tadvat pUrvakR^itastutiphalatvena bhaktaH
ambikAyAH kaTAkShavisheShamadhigamya parasa.nvidanubhUtya\-
uchitatejaHpuShTyAdipAtraM bhavatItyayamAshayaH\-
##"##asta.n kShaNAnnayatu me paritApasUrya\-
mAnandachandramasamAnayatAM prakAsham .
kAlAndhakArasuShamA.n kalayan digante
kAmAkShi komalakaTAkShanishAgamaste ..##"##
ityAdibhirvarNanaiH kaTAkShashatake sUchitaH ..   ##[##kaTAkSha 6 ##]##

yathA laukikasampatsampUrNaH kashchana samagrayauvanaH
laukikashR^i~NgArasukhAnubhavAya pAtraM bhavati\, tadvat
devyAH paramAnugrahapAtrIbhUtaH tadIyamandasmita\-
chandrikAsanAthaH Anandachandra iva alaukika\-
niratishayAnandAnubhavAtmakaH prakAshata iti
amUmeva bhAvapraNAlikAM mahAkaviH svayameva
pa~nchashatIpurtimpadyena AviShyakaroti . yathA \-
##"##AryAmeva vibhAvayanmanasi yaH pAdAravindaM puraH
pashyannArabhate stuti.n sa niyata.n labdhvA kaTAkShachChavim .
kAmAkShyA mR^idulasmitA.nshulaharIjyotsnAvayasyAnvitA\-
mArohatyapavargasaudhavalabhImAnandavIchImayIm ..##"##
iti .             ##[##mandasmita 101 ##]##

asyA lokottarAyAH stuteH paThanamAtreNa tatkShaNe
mahAkavinA.amunA antataH paradevatayaiva vA
aikAtmyamanubhavatIva sAdhakaH .
tadida.n grantharatna.n drAviDabhAShAmayArthAnuvAda\-
sahitamachirAdeva mahatA parishrameNa bhaktibhareNa
mudrApya shrI kAmAkShI devI kumbhAbhiSheka shubha\-
muhUrta eva upahArIkR^itavate\, mudrApaNadiviShaye parama.n
sAhAyyamAcharitavadbhayaH\, tadgranthapaThitR^ibhyashcha
bhaktapu~NgavebhyaH shrIkAmAkShIkaTAkShAH samulla\-
santvityAshAsmahe..
\centerline{.. iti nArAyaNasmR^itiH ..}
\medskip\hrule\medskip
\newpage
\centerline{.. AryAshatakam ..}
kAraNaparachidrUpA kA~nchIpurasImni kAmapIThagatA .
kAchana viharati karuNA kAshmIrastabakakomalA~NgalatA .. 1..
ka.nchana kA~nchInilaya.n karadhR^itakodaNDabANasR^iNipAsham .
kaThinastanabharanamra.n kaivalyAnandakandamavalambe .. 2..
chintitaphalaparipoShaNachintAmaNireva kA~nchinilayA me .
chiratarasucharitasulabhA chitta.n shishirayatu chitsukhAdhArA .. 3..
kuTilakacha.n kaThinakucha.n kundasmitakAnti ku~NkumachChAyam .
kurute vihR^iti.n kA~nchyA.n kulaparvatasArvabhaumasarvasvam .. 4..
pa~nchasharashAstrabodhanaparamAchAryeNa dR^iShTipAtena .
kA~nchIsImni kumArI kAchana mohayati kAmajetAram .. 5..
parayA kA~nchIpurayA parvataparyAyapInakuchabharayA .
paratantrA vayamanayA pa~NkajasabrahmachArilochanayA .. 6..
aishvaryamindumauleraikAtmyaprakR^iti kA~nchimadhyagatam .
aindavakishorashekharamaidamparya.n chakAsti nigamAnAm .. 7..
shritakampasImAna.n shithilitaparamashivadhairyamahimAnam .
kalaye paTalimAna.n ka.nchana ka~nchukitabhuvanabhUmAnam .. 8..
AdR^itakA~nchInilayamAdyAmArUDhayauvanATopAm .
Agamavata.nsakalikAmAnandAdvaitakandalI.n vande .. 9..
tu~NgAbhirAmakuchabharashR^i~NgAritamAshrayAmi kA~nchigatam .
ga~NgAdharaparatantra.n shR^i~NgArAdvaitatantrasiddhAntam .. 10..
kA~nchIratnavibhUShA.n kAmapi kandarpasUtikApA~NgIm .
paramA.n kalAmupAse parashivavAmA~NkapIThikAsInAm .. 11..
kampAtIcharANA.n karuNAkorakitadR^iShTipAtAnAm .
kelIvanaM mano me keShA.nchidbhavatu chidvilAsAnAm .. 12..
AmratarumUlavasaterAdimapuruShasya nayanapIyUSham .
ArabdhayauvanotsavamAmnAyarahasyamantaravalambe .. 13..
adhikA~nchi paramayogibhirAdimaparapIThasImni dR^ishyena .
anubaddhaM mama mAnasamaruNimasarvasvasampradAyena .. 14..
a~Nkitasha.nkaradehAma~Nkuritorojaka~NkaNAshleShaiH .
adhikA~nchi nityataruNImadrAkSha.n kA.nchidadbhutAM bAlAm .. 15..
madhuradhanuShA mahIdharajanuShA nandAmi surabhibANajuShA .
chidvapuShA kA~nchipure kelijuShA bandhujIvakAntimuShA .. 16..
madhurasmitena ramate mA.nsalakuchabhAramandagamanena .
madhyekA~nchi mano me manasijasAmrAjyagarvabIjena .. 17..
dharaNimayI.n taraNimayIM pavanamayI.n gaganadahanahotR^imayIm .
ambumayImindumayImambAmanukampamAdimAmIkShe .. 18..
lInasthiti munihR^idaye dhyAnastimita.n tapasyadupakampam .
pInastanabharamIDe mInadhvajatantraparamatAtparyam .. 19..
shvetA mantharahasite shAtA madhye cha vADbhano.atItA .
shItA lochanapAte sphItA kuchasImni shAshvatI mAtA .. 20..
purataH kadA na karavai puravairivimardapulakitA~NgalatAm .
punatI.n kA~nchIdeshaM puShpAyudhavIryasarasaparipATIm .. 21..
puNyA kA.api purandhrI pu~NkhitakandarpasampadA vapuShA .
pulinacharI kampAyAH puramathanaM pulakanichulita.n kurute .. 22..
tanimAdvaitavalagna.n taruNAruNasampradAyatanulekham .
taTasImani kampAyAstaruNimasarvasvamAdyamadrAkSham .. 23..
pauShTikakarmavipAkaM pauShpashara.n savidhasImni kampAyAH .
adrAkShamAttayauvanamabhyudaya.n ka.nchidardhashashimaulaiH .. 24..
sa.nshritakA~nchIdeshe sarasijadaurbhAgyajAgradutta.nse .
sa.nvinmaye vilIye sArasvatapuruShakArasAmrAjye .. 25..
moditamadhukaravishikha.n svAdimasamudAyasArakodaNDam .
AdR^itakA~nchIkhelanamAdimamAruNyabhedamAkalaye .. 26..
urarIkR^itakA~nchipurImupaniShadaravindakuharamadhudhArAm .
unnamrastanakalashImutsavalaharImupAsmahe shambhoH .. 27..
eNashishudIrghalochanamenaHparipanthi santataM bhajatAm .
ekAmranAthajIvitamevampadadUramekamavalambe .. 28..
smayamAnamukha.n kA~nchIbhayamAna.n kamapi devatAbhedam .
dayamAna.n vIkShya muhurvayamAnandAmR^itAmbudhau magnAH .. 29..
kutukajuShi kA~nchideshe kumudataporAshipAkashekharite .
kurute manovihAra.n kulagiriparibR^iDhakulaikamaNidIpe .. 30..
vIkShemahi kA~nchipure vipulastanakalashagarimaparavashitam .
vidrumasahacharadeha.n vibhramasamavAyasArasannAham .. 31..
kuruvindagotragAtra.n kUlachara.n kamapi naumi kampAyAH .
kUla.nkaShakuchakumbha.n kusumAyudhavIryasArasa.nrambham .. 32..
kuDUmalitakuchakishoraiH kurvANaiH kA~nchideshasauhArdam .
ku~NkumashoNairnichita.n kushalapatha.n shambhusukR^itasambhAraiH .. 33..
a~Nkitakachena kenachidandha.nkaraNauShadhena kamalAnAm .
antaHpureNa shambhorala.nkriyA kA.api kalpyate kA~nchyAm .. 34..
UrIkaromi santatamUShmalaphAlena lalitaM pu.nsA .
upakampamuchitakhelanamurvIdharava.nshasampadunmeSham .. 35..
a~Nkuritastanakorakama~NkAla.nkAramekachUtapateH .
Alokemahi komalamAgamasa.nlApasArayAthArthyam .. 36..
pu~njitakaruNamuda~nchitashi~njitamaNikA~nchi kimapi kA~nchipure .
ma~njaritamR^idulahAsaM pi~njaratanuruchi pinAkimUladhanam .. 37..
lolahR^idayo.asti shambhorlochanayugalena lehyamAnAyAm .
lalitaparamashivAyA.n lAvaNyAmR^itatara~NgamAlAyAm .. 38..
madhukarasahacharachikurairmadanAgamasamayadIkShitakaTAkShaiH .
maNDitakampAtIrairma~NgalakandairmamAstu sArUpyam .. 39..
vadanAravindavakShovAmA~NkataTIvasha.nvadIbhUtA .
pUruShatritaye tredhA purandhrirUpA tvameva kAmAkShi .. 40..
bAdhAkarIM bhavAbdherAdhArAdyambujeShu vicharantIm .
AdhArIkR^itakA~nchI bodhAmR^itavIchimeva vimR^ishAmaH .. 41..
kalayAmyantaH shashadharakalayA.a~NkitamaulimamalachidvalayAm .
alayAmAgamapIThInilayA.n valayA~NkasundarImambAm .. 42..
sharvAdiparamasAdhakagurvAnItAya kAmapIThajuShe .
sarvAkR^itaye shoNimagarvAyAsmai samarpyate hR^idayam .. 43..
samayA sAndhyamayUkhaiH samayA buddhayA sadaiva shIlitayA .
umayA kA~nchIratayA na mayA labhyate ki.n nu tAdAtmyam .. 44..
jantostava padapUjanasantoShatara~Ngitasya kAmAkShi .
vandho yadi bhavati punaH sindhorambhassu bambhramIti shilA .. 45..
kuNDali kumAri kuTile chaNDi charAcharasavitri chAmuNDe .
guNini guhAriNi guhye gurumUrte tvA.n namAmi kAmAkShi .. 46..
abhidAkR^itirbhidAkR^itirachidAkR^itirapi chidAkR^itirmAtaH .
anahantA tvamahantA bhramayasi kAmAkShi shAshvatI vishvam .. 47..
shiva shiva pashyanti sama.n shrIkAmAkShIkaTAkShitAH puruShAH .
vipinaM bhavanamamitraM mitra.n loShTa.n cha yuvatibimboShTham .. 48..
kAmaparipanthikAmini kAmeshvari kAmapIThamadhyagate .
kAmadughA bhava kamale kAmakale kAmakoTi kAmAkShi .. 49..
madhyehR^idayaM madhyeniTilaM madhyeshiro.api vAstavyAm .
chaNDakarashakrakArmukachandrasamAbhA.n namAmi kAmAkShIm .. 50..
adhikA~nchi kelilolairakhilAgamayantratantramayaiH .
atishItaM mama mAnasamasamasharadrohijIvanopAyaiH .. 51..
nandati mama hR^idi kAchana mandirayantA nirantara.n kA~nchIm .
induravimaNDalakuchA binduviyannAdapariNatA taruNI .. 52..
shampAlatAsavarNa.n sampAdayituM bhavajvarachikitsAm .
limpAmi manasi ki.nchana kampAtaTarohi siddhabhaiShajyam .. 53..
anumitakuchakAThinyAmadhivakShaHpIThama~NgajanmaripoH .
AnandadAM bhaje tAmAna~NgabrahmatatvabodhasirAm .. 54..
aikShiShi pAshA~NkushadharahastAnta.n vismayArhavR^ittAntam .
adhikA~nchi nigamavAchA.n siddhAnta.n shUlapANishuddhAntam .. 55..
AhitavilAsabha~NgImAbrahmastambashilpakalpanayA .
AshritakA~nchImatulAmAdyA.n visphUrtimAdriye vidyAm .. 56..
mUko.api jaTiladurgatishoko.api smarati yaH kShaNaM bhavatIm .
eko bhavati sa janturlokottarakIrtireva kAmAkShi .. 57..
pa~nchadashavarNarUpa.n ka.nchana kA~nchIvihAradhaureyam .
pa~nchasharIya.n shambhorva~nchanavaidagdhyamUlamavalambe .. 58..
pariNatimatI.n chaturdhA padavI.n sudhiyA.n sametya sauShumnIm .
pa~nchAshadarNakalpitamadashilpA.n tvA.n namAmi kAmAkShi .. 59..
AdikShanmama gururADAdikShAntAkSharAtmikA.n vidyAm .
svAdiShThachApadaNDA.n nediShThAmeva kAmapIThagatAm .. 60..
tuShyAmi harShitasmarashAsanayA kA~nchipurakR^itAsanayA .
svAsanayA sakalajagadbhAsanayA kalitashambarAsanayA .. 61..
premavatI kampAyA.n sthemavatI yatimanassu bhUmavatI .
sAmavatI nityagirA somavatI shirasi bhAti haimavatI .. 62..
kautukinA kampAyA.n kausumachApena kIlitenAntaH .
kuladaivatena mahatA kuDmalamudrA.n dhunotu naHpratibhA .. 63..
yUnA kenApi miladdehA svAhAsahAyatilakena .
sahakAramUladeshe sa.nvidrUpA kuTumbinI ramate .. 64..
kusumasharagarvasampatkoshagR^ihaM bhAti kA~nchideshagatam .
sthApitamasminkathamapi gopitamantarmayA manoratnam .. 65..
dagdhaShaDadhvAraNya.n daradalitakusumbhasambhR^itAruNyam .
kalaye navatAruNya.n kampAtaTasImni kimapi kAruNyam .. 66..
adhikA~nchi vardhamAnAmatulA.n karavANi pAraNAmakShNoH .
AnandapAkabhedAmaruNimapariNAmagarvapallavitAm .. 67..
bANasR^iNipAshakArmukapANimamu.n kamapi kAmapIThagatam .
eNadharakoNachUDa.n shoNimaparipAkabhedamAkalaye .. 68..
ki.n vA phalati mamAnyaurbimbAdharachumbimandahAsamukhI .
sambAdhakarI tamasAmambA jAgarti manasi kAmAkShI .. 69..
ma~nche sadAshivamaye parishivamayalalitapauShpaparya~Nke .
adhichakramadhyamAste kAmAkShI nAma kimapi mama bhAgyam .. 70..
rakShyo.asmi kAmapIThIlAsikayA ghanakR^ipAmburAshikayA .
shrutiyuvatikuntalImaNimAlikayA tuhinashailabAlikayA .. 71..
lIye puraharajAye mAye tava taruNapallavachChAye .
charaNe chandrAbharaNe kA~nchIsharaNe natArtisa.nharaNe .. 72..
mUrtimati muktibIje mUrdhni stabakitachakorasAmrAjye .
moditakampAkUle muhurmuhurmanasi mumudiShA.asmAkam .. 73..
vedamayI.n nAdamayIM bindumayIM parapadodyadindumayIm .
mantramayI.n tantramayIM prakR^itimayI.n naumi vishvavikR^itimayIm .. 74..
puramathanapuNyakoTI pu~njitakavilokasUktirasadhATI .
manasi mama kAmakoTI viharatu karuNAvipAkaparipATI .. 75..
kuTila.n chaTulaM pR^ithulaM mR^idula.n kachanayanajaghanacharaNeShu .
avalokitamavalambitamadhikampAtaTamameyamasmAbhiH .. 76..
pratya~N.hmukhyA dR^iShTayA prasAdadIpA~NkureNa kAmAkShyAH .
pashyAmi nistulamaho pachelima.n kamapi parashivollAsam .. 77..
vidye vidhAtR^iviShaye kAtyAyani kAli kAmakoTikale .
bhArati bhairavi bhadre shAkini shAmbhavi shive stuve bhavatIm .. 78..
mAlini maheshachAlini kA~nchIkhelini vipakShakAlini te .
shUlini vidrumashAlini surajanapAlini kapAlini namo.astu .. 79..
deshika iti ki.n sha.nke tattAdR^iktava nu taruNimonmeShaH .
kAmAkShi shUlapANeH kAmAgamasamayadIkShAyAm .. 80..
vetaNDakumbhaDambaravaitaNDikakuchabharArtamadhyAya .
ku~Nkumaruche namasyA.n sha.nkaranayanAmR^itAya rachayAmaH .. 81..
adhikA~nchitamaNikA~nchanakA~nchImadhikA~nchi kA.nchidadrAkSham .
avanatajanAnukampAmanukampAkUlamasmadanukUlAm .. 82..
parichitakampAtIraM parvatarAjanyasukR^itasannAham .
paragurukR^ipayA vIkShe paramashivotsa~Ngama~NgalAbharaNam .. 83..
dagdhamadanasya shambhoH prathIyasIM brahmacharyavaidagdhIm .
tava devi taruNimashrIchaturimapAko na chakShame mAtaH .. 84..
madajalatamAlapatrA vasanitapatrA karAdR^itakhAnitrA .
viharati pulindayoShA gu~njAbhUShA phaNIndrakR^itaveShA .. 85..
a~Nke shukinI gIte kautukinI parisare cha gAyakinI .
jayasi savidhe.amba bhairavamaNDalinI shravasi sha~NkhakuNDalinI .. 86..
praNatajanatApavargA kR^itabahusargA sasi.nhasa.nsargA .
kAmAkShi muditabhargA hataripuvargA tvameva sA durgA .. 87..
shravaNachaladvetaNDA samaroddaNDA dhutAsurashikhaNDA .
devi kalitAntraShaNDA dhR^itanaramuNDA tvameva chAmuNDA .. 88..
urvIdharendrakanye darvIbharitena bhaktapUreNa .
gurvImaki.nchanArti kharvIkuruShe tvameva kAmAkShi .. 89..
tADitaripuparipIDanabhayaharaNa nipuNahalamusalA .
kroDapatibhIShaNamukhI krIDasi jagati tvameva kAmAkShi .. 90..
smaramathanavaraNalolA manmathahelAvilAsamaNishAlA .
kanakaruchichauryashIlA tvamamba bAlA karAbjadhR^itamAlA .. 91..
vimalapaTI kamalakuTI pustakarudrAkShashastahastapuTI .
kAmAkShi pakShmalAkShI kalitavipa~nchI vibhAsi vairi~nchI .. 92..
ku~Nkumaruchipi~NgamasR^ikpa~NkilamuNDAlimaNDitaM mAtaH .
shrIkAmAkShi tadIyasa~NgamakalAmandIbhavatkautukaH
jayati tava rUpadheya.n japapaTapustakavarAbhayakarAbjam .. 93..
kanakamaNikalitabhUShA.n kAlAyasakalahashIlakAntikalAm .
kAmAkShi shIlaye tvA.n kapAlashUlAbhirAmakarakamalAm .. 94..
lohitimapu~njamadhye mohitabhuvane mudA nirIkShante .
vadana.n tava kuvayugala.n kA~nchIsImA.n cha ke.api kAmAkShi .. 95..
jaladhidviguNitahutabahadishAdineshvarakalAshvineyadalaiH .
nalinairmaheshi gachChasi sarvottarakarakamaladalamamalam .. 96..
satkR^itadeshikacharaNAH sabIjanirbIjayoganishreNyA .
apavargasaudhavalabhImArohantyamba ke.api tava kR^ipayA .. 97..
antarapi bahirapi tva.n jantutaterantakAntakR^idahante .
chintitasantAnavatA.n santatamapi tantanIShi mahimAnam .. 98..
kalama~njulavAganumitagalapa~njaragatashukagrahautkaNThyAt .
amba radanAmbara.n te bimbaphala.n shambarAriNA nyastam .. 99..
jaya jaya jagadamba shive jaya jaya kAmAkShi jaya jayAdrisute .
jaya jaya maheshadayite jaya jaya chidgaganakaumudIdhAre .. 100..
AryAshatakaM bhaktyA paThatAmAryAkaTAkSheNa .
nissarati vadanakamalAdvANI pIyUShadhoraNI divyA .. 101..
\centerline{AryAshataka.n sampUrNam ..}
\medskip\hrule\medskip
\newpage
\centerline{.. pAdAravindashatakam ..}
mahimnaH panthAnaM madanaparipanthipraNayini
prabhurnirNetu.n te bhavati yatamAno.api katamaH .
tathApi shrIkA~nchIvihR^itirasike ko.api manaso
vipAkastvatpAdastutividhiShu jalpAkayati mAm .. 1..
galagrAhI paurandarapuravanIpallavaruchA.n
dhR^itapAthamyAnAmaruNamahasAmAdimaguruH .
samindhe bandhUkastabakasahayudhvA dishi dishi
prasarpankAmAkShyAshcharaNakiraNAnAmaruNimA .. 2..
marAlInA.n yAnAbhyasanakalanAmUlagurave
daridrANA.n trANavyatikarasurodyAnatarave .
tamaskANDaprauDhiprakaTanatiraskArapaTave
jano.aya.n kAmAkShyAshcharaNanalinAya spR^ihayate .. 3..
vahantI saindUrI.n saraNimavanamrAmarapuRI\-
purandhrIsImante kavikamalabAlArkasuShamA .
trayIsImantinyAH stanataTanicholAruNapaTI
vibhAntI kAmAkShyAH padanalinakAntirvijayate .. 4..
praNamrIbhUtasya praNayakalahatrastamanasaH
smarArAteshchUDAviyati gR^ihamedhI himakaraH .
yayoH sAndhyA.n kAnti.n vahati suShamAbhishcharaNayoH
tayorme kAmAkShyA hR^idayamapatandra.n viharatAm .. 5..
yayoH pIThAyante vibudhamukuTInAM paTalikA
yayoH saudhAyante svayamudayabhAjo bhaNitayaH .
yayoH dAsAyante sarasijabhavAdyAshcharaNayoH
tayorme kAmAkShyA dinamanu varIvartu hR^idayam .. 6..
nayantI sa.nkocha.n sarasijarucha.n dikparisare
sR^ijantI lauhitya.n nakhakiraNachandrArdhakhachitA .
kavIndrANA.n hR^itkairavavikasanodyogajananI
sphurantI kAmAkShyAH charaNaruchisandhyA vijayate .. 7..
virAvairmA~njIraiH kimapi kathayantIva madhura.n
purastAdAnamre puravijayini smeravadane .
vayasyeva prauDhA shithilayati yA premakalaha\-
praroha.n kAmAkShyAH charaNayugalI sA vijayate .. 8..
suparvastrIlolAlakaparichita.n ShaTpadakulaiH
sphurallAkShArAga.n taruNataraNijyotiraruNaiH .
bhR^ita.n kAntyambhobhiH visR^imaramarandaiH sarasijaiH
vidhatte kAmAkShyAH charaNayugalaM bandhupadavIm .. 9..
rajaHsa.nsarge.api sthitamarajasAmeva hR^idaye
para.n raktatvena sthitamapi viraktaikasharaNam .
alabhyaM mandAnA.n dadhadapi sadA mandagatitA.n
vidhatte kAmAkShyAH charaNayugamAshcharyalaharIm .. 10..
jaTAlA ma~njIrasphuradaruNaratnA.nshunikaraiH
niShidantI madhye nakharuchijharIgA~NgapayasAm .
jagattrANa.n kartu.n janani mama kAmAkShi niyata.n
tapashcharyA.n dhatte tava charaNapAthojayugalI .. 11..
tulAkoTidvandvakkaNitabhaNitAbhItivachasoH
vinamra.n kAmAkShI visR^imaramahaHpATalitayoH .
kShaNa.n vinyAsena kShapitatamasorme lalitayoH
punIyAnmUrdhAnaM puraharapurandhrI charaNayoH .. 12..
bhavAni druhyetAM bhavanibiDitebhyo mama muhu\-
stamovyAmohebhyastava janani kAmAkShi charaNau .
yayorlAkShAbindusphuraNadharaNAddhvarjaTijaTA\-
kuTIrA shoNA~Nka.n vahati vapureNA~NkakalikA .. 13..
pavitrIkuryurnuH padatalabhuvaH pATalaruchaH
parAgAste pApaprashamanadhurINAH parashive .
kaNa.n labdhu.n yeShA.n nijashirasi kAmAkShi vivashA
valanto vyAtanvantyahamahamikAM mAdhavamukhAH .. 14..
balAkAmAlAbhirnakharuchimayIbhiH parivR^ite
vinamrasvarnArIvikachakachakAlAmbudakule .
sphurantaH kAmAkShi sphuTadalitabandhUkasuhR^ida\-
staTillekhAyante tava charaNapAthojakiraNAH .. 15..
sarAgaH sadveShaH prasR^imarasaroje pratidina.n
nisargAdAkrAmanvibudhajanamUrdhAnamadhikam .
katha.nkAraM mAtaH kathaya padapadmastava satA.n
natAnA.n kAmAkShi prakaTayati kaivalyasaraNim .. 16..
japAlakShmIshoNo janitaparamaj~nAnanalinI\-
vikAsavyAsa~Ngo viphalitajagajjADyagarimA .
manaHpUrvAdriM me tilakayatu kAmAkShi tarasA
tamaskANDadrohI tava charaNapAthojaramaNaH .. 17..
namaskurmaH pre~NkhanmaNikaTakanIlotpalamahaH\-
payodhau ri~NkhadbhirnakhakiraNaphenairdhavalite .
sphuTa.n kurvANAya prabalachaladaurvAnalashikhA\-
vitarka.n kAmAkShyAH satatamaruNimne charaNayoH .. 18..
shive pAshAyetAmalaghuni tamaHkUpakuhare
dinAdhIshAyetAM mama hR^idayapAthojavipine .
nabhomAsAyetA.n sarasakavitArItisariti
tvadIyau kAmAkShi prasR^itakiraNau devi charaNau .. 19..
niShakta.n shrutyante nayanamiva sadvR^ittaruchiraiH
samairjuShTa.n shuddhairadharamiva ramyairdvijagaNaiH .
shive vakShojanmadvitayamiva muktAshritamume
tvadIya.n kAmAkShi praNatasharaNa.n naumi charaNam .. 20..
namasyAsa.nsajjannamuchiparipanthipraNayinI\-
nisargapre~NkholatkuralakulakAlAhishabale .
nakhachChAyAdugdhodadhipayasi te vaidrumaruchA.n
prachAra.n kAmAkShi prachurayati pAdAbjasuShamA .. 21..
kadA dUrIkartu.n kaTuduritakAkolajanita.n
mahAnta.n santApaM madanaparipanthipriyatame .
kShaNAtte kAmAkShi tribhuvanaparItApaharaNe
paTIyA.nsa.n lapsye padakamalasevAmR^itarasam .. 22..
yayoH sAndhya.n rochiH satatamaruNimne spR^ihayate
yayoshchAndrI kAntiH paripatati dR^iShTvA nakharuchim .
yayoH pAkodrekaM pipaThiShati bhaktyA kisalaya.n
mradimnaH kAmAkShyA manasi charaNau tau tanumahe .. 23..
jaganneda.n nedaM paramiti parityajya yatibhiH
kushAgrIyasvAntaiH kushaladhiShaNaiH shAstrasaraNau .
gaveShya.n kAmAkShi dhruvamakR^itakAnA.n girisute
girAmaidamparya.n tava charaNapadma.n vijayate .. 24..
kR^itasnAna.n shAstrAmR^itasarasi kAmAkShi nitarA.n
dadhAna.n vaishadya.n kalitarasamAnandasudhayA .
ala.nkAraM bhUmermunijanamanashchinmayamahA\-
payodherantasstha.n tava charaNaratnaM mR^igayate .. 25..
manogehe mohodbhavatimirapUrNe mama muhuH
daridrANIkurvandinakarasahasrANi kiraNaiH .
vidhattA.n kAmAkShi prasR^imaratamova~nchanachaNaH
kShaNArdha.n sAnnidhya.n charaNamaNidIpo janani te .. 26..
kavInA.n chetovannakhararuchisamparki vibudha\-
sravantIsrotovatpaTumukharita.n ha.nsakaravaiH .
dinArambhashrIvanniyatamaruNachChAyasubhaga.n
madantaH kAmAkShyAH sphuratu padapa~Nkeruhayugam .. 27..
sadA ki.n samparkAtprakR^itikaThinairnAkimukuTaiH
taTairnIhArAdreradhikamaNunA yogimanasA .
vibhinte sa.nmoha.n shishirayati bhaktAnapi dR^ishAm
adR^ishya.n kAmAkShi prakaTayati te pAdayugalam .. 28..
pavitrAbhyAmamba prakR^itimR^idulAbhyA.n tava shive
padAbhyA.n kAmAkShi prasabhamabhibhUtaiH sachakitaiH .
pravAlairambhojairapi cha vanavAsavratadashAH
sadaivArabhyante paricharitanAnAdvijagaNaiH .. 29..
chirAddR^ishyA ha.nsaiH kathamapi sadA ha.nsasulabha.n
nirasyantI jADya.n niyatajaDamadhyaikasharaNam .
adoShavyAsa~NgA satatamapi doShAptimalina.n
payoja.n kAmAkShyAH parihasati pAdAbjayugalI .. 30..
surANAmAnandaprabalanatayA maNDanatayA
nakhendujyotsnAbhirvisR^imaratamaHkhaNDanatayA .
payojashrIdveShavrataratatayA tvachcharaNayoH
vilAsaH kAmAkShi prakaTayati naishAkaradashAm .. 31..
sitimnA kAntInA.n nakharajanuShAM pAdanalina\-
chChavInA.n shoNimnA tava janani kAmAkShi namane .
labhante mandAragrathitanavabandhUkakusuma\-
srajA.n sAmIchInya.n surapurapurandhrIkachabharAH .. 32..
sphuranmadhye shuddhe nakhakiraNadugdhAbdhipayasA.n
vahannabja.n chakra.n daramapi cha lekhAtmakatayA .
shrito mAtsya.n rUpa.n shriyamapi dadhAno nirupamA.n
tridhAmA kAmAkShyAH padanalinanAmA vijayate .. 33..
nakhashrIsannaddhastabakanichitaH svaishcha kiraNaiH
pisha~NgaiH kAmAkShi prakaTitalasatpallavaruchiH .
satA.n gamyaH sha~Nke sakalaphaladAtA surataruH
tvadIyaH pAdo.aya.n tuhinagirirAjanyatanaye .. 34..
vaShaTkurvanmA~njIrakalakalaiH karmalaharI\-
havI.nShi prauddaNDa.n jvalati paramaj~nAnadahane .
mahIyAnkAmAkShi sphuTamahasi johoti sudhiyA.n
manovedyAM mAtastava charaNayajvA girisute .. 35..
mahAmantra.n ki.nchinmaNikaTakanAdairmR^idu japan
kShipandikShu svachCha.n nakharuchimayaM bhAsmanarajaH .
natAnA.n kAmAkShi prakR^itipaTurachchATya mamatA\-
pishAchIM pAdo.ayaM prakaTayati te mAntrikadashAm .. 36..
udIte bodhendau tamasi nitarA.n jagmuShi dashA.n
daridrA.n kAmAkShi prakaTamanurAga.n vidadhatI .
sitenAchChAdyA~Nga.n nakharuchipaTenA~NghriyugalI\-
purandhrI te mAtaH svayamabhisaratyeva hR^idayam .. 37..
dinArambhaH sampannalinavipinAnAmabhinavo
vikAso vAsantaH sukavipikalokasya niyataH .
pradoShaH kAmAkShi prakaTaparamaj~nAnashashina\-
shchakAsti tvatpAdasmaraNamahimA shailatanaye .. 38..
dhR^itachChAya.n nitya.n sarasiruhamaitrIparichita.n
nidhAna.n dIptInA.n nikhilajagatAM bodhajanakam .
mumukShUNAM mArgaprathanapaTu kAmAkShi padavI.n
pada.n te pAta~NgIM parikalayate parvatasute .. 39..
shanaistIrtvA mohAmbudhimatha samAroDhumanasaH
kramAtkaivalyAkhyA.n sukR^itisulabhA.n saudhavalabhIm .
labhante niHshreNImiva jhaTiti kAmAkShi charaNa.n
purashcharyAbhiste puramathanasImantini janAH .. 40..
prachaNDArtikShobhapramathanakR^ite prAtibhasari\-
tpravAhaproddaNDIkaraNajaladAya praNamatAm .
pradIpAya prauDhe bhavatamasi kAmAkShi charaNa\-
prasAdaunmukhyAya spR^ihayati jano.aya.n janani te .. 41..
marudbhiH sa.nsevyA satatamapi chA~nchalyarahitA
sadAruNya.n yAntI pariNatidaridrANasuShamA .
guNotkarShAnmA~njIrakakalakalaistarjanapaTuH
pravAla.n kAmAkShyAH parihasati pAdAbjayugalI .. 42..
jagadrakShAdakShA jalajaruchishikShApaTutarA
samairnamyA ramyA satatamabhigamyA budhajanaiH .
dvayI lIlAlolA shrutiShu surapAlAdimukuTI\-
taTIsImAdhAmA tava janani kAmAkShi padayoH .. 43..
girA.n dUrau chorau jaDimatimirANA.n kR^itajaga\-
tparitrANau shoNau munihR^idayalIlaikanipuNau .
nakhaiH smerau sArau nigamavachasA.n khaNDitabhava\-
grahonmAdau pAdau tava janani kAmAkShi kalaye .. 44..
avishrAntaM pa~Nka.n yadapi kalayanyAvakamaya.n
nirasyankAmAkShi praNamanajuShAM pa~Nkamakhilam .
tulAkoTidvanda.n dadhadapi cha gachChannatulatA.n
girAM mArgaM pAdo girivarasute la~Nghayati te .. 45..
pravAla.n savrIla.n vipinavivare vepayati yA
sphurallIlaM bAlAtapamadhikabAla.n vadati yA .
ruchi.n sAndhyA.n vandhyA.n virachayati yA vardhayatu sA
shivaM me kAmAkShyAH padanalinapATalyalaharI .. 46..
kira~njyotsnArIti.n nakhamukharuchA ha.nsamanasA.n
vitanvAnaH prIti.n vikachataruNAmbhoruharuchiH .
prakAshaH shrIpAdastava janani kAmAkShi tanute
sharatkAlaprauDhi.n shashishakalachUDapriyatame .. 47..
nakhA~NkUrasmeradyutivimalaga~NgAmbhasi sukha.n
kR^itasnAna.n j~nAnAmR^itamamalamAsvAdya niyatam .
uda~nchanma~njIrasphuraNamaNidIpe mama mano
manoj~ne kAmAkShyAshcharaNamaNiharmye viharatAm .. 48..
bhavAmbhodhau naukA.n jaDimavipine pAvakashikhA\-
mamartyendrAdInAmadhimukuTamutta.nsakalikAm .
jagattApe jyotsnAmakR^itakavachaHpa~njarapuTe
shukastrI.n kAmAkShyA manasi kalaye pAdayugalIm .. 49..
paratmaprAkAshyapratiphalanachu~nchuH praNamatA.n
manoj~nastvatpAdo maNimukuramudrA.n kalayate .
yadIyA.n kAmAkShi prakR^itimasR^iNAH shodhakadashA.n
vidhAtu.n cheShThante balaripuvadhUTIkachabharAH .. 50..
avishrAnta.n tiShThannakR^itakavachaHkandarapuTI\-
kuTIrAntaH prauDha.n nakharuchisaTAlIM prakaTayan .
prachaNDa.n khaNDatva.n nayatu mama kAmAkShi tarasA
tamovetaNDendra.n tava charaNakaNThIravapatiH .. 51..
purastAtkAmAkShi prachurarasamAkhaNDalapurI\-
purandhrINA.n lAsya.n tava lalitamAlokya shanakaiH .
nakhashrIbhiH smerA bahu vitanute nUpuraravai\-
shchamatkR^ityA sha~Nke charaNayugalI chATurachanAH .. 52..
saroja.n nindantI nakhakiraNakarpUrashishirA
niShiktA mArArermukuTashashirekhAhimajalaiH .
sphurantI kAmAkShi sphuTaruchimaye pallavachaye
tavAdhatte maitrIM pathikasudR^ishA pAdayugalI .. 53..
natAnA.n sampatteranavaratamAkarShaNajapaH
prarohatsa.nsAraprasaragarimastambhanajapaH .
tvadIyaH kAmAkShi smaraharamanomohanajapaH
paTIyAnnaH pAyAtpadanalinama~njIraninadaH .. 54..
vitanvIthA nAthe mama shirasi kAmAkShi kR^ipayA
padAmbhojanyAsaM pashuparibR^iDhaprANadayite .
pibanto yanmudrAM prakaTamupakampAparisara.n
dR^ishA nAnandyante nalinabhavanArAyaNamukhAH .. 55..
praNAmodyadvR^indAramukuTamandArakalikA\-
vilolallolambaprakaramayadhUmaprachurimA .
pradIptaH pAdAbjadyutivitatipATalyalaharI\-
kR^ishAnuH kAmAkShyA mama dahatu sa.nsAravipinam .. 56..
valakShashrIrR^ikShAdhipashishusadR^ikShaistava nakhaiH
jighR^ikShurdakShatva.n sarasiruhabhikShutvakaraNe .
kShaNAnme kAmAkShi kShapitabhavasa.nkShobhagarimA
vachovaichakShanya.n charaNayugalI pakShmalayatAt .. 57..
samantAtkAmAkShi kShatatimirasantAnasubhagAn
anantAbhirbhAbhirdinamanu digantAnvirachayan .
ahantAyA hantA mama jaDimadantAvalahariH
vibhintA.n santApa.n tava charaNachintAmaNirasau .. 58..
dadhAno bhAsvattAmamR^itanilayo lohitavapuH
vinamrANA.n saumyo gururapi kavitva.n cha kalayan .
gatau mando ga~NgAdharamahiShi kAmAkShi bhajatA.n
tamaHketurmAtastava charaNapadmo vijayate .. 59..
nayantI.n dAsatva.n nalinabhavamukhyAnasulabha\-
pradAnAddInAnAmamaratarudaurbhAgyajananIm .
jagajjanmakShemakShayavidhiShu kAmAkShi padayo\-
rdhurINAmIShTe karastava bhaNitumAhopuruShikAm .. 60..
jano.aya.n santapto janani bhavachaNDA.nshukiraNaiH
alabdhavaika.n shIta.n kaNamapi paraj~nAnapayasaH .
tamomArge pAnthastava jhaTiti kAmAkShi shishirA.n
padAmbhojachChAyAM paramashivajAye mR^igayate .. 61..
jayatyamba shrImannakhakiraNachInA.nshukamaya.n
vitAnaM bibhrANe suramukuTasa.nghaTTamasR^iNe .
nijAruNyakShaumAstaraNavati kAmAkShi sulabhA
budhaiH sa.nvinnArI tava charaNamANikyabhavane .. 62..
pratImaH kAmAkShi sphuritataruNAdityakiraNa\-
shriyo mUladravya.n tava charaNamadrIndratanaye .
surendrAshAmApUrayati yadasau dhvAntamakhila.n
dhunIte digbhAgAnapi cha mahasA pATalayate .. 63..
mahAbhAShyavyAkhyApaTushayanamAropayati vA
smaravyApArerShyApishunaniTila.n kArayati vA .
dvirephANAmadhyAsayati satata.n vAdhivasati.n
praNamrAnkAmAkShyAH padanalinamAhAtmyagarimA .. 64..
vivekAmbhassrotassnapanaparipATIshishirite
samIbhUte shAstrasmaraNahalasa.nkarShaNavashAt .
satA.n chetaHkShetre vapati tava kAmAkShi charaNo
mahAsa.nvitsasyaprakaravarabIja.n girisute .. 65..
dadhAno mandArastabakaparipATI.n nakharuchA
vahandIptA.n shoNA~NgulipaTalachAmpeyakalikAm .
ashokollAsa.n naH prachurayatu kAmAkShi charaNo
vikAsI vAsantaH samaya iva te sharvadayite .. 66..
nakhA.nshuprAchuryaprasR^imaramarAlAlidhavalaH
sphuranma~njIrodyanmarakatamahashshaivalayutaH .
bhavatyAH kAmAkShi sphuTacharaNapATalyakapaTo
nadaH shoNAbhikhyo nagapatitanUje vijayate .. 67..
dhunAnaM pa~NkaughaM paramasulabha.n kaNTakakulaiH
vikAsavyAsa~Nga.n vidadhadaparAdhInamanisham .
nakhendujyotsnAbhirvishadaruchi kAmAkShi nitarAm
asAmAnyaM manye sarasijamida.n te padayugam .. 68..
karIndrAya druhyatyalasagatilIlAsu vimalaiH
payojairmAtsaryaM prakaTayati kAma.n kalayate .
padAmbhojadvandva.n tava tadapi kAmAkShi hR^idaya.n
munInA.n shAntAnA.n kathamanishamasmai spR^ihayate .. 69..
nirastA shoNimnA charaNakiraNAnA.n tava shive
samindhAnA sandhyAruchirachalarAjanyatanaye .
asAmarthyAdenaM paribhavitumetatsamaruchA.n
sarojAnA.n jAne mukulayati shobhAM pratidinam .. 70..
upAdikShaddAkShya.n tava charaNanAmA gururasau
marAlAnA.n sha~Nke masR^iNagatilAlityasaraNau .
ataste nistandra.n niyatamamunA sakhyapadavI.n
prapannaM pAthojaM prati dadhati kAmAkShi kutukam .. 71..
dadhAnaiH sa.nsargaM prakR^itimalinaiH ShaTpadakulaiH
dvijAdhIshashlAghAvidhiShu vidadhadbhirmukulatAm .
rajomishraiH padmairniyatamapi kAmAkShi padayoH
virodhaste yukto viShamasharavairipriyatame .. 72..
kavitvashrImishrIkaraNanipuNau rakShaNachaNau
vipannAnA.n shrImannalinamasR^iNau shoNakiraNau .
munIndrANAmantaHkaraNasharaNau mandasaraNau
manoj~nau kAmAkShyA duritaharaNau naumi charaNau .. 73..
parasmAtsarvasmAdapi cha parayormuktikarayoH
nakhashrIbhirjyotsnAkalitatulayostAmratalayoH .
nilIye kAmAkShyA nigamanutayornAkinatayoH
nirastapronmIlannalinamadayoreva padayoH .. 74..
svabhAvAdanyonya.n kisalayamapIda.n tava pada.n
mradimnA shoNimnA bhagavati dadhAte sadR^ishatAm .
vane pUrvasyechChA satatamavane ki.n tu jagatA.n
parasyetthaM bhedaH sphurati hR^idi kAmAkShi sudhiyAm .. 75..
katha.n vAchAlo.api prakaTamaNima~njIraninadaiH
sadaivAnandArdrAnvirachayati vAcha.nyamajanAn .
prakR^ityA te shoNachChavirapi cha kAmAkShi charaNo
manIShAnairmalya.n kathamiva nR^iNAM mA.nsalayate .. 76..
chalattR^iShNAvIchIparichalanaparyAkulatayA
muhurbhrAntastAntaH paramashivavAmAkShi paravAn .
titIrShuH kAmAkShi prachuratarakarmAmbudhimamu.n
kadAha.n lapsye te charaNamaNisetu.n girisute .. 77..
vishuShyantyAM praj~nAsariti duritagrIShmasamaya\-
prabhAveNa kShINe sati mama manaHkekini shuchA .
tvadIyaH kAmAkShi sphuritacharaNAmbhodamahimA
nabhomAsATopa.n nagapatisute ki.n na kurute .. 78..
vinamrANA.n chetobhavanavalabhIsImni charaNa\-
pradIpe prAkAshya.n dadhati tava nirdhUtatamasi .
asImA kAmAkShi svayamalaghuduShkarmalaharI
vighUrNantI shAnti.n shalabhaparipATIva bhajate .. 79..
virAjantI shuktirnakhakiraNamuktAmaNitateH
vipatpAthorAshau tarirapi narANAM praNamatAm .
tvadIyaH kAmAkShi dhruvamalaghuvahnirbhavavane
munInA.n j~nAnAgneraraNirayama~Nghirvijayate .. 80..
samastaiH sa.nsevyaH satatamapi kAmAkShi vibudhaiH
stuto gandharvastrIsulalitavipa~nchIkalaravaiH .
bhavatyA bhindAno bhavagirikula.n jR^imbhitatamo\-
baladrohI mAtashcharaNapuruhUto vijayate .. 81..
vasantaM bhaktAnAmapi manasi nityaM parilasad\-
ghanachChAyApUrNa.n shuchimapi nR^iNA.n tApashamanam .
nakhendujyotsnAbhiH shishiramapi padmodayakara.n
namAmaH kAmAkShyAshcharaNamadhikAshcharyakaraNam .. 82..
kavIndrANA.n nAnAbhaNitiguNachitrIkR^itavachaH\-
prapa~nchavyApAraprakaTanakalAkaushalanidhiH .
adhaHkurvannabja.n sanakabhR^igumukhyairmunijanaiH
namasyaH kAmAkShyAshcharaNaparameShThI vijayate .. 83..
bhavatyAH kAmAkShi sphuritapadapa~NkeruhabhuvA.n
parAgANAM pUraiH parihR^itakala~NkavyatikaraiH .
natAnAmAmR^iShTe hR^idayamukure nirmalaruchi
prasanne nishsheShaM pratiphalati vishva.n girisute .. 84..
tava trastaM pAdAtkisalayamaraNyAntaramagAt
para.n rekhArUpa.n kamalamamumevAshritamabhUt .
jitAnA.n kAmAkShi dvitayamapi yuktaM paribhave
videshe vAso vA sharaNagamana.n vA nijaripoH .. 85..
gR^ihItvA yAthArthya.n nigamavachasA.n deshikakR^ipA\-
kaTAkSharkajyotishshamitamamatAbandhatamasaH .
yatante kAmAkShi pratidivasamantardraDhayitu.n
tvadIyaM pAdAbja.n sukR^itaparipAkena sujanAH .. 86..
jaDAnAmapyamba smaraNasamaye tavachcharaNayoH
bhramanmanthakShmAbhR^iddhumughumitasindhupratibhaTAH .
prasannAH kAmAkShi prasabhamadharaspandanakarA
bhavanti svachChandaM prakR^itiparipakkA bhaNitayaH .. 87..
vahannapyashrAntaM madhuraninada.n ha.nsakamasau
tamevAdhaH kartu.n kimiva yatate keligamane .
bhavasyaivAnanda.n vidadhadapi kAmAkShi charaNo
bhavatyAstaddrohaM bhagavati kimeva.n vitanute .. 88..
yadatyanta.n tAmyatyalasagativArtAsvapi shive
tadetatkAmAkShi prakR^itimR^idula.n te padayugam .
kirITaiH sa.nghaTTa.n kathamiva suraughasya sahate
munIndrANAmAste manasi cha katha.n sUchinishite .. 89..
manora~Nge matke vibudhajanasa.nmodajananI
sarAgavyAsa~Nga.n sarasamR^idusa.nchArasubhagA .
manoj~nA kAmAkShi prakaTayatu lAsyaprakaraNa.n
raNanma~njIrA te charaNayugalInartakavadhUH .. 90..
pariShkurvanmAtaH pashupatikaparda.n charaNarAT
parAchA.n hR^itpadmaM paramabhaNitInA.n cha makuTam .
bhavAkhye pAthodhau pariharatu kAmAkShi mamatA\-
parAdhInatvaM me parimuShitapAthojamahimA .. 91..
prasUnaiH samparkAdamarataruNIkuntalabhavaiH
abhIShTAnA.n dAnAdanishamapi kAmAkShi namatAm .
svasa~NgAtka~Nkeliprasavajanakatvena cha shive
tridhA dhatte vArtA.n surabhiriti pAdo girisute .. 92..
mahAmohastenavyatikarabhayAtpAlayati yo
vinikShipta.n svasminnijajanamanoratnamanisham .
sa rAgasyodrekAtsatatamapi kAmAkShi tarasA
kimevaM pAdo.asau kisalayaruchi.n chorayati te .. 93..
sadA svAdu.nkAra.n viShayalaharIshAlikaNikA.n
samAsvAdya shrAnta.n hR^idayashukapota.n janani me .
kR^ipAjAle phAlekShaNamahiShi kAmAkShi rabhasAt
gR^ihItvA rundhIthArastava padayugIpa~njarapuTe .. 94..
dhunAna.n kAmAkShi smaraNalavamAtreNa jaDima\-
jvaraprauDhi.n gUDhasthiti nigamanaiku~njakuhare .
alabhya.n sarveShA.n katichana labhante sukR^itinaH
chirAdanviShyantastava charaNasiddhauShadhamidam .. 95..
raNanma~njIrAbhyA.n lalitagamanAbhyA.n sukR^itinA.n
manovAstavyAbhyAM mathitatimirAbhyA.n nakharuchA .
nidheyAbhyAM patyA nijashirasi kAmAkShi satata.n
namaste pAdAbhyA.n nalinamR^idulAbhyA.n girisute .. 96..
surAge rAkendupratinidhimukhe parvatasute
chirAllabhye bhaktyA shamadhanajanAnAM pariShadA .
manobhR^i~Ngo matkaH padakamalayugme janani te
prakAma.n kAmAkShi tripuraharavAmAkShi ramatAm .. 97..
shive sa.nvidrUpe shashishakalachUDapriyatame
shanairgatyAgatyA jitasuravarebhe girisute .
yatante santaste charaNanalinAlAnayugale
sadA baddha.n chittapramadakariyUtha.n dR^iDhataram .. 98..
yashaH sUte mAtarmadhurakavitAM pakShmalayate
shriya.n datte chitte kamapi paripAkaM prathayate .
satAM pAshagranthi.n shithilayati ki.n ki.n na kurute
prapanne kAmAkShyAH praNatiparipATI charaNayoH .. 99..
manIShAM mAhendrI.n kakubhamiva te kAmapi dashA.n
pradhatte kAmAkShyAshcharaNataruNAdityakiraNaH .
yadIye samparke dhR^itarasamarandA kavayatA.n
parIpAka.n dhatte parimalavatI sUktinalinI .. 100..
purA mArArAtiH puramajayadamba stavashataiH
prasannAyA.n satyA.n tvayi tuhinashailendratanaye .
ataste kAmAkShi sphuratu tarasA kAlasamaye
samAyAte mAtarmama manasi pAdAbjayugalam .. 101..
padadvandvaM manda.n gatiShu nivasanta.n hR^idi satA.n
girAmante bhrAnta.n kR^itakarahitAnAM paribR^iDhe .
janAnAmAnanda.n janani janayantaM praNamatA.n
tvadIya.n kAmAkShi pratidinamaha.n naumi vimalam .. 102..
ida.n yaH kAmAkShyAshcharaNanalinastotrashataka.n
japennityaM bhaktyA nikhilajagadAhlAdajanakam .
sa vishveShA.n vandyaH sakalakavilokaikatilakaH
chiraM bhuktvA bhogAnpariNamati chidrUpakalayA .. 103..
\centerline{pAdAravindashataka.n sampUrNam ..}
\medskip\hrule\medskip
\newpage
\centerline{.. stutishatakam ..}
pANDityaM parameshvari stutividhau naivAshrayante girA.n
vairi~nchAnyapi gumphanAni vigaladgarvANi sharvANi te .
stotu.n tvAM pariphullanIlanalinashyAmAkShi kAmAkShi mA.n
vAchAlIkurute tathApi nitarA.n tvatpAdasevAdaraH .. 1..
tApi~nChastabakatviShe tanubhR^itA.n dAridryamudrAdviShe
sa.nsArAkhyatamomuShe purariporvAmA~NkasImAjuShe .
kampAtIramupeyuShe kavayatA.n jihvAkuTI.n jagmuShe
vishvatrANapuShe namo.astu satata.n tasmai para.njyotiShe .. 2..
ye sandhyAruNayanti sha.nkarajaTAkAntArachanrArbhaka.n
sindUranti cha ye purandaravadhUsImantasImAntare .
puNyaM ye paripakkayanti bhajatA.n kA~nchIpure mAmamI
pAyAsuH parameshvarapraNayinIpAdodbhavAH pA.nsavaH .. 3..
kAmADambarapUrayA shashiruchA kamrasmitAnA.n tviShA
kAmAreranurAgasindhumadhika.n kallolita.n tanvatI .
kAmAkShIti samastasajjananutA kalyANadAtrI nR^iNA.n
kAruNyAkulamAnasA bhagavatI kampAtaTe jR^imbhate .. 4..
kAmAkShINaparAkramaprakaTana.n sambhAvayantI dR^ishA
shyAmA kShIrasahodarasmitaruchiprakShAlitAshAntarA .
kAmAkShIjanamaulibhUShaNamaNirvAchAM parA devatA
kAmAkShIti vibhAti kApi karuNA kampAtaTinyAstaTe .. 5..
shyAmA kAchana chandrikA tribhuvane puNyAtmanAmAnane
sImAshUnyakavitvavarShajananI yA kApi kAdambinI .
mArArAtimanovimohanavidhau kAchitattamaHkandalI
kAmAkShyAH karuNAkaTAkShalaharI kAmAya me kalpatAm .. 6..
prauDhadhvAntakadambake kumudinIpuNyA.nkura.n darshayan
jyotsnAsa.ngamane.api kokamithunaM mishra.n samudbhAvayan .
kAlindIlaharIdashAM prakaTayankamrA.n nabhasyadbhutA.n
kashchinnetramahotsavo vijayate kA~nchIpure shUlinaH .. 7..
tandrAhInatamAlanIlasuShamaistAruNyalIlAgR^ihaiH
tArAnAthakishoralA~nChitakachaistAmrAravindekShaNaiH .
mAtaH sa.nshrayatAM mano manasijaprAgalbhyanADindhamaiH
kampAtIracharairghanastanabharaiH puNyA~NkaraiH shA.nkaraiH .. 8..
nitya.n nishchalatAmupetya marutA.n rakShAvidhiM puShNatI
tejassa.nchayapATavena kiraNAnuShNadyutermuShNatI .
kA~nchImadhyagatApi dIptijananI vishvAntare jR^imbhate
kAchichchitramaho smR^itApi tamasA.n nirvApikA dIpikA .. 9..
kAntaiH kesharuchA.n chayairbhramaritaM mandasmitaiH puShpita.n
kAntyA pallavitaM padAmburuhayornetratviShA patritam .
kampAtIravanAntara.n vidadhatI kalyANajanmasthalI
kA~nchImadhyamahAmaNirvijayate kAchitkR^ipAkandalI .. 10..
rAkAchandrasamAnakAntivadanA nAkAdhirAjastutA
mUkAnAmapi kurvatI suradhunInIkAshavAgvaibhavam .
shrIkA~nchInagarIvihArarasikA shokApahantrI satAm
ekA puNyaparamparA pashupaterAkAriNI rAjate .. 11..
jAtA shItalashailataH sukR^itinA.n dR^ishyA para.n dehinA.n
lokAnA.n kShaNamAtrasa.nsmaraNataH santApavichChedinI .
AshcharyaM bahu khelana.n vitanute naishchalyamAbibhratI
kampAyAstaTasImni kApi taTinI kAruNyapAthomayI .. 12..
aikya.n yena virachyate haratanau dambhAvapumbhAvuke
rekhA yatkachasImni shekharadashA.n naishAkarI gAhate .
aunnatyaM muhureti yena sa mahAnmenAsakhaH sAnumAn
kampAtIravihAriNA sasharaNAstenaiva dhAmnA vayam .. 13..
akShNoshcha stanayoH shriyA shravaNayorbAhvoshcha mUla.n spR^ishan
utta.nsena mukhena cha pratidina.n druhyanpayojanmane .
mAdhuryeNa girA.n gatena mR^idunA ha.nsA~NganA.n hrepayan
kA~nchIsImni chakAsti ko.api kavitAsantAnabIjA~NkuraH .. 14..
khaNDa.n chAndramasa.n vata.nsamanisha.n kA~nchIpure khelana.n
kAlAyashChavitaskarI.n tanuruchi.n karNajape lochane .
tAruNyoShmanakhampacha.n stanabhara.n ja~NghAspR^isha.n kuntala.n
bhAgya.n deshikasa.nchitaM mama kadA sampAdayedambike .. 15..
tanvAna.n nijakelisaudhasaraNi.n naisargikINA.n girA.n
kedAra.n kavimallasUktilaharIsasyashriyA.n shAshvatam .
a.nhova~nchanachu~nchu ki.nchana bhaje kA~nchIpurImaNDana.n
paryAyachChavi pAkashAsanamaNeH pauShpeShavaM pauruSham .. 16..
Aloke mukhapa~Nkaje cha dadhatI saudhAkarI.n chAturI.n
chUDAla.nkriyamANapa~NkajavanIvairAgamaprakriyA .
mugdhasmeramukhI ghansatanataTImUrchChAlamadhyA~nchitA
kA~nchIsImani kAminI vijayate kAchijjaganmohinI .. 17..
yasminnamba bhavatkaTAkSharajanI mande.api mandasmita\-
jyotsnAsa.nsnapitA bhavatyabhimukhI taM pratyaho dehinam .
drakShAmAkShikamAdhurImadabharavrIDAkarI vaikharI
kAmAkShi svayamAtanotyabhisR^iti.n vAmekShaNeva kShaNam .. 18..
kAlindIjalakAntayaH smitaruchisvarvAhinIpAthasi
prauDhadhvAntaruchaH sphuTAdharamaholauhityasandhyodaye .
maNikyopalakuNDalA.nshushikhini vyAmishradhUmashriyaH
kalyANaikabhuvaH kaTAkShasuShamAH kAmAkShi rAjanti te .. 19..
kalakalaraNatkA~nchI kA~nchIvibhUShaNamAlikA
kachabharalasachchandrA chandrAvata.nsasadharmiNI .
kavikulagirH shrAva.nshrAvaM milatpulakA.nkurA
virachitashiraHkampA kampAtaTe parishobhate .. 20..
sarasavachasA.n vIchI nIchIbhavanmadhumAdhurI
bharitabhuvanA kIrtirmUrtirmanobhavajitvarI .
janani manaso yogyaM bhogya.n nR^iNA.n tava jAyate
kathamiva vinA kA~nchIbhUShe kaTAkShatara~Ngitam .. 21..
bhramaritasaritkUlo nIlotpalaprabhayA.a.abhayA
natajanatamaHkhaNDI tuNDIrasImni vijR^imbhate .
achalatapasAmekaH pAkaH prasUnasharAsana\-
pratibhaTamanohArI nArIkulaikashikhAmaNiH .. 22..
madhuravachaso mandasmerA mata~NgajagAminaH
taruNimajuShastApichChAbhAstamaHparipanthinaH .
kuchabharanatAH kuryurbhadra.n kura~NgavilochanAH
kalitakaruNAH kA~nchIbhAjaH kapAlimahotsavAH .. 23..
kamalasuShamAkShyArohe vichakShaNavIkShaNAH
kumudasukR^itakrIDAchUDAlakuntalabandhurAH .
ruchiraruchibhistApichChashrIprapa~nchanachu~nchavaH
puravijayinaH kampAtIre sphuranti manorathAH .. 24..
kalitaratayaH kA~nchIlIlAvidhau kavimaNDalI\-
vachanalaharIvAsantInA.n vasantavibhUtayaH .
kushalavidhaye bhUyAsurme kura~NgavilochanAH
kusumavishikhArAterakShNA.n kutUhalavibhramAH .. 25..
kabalitatamaskANDAstuNDIramaNDalamaNDanAH
sarasijavanIsantAnAnAmaruntudashekharAH .
nayanasaraNernedIya.nsaH kadA nu bhavanti me
taruNajaladashyAmAH shambhostapaHphalavibhramAH .. 26..
acharamamiShu.n dInaM mInadhvajasya mukhashriyA
sarasijabhuvo yAnaM mlAna.n gatena cha ma~njunA .
tridashasadasAmanna.n khinna.n girA cha vitanvatI
tilakayati sA kampAtIra.n trilochanasundarI .. 27..
janani bhuvane cha~Nkramye.aha.n kiyantamanehasa.n
kupuruShakarabhraShTairduShTairdhanairudarambhariH .
taruNakaruNe tandrAshUnye tara~Ngaya lochane
namati mayi te ki.nchitkA~nchIpurImaNidIpike .. 28..
munijanamanaHpeTIratna.n sphuratkaruNAnaTI\-
viharaNakalAgeha.n kA~nchIpurImaNibhUShaNam .
jagati mahato mohavyAdhernR^iNAM paramauShadha.n
puraharadR^ishA.n sAphalyaM me puraH parijR^imbhatAm .. 29..
munijanamodhAmne dhAmne vachomayajAhnavI\-
himagiritaTaprAgbhArAyAkSharAya parAtmane .
viharaNajuShe kA~nchIdeshe maheshvaralochana\-
tritayasarasakrIDAsaudhA~NgaNAya namo namaH .. 30..
marakataruchAM pratyAdeshaM maheshvarachakShuShAm
amR^italaharIpUraM pAraM bhavAkhyapayonidheH .
sucharitaphala.n kA~nchIbhAjo janasya pachelima.n
himashikhariNo va.nshasyaika.n vata.nsamupAsmahe .. 31..
praNamanadinArambhe kampAnadIsakhi tAvake
sarasakavitonmeShaH pUShA satA.n samuda~nchitaH .
pratibhaTamahAprauDhaprodyatkavitvakumudvatI.n
nayati tarasA nidrAmudrA.n nageshvarakanyake .. 32..
shamitajaDimArambhA kampAtaTInikaTecharI
nihataduritastomA somArdhamudritakuntalA .
phalitasumanovA~nChA pA~nchAyudhI paradevatA
saphalayatu me netre gotreshvarapriyanandinI .. 33..
mama tu dhiShaNA pIDyA jADyAtireka katha.n tvayA
kumudasuShamAmaitrIpAtrIvata.nsitakuntalAm .
jagati shamitastambhA.n kampAnadInilayAmasau
shriyati hi galattandrA chandrAvata.nsasadharmiNIm .. 34..
parimalaparIpAkodrekaM payomuchi kA~nchane
shikhariNi punardbaidhIbhAva.n shashinyaruNAtapam .
api cha janayankamborlakShmImanambuni ko.apyasau
kusumadhanuShaH kA~nchIdeshe chakAsti parAkramaH .. 35..
puradamayiturvAmotsa~Ngasthalena rasaj~nayA
sarasakavitAbhAjA kA~nchIpurodarasImayA .
taTaparisarairnIhArAdrervachobhirakR^itrimaiH
kimiva na tulAmasmachcheto maheshvari gAhate .. 36..
nayanayugalImAsmAkInA.n kadA nu phalegrahI.n
vidadhati gatau vyAkurvANA gajendrachamatkriyAm .
maratakarucho mAheshAnA ghanastananamritAH
sukR^itavibhavAH prA~nchaH kA~nchIvata.nsadhurandharAH .. 37..
manasijayashaHpAramparyaM marandajharIsuvA.n
kavikulagirA.n kanda.n kampAnadItaTamaNDanam .
madhuralalitaM matka.n chakShurmanIShimanohara.n
puravijayinaH sarvasva.n tatpuraskurute kadA .. 38..
shithilitatamolIlA.n nIlAravindavilochanA.n
dahanavilasatphAlA.n shrIkAmakoTimupAsmahe .
karadhR^itasachChUlA.n kAlArichittaharAM parA.n
manasijakR^ipAlIlA.n lolAlakAmalikekShaNAm .. 39..
kalAlIlAshAlA kavikulavachaHkairavavanI\-
sharajjyotsnAdhArA shashadharashishushlAghyamukuTI .
punIte naH kampApulinataTasauhArdataralA
kadA chakShurmArga.n kanakagiridhAnuShkamahiShI .. 40..
namaH stAnnamrebhyaH stanagarimagarveNa guruNA
dadhAnebhyashchUDAbharaNamamR^itasyandi shishiram .
sadA vAstavebhyaH suvidhabhuvi kampAkhyasarite
yashovyApArebhyaH sukR^itavibhavebhyo ratipateH .. 41..
asUyantI kAchinmarakatarucho nAkimukuTI\-
kadamba.n chumbantI charaNanakhachandrA.nshupaTalaiH .
tamomudrA.n vidrAvayatu mama kA~nchIrnilayanA
harotsa~NgashrImanmaNigR^ihamahAdIpakalikA .. 42..
anAdyantA kAchitsujananayanAnandajananI
nirundhAnA kAnti.n nijaruchivilAsairjalamuchAm .
smarArestAralyaM manasi janayantI svayamaho
galatkampA shampA parilasati kampAparisare .. 43..
sudhADiNDIrashrIH smitaruchiShu tuNDIraviShaya.n
pariShkurvANAsau parihasitanIlotpalaruchiH .
stanAbhyAmAnamrA stabakayatu me kA~NkShitataru.n
dR^ishAmaishAnInA.n sukR^itaphalapANDityagarimA .. 44..
kR^ipAdhArAdroNI kR^ipaNadhiShaNAnAM praNamatA.n
nihantrI santApa.n nigamamukuTotta.nsakalikA .
parA kA~nchIlIlAparichayavatI parvatasutA
girA.n nIvI devI girishaparatantrA vijayate .. 45..
kavitvashrIkandaH sukR^itaparipATI himagireH
vidhAtrI vishveShA.n viShamasharavIradhvajapaTI .
sakhI kampAnadyAH padahasitapAthojayugalI
purANo pAyAnnaH puramathanasAmrAjyapadavI .. 46..
daridrANA madhye daradalitatApichChasuShamAH
stanAbhogakkAntAstaruNahariNA~NkA~NkitakachAH .
harAdhInA nAnAvibudhamukuTIchumbitapadAH
kadA kampAtIre kathaya viharAmo girisute .. 47..
varIvartu sthemA tvayi mama girA.n devi manaso
narInartu prauDhA vadanakamale vAkyalaharI .
charIchartu praj~nAjanani jaDimAnaH parajane
sarIsartu svaira.n janani mayi kAmAkShi karuNA .. 48..
kShaNAtte kAmAkShi bhramarasuShamAshikShaNaguruH
kaTAkShavyAkShepo mama bhavatu mokShAya vipadAm .
narInartu svaira.n vachanalaharI nirjarapurI\-
saridvIchInIchIkaraNapaTurAsye mama sadA .. 49..
purastAnme bhUyaHprashamanaparaH stAnmama rujA.n
prachAraste kampAtaTavihR^itisampAdini dR^ishoH .
imA.n yAch~nAmUrIkuru sapadi dUrIkuru tamaH\-
parIpAkaM matka.n sapadi budhaloka.n cha naya mAm .. 50..
uda~nchantI kA~nchInagaranilaye tvatkaruNayA
samR^iddhA vAgdhATI parihasitamAdhvI kavayatAm .
upAdatte mArapratibhaTajaTAjUTamukuTI\-
kuTIrollAsinyAH shatamakhataTinyA jayapaTIm .. 51..
shriya.n vidyA.n dadyAjjanani namatA.n kIrtimamitA.n
suputrAn prAdatte tava jhaTiti kAmAkShi karuNA .
trilokyAmAdhikya.n tripuraparipanthipraNayini
praNAmastvatpAde shamitadurite ki.n na kurute .. 52..
manaHstambha.n stambha.n gamayadupakampaM praNamatA.n
sadA lola.n nIla.n chikurajitalolambanikaram .
girA.n dUra.n smera.n dhR^itashashikishoraM pashupateH
dR^ishA.n yogyaM bhogya.n tuhinagiribhAgya.n vijayate .. 53..
ghanashyAmAnkAmAntakamahiShi kAmAkShi madhurAn
dR^ishAM pAtAnetAnamR^itajalashItAnanupamAn .
bhavotpAte bhIte mayi vitara nAthe dR^iDhabhava\-
nmanashshoke mUke himagiripatAke karuNayA .. 54..
natAnAM mandAnAM bhavanigalabandhAkuladhiyA.n
mahAndhyA.n rundhAnAmabhilaShitasantAnalatikAm .
charantI.n kampAyAstaTabhuvi savitrI.n trijagatA.n
smarAmastA.n nitya.n smaramathanajIvAtukalikAm .. 55..
parA vidyA hR^idyAshritamadanavidyA marakata\-
prabhAnIlA lIlAparavashitashUlAyudhamanAH .
tamaHpUra.n dUra.n charaNanatapaurandarapurI\-
mR^igAkShI kAmAkShI kamalataralAkShI nayatu me .. 56..
ahantAkhyA matka.n kabalayati hA hanta hariNI
haThAtsa.nvidrUpa.n haramahiShi sasyA~Nkuramasau .
kaTAkShavyAkShepaprakaTaharipAShANapaTalaiH
imAmuchchairuchchATaya jhaTiti kAmAkShi kR^ipayA .. 57..
budhe vA mUke vA tava patati yasminkShaNamasau
kaTAkShaH kAmAkShi prakaTajaDimakShodapaTimA .
katha.nkAra.n nAsmai karamukulachUDAlamukuTA
namovAkaM brUyurnamuchiparipanthiprabhR^itayaH .. 58..
pratIchIM pashyAmaH prakaTaruchinIvArakamaNi\-
prabhAsadhrIchInAM pradalitaShaDAdhArakamalAm .
charantI.n sauShumne pathi parapadendupravigala\-
tsudhArdrA.n kAmAkShIM pariNatapara.njyotirudayAm .. 59..
jambhArAtiprabhR^itimukuTIH pAdayoH pIThayantI
gumphAnvAchA.n kavijanakR^itAnsvairamArAmayantI .
shampAlakShmIM maNigaNaruchApATalaiH prApayantI
kampAtIre kavipariShadA.n jR^imbhate bhAgyasImA .. 60..
chandrApIDA.n chaturavadanA.n cha~nchalApA~NgalIlA.n
kundasmerA.n kuchabharanatA.n kuntaloddhUtabhR^i~NgAm .
mArArAtermadanashikhinaM mA.nsala.n dIpayantI.n
kAmAkShI.n tA.n kavikulagirA.n kalpavallImupAse .. 61..
kAlAmbhodaprakarasuShamA.n kAntibhistirjayantI
kalyANAnAmudayasaraNiH kalpavallI kavInAm .
kandarpAreH priyasahacharI kalmaShANA.n nihantrI
kA~nchIdesha.n tilakayati sA kApi kAruNyasImA .. 62..
UrIkurvannurasijataTe chAturIM bhUdharANA.n
pAthojAnA.n nayanayugale paripanthya.n vitanvan .
kampAtIre viharati ruchA moghayanmeghashailI.n
kokadveSha.n shirasi kalayanko.api vidyAvisheShaH .. 63..
kA~nchIlIlAparichayavatI kApi tApichChalakShmIH
jADyAraNye hutavahashikhA janmabhUmiH kR^ipAyAH .
mAkandashrIrmadhurakavitAchAturI kokilAnA.n
mArge bhUyAnmama nayanayormAnmathI kApi vidyA .. 64..
seturmAtarmaratakamayo bhaktibhAjAM bhavAbdhau
lIlAlolA kuvalayamayI mAnmathI vaijayantI .
kA~nchIbhUShA pashupatidR^ishA.n kApi kAlA~njanAlI
matka.n duHkha.n shithilayatu te ma~njulApA~NgamAlA .. 65..
vyAvR^iNvAnAH kuvalayadalaprakriyAvairamudrA.n
vyAkurvANA manasijamahArAjasAmrAjyalakShmIm .
kA~nchIlIlAvihR^itirasike kA~NkShita.n naH kriyAsuH
bandhachChede tava niyaminAM baddhadIkShAH kaTAkShAH .. 66..
kAlAmbhode shashiruchi dala.n kaitaka.n darshayantI
madhyesaudAmini madhulihAM mAlikA.n rAjayantI .
ha.nsArAva.n vikachakamale ma~njumullAsayantI
kampAtIre vilasati navA kApi kAruNyalakShmIH .. 67..
chitra.n chitra.n nijamR^idutayA bhartsayanpallavAlI.n
pu.nsA.n kAmAnbhuvi cha niyataM pUrayanpuNyabhAjAm .
jAtaH shailAnna tu jalanidheH svairasa.nchArashIlaH
kA~nchIbhUShA kalayatu shiva.n ko.api chintAmaNirme .. 68..
tAmrAmbhoja.n jaladanikaTe tatra bandhUkapuShpa.n
tasminmallIkusumasuShamA.n tatra vINAninAdam .
vyAvR^invAnA sukR^italaharI kApi kA~nchinagaryAm
aishAnI sA kalayatitarAmaindrajAla.n vilAsam .. 69..
AhArA.nsha.n tridashasadasAmAshraye chAtakAnAm
AkAshoparyapi cha kalayannAlaya.n tu~NgameShAm .
kampAtIre viharatitarA.n kAmadhenuH kavInA.n
mandasmero madananigamaprakriyAsampradAyaH .. 70..
ArdrIbhUtairaviralakR^ipairAttalIlAvilAsaiH
AsthApUrNairadhikachapalaira~nchitAmbhojashilpaiH .
kAntairlakShmIlalitabhavanaiH kAntikaivalyasAraiH
kAshmalya.n naH kabalayatu sA kAmakoTI kaTAkShaiH .. 71..
AdhUnvantyai taralanayanairA~NgajI.n vaijayantIm
Anandinyai nijapadajuShAmAttakA~nchIpurAyai .
AsmAkIna.n hR^idayamakhilairAgamAnAM prapa~nchaiH
ArAdhyAyai spR^ihayatitarAmadimAyai jananyai .. 72..
dUra.n vAchA.n tridashasadasA.n duHkhasindhostaritra.n
mohakShvelakShitiruhavane krUradhAra.n kuThAram .
kampAtIrapraNayi kavibhirvarNitodyachcharitra.n
shAntyai seve sakalavipadA.n shA.nkara.n tatkalatram .. 73..
khaNDIkR^itya prakR^itikuTila.n kalmaShaM prAtibhashrI\-
shuNDIratva.n nijapadajuShA.n shUnyatandra.n dishantI .
tuNDIrAkhyai mahati viShaye svarNavR^iShTipradAtrI
chaNDI devI kalayati rati.n chandrachUDAlachUDe .. 74..
yena khyAto bhavati sa gR^ihI pUruSho merudhanvA
yaddR^ikkoNe madananigamaprAbhavaM bobhavIti .
yatprItyaiva trijagadadhipo jR^imbhate kimpachAnaH
kampAtIre sa jayati mahAnkashchidojovisheShaH .. 75..
dhanyA dhanyA gatiriha girA.n devi kAmAkShi yanme
nindyAM bhindyAtsapadi jaDatA.n kalmaShAdunmiShantIm .
sAdhvI mAdhvIrasamadhuratAbha~njinI ma~njurItiH
vANIveNI jhaTiti vR^iNutAtsvardhunIspardhinI mAm .. 76..
yasyA vATI hR^idayakamala.n kausumI yogabhAjA.n
yasyAH pIThI satatashishirA shIkarairmAkarandaiH .
yasyAH peTI shrutiparichalanmauliratnasya kA~nchI
sA me somAbharaNamahiShI sAdhayetkA~NkShitAni .. 77..
ekA mAtA sakalajagatAmIyuShI dhyAnamudrAm
ekAmrAdhIshvaracharaNayorekatAnA.n samindhe .
tATa~NkodyanmaNigaNaruchA tAmrakarNapradeshA
tAruNyashrIstabakitatanustApasI kApi bAlA .. 78..
dantAdantiprakaTanakarI dantibhirmandayAnaiH
mandArANAM madapariNatiM mathnatI mandahAsaiH .
a~NkUrAbhyAM manasijatarora~NkitorAH kuchAbhyA\-
mantaHkA~nchi sphurati jagatAmAdimA kApi mAtA .. 79..
triyambakakuTumbinI.n tripurasundarImindirA.n
pulindapatisundarI.n tripurabhairavIM bhAratIm .
mata~NgakulanAyikAM mahiShamardanIM mAtR^ikA.n
bhaNanti vibudhottamA vihR^itimeva kAmAkShi te .. 80..
mahAmunimanonaTI mahitaramyakampAtaTI\-
kuTIrakavihAriNI kuTilabodhasa.nhAriNI .
sadA bhavatu kAminI sakaladehinA.n svAminI
kR^ipAtishayaki.nkarI mama vibhUtaye shA.nkarI .. 81..
jaDAH prakR^itinirdhanA janavilochanAruntudA
narA janani vIkShaNa.n kShaNamavApya kAmAkShi te .
vachassu madhumAdhurIM prakaTayanti paurandarI\-
vibhUtiShu viDambanA.n vapuShi mAnmathIM prakriyAm .. 82..
ghansatanataTasphuTasphuritaka~nchulIcha~nchalI\-
kR^itatripurashAsanA sujanashIlitopAsanA .
dR^ishoH saraNimashnute mama kadA nu kA~nchIpure
parA paramayoginAM manasi chitkulA puShkalA .. 83..
kavIndrahR^idayecharI parigR^ihItakA~nchIpurI
nirUDhakaruNAjharI nikhilalokarakShAkarI .
manaHpathadavIyasI madanashAsanapreyasI
mahAguNagarIyasI mama dR^isho.astu nedIyasI .. 84..
dhanena na ramAmahe khalajanAnna sevAmahe
na chApalamayAmahe bhavabhayAnna dUyAmahe .
sthirA.n tanumahetarAM manasi ki.n cha kA~nchIrata\-
smarAntakakuTumbinIcharaNapallavopAsanAm .. 85..
surAH parijanA vapurmanasijAya vairAyate
triviShTapanitambinIkuchataTI cha kelIgiriH .
giraH surabhayo vayastaruNimA daridrasya vA
kaTAkShasaraNau kShaNa.n nipatitasya kAmAkShi te .. 86..
pavitraya jagattrayIvibudhabodhajIvAtubhiH
puratrayavimardinaH pulakaka~nchulIdAyibhiH .
bhavakShayavichakShaNairvyasanamokShaNairvIkShaNaiH
nirakSharashiromaNi.n karuNayaiva kAmAkShi mAm .. 87..
kadA kalitakhelanAH karuNayaiva kA~nchIpure
kalAyamukulatviShaH shubhakadambapUrNA~NkurAH .
payodharabharAlasAH kavijaneShu te bandhurAH
pachelimakR^ipArasA paripatanti mArge dR^ishoH .. 88..
ashodhyamachalodbhava.n hR^idayanandana.n dehinAm
anarghamadhikA~nchi tatkimapi ratnamuddyotate .
anena samala.nkR^itA jayati sha~NkarA~NkasthalI
kadAsya mama mAnasa.n vrajati peTikAvibhramam .. 89..
parAmR^itajharIplutA jayati nityamantashcharI
bhuvAmapi bahishcharI paramasa.nvidekAtmikA .
mahadbhiraparokShitA satatameva kA~nchIpure
mamAnvahamaha.nmatirmanasi bhAtu mAheshvarI .. 90..
tamovipinadhAvina.n satatameva kA~nchIpure
vihArarasikA parA paramasa.nvidurvIruhe .
kaTAkShanigalairdR^iDha.n hR^idayaduShTadantAvala.n
chira.n nayatu mAmaka.n tripuravairisImantinI .. 91..
tvameva sati chaNDikA tvamasi devi chAmuNDikA
tvameva paramAtR^ikA tvamapi yoginIrUpiNI .
tvameva kila shAmbhavI tvamasi kAmakoTI jayA
tvameva vijayA tvayi trijagadamba kiM brUmahe .. 92..
pare janani pArvati praNatapAlini prAtibha\-
pradAtri parameshvari trijagadAshrite shAshvate .
triyambakakuTumbini tripadasa~Ngini trIkShaNe
trishaktimayi vIkShaNaM mayi nidhehi kAmAkShi te .. 93..
manomadhukarotsava.n vidadhatI manIShAjuShA.n
svayamprabhavavaikharIvipinavIthikAlambinI .
aho shishiritA kR^ipAmadhurasena kampAtaTe
charAcharavidhAyinI chalati kApi chinma~njarI .. 94..
kalAvati kalAbhR^ito mukuTasImni lIlAvati
spR^ihAvati maheshvare bhuvanamohane bhAsvati .
prabhAvati rame sadA mahitarUpashobhAvati
tvarAvati pare satA.n gurukR^ipAmbudhArAvati .. 95..
tvayaiva jagadambayA bhuvanamaNDala.n sUyate
tvayaiva karuNArdrayA tadapi rakShaNa.n nIyate .
tvayaiva kharakopayA nayanapAvake hUyate
tvayaiva kila nityayA jagati santata.n sthIyate .. 96..
charAcharajaganmayI.n sakalahR^inmayI.n chinmayI.n
guNatrayamayI.n jagattrayamayI.n tridhAmAmayIm .
parAparamayI.n sadA dashadishA.n nishAharmayI.n
parA.n satatasanmayIM manasi chinmayI.n shIlaye .. 97..
jaya jagadambike harakuTumbini vaktraruchA
jitasharadambuje ghanaviDambini kesharuchA .
paramavalambana.n kuru sadA pararUpadhare
mama gatasa.nvido jaDimaDambaratANDavinaH .. 98..
bhuvanajanani bhUShAbhUtachandre namaste
kaluShashamani kampAtIragehe namaste .
nikhilanigamavedye nityarUpe namaste
parashivamayi pAshachChedahaste namaste .. 99..
kvaNatkA~nchI kA~nchIpuramaNivipa~nchIlayajharI\-
shiraHkampA kampAvasatiranukampAjalanidhiH .
ghanashyAmA shyAmA kaThinakuchasImA manasi me
mR^igAkShI kAmAkShI haranaTanasAkShI viharatAt .. 100..
samaravijayakoTI sAdhakAnandadhATI
mR^iduguNaparipeTI mukhyakAdambavATI .
muninutaparipATI mohitAjANDakoTI
paramashivavadhUTI pAtu mA.n kAmakoTI .. 101..
imaM paravarapradaM prakR^itipeshalaM pAvana.n
parAparachidAkR^itiprakaTanapradIpAyitam .
stavaM paThati nityadA manasi bhAvayannambikA.n
japairalamalaM makhairadhikadehasa.nshoShaNaiH .. 102..
\centerline{stutishataka.n sampUrNam ..}
\medskip\hrule\medskip
\newpage
\centerline{.. kaTAkShashatakam ..}
mohAndhakAranivaha.n vinihantumIDe
mUkAtmanAmapi mahAkavitAvadAnyAn .
shrIkA~nchideshashishirIkR^itijAgarUkAn
ekAmranAthataruNIkaruNAvalokAn .. 1..
mAtarjayanti mamatAgrahamokShaNAni
mAhendranIlaruchishikShaNadakShiNAni .
kAmAkShi kalpitajagattrayarakShaNAni
tvadvIkShaNAni varadAnavichakShaNAni .. 2..
Ana~NgatantravidhidarshitakaushalAnAm
AnandamandaparighUrNitamantharANAm .
tAralyamamba tava tADitakarNasImnA.n
kAmAkShi khelati kaTAkShanirIkShaNAnAm .. 3..
kallolitena karuNArasavellitena
kalmAShitena kamanIyamR^idusmitena .
mAma~nchitena tava ki.nchana ku~nchitena
kAmAkShi tena shishirIkuru vIkShitena .. 4..
sAhAyyaka.n gatavatI muhurarjanasya
mandasmitasya paritoShitabhImachetAH .
kAmAkShi pANDavachamUriva tAvakInA
karNAntika.n chalati hanta kaTAkShalakShmIH .. 5..
asta.n kShaNAnnayatu me paritApasUryam
AnandachandramasamAnayatAM prakAsham .
kAlAndhakArasuShumA.n kalayandigante
kAmAkShi komalakaTAkShanishAgamaste .. 6..
tATA~NkamauktikaruchA~NkuradantakAntiH
kAruNyahastipashikhAmaNinAdhirUDhaH .
unmUlayatvashubhapAdapamasmadIya.n
kAmAkShi tAvakakaTAkShamata~NgajetandraH .. 7..
ChAyAbharaNe jagatAM paritApahArI
tATa~NkaratnamaNitallajapallavashrIH .
kAruNyanAma vikiranmakarandajAla.n
kAmAkShi rAjati kaTAkShasuradrumaste .. 8..
sUryAshrayapraNayinI maNikuNDalA.nshu\-
lauhityakokanadakAnanamAnanIyA .
yAntI tava smaraharAnanakAntisindhu.n
kAmAkShi rAjati kaTAkShakalindakanyA .. 9..
prApnoti ya.n sukR^itina.n tava pakShapAtAt
kAmAkShi vIkShaNavilAsakalApurandhrI .
sadyastameva kila muktivadhUrvR^iNIte
tasmAnnitAntamanayoridamaikamatyam .. 10..
yAntI sadaiva marutAmanukUlabhAva.n
bhrUvallishakradhanurullasitA rasArdrA .
kAmAkShi kautukatara~NgitanIlakaNThA
kAdambinIva tava bhAti kaTAkShamAlA .. 11..
ga~NgAmbhasi smitamaye tapanAtmajeva
ga~NgAdharorasi navotpalamAlikeva .
vaktraprabhAsarasi shaivalamaNDalIva
kAmAkShi rAjati kaTAkSharuchichChaTA te .. 12..
sa.nskArataH kimapi kandalitAn rasaj~na\-
kedArasImni sudhiyAmupabhogayogyAn .
kalyANasUktilaharIkalamA.nkurAnnaH
kAmAkShi pakShmalayatu tvadapA~NgameghaH .. 13..
chA~nchalyameva niyata.n kalayanprakR^ityA
mAlinyabhUH shratipathAkramajAgarUkaH .
kaivalyameva kimu kalpayate natAnA.n
kAmAkShi chitramapi te karuNAkaTAkShaH .. 14..
sa.njIvane janani chUtashilImukhasya
sa.nmohane shashikishorakashekharasya .
sa.nstambhane cha mamatAgrahacheShTitasya
kAmAkShi vIkShaNakalA paramauShadha.n te .. 15..
nIlo.api rAgamadhika.n janayanpurAreH
lolo.api bhaktimadhikA.n dR^iDhayannarANAm .
vakro.api devi namatA.n samatA.n vitanvan
kAmAkShi nR^ityatu mayi tvadapA~NgapAtaH .. 16..
kAmadruho hR^idayayantraNajAgarUkA
kAmAkShi cha~nchaladR^iga~nchalamekhalA te .
Ashcharyamamba bhajatA.n jhaTiti svakIya\-
samparka eva vidhunoti samastabandhAn .. 17..
kuNThIkarotu vipadaM mama ku~nchitabhrU\-
chApA~nchitaH shritavidehabhavAnurAgaH .
rakShopakAramanisha.n janaya~njagatyA.n
kAmAkShi rAma iva te karuNAkaTAkShaH .. 18..
shrIkAmakoTi shivalochanashoShitasya
shR^i~NgArabIjavibhavasya punaHprarohe .
premAmbhasArdramachirAtprachureNa sha~Nke
kedAramamba tava kevaladR^iShTipAtam .. 19..
mAhAtmyashevadhirasau tava durvila~Nghya\-
sa.nsAravindhyagirikuNThanakelichu~nchuH .
dhairyAmbudhiM pashupateshchulakIkaroti
kAmAkShi vIkShaNavijR^imbhaNakumbhajanmA .. 20..
pIyUShavarShavashishirA sphuTadutpalashrI\-
maitrI nisargamadhurA kR^itatArakAptiH .
kAmAkShi sa.nshritavatI vapuraShTamUrteH
jyotsnAyate bhagavati tvadapA~NgamAlA .. 21..
amba smarapratibhaTasya vapurmanoj~nam
ambhojakAnanamivA~nchitakaNTakAbham .
bhR^i~NgIva chumbati sadaiva sapakShapAtA
kAmAkShi komalaruchistvadapA~NgamAlA .. 22..
keshaprabhApaTalanIlavitAnajAle
kAmAkShi kuNDalamaNichChavidIpashobhe .
sha~Nke kaTAkSharuchira~Ngatale kR^ipAkhyA
shailUShikA naTati sha.nkaravallabhe te .. 23..
atyantashItalamatandrayatu kShaNArdham
astokavibhramamana~NgavilAsakandam .
alpasmitAdR^itamapArakR^ipApravAham
akShiprarohamachirAnmayi kAmakoTi .. 24..
mandAkSharAgataralIkR^itipAratantryAt
kAmAkShi mantharatarA.n tvadapA~NgaDolAm .
Aruhya mandamatikautukashAli chakShuH
Anandameti muhurardhashashA~NkamauleH .. 25..
traiyambaka.n tripurasundari harmyabhUmi\-
ra~Nga.n vihArasarasI karuNApravAhaH .
dAsAshcha vAsavamukhAH paripAlanIya.n
kAmAkShi vishvamapi vIkShaNabhUbhR^itaste .. 26..
vAgIshvarI sahacharI niyamena lakShmIH
bhrUvallarIvashakarI bhuvanAni geham .
rUpa.n trilokanayanAmR^itamamba teShA.n
kAmAkShi yeShu tava vIkShaNapAratantrI .. 27..
mAheshvara.n jhaTiti mAnasamInamamba
kAmAkShi dhairyajaladhau nitarA.n nimagnam .
jAlena shR^i~Nkhalayati tvadapA~NganAmnA
vistAritena viShamAyudhadAshako.asau .. 28..
unmathya bodhakamalAkAramamba jADya\-
stamberamaM mama manovipine bhramantam .
kuNThIkuruShva tarasA kuTilAgrasImnA
kAmAkShi tAvakakaTAkShamahA~Nkushena .. 29..
udvellitastabakitairlalitairvilAsaiH
utthAya devi tava gADhakaTAkShaku~njAt .
dUraM palAyayatu mohamR^igIkulaM me
kAmAkShi stavaramanugrahakesarIndraH .. 30..
snehAdR^itA.n vidalitotpalakantichorA.n
jetArameva jagadIshvari jetukAmaH .
mAnoddhato makaraketurasau dhunIte
kAmAkShi tAvakakaTAkShakR^ipANavallIm .. 31..
shrautI.n vrajannapi sadA saraNiM munInA.n
kAmAkShi santatamapi smR^itimArgagAmI .
kauTilyamamba kathamasthiratA.n cha dhatte
chaurya.n cha pa~NkajaruchA.n tvadapA~NgapAtaH .. 32..
nitya.n shretuH parichitau yatamAnameva
nIlotpala.n nijasamIpanivAsalolam .
prItyaiva pAThayati vIkShaNadeshikendraH
kAmAkShI kintu tava kAlimasampradAyam .. 33..
bhrAntvA muhuH stabakitasmitaphenarAshau
kAmAkShi vaktraruchisa.nchayavArirAshau .
Anandati tripuramardananetralakShmIH
Alambya devi tava mandamapA~Ngasetum .. 34..
shyAmA tava tripurasundari lochanashrIH
kAmAkShi kandalitameduratArakAntiH .
jyotsnAvatI smitaruchApi katha.n tanoti
spardhAmaho kuvalayaishcha tathA chakoraiH .. 35..
kAlA~njana.n cha tava devi nirIkShaNa.n cha
kAmAkShi sAmyasaraNi.n samupaiti kAntyA .
nishsheShanetrasulabha.n jagatIShu pUrva\-
manyattrinetrasulabha.n tuhinAdrikanye .. 36..
dhUmA~Nkuro makaraketanapAvakasya
kAmAkShi netraruchinIlimachAturI te .
atyantamadbhutamida.n nayanatrayasya
harShodaya.n janayate haruNA~NkamauleH ..37..
Arabhbhaleshasamaye tava vIkShaNassa
kAmAkShi mUkamapi vIkShaNamAtranamram .
sarvaj~natA sakalalokasamakShameva
kIrtisvaya.nvaraNamAlyavatI vR^iNIte .. 38..
kAlAmbuvAha uva te paritApahArI
kAmAkShi puShkaramadhaHkurute kaTAKShaH .
pUrvaH para.n kShaNaruchA samupaiti maitrI\-
manyastu sa.tataruchiM prakaTIkaroti .. 39..
sUkShme.api durgamatare.api guruprasAda\-
sAhAyyakena vicharannapavargamArge .
sa.nsArapa~Nkanichaye na patatyamU.n te
kAmAkShi gADhamavalambya kaTAkShayaShTim .. 40..
kAmAkShi santatamasau harinIlaratna\-
stambhe kaTAkSharuchipu~njamaye bhavatyAH .
baddho.api bhaktinigalairmama chittahastI
stambha.n cha bandhamapi mu~nchati hanta chitram .. 41..
kAmAkShi kAShNaryamapi santatama~njana.n cha
bibhrannisargataralo.api bhavatkaTAkShaH .
vaimalyamanvahamana~njanatA cha bhUyaH
sthairya.n cha bhaktahR^idayAya katha.n dadAti .. 42..
mandasmitastabakitaM maNikuNDalA.nshu\-
stomapravAlaruchira.n shishirIkR^itAsham .
kAmAkShi rAjati kaTAkSharucheH kadambam
udyAnamamba karuNAhariNekShaNAyAH .. 43..
kAmAkShi tAvakakaTAkShamahendranIla\-
si.nhAsana.n shritavato makaradhvajasya .
sAmrAjyama~Ngalavidhau muNikuNDalashrIH
nIrAjanotsavatara~NgitadIpamAlA .. 44..
mAtaH kShaNa.n snapaya mA.n tava vIkShitena
mandAkShitena sujanairaparokShitena .
kAmAkShi karmatimirotkarabhAskareNa
shreyaskareNa madhupadyutitaskareNa .. 45..
premApagApayasi majjanamArachayya
yuktaH smitA.nshukR^itabhasmavilepanena .
kAmAkShi kuNDalamaNidyutibhirjaTAlaH
shrIkaNThameva bhajate tava dR^iShTipAtaH .. 46..
kaivalyadAya karuNArasaki.nkarAya
kAmAkShi kandalitavibhramasha.nkarAya .
AlokanAya tava bhaktashiva.nkarAya
mAtarnamo.astu paratantritasha.nkarAya .. 47..
sAmrAjyama~Ngalavidhau makaradhvajasya
lolAlakAlikR^itatoraNamAlyashobhe .
kAmeshvari prachaladutpalavaijayantI\-
chAturyameti tava cha~nchaladR^iShTipAtaH .. 48..
mArgeNa ma~njukachakAntitamovR^itena
mandAyamAnagamanA madanAturAsau .
kAmAkShi dR^iShTirayate tava sha.nkarAya
sa.nketabhUmimachirAdabhisArikeva .. 49..
vrIDanuvR^ittiramaNIkR^itasAhacharyA
shaivAlitA.n galaruchA shashishekharasya .
kAmAkShi kAntisarasI.n tvadapA~NgalakShmIH
manda.n samAshrayati majjanakhelanAya .. 50..
kAShAyama.nshukamiva prakaTa.n dadhAno
mANikyakuNDalaruchiM mamatAvirodhI .
shrutyantasImani rataH sutarA.n chakAsti
kAmAkShi tAvakakaTAkShayatIshvaro.asau .. 51..
pAShANa eva harinIlamaNirdineShu
pramlanatA.n kuvalayaM prakaTIkaroti .
naumittiko jaladamechakimA tataste
kAmAkShi shUnyamupamanamapA~NgalakShmyAH .. 52..
shR^i~NgAravibhramavatI sutarA.n salajjA
nAsAgramauktikaruchA kR^itamandahAsA .
shyAmA kaTAkShasuShamA tava yuktametat
kAmAkShi chumbati digambaravaktrabimbam .. 53..
nIlotpalena madhupena cha dR^iShTipAtaH
kAmAkShi tulya iti te kathamAmananti .
shaityena nindayati yadanvahamindupAdAn
pAthoruheNa yadasau kalahAyate cha .. 54..
oShThaprabhApaTalavidrumamudrite te
bhrUvallivIchisubhage mukhakAntisindhau .
kAmAkShi vAribharapUraNalambamAna\-
kAlAmbuvAhasaraNi.n labhate kaTAkShaH .. 55..
mandasmitairdhavalitA maNikuNDalA.nshu\-
samparkalohitaruchistvadapA~NgadhArA .
kAmAkShi mallikusumairnavapallavaishcha
nIlotpalaishcha rachiteva vibhAti mAlA .. 56..
kAmAkShi shItalakR^ipArasanirjharAmbhaH\-
samparkapakShmalaruchistvadapA~NgamAlA .
gobhiH sadA purariporabhilaShyamANA
dUrvAkadambakaviDambanamAtanoti .. 57..
hR^itpa~NkajaM mama vikAsayatu pramuShNa\-
nnullAsamutpalaruchestamasA.n niroddhA .
doShAnuSha~NgajaDatA.n jagatA.n dhunAnaH
kAmAkShi vIkShaNavilAsadinodayaste .. 58..
chakShurvimohayati chandravibhUShaNasya
kAmAkShi tAvakakaTAkShatamaHprarohaH .
pratya~Nmukha.n tu nayana.n stimitaM munInA.n
prAkAshyameva nayatIti para.n vichitram .. 59..
kAmAkShi vIkShaNaruchA yudhi nirjita.n te
nIlotpala.n niravasheShagatAbhimAnam .
Agatya tatparisara.n shravaNavata.nsa\-
vyojena nUnamabhayArthanamAtanoti .. 60..
Ashcharyamamba madAnAbhyudayAvalambaH
kAmAkShi cha~nchalanirIkShaNavibhramaste .
dhairya.n vidhUya tanute hR^idi rAgabandha.n
shambhostadeva viparItatayA munInAm .. 61..
jantoH sakR^itpraNamato jagadIDyatA.n cha
tejAsvitA.n cha nishitA.n cha mati.n sabhAyAm .
kAmAkShi mAkShikajharImiva vaikharI.n cha
lakShmI.n cha pakShmalayati kShaNavIkShaNa.n te .. 62..
kAdambinI kimayate na jalAnuSha~Nga.n
bhR^i~NgAvalI kimurarIkurute na padmam .
ki.n vA kalindatanayA sahate na bha~Nga.n
kAmAkShi nishchayapada.n na tavAkShilakShmIH .. 63..
kAkolapAvakatR^iNIkaraNe.api dakShaH
kAmAkShi bAlakasudhAkarashekharasya .
atyantashItalatamo.apyanupArata.n te
chitta.n vimohayati chitramaya.n kaTAkShaH .. 64..
kArpaNyapUraparivardhitamamba moha\-
kandodgataM bhavamaya.n viShapAdapaM me .
tu~Nga.n Chinattu tuhinAdrisute bhavatyAH
kA~nchIpureshvari kaTAkShakuThAradhArA .. 65..
kAmAkShi ghorabhavarogachikitsanArtha\-
mabhyarthya deshikakaTAkShabhiShakprasAdAt .
tatrApi devi labhate sukR^itI kadAchi\-
danyasya durlabhamapA~NgamahauShadha.n te .. 66..
kAmAkShi deshikakR^ipA.nkuramAshrayanto
nAnAtaponiyamanAshitapAshabandhAH .
vAsAlaya.n tava kaTAkShamamuM mahAnto
labdhvA sukha.n samAdhiyo vicharanti loke .. 67..
sAkUtasa.nlapitasambhR^itamugdhahAsa.n
vrIDAnurAgasahachAri vilokana.n te .
kAmAkShi kAmaparipanthini mAravIra\-
sAmrAjyavibhramadashA.n saphalIkaroti .. 68..
kAmAkShi vibhramabalaikanidhirvidhAya
bhrUvallichApakuTilIkR^itimeva chitram .
svAdhInatA.n tava ninAya shashA~Nkamaule\-
ra~NgArdharAjyasukhalAbhamapA~NgavIraH .. 69..
kAmA.nkuraikanilayastava dR^iShTipAtaH
kAmAkShi bhaktamanasAM pradadAtu kAmAn .
rAgAnvitaH svayamapi prakaTIkaroti
vairAgyameva kathameSha mahAmunInAm .. 70..
kAlAmbuvAhanivahaiH kalahAyate te
kAmAkShi kAlimamadena sadA kaTAkShaH .
chitra.n tathApi nitarAmamumeva dR^iShTvA
sotkaNTha eva ramate kila nIlakaNThaH .. 71..
kAmAkShi manmatharipuM prati mAratApa\-
mohAndhakArajaladAgamanena nR^ityan .
duShkarmaka~nchukikula.n kabalIkarotu
vyAmishramechakaruchistvadapA~NgakekI .. 72..
kAmAkShi manmathariporavalokaneShu
kAntaM payojamiva tAvakamakShipAtam .
premAgamo divasavadvikachIkaroti
lajjAbharo rajanivanmukulIkaroti .. 73..
mUko viri~nchati paraM puruShaH kurUpaH
kandarpati tridasharAjati kimpachAnaH .
kAmAkShi kevalamupakramakAla eva
lIlAtara~NgitakaTAkSharuchaH kShaNa.n te .. 74..
nIlAlakA madhukaranti manoj~nanAsA\-
muktAruchaH prakaTakandabisA~Nkuranti .
kAruNyamamba makarandati kAmakoTi
manye tataH kamalameva vilochana.n te .. 75..
AkA.nkShyamANaphaladAnavichakShaNAyAH .
kAmAkShi tAvakakaTAkShakakAmadhenoH .
samparka eva kathamamba vimuktapAsha\-
bandhAH sphuTa.n tanubhR^itaH pashutA.n tyajanti .. 76..
sa.nsAragharmaparitApajuShA.n narANA.n
kAmAkShi shItalatarANi tavekShitAni .
chandrAtapanti ghanachandanakardamanti
muktAguNanti himavAriniShechananti .. 77..
premAmburAshisatatasnapitAni chitra.n
kAmAkShi tAvakakaTAkShanirIkShaNAni .
sandhukShayanti muhurindhanarAshirItyA
mAradruho manasi manmathachitrabhAnum .. 78..
kAlA~njanapratibhaTa.n kamanIyakAntyA
kandarpatantrakalayA kalitAnubhAvam .
kA~nchIvihArarasike kaluShArtichora.n
kallolayasva mayi te karuNAkaTAkSham .. 79..
krAntena manmathadena vimohyamAna\-
svAntena chUtatarumUlagatasya pu.nsaH .
kAntena ki.nchidavalokaya lochanasya
prAntena mA.n janani kA~nchipurIvibhUShe .. 80..
kAmAkShi ko.api sujanAstvadapA~Ngasa.nge
kaNThena kandalitakAlimasampradAyAH .
utta.nsakalpitachakorakuTumbapoShA
naktandivasaprasavabhUnayanA bhavanti .. 81..
nIlotpalaprasavakAntinirdashanena
kAruNyavibhramajuShA tava vIkShaNena .
kAmAkShi karmajaladheH kalashIsutena
pAshatrayAdvayamamI parimochanIyAH .. 82..
atyantacha~nchalamakR^itrimama~njana.n ki.n
jha.nkArabha~NgirahitA kimu bhR^i~NgamAlA .
dhUmA~NkuraH kimu hutAshanasa.ngahInaH
kAmAkShi netraruchinIlimakandalI te .. 83..
kAmAkShi nityamayama~njalirastu mukti\-
bIjAya vibhramamadodayaghUrNitAya .
kandarpadarpapunarudbhavasiddhidAya
kalyANadAya tava devi dR^iga~nchalAya .. 84..
darpA~Nkuro makaraketanavibhramANA.n
nindA~Nkuro vidalitotpalachAturINAm .
dIpA~Nkuro bhavatamisrakadambakAnA.n
kAmAkShi pAlayatu mA.n tvadapA~NgapAtaH .. 85..
kaivalyadivyamaNirohaNaparvatebhyaH
kAruNyanirjharapayaHkR^itama~njanebhyaH .
kAmAkShi ki.nkaritasha~NkaramAnasebhya\-
stebhyo namo.astu tava vIkShaNavibhramebhyaH .. 86..
alpIya eva navamutpalamamba hInA
mInasya vA saraNiramburuhA.n cha ki.n vA .
dUre mR^igIdR^igasama~njasama~njana.n cha
kAmAkShi vIkShaNaruchau tava tarkayAmaH .. 87..
mishrIbhavadgaralapa~Nkilasha~Nkaroras\-
sImA~NgaNe kimapi ri~NkhaNamAdadhAnaH .
helAvadhUtalalitashravaNotpalo.asau
kAmAkShi bAla iva rAjati te kaTAkShaH .. 88..
prauDhikaroti viduShA.n navasUktidhATI\-
chUtATavIShu budhakokilalAlyamAnam .
mAdhvIrasaM parimala.n cha nirargala.n te
kAmAkShi vIkShaNavilAsavasantalakShmIH .. 89..
kUla.nkaSha.n vitanute karuNAmbuvarShI
sArasvata.n sukR^itinaH sulabhaM pravAham .
tuchChIkaroti yamunAmbutara~Ngabha~NgI.n
kAmAkShi ki.n tava kaTAkShamahAmbuvAhaH .. 90..
jagarti devi karuNAshukasundarI te
tATa~NkaratnaruchidADimakhaNDashoNe .
kAmAkShi nirbharakaTAkShamarIchipu~nja\-
mAhendranIlamaNipa~njaramadhyabhAge .. 91..
kAmAkShi satkuvalayasya sagotrabhAvA\-
dAkrAmati shrutimasau tava dR^iShTipAtaH .
ki.ncha sphuTa.n kuTilatAM prakaTIkaroti
bhrUvallarIparichitasya phala.n kimetat .. 92..
eShA tavAkShisuShamA viShamAyudhasya
nArAchavarShalaharI nagarAjakanye .
sha.nke karoti shatadhA hR^idi dhairyamudrA.n
shrIkAmakoTi yadasau shishirA.nshumauleH .. 93..
bANena puShpadhanuShaH parikalpyamAna\-
trANena bhaktamanasA.n karuNAkareNa .
koNena komaladR^ishastava kAmakoTi
shoNena shoShaya shive mama shokasindhum .. 94..
mAradruhA mukuTasImani lAlyamAne
mandAkinIpayasi te kuTila.n chariShNuH .
kAmAkShi koparabhasAdvalamAnamIna\-
sandehama~Nkurayati kShaNamakShipAtaH .. 95..
kAmAkShi sa.nvalitamauktikakuNDalA.nshu\-
cha~nchatsitashravaNachAmarachAturIkaH .
stambhe nirantaramapA~Ngamaye bhavatyA
baddhashchakAsti makaradhvajamattahastI .. 96..
yAvatkaTAkSharajanIsamayAgamaste
kAmAkShi tAvadachirAnnamatA.n narANAm .
AvirbhavatyamR^itadIdhitibimbamamba
sa.nvinmaya.n hR^idayapUrvagirIndrashR^i~Nge .. 97..
kAmAkShi kalpaviTapIva bhavatkaTAkSho
ditsuH samastavibhava.n namatA.n narANAm .
bhR^i~Ngasya nIlanalinasya cha kAntisampa\-
tsarvasvameva haratIti para.n vichitram .. 98..
atyantashItalamanargalakarmapAka\-
kAkolahAri sulabha.n sumanobhiretat .
pIyUShameva tava vIkShaNamamba kintu
kAmAkShi nIlamidamityayameva bhedaH .. 99..
aj~nAtabhaktirasamaprasaradviveka\-
matyantagarvamanadhItasamastashAstram .
aprAptasatyamasamIpagata.n cha mukteH
kAmAkShi naiva tava spR^ihayati dR^iShTipAtaH .. 100..
##(##kAmAkShi mAmavatu te karuNAkaTAkShaH##)##
pAtena lochanaruchestava kAmakoTi
potena patakapayodhibhayAturANAm .
pUtena tena navakA~nchanakuNDalA.nshu\-
vItena shItalaya bhUdharakanyake mAm .. 101..
\centerline{kaTAkShashataka.n sampUrNam ..}
\medskip\hrule\medskip
\newpage
\centerline{.. mandasmitashatakam ..}
badhnImo vayama~njaliM pratidinaM bandhachChide dehinA.n
kandarpAgamatantramUlagurave kalyANakelIbhuve .
kAmAkShyA ghanasArapu~njarajase kAmadruhashchakShuShA.n
mandArastabakaprabhAmadamuShe mandasmitajyotiShe .. 1..
sadhrIche navamallikAsumanasA.n nAsAgramuktAmaNe\-
rAchAryAya mR^iNAlakANDamahasA.n naisargikAya dviShe .
svardhunyA saha yudhvena himarucherardhAsanAdhyAsine
kAmAkShyAH smitama~njarIdhavalimAdvaitAya tasmai namaH .. 2..
karpUradyutichAturImatitarAmalpIyasI.n kurvatI
daurbhAgyodayameva sa.nvidadhatI dauShAkarINA.n tviShAm .
kShullAneva manoj~namallinikarAnphullAnapi vya~njatI
kAmAkShyA mR^idulasmitA.nshulaharI kAmaprasUrastu me .. 3..
yA pInastanamaNDalopari lasatkarpUralepAyate
yA nIlekShaNarAtrikAntitatiShu jyotsnAprarohAyate .
yA saundaryadhunItara~NgatatiShu vyAlolaha.nsAyate
kAmAkShyAH shishirIkarotu hR^idaya.n sA me smitaprAchurI .. 4..
yeShA.n gachChati pUrvapakShasaraNi.n kaumudvataH shvetimA
yeShA.n santatamArurukShati tulAkakShyA.n sharachchandramAH .
yeShAmichChati kamburapyasulabhAmantevasatprakriyA.n
kAmAkShyA mamatA.n harantu mama te hAsatviShAma~NkurAH .. 5..
AshAsImasu santata.n vidadhatI naishAkarI.n vyAkriyA.n
kAshAnAmabhimAnabha~NgakalanAkaushalyamAbibhratI .
IshAnena vilokitA sakutuka.n kAmAkShi te kalmaSha\-
kleshApAyakarI chakAsti laharI mandasmitajyotiShAm .. 6..
ArUDhasya samunnatastanataTIsAmrAjyasi.nhAsana.n
kandarpasya vibhorjagattrayaprAkaTyamudrAnidheH .
yasyAshchAmarachAturI.n kalayate rashmichChaTA cha~nchalA
sA mandasmitama~njarI bhavatu naH kAmAya kAmAkShi te .. 7..
shambhoryA parirambhasambhramavidhau nairmalyasImAnidhiH
gairvANIva tara~NgiNI kR^itamR^idusyandA.n kalindAtmajAm .
kalmAShIkurute kala~NkasuShamA.n kaNThasthalIchumbinI.n
kAmAkShyAH smitakandalI bhavatu naH kalyANasandohinI .. 8..
jetu.n hAralatAmiva stanataTI.n sa.njagmuShI santata.n
gantu.n nirmalatAmiva dviguNitAM magnA kR^ipAstrotasi .
labdhu.n vismayanIyatAmiva hara.n rAgAkula.n kurvatI
ma~njuste smitama~njarI bhavabhayaM mathnAtu kAmAkShi me .. 9..
shvetApi prakaTa.n nishAkararuchAM mAlinyamAtanvatI
shItApi smarapAvakaM pashupateH sandhukShayantI sadA .
svAbhAvyAdadharAshritApi namatAmuchchairdishantI gati.n
kAmAkShi sphuTamantarA sphuratu nastvanmandahAsaprabhA .. 10..
vaktrashrIsarasIjale taralitabhrUvallikallolite
kAlimnA dadhatI kaTAkShajanuShA mAdhuvratI.n vyApR^itim .
nirnidrAmalapuNDarIkakuhanApANDityamAbibhratI
kAmAkShyAH smitachAturI mama manaH kAtaryamunmUlayet .. 11..
nityaM bAdhitabandhujIvamadharaM maitrIjuShaM pallavaiH
shuddhasya dvijamaNDalasya cha tiraskartAramapyAshritA .
yA vaimalyavatI sadaiva namatA.n chetaH punItetarA.n
kAmAkShyA hR^idayaM prasAdayatu me sA mandahAsaprabhA .. 12..
druhyantI tamase muhuH kumudinIsAhAyyamAbibhratI
yAntI chandrakishorashekharavapuHsaudhA~NgaNe pre~NkhaNam .
j~nAnAmbhonidhivIchikA.n sumanasA.n kUla.nkaShA.n kurvatI
kAmAkShyAH smitakaumudI haratu me sa.nsAratApodayam .. 13..
kAshmIradravadhAtukardamaruchA kalmAShatAM bibhratI
ha.nsaudhairiva kurvatI parichiti.n hArIkR^itairmauktikaiH .
vakShojanmatuShArashailakaTake sa.nchAramAtanvatI
kAmAkShyA mR^idulasmitadyutimayI bhAgIrathI bhAsate .. 14..
kamborva.nshaparamparA iva kR^ipAsantAnavallIbhuvaH
samphullastabakA iva prasR^imarA mUrtAH prasAdA iva .
vAkpIyUShakaNA iva tripathagAparyAyabhedA iva
bhrAjante tava mandahAsakiraNAH kA~nchIpurInAyike .. 15..
vakShoje ghanasArapatrarachanAbha~NgIsapatnAyitA
kaNThe mauktikahArayaShTikiraNavyApAramudrAyitA .
oShThashrInikurumbapallavapuTe pre~NkhatprasUnAyitA
kAmAkShi sphuratAM madIyahR^idaye tvanmandahAsaprabhA .. 16..
yeShAM bindurivopari prachalito nAsAgramuktAmaNiH
yeShA.n dIna ivAdhikaNThamayate hAraH karAlambanam .
yeShAM bandhurivoShThayoraruNimA dhatte svaya.n ra~njana.n
kAmAkShyAH prabhavantu te mama shivollAsAya hAsA~NkurAH .. 17..
yA jADyAmbunidhi.n kShiNoti bhajatA.n vairAyate kairavaiH
nitya.n yA.n niyamena yA cha yatate kartu.n triNetrotsavam .
bimba.n chAndramasa.n cha va~nchayati yA garveNa sA tAdR^ishI
kAmAkShi smitama~njarI tava katha.n jyotsnetyasau kIrtyate .. 18..
AruDhA rabhasAtpuraH purariporAshleShaNopakrame
yA te mAtarupaiti divyataTinIsha~NkAkarI tatkShaNam .
oShThau vepayati bhruvau kuTilayatyAnamrayatyAnana.n
tA.n vande mR^iduhAsapUrasuShamAmekAmranAthapriye .. 19..
vaktrendostava chandrikA smitatatirvalgu sphurantI satA.n
syAchchedyuktimida.n chakoramanasA.n kAmAkShi kautUhalam .
etachchitramaharnisha.n yadadhikAmeShA ruchi.n gAhate
bimboShThadyumaNiprabhAsvapi cha yadbibbokamAlambate .. 20..
sAdR^ishya.n kalashAmbudhervahati yatkAmAkShi mandasmita.n
shobhAmoShTharuchAmba vidrumabhavAmetAdbhidAM brUmahe .
ekasmAduditaM purA kila papau sharvaH purANaH pumAn
etanmadhyasamudbhava.n rasayate mAdhuryarUpa.n rasam .. 21..
uttu~NgastanakumbhashailakaTake vistArikastUrikA\-
patrashrIjuShi cha~nchalAH smitaruchaH kAmAkShi te komalAH .
sandhyAdIdhitira~njitA iva muhuH sAndrAdharajyotiShA
vyAlolAmalashAradAbhrashakalavyApAramAtanvate .. 22..
kShIra.n dUrata eva tiShThatu katha.n vaimalyamAtrAdida.n
mAtaste sahapAThavIthimayatAM mandasmitairma~njulaiH .
ki.n cheya.n tu bhidAsti dohanavashAdeka.n tu sa.njAyate
kAmAkShi svayamarthitaM praNamatAmanyattu doduhyate .. 23..
karpUrairamR^itairjagajjanani te kAmAkShi chandrAtapaiH
muktAhAraguNairmR^iNAlavalayairmugdhasmitashrIriyam .
shrIkA~nchIpuranAyike samatayA sa.nstUyate sajjanaiH
tattAdR^i~Nmama tApashAntividhaye ki.n devi mandAyate .. 24..
madhyegarbhitama~njuvAkyalaharImAdhvIjharIshItalA
mandArastabakAyate janani te mandasmitA.nshuchChaTA .
yasyA vardhayituM muhurvikasana.n kAmAkShi kAmadruho
valgurvIkShaNavibhramavyatikaro vAsantamAsAyate .. 25..
bimboShThadyutipu~njara~njitaruchistvanmandahAsachChaTA .
kalyANa.n girisArvabhaumatanaye kallolayatvAshu me .
phullanmallipinaddhahallakamayI mAleva yA peshalA
shrIkA~nchIshvari mAramarditururomadhye muhurlambate .. 26..
bibhrANA sharadabhravibhramadashA.n vidyotamAnApyaso
kAmAkShi smitama~njarI kirati te kAruNyadhArArasam .
Ashcharya.n shishirIkaroti jagatIshchAlokya chainAmaho
kAma.n khelati nIlakaNThahR^idaya.n kautUhalAndolitam .. 27..
pre~NkhatprauDhakaTAkShaku~njakuhareShvatyachChaguchChAyita.n
vaktrenduchChavisindhuvIchinichaye phenapratAnAyitam .
nairantaryavijR^imbhitastanataTe naicholapaTTAyita.n
kAluShya.n kabalIkarotu mama te kAmAkShi mandasmitam .. 28..
pIyUSha.n tava mantharasmitamiti vyarthaiva sApaprathA
kAmAkShi dhruvamIdR^isha.n yadi bhavedetatkatha.n vA shive .
mandArasya kathAlava.n na sahate mathnAti mandAkinI\-
mindu.n nindati kIrtite.api kalashIpAthodhimIrShyAyate .. 29..
vishveShA.n nayanotsava.n vitanutA.n vidyotatA.n chandramA
vikhyAto madanAntakena mukuTImadhye cha sa.nmAnyatAm .
AH ki.n jAtamanena hAsasuShamAmAlokya kAmAkShi te
kAla~NkImavalambate khalu dashA.n kalmAShahIno.apyasau .. 30..
chetaH shItalayantu naH pashupaterAnandajIvAtavo
namrANA.n nayanAdhvasImasu sharachchandrAtapopakramAH .
sa.nsArAkhyasaroruhAkarakhalIkAre tuShArotkarAH
kAmAkShi smarakIrtibIjanikarAstvanmandahAsA~NkurAH .. 31..
karmaughAkhyatamaHkachAkachikarAnkAmAkShi sa.nchintaye
tvanmandasmitarochiShA.n tribhuvanakShema.nkarAna~NkurAn .
ye vaktra.n shishirashriyo vikasita.n chandrAtapAmbhoruha\-
dveShoddheShoNachAturImiva tiraskartuM pariShkurvate .. 32..
kuryurnaH kulashailarAjatanaye kUla.nkaShaM ma~Ngala.n
kundaspardhanachu~nchavastava shive mandasmitaprakramAH .
ye kAmAkShi samastasAkShinayana.n santoShayantIshvara.n
karpUraprakarA iva prasR^imarAH pu.nsAmasAdhAraNAH .. 33..
kamreNa snapayasva karmakuhanAchoreNa mArAgama\-
vyAkhyAshikShaNadIkShitena viduShAmakShINalakShmIpuShA .
kAmAkShi smitakandalena kaluShasphoTakriyAchu~nchunA
kAruNyAmR^itavIchikAviharaNaprAchuryadhuryeNa mAm .. 34..
tvanmandasmitakandalasya niyata.n kAmAkShi sha~NkAmahe
bimbaH kashchana nUtanaH prachalito naishAkaraH shIkaraH .
ki.ncha kShIrapayonidhiH pratinidhiH svarvAhinIvIchikA\-
bibvoko.api viDamba eva kuhanA mallImatallIruchaH .. 35..
duShkarmArkanisargakarkashamahassamparkatapataM mila\-
tpa~Nka.n sha~Nkaravallabhe mama manaH kA~nchIpurAla.nkriye .
amba tvanmR^idulasmitAmR^itarase ma~NktvA vidhUya vyathA\-
mAnandodayasaudhashR^i~NgapadavImAroDhumAkA~NkShati .. 36..
namrANA.n nagarAjashekharasute nAkAlayAnAM puraH
kAmAkShi tvarayA vipatprashamena kAruNyadhArAH kiran .
AgachChantamanugrahaM prakaTayannAnandabIjAni te
nAsIre mR^iduhAsa eva tanute nAthe sudhAshItalaH .. 37..
kAmAkShi prathamAnavibhramanidhiH kandarpadarpaprasUH
mugdhaste mR^iduhAsa eva girije muShNAtu me kilbiSham .
ya.n draShTu.n vihite karagraha ume shambhustrapAmIlita.n
svaira.n kArayati sma tANDavavinodAnandinA taNDunA .. 38..
kShuNNa.n kenachideva dhIramanasA kutrApi nAnAjanaiH
karmagranthiniyantritairasugama.n kAmAkShi sAmAnyataH .
mugdhairdruShTumashakyameva manasA mUDhasaya me mauktika.n
mArga.n darshayatu pradIpa iva te mandasmitashrIriyam .. 39..
jyotsnAkAntibhireva nirmalatara.n naishAkaraM maNDala.n
ha.nsaireva sharadvilAsasamaye vyAkochamambhoruham .
svachChaireva vikasvarairuDuguNaiH kAmAkShi bimba.n divaH
puNyaireva mR^idusmitaistava mukhaM puShNAti shobhAbharam .. 40..
mAnagranthividhuntudena rabhasAdAsvAdyamAne nava\-
premADambarapUrNimAhimakare kAmAkShi te tatkShaNam .
Alokya smitachandrikAM punarimAmunmIlana.n jagmuShI.n
chetaH shIlayate chakoracharita.n chandrArdhachUDAmaNeH .. 41..
kAmAkShi smitama~njarI.n tava bhaje yasyAstviShAma~NkurA\-
nApInastanapAnalAlasatayA nishsha~Nkama~NkeshayaH .
Urdhva.n vIkShya vikarShati prasR^imarAnuddAmayA shuNDayA
sUnusute bisasha~NkayAshu kuhanAdantAvalagrAmaNIH .. 42..
gADhAshleShavimardasambhramavashAduddAmamuktAguNa\-
prAlambe kuchakumbhayorvigalite dakShadviSho vakShasi .
yA sakhyena pinahyati prachurayA bhAsA tadIyA.n dashA.n
sA me khelatu kAmakoTi hR^idaye sAndrasmitA.nshuchChaTA .. 43..
mandAre tava mantharasmitaruchAM mAtsaryamAlokyate
kAmAkShi smarashAsane cha niyato rAgodayo lakShyate .
chAndrIShu dyutima~njarIShu cha mahAndveShA~Nkuro dR^ishyate
shuddhAnA.n kathamIdR^ishI girisute.atishuddhA dashA kathyatAm .. 44..
pIyUSha.n khalu pIyate surajanairdugdhAmbudhirmathyate
mAheshaishcha jaTAkalApanigaDairmandAkinI nahyate .
shItA.nshuH paribhUyate cha tamasA tasmAdanetAdR^ishI
kAmAkShi smitama~njarI tava vachovaidagdhyamulla~Nghate .. 45..
Asha~Nke tava mandahAsalaharImanyAdR^ishI.n chandrikA\-
mekAmreshakuTumbini pratipada.n yasyAH prabhAsa.ngame .
vakShojAmburuhe na te rachayataH kA.nchiddashA.n kau~NmalI\-
mAsyAmbhoruhamamba ki.ncha shanakairAlambate phullatAm .. 46..
AstIrNAdharakAntipallavachaye pAtaM muhurjagmuShI
mAradrohiNi kandalatsmarasharajvAlAvalIrvya~njatI .
nindantI ghanasArahAravalayajyotsnAmR^iNAlAni te
kAmAkShi smitachAturI virahiNIrIti.n jagAhetarAm .. 47..
sUryAlokavidhau vikAsamadhika.n yAntI harantI tama\-
ssandoha.n namatA.n nijasmaraNato doShAkaradveShiNI .
niryAntI vadanAravindakuharAnnirdhUtajADyA nR^iNA.n
shrIkAmAkShi tava smitadyutimayI chitrIyate chandrikA .. 48..
kuNThIkuryuramI kubodhaghaTanAmasmanmanomAthinI.n
shrIkAmAkShi shiva.nkarAstava shive shrImandahAsA~NkurAH .
ye tanvanti nirantara.n taruNimastamberamagrAmaNI\-
kumbhadvandvaviDambini stanataTe muktAkuthADambaram .. 49..
pre~NkhantaH sharadambudA iva shanaiH premAnilaiH preritA
majjanto mandanArikaNThasuShamAsindhau muhurmantharam .
shrIkAmAkShi tava smitA.nshunikarAH shyAmAyamAnashriyo
nIlAmbhodharanaipuNI.n tata ito nirnidrayantya~njasA .. 50..
vyApAra.n chaturAnanaikavihR^itau vyAkurvatI kurvatI
rudrAkShagrahaNaM maheshi satata.n vAgUrmikallolitA .
utphulla.n dhavalAravindamadharIkR^itya sphurantI sadA
shrIkAmAkShi sarasvatI vijayate tvanmandahAsaprabhA .. 51..
karpUradyutitaskareNa mahasA kalmAShayatyAnana.n
shrIkA~nchIpuranAyike patiriva shrImandahAso.api te .
Ali~NgatyatipIvarA.n stanataTIM bimbAdhara.n chumbati
prauDha.n rAgabhara.n vyanakti manaso dhairya.n dhunItetarAm .. 52..
vaishadyena cha vishvatApaharaNakrIDApaTIyastayA
pANDityena pachelimena jagatA.n netrotsavotpAdena .
kAmAkShi smitakandalaistava tulAmAroDhumudyoginI
jyotsnAsau jalarAshipoShaNatayA dUShyAM prapannA dashAm .. 53..
lAvaNyAmbujinImR^iNAlavalayaiH shR^i~NgAragandhadvipa\-
grAmaNyaH shrutichAmaraistaruNimasvArAjyatejo~NkuraiH .
AnandAmR^itasindhuvIchipR^iShatairAsyAbjaha.nsaistava
shrIkAmAkShi mathAna mandahasitairmatkaM manaHkalmaSham .. 54..
uttu~NgastanamaNDalIparichalanmANikyahArachChaTA\-
cha~nchachChoNimapu~njamadhyasaraNiM mAtaH pariShkurvatI .
yA vaidagdhyamupaiti sha.nkarajaTAkAntAravATIpata\-
tsvarvApIpayasaH smitadyutirasau kAmAkShi te ma~njulA .. 55..
sannAmaikajuShA janena sulabha.n sa.nsUchayantI shanai\-
ruttu~Ngasya chirAdanugrahatarorutpatsyamAnaM phalam .
prAthamyena vikasvarA kusumavatprAgalbhyamabhyeyuShI
kAmAkShi smitachAturI tava mama kShema.nkarI kalpatAm .. 56..
dhAnuShkAgrasarasya lolakuTilabhrUlekhayA bibhrato
lIlAlokashilImukha.n navavayassAmrAjyalakShmIpuShaH .
jetuM manmathamardina.n janani te kAmAkShi hAsaH svaya.n
valgurvibhramabhUbhR^ito vitanute senApatiprakriyAm .. 57..
yannAkampata kAlakUTakabalIkAre chuchumbe na yad\-
glAnyA chakShuShi rUShitAnalashikhe rudrasya tattAdR^isham .
cheto yatprasabha.n smarajvarashikhijvAlena lelihyate
tatkAmAkShi tava smitA.nshukalikAhelAbhavaM prAbhavam .. 58..
sambhinneva suparvalokataTinI vIchIchayairyAmunaiH
sa.nmishreva shashA~NkadIptilaharI nIlairmahAnIradaiH .
kAmAkShi sphuritA tava smitaruchiH kAlA~njanaspardhinA
kAlimnA kacharochiShA.n vyatikare kA.nchiddashAmashnute .. 59..
jAnImo jagadIshvarapraNayini tvanmandahAsaprabhA.n
shrIkAmAkShi sarojinImabhinavAmeShA yataH sarvadA .
Asyendoravalokena pashupaterabhyeti samphullatA.n
tandrAlustadabhAva eva tanute tadvaiparItyakramam .. 60..
yAntI lohitimAnamabhrataTinI dhAtuchChaTAkardamaiH
bhAntI bAlagabhastimAlikiraNairmeghAvalI shAradI .
bimboShThadyutipu~njachumbanakalAshoNAyamAnena te
kAmAkShi smitarochiShA samadashAmAroDhumAkA~NkShate .. 61..
shrIkAmAkShi mukhendubhUShaNamidaM mandasmita.n tAvaka.n
netrAnandakara.n tathA himakaro gachChedyathA tigmatAm .
shIta.n devi tathA yathA himajala.n santApamudrAspada.n
shveta.n ki.ncha tathA yathA malinatA.n dhatte cha muktAmaNiH .. 62..
tvanmandasmitama~njarIM prasR^imarA.n kAmAkShi chandrAtapa.n
santaH santatamAmanantyamalatA tallakShaNa.n lakShyate .
asmAka.n na dhunoti tApakamadhika.n dhUnoti nAbhyantara.n
dhvAnta.n tatkhalu duHkhino vayamida.n kenoti no vidmahe .. 63..
namrasya praNayaprarUDhakalahachChedAya pAdAbjayoH
manda.n chandrakishorashekharamaNeH kAmAkShi rAgeNa te .
bandhUkaprasavashriya.n jitavato ba.nhIyasI.n tAdR^ishI.n
bimboShThasya ruchi.n nirasya hasitajyotsnA vayasyAyate .. 64..
muktAnAM parimochana.n vidadhatastatprItiniShpAdinI
bhUyo dUrata eva dhUtamarutastatpAlana.n tanvatI .
udbhUtasya jalAntarAdavirata.n taddUratA.n jagmuShI
kAmAkShi smitama~njarI tava katha.n kambostulAmashnute .. 65..
shrIkAmAkShi tava smitadyutijharIvaidagdhyalIlAyita.n
pashyanto.api nirantara.n suvimala.nmanyA jaganmaNDale .
loka.n hAsayitu.n kimarthamanishaM prAkAshyamAtanvate
mandAkSha.n virahayya ma~NgalataraM mandArachandrAdayaH .. 66..
kShIrAbdherapi shailarAjatanaye tvanmandahAsasya cha
shrIkAmAkShi valakShimodayanidheH ki.nchidbhidAM brUmahe .
ekasmai puruShAya devi sa dadau lakShmI.n kadAchitpurA
sarvebhyo.api dadAtyasau tu satata.n lakShmI.n cha vAgIshvarIm .. 67..
shrIkA~nchIpuraratnadIpakalike tAnyeva menAtmaje
chAkorANi kulAni devi sutarA.n dhanyAni manyAmahe .
kampAtIrakuTumbacha.nkramakalAchu~nchUni cha~nchUpuTaiH
nitya.n yAni tava smitendumahasAmAsvAdamAtanvate .. 68..
shaityaprakramamAshrito.api namatA.n jADyaprathA.n dhUnayan
nairmalyaM parama.n gato.api girisha.n rAgAkula.n chArayan .
lIlAlApapurassaro.api satata.n vAcha.nyamAnprINayan
kAmAkShi smitarochiShA.n tava samullAsaH katha.n varNyate .. 69..
shroNIcha~nchalamekhalAmukharita.n lIlAgataM manthara.n
bhrUvallIchalana.n kaTAkShavalanaM mandAkShavIkShAchaNam .
yadvaidagdhyamukhena manmatharipu.n sa.nmohayantya~njasA
shrIkAmAkShi tava smitAya satata.n tasmai namsakurmahe .. 70..
shrIkAmAkShi manoj~namandahasitajyotiShprarohe tava
sphItashvetimasArvabhaumasaraNiprAgalbhyamabhyeyuShi .
chandro.aya.n yuvarAjatA.n kalayate cheTIdhura.n chandrikA
shuddhA sA cha sudhAjharI sahacharIsAdharmyamAlambate .. 71..
jyotsnA ki.n tanute phala.n tanumatAmauShNyaprashAnti.n vinA
tvanmandasmitarochiShA tanumatA.n kAmAkShi rochiShNunA .
santApo vinivAryate navavayaHprAchuryama~NkUryate
saundaryaM paripUryate jagati sA kIrtishcha sa.nchAryate .. 72..
vaimalya.n kumudashriyA.n himaruchaH kAntyaiva sandhukShyate
jyotsnArochirapi pradoShasamayaM prApyaiva sampadyate .
svachChatva.n navamauktikasya parama.n sa.nskArato dR^ishyate
kAmAkShyAH smitadIdhitervishadimA naisargiko bhAsate .. 73..
prAkAshyaM parameshvarapraNayini tvanmandahAsashriyaH
shrIkAmAkShi mama kShiNotu mamatAvaichakShaNImakShayAm .
yadbhItyeva nilIyate himakaro meghodare shuktikA\-
garbhe mauktikamaNDalI cha sarasImadhye mR^iNAlI cha sA .. 74..
herambe cha guhe harShabharita.n vAtsalyama~NkUrayat
mAradrohiNi pUruShe sahabhuvaM premA~Nkura.n vya~njayat .
AnamreShu janeShu pUrNakaruNAvaidagdhyamuttAlayat
kAmAkShi smitama~njasA tava katha.nkAraM mayA kathyate .. 75..
sa.nkruddhadvijarAjako.apyavirata.n kurvandvijaiH sa.ngama.n
vANIpaddhatidUrago.api satata.n tatsAhacharya.n vahan .
ashrAntaM pashudurlabho.api kalayanpatyau pashUnA.n rati.n
shrIkAmAkShi tava smitAmR^itarasasyando mayi spandatAm .. 76..
shrIkAmAkShi maheshvare nirupamapremA~Nkuraprakramam.n
nitya.n yaH prakaTIkaroti sahajAmunnidrayanmAdhurIm .
tattAdR^iktava mandahAsamahimA mAtaH kathaM mAnitA.n
tanmUrdhnA suranimnagA.n cha kalikAmindoshcha tA.n nindati .. 77..
ye mAdhuryavihAramaNTapabhuvo ye shaityamudrAkarA
ye vaishadyadashAvisheShasubhagAste mandahAsA~NkurAH .
kAmAkShyAH sahaja.n guNatrayamidaM paryAyataH kurvatA.n
vANIgumphanaDambare cha hR^idaye kIrtiprarohe cha me .. 78..
kAmAkShyA mR^idulasmitA.nshunikarA dakShAntake vIkShaNe
mandAkShagrahilA himadyutimayUkhAkShepadIkShA~NkurAH .
dAkShyaM pakShmalayantu mAkShikaguDadrAkShAbhava.n vAkShu me
sUkShmaM mokShapatha.n nirIkShitumapi prakShAlayeyurmanaH .. 79..
jAtyA shItashItalAni madhurANyetAni pUtAni te
gA~NgAnIva payA.nsi devi paTalAnyalpasmitajyotiShAm .
enaHpa~NkaparamparAmalinitAmekAmranAthapriye
praj~nAnAtsutarAM madIyadhiShaNAM prakShAlayantu kShaNAt .. 80..
ashrAntaM paratantritaH pashupatistvanmandahAsA~NkuraiH
shrIkAmAkShi tadIyavarNasamatAsa~Ngena sha~NkAmahe .
indu.n nAkadhunI.n cha shekharayate mAlA.n cha dhatte navaiH
vaikuNThairavakuNThana.n cha kurute dhUlIchayairbhAsmanaiH .. 81..
shrIkA~nchIpuradevate mR^iduvachassaurabhyamudrAspada.n
prauDhapremalatAnavInakusumaM mandasmita.n tAvakam .
manda.n kandalati priyasya vadanAloke samAbhAShaNe
shlakShNe ku~Nmalati prarUDhapulake chAshloShaNe phullati .. 82..
ki.n traisrotasamambike pariNata.n srotashchaturtha.n nava.n
pIyUShasya samastatApaharaNa.n ki.nvA dvitIya.n vapuH .
ki.nsvittvannikaTa.n gataM madhurimAbhyAsAya gavyaM payaH
shrIkA~nchIpuranAyakapriyatame mandasmita.n tAvakam .. 83..
bhUShA vaktrasaroruhasya sahajA vAchA.n sakhI shAshvatI
nIvI vibhramasantateH pashupateH saudhI dR^ishAM pAraNA .
jIvAturmadanashriyaH shashirucheruchchATanI devatA
shrIkAmAkShi girAmabhUmimayate hAsaprabhAma~njarI .. 84..
sUtiH shvetimakandalasya vasatiH shR^i~NgArasArashriyaH
pUrtiH sUktijharIrasasya laharI kAruNyapAthonidheH .
vATI kAchana kausumI madhurimasvArAjyalakShmyAstava
shrIkAmAkShi mamAstu ma~NgalakarI hAsaprabhAchAturI .. 85..
jantUnA.n janiduHkhamR^ityulaharIsantApana.n kR^intataH
prauDhAnugrahapUrNashItalarucho nityodayaM bibhrataH .
shrIkAmAkShi visR^itvarA iva karA hAsA~NkurAste haThA\-
dAlokena nihanyurandhatamasastomasya me santatim .. 86..
uttu~NgastanamaNDalasya vilasallAvaNyalIlAnaTI\-
ra~Ngasya sphuTamUrdhvasImani muhuH prAkAshyamabhyeyuShI .
shrIkAmAkShi tava smitadyutitatirbimboShThakAntya~NkuraiH
chitrA.n vidrumamudritA.n vitanute mauktI.n vitAnashriyam .. 87..
svAbhAvyAttava vaktrameva lalita.n santoShasampAdana.n
shambhoH kiM punara~nchitasmitaruchaH pANDityapAtrIkR^itam .
ambhoja.n svata eva sarvajagatA.n chakShuHpriyambhAvuka.n
kAmAkShi sphurite sharadvikasite kIdR^igvidhaM bhrAjate .. 88..
pumbhirnirmalamAnasaurvidadhate maitrI.n dR^iDha.n nirmalA.n
labdhvA karmalaya.n cha nirmalatarA.n kIrti.n labhantetarAm .
sUktiM pakShmalayanti nirmalatamA.n yattAvakAH sevakAH
tatkAmAkShi tava smitasya kalayA nairmalyasImAnidheH .. 89..
AkarShannayanAni nAkisadasA.n shaityena sa.nstambhaya\-
nnindu.n ki.ncha vimohayanpashupati.n vishvArtimuchchATayan .
hi.nsatsa.nsR^itiDambara.n tava shive hAsAhvayo mAntrikaH
shrIkAmAkShi madIyamAnasatamovidveShaNe cheShTatAm .. 90..
kShepIyaH kShapayantu kalmaShabhayAnyasmAkamalpasmita\-
jyotirmaNDalacha.nkramAstava shive kAmAkShi rochiShNavaH .
pIDAkarmaThakarmagharmasamayavyApAratApAnala\-
shrIpAtA navaharShavarShaNasudhAsrotasvinIshIkarAH .. 91..
shrIkAmAkShi tava smitaindavamahaHpUre parimphUrjati
prauDhA.n vAridhichAturI.n kalayate bhaktAtmanAM prAtibham .
daurgatyaprasarAstamaHpaTalikAsAdharmyamAbibhrate
sarva.n kairavasAhacharyapadavIrIti.n vidhatte param .. 92..
mandArAdiShu manmathArimahiShi prAkAshyarIti.n nijA.n
kAdAchitkatayA visha~Nkya bahusho vaishadyamudrAguNaH .
sAtatyena tava smite vitanute svairAsanAvAsanAm .. 93..
indhAne bhavavItihotranivahe karmaughachaNDAnila\-
prauDhimnA bahulIkR^ite nipatita.n santApachintAkulam .
mAtarmAM pariShi~ncha ki.nchidamalaiH pIyUShavarShairiva
shrIkAmAkShi tava smitadyutikaNaiH shaishiryalIlAkaraiH .. 94..
bhAShAyA rasanAgrakhelanajuShaH shR^i~NgAramudrAsakhI\-
lIlAjAtarateH sukhena niyamasnAnAya menAtmaje .
shrIkAmAkShi sudhAmayIva shishirA srotasvinI tAvakI
gADhAnandatara~NgitA vijayate hAsaprabhAchAturI .. 95..
santApa.n viralIkarotu sakala.n kAmAkShi machchetanA
majjantI madhurasmitAmaradhunIkallolajAleShu te .
nairantaryamupetya manmathamarulloleShu yeShu sphuTa.n
premenduH pratibimbito vitanute kautUhala.n dhUrjaTeH .. 96..
chetaHkShIrapayodhimantharachaladrAgAkhyamanthAchala\-
kShobhavyApR^itisambhavA.n janani te mandasmitashrIsudhAm .
svAda.nsvAdamudItakautukarasA netratrayI shA.nkarI
shrIkAmAkShi nirantaraM pariNamatyAnandavIchImayI .. 97..
Aloke tava pa~nchasAyakariporuddAmakautUhala\-
pre~NkhanmArutaghaTTanaprachalitAdAnandadugdhAmbudheH .
kAchidvIchiruda~nchati pratinavA sa.nvitprarohAtmikA
tA.n kAmAkShi kavIshvarAH smitamiti vyAkurvate sarvadA .. 98..
sUktiH shIlayate kimadritanaye mandasmitAtte muhuH
mAdhuryAgamasampradAyamathavA sUkternu mandasmitam .
ittha.n kAmapi gAhate mama manaH sandehamArgabhrami.n
shrIkAmAkShi na pAramArthyasaraNisphUrtau nidhatte padam .. 99..
krIDAlolakR^ipAsaroruhamukhIsaudhA~NgaNebhyaH kavi\-
shreNIvAkparipATikAmR^itajharIsUtIgR^ihebhyaH shive .
nirvANA~NkurasArvabhaumapadavIsi.nhAsanebhyastava
shrIkAmAkShi manoj~namandahasitajyotiShkaNebhyo namaH .. 100..
AryAmeva vibhAvayanmanasi yaH pAdAravindaM puraH
pashyannArabhate stuti.n sa niyata.n labdhvA kaTAkShachChavim .
kAmAkShyA mR^idulasmitA.nshulaharIjyotsnAvayasyAnvitAm
ArohatyapavargasaudhavalabhImAnandavIchImayIm .. 101..
\centerline{mandasmitashataka.n sampUrNam ..}
\centerline{shrI mUkapa~nchashatI sampUrNA ..}
\centerline{.. AUM tat sat ..}

##
\medskip\hrule\medskip
Encoded and proofread by Sridhar Seshagiri sridhar.seshagiri at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}