% Text title            : nArAyaNabhaTTapAdavirachitA shrIpAdasaptatiH 08 27
% File name             : shrIpAdasaptati.itx
% Category              : devii, stotra, devI
% Location              : doc\_devii
% Transliterated by     : Ramu, Ramesh Natarajan, Shibin PK, Sugesh, Achari, Rajmohan, Ranjana, Jayati, Shankara
% Proofread by          : Shankara shankara\_2000 at yahoo.com, PSA Easwaran
% Description-comments  : From stotrArNavaH 08-27
% Latest update         : August 13, 2011, June 14, 2015
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIpAdasaptati by shrInArAyaNabhaTTa ..}##
\itxtitle{.. shrInArAyaNabhaTTapAdavirachitA shrIpAdasaptatiH ..}##\endtitles ##

dakShAdhaHkarapallave lasadasiM dakShordhvage shUlinIM
vAmordhve phalakojjvalAM kaTitaTanyastAnyahastAmbujAm |
shUlAgrAhatakAsarAsurashironiShThAM prahR^iShTAM surair\-
juShTAmiShTaphalapradAM bhagavatIM muktisthalasthAM bhaje || 1||
yatsaMvAhanalobhinaH shashikalAchUDasya hastAmbuja\-
sparshenApi cha lohitAyati muhustvatpAdapa~Nkeruham |
tenaivoddhatakAsarAsurashirashshR^i~NgAgrasa~nchUrNana\-
prAchaNDyaM tadanuShThitaM kila kathaM muktisthalasthe\! shive\! || 2||
tvatpAdaM nijamastake ghaTayituM ke ke nu loke janAH
kiM kiM nArachayanti dushcharatapashcharyAsaparyAdikam |
manye dhanyatamaM tu devi\! mahiShaM vairasthayaiva tvayA
yanmUrdhni svayameva pAtakaharaM pAdAmbujaM pAtitam || 3||
tvatpAdAmbujamarpitaM kva nu shive\! kinnu trayImastake?
nityaM tattvavichAradattamanasAM chittAmbujAgreShu vA? |
kiM vA tvatpraNayaprakopavinamanmArArimaulisthale?
kiM protkhaNDitaghorasairibhamahAdaityendramUrddhAntare? || 4||
tvatpAdA~nchalarUpakalpalatikAbAlapravAladvayaM
ye tAvatkalayanti jAtu shirasA namreNa kamrojjvalam |
teShAmeva hi devi\! nandanavanakrIDAsu labhyaM punaH
svarvallItaruNapravAlabharaNaM sevAnurUpaM phalam || 5||
dhAvalyaM parilAlyate puraripora~Ngena tu~NgashrIyA
ki~ncha shyAmalimApi komalatare bhAtyeva gAtre hareH |
tattAdR^ikpadavIM mamApi janayetyastokasevArasA\-
dAruNyaM tava lIyate charaNayoH kAruNyamUrte\! shive\! || 6||
AruNyaM yadidaM tvadIyapadayorAbhAti\, tatkechana
prAhustu~NganitambabhArabharaNaklAntyA kilopAgatam |
anye mAhiShamUrddhapeShamilitaM raktadravaM manvate
manye.ahaM tu nateShu sAndramanurAgodgAramevAnayoH || 7||
prAhuH padmasamAshrayaM shatadhR^itiM tvatpAdapadmAshrayA\-
dantastvatpadapadmavIkShaNavashAtkR^iShNo.pi padmekShaNaH |
yatpadmArchanamAmananti sudhiyo dAridryavidrAvaNaM
muktikShetragate\! bhavAni\! tadapi tvatpAdapadmArchanam || 8||
pAdaM te sarasIruhadruhamimaM yatsevate padmabhU\-
rnUnaM tatsvanivAsapa~NkajavarashrIla~NghanAsha~NkayA |
govindo.api cha vArirAshiduhiturvAsAbjabAdhAbhiyA
svasyaivAgrakarodgR^ihItakamalatrANAbhilASheNa vA || 9||
sevante kulasampade nakhamayAH shItAMshavastvatpadaM
tatpAko nanu vIkShyate hi nitarAmanyeShu shItAMshuShu |
eko bAlaka eva maulimayi\! te yAto\, lalATAtmatA\-
manyo nirmalamaNDaladashAmanyau tu dhanyau gatau || 10||
ghoraM pAdasahasrakaM prakaTayannAshAsu bhAsAM pati\-
rdhvAntaM no punarAntaraM shamayituM shaknoti shailAtmaje\! |
tvatpAdadvitayena komalatareNAnena chetaHspR^ishA
jantUnAM bahirantarandhatamasaM kR^intatyanantaM shive\! || 11||
sUryendvagnisamIraNAdisakalasvarvAsinAmunmadaH
sarvANyeva padAni yo mathitavAn durvArashauryoShmaNA |
taM ghoraM mahiShAsuraM nijapadenaikena sammR^idnatI
yattvaM pratyakR^ithAstataH kimaparaM tvadvaibhavaM brUmahe || 12||
ekaM vAmatayaiva\, dakShiNatayaivAnyatpadaM dehinAM
khyAtaM muktipurAdhivAsini\! shive\!\, chitraM tvayi tvIdR^isham |
AnamreShu janeShvabhIShTakaraNe pAdAvubhau dakShiNA\-
vAnamre tu kR^itAgasi smarahare vAmAkShi\! vAmAvubhau || 13||
Anamrasya puradruhaH shirasi te pAdAbjapAtaH shive\!
jIyAdyena babhUva pa~NkajavatI maulisravantI kShaNam |
ki~nchoda~nchitabAlapallavavatI jAtA jaTAvallarI
lAkShApAtavashena sAndhyasuShamAsAndrA cha chAndrI kalA || 14||
dR^iShTvA rAtriShu chandrapAdajanitAM pAthoruhANAM vyathAM
devi\! tvaM karuNAkuleva kuruShe tadvairaniryAtanam |
mAnAnamramaheshamaulivalabhIvAsasya shItatviSho
nityaM pa~NkajapAdaghAtajanitA bAdhA yadAdhIyate || 15||
sambhrAntistava devi\! sA vijayate mAnAvanamre shive\!
tvatpAdAmburuhaprahAramudite mandaM samutthAyini |
lAkShArAgarasAruNaM nipatitaM ga~NgApayashshIkaraM
dR^iShTvA shoNitasha~NkayA taralitA kAntaM yadAlambathAH || 16||
sA pAdadvitayAhatirjayati te\, yasyAM girIndrAtmaje\!
prAchInenduyute nakhendudashake maulisthalIsa~Ngate |
svasyaikAdashamUrtitAsamuchitAnekAdashaivoDupA\-
nAbibhrANa ivAbabhau sa bhagavAneko.api rudraH svayam || 17||
kiM vairi~nchakaroTikoTinihataM kiM vA phaNigrAmaNI\-
nishvAsAnilakheditaM nvidamiti premArdrasallApinA |
mAnasyopashame kareNa shanakairAmR^idnatA shambhunA
bhUyashchumbitamambujadyuti padaM dhyAyAmi mAye\! tava || 18||
pUrvaM jahnusutA sakR^inmuraripoH shrIpAdasa~NkShAlanA-
puNyAdIdR^ishavaibhavA samabhavatgovindavandye\! shive\! |
seyaM samprati shambhumaulinilayA mAnaprasa~NgAnatau
nityaM tvachcharaNAvasechanabhuvA puNyena kIdR^igbhavet? || 19||
pUrvaM vyAkaraNaprapa~nchanavidhau labdhvApyanekaM padaM
kiM no tR^iptimagAdagAdhipasute\! sheShaH phaNigrAmaNIH |
AlInaH shashimaulimUrddhani chiraM premaprakopAnatau
labdhuM te padamekameva kutukI nityaM yato vartate || 20||
tiShThantyAM praNayaprakopavashato bAShpAkulAkShyAM tvayi
shrIkaNThe nakhadarpaNapratiphaladrUpe purovarttini |
pAdAgre patito.ayamityabhihite sakhyA\, tavAlokanaM
lolaM pAdatale vibhAti sahasA sAkopamAlImukhe || 21||
kAntAlokanalajjayA vinamite kAnte mukhAmbhoruhe
yAsau bhUtalapAtukA nayanayoH shobhA tavAbhAsate |
sA tAvattaruNAruNAmbujayugabhrAntyA tvada~Nghridvaya-
prAnte bhAti marandapAnakutukabhrAnteva bhR^i~NgAvalI || 22||
kiM brUmaH kuTilAtmako.api kabarIbhArastvadIyaH shive\!
kelIvishlathitastanoti yadayaM tvatpAdasaMsparshanam |
tatbhUyaH sumanogaNAdR^itaguNastvanmaulisaMlAlyatAM
dhatte; chitramasau\, tvada~NghribhajanAtkiM kena no labhyate? || 23||
rAgadveShamukhA hi vibhramabharA nashyanti vishveshvari\!
tvatsa~NgAditi muktideshanilaye\! mithyA janaiH kathyate |
udyaddveShamudAravibhramabharaM gAtraM dadhatyA tvayA
rAgo.api dhriyate.adhikaM charaNayoH shoNAmbujachChAyayoH || 24||
devi\! tvatpadasatparAgamanishaM maulau samAbibhratAM
sAdhUnAmaparAgataiva bhavatItyAshcharyamAstAmidam |
pAdaste nakharaprabhAvalasito jAgarti so.ayaM puna\-
shchitraM nAma kharaprabhAvalasito duShTAsuraM piShTavAn || 25||
dvitvena sthitayostvadIyapadayordvaitaM nirasya sphuTaM
kaivalyapratipAdane kushalatA jAteti ko.ayaM kramaH ? |
kiM vA yuktibhiratra\, muktikaratA vyaktaiva te pAdayo\-
rmuktA eva hi visphuranti vimalAstatsa~Ngino.amI nakhAH || 26||
pAdAgraM tava kAmadaM suralatAshAkhAgramAchakShmahe
jAtA yatra hi bAlapallavaruchiH svaireva rAgodayaiH |
utsarpannakhamaNDalIsuShamayA puShpAlirutpAditA
sa~njAtAlirutishcha ma~njulatarairma~njIrashi~njAravaiH || 27||
devIyaM tava sannateshamakuTasvarlokakallolinI\-
kallolAhatibhirvisheShavimalA jIyAnnakhashreNikA |
yaddhAvalyamavAptumAttakutukAstoye tapasyantyamI
dInAH phenakaNAshcha mauktikagaNAH sha~NkhAshcha sha~NkAmahe || 28||
mAne shambhushiraHprahAracharitaM naiva tvadichChAkR^itaM
jAne devi\! padAbjayostu purajinmUrddhnA virodhAdidam |
ete pAdanakhAMshubaddhakalahAH shItAMshumandAkinI\-
bhogIndrAH kila sha~Nkarasya shirasA sha~NkAM vinA rakShitAH || 29||
devi\! tvachcharaNochchalannakhaghR^iNishreNIShu lIno nama\-
nnAbhAti sphaTikAchalasphuTataTIshAyIva sAyannaTaH |
haMsAlIna iva svayaM kamalabhUH kShIrAbdhishAyIva cha
shrIbhartA maghavApi nAkasariti snAyannivAlokyate || 30||
DolAkelividhau himAchalashilAdeshe samabhyAhatAt\-
pAdAgrAttava yAni yAvakarasaprasyandanAnyambike\! |
tAnyabhyAgatasumbhasa~NgarabhavadraktAmbuvistAraNA\-
bindukShepanibhAni nandadamarIvandyAni vandAmahe || 31||
DolAkeliShu yaM himAchalashilAlagnaM vanevAsino
bhaktyA yogivarAstripuNDrakalite limpanti phAlAntare |
yaM siddhapramadAH sametya tilakaM kurvanti natvA muhu\-
staM dAkShAyaNi\! te kadA nu padayorIkSheya lAkShArasam ? || 32||
devi\! tvaM muravairiNaH praNamane yatki~nchidAku~nchaya
shrIpAdAmbUjamanyathAsya shirasi tvatpAdalAkShA~nchite |
shrIbhUmyoritarapraNAmakR^itamityanyonyamAsha~NkayA
roShavyAkulayoshchiraM sa bhagavAn jAyeta paryAkulaH || 33||
prAgudvAhavidhau himAchalasadasyashmAdhiropAya ya\-
nna sprakShyAmi viyaddhunImiti punaH satyaM vidhAtuM cha yat |
daityotkShepaNasAhase virachite saMvAhanArthaM cha yat\-
tatpAdagrahaNatrayaM vijayate sharveNi sharvANi\! te || 34||
sumbhaste kila devi\! rAgakalahe pAdaprahArotsavaM
labdhuM kA~NkShitavAnupAyamiha khalvaj~no na vij~nAtavAn |
yadyAyotsyata ghoramAhiShavapurdhArI sa vairI tataH
prAghAniShyata mUrdhni komalaruchA pAdAravindena te || 35||
Anamre girishe padapraharaNe datte bhavatyA ruShA
\ldq{}nAthe\! kiM mahiShohA\rdq{}mityabhihite devena tasmin kShaNe |
AliShvAkalitasmitAsu\, punarapyuddAmapuShyadruSha\-
stanmaulau jayati dvitIyamapi te pAdAbjasantADanam || 36||
pAdAgraM tava sa~NgarashramavashAdAkShArilAkShArasaM
vinyastaM mR^iganAyakopari chirAjjIyAdagendrAtmaje\! |
yatkAntyaiva cha lohito mR^igapatirdaityaprahArodgala\-
draktAmbhaHkaNikA vahannapi tathA nAmAni vaimAnikaiH || 37||
naivAlimpa nilimpamUrddhasu\, na vA siMhopari tyajyatAM
mA chedaM mahiShasya mUrddhni rabhasAdAlipya lolupyatAm |
patyurmaulinadIjale paramidaM sa~NkShAlanIyaM tvaye\-
tyAlIkeligiro jayanti girije\! tvatpAdalAkShArpaNe || 38||
natvaiva prathamaM tvada~NghrikamalaM tau puShpavantAvubhau
trailokyaM mahasAbhibhUya charato vyomAntaraprAntare |
nAthe\! tau kathamanyathA parigalallAkShArasakShAlitau
vIkShyete bhR^ishashoNibimbamudayArambhe priyambhAvukau || 39||
trailokyaM vashayanti\, pApapaTalImuchchATayantyuchchakai\-
rvidveShaM janayantyadharmaviShaye prastambhayantyApadaH |
AkarShantyabhivA~nChitAni mahiShasvarvairiNo mAraNA\-
shchitraM\! tvatpadasiddhachUrNanivahAH ShaTkarmaNAM sAdhakAH || 40||
kiM kalpadrumapa~nchakaM praNamatAmAkA~NkShitApAdane
kiM pa~nchAyudhabANapa~nchakamidaM mArArisammohane |
sUkShmaM ki~nchana pa~nchabhUtavapuSho vishvasya kiM kAraNaM
tvatpAdA~Ngulipa~nchakAtmakamidaM kiM bhAti shambhoH priye\! || 41||
DolAkeliShu dUradUragamane pre~NkholanAvibhrame
medinyAmanipAtitaM jayati te nAthe\! padAmbhoruham |
bhaktyA sannamatAM tvadAnanagaladgAnAmR^itAmUrchChayA
bhUpR^iShThe chirashAyinAM diviShadAmAghaTTanAsAdhvasAt || 42||
ma~njIraprasaranmasArasuShamArUpA kalindAtmajA
svachChachChAyanakhAMshusa~nchayamayI ga~NgA cha sa~NgAmukA |
shoNaH pAdaruchAM chayashcha milito yena tvadagre\, tato
majjantIva namanti tatra munayaH sarve.api sharvA~Ngane || 43||
ma~njIrArpitashakranIlashakalashrIcha~nchalIkA~nchitaM
rAjadreNuvibhUShitaM paramahaMsAlIbhirAsevitam |
tvatpAdAgrasarojama~NgulidalachChAyabhirAbhAsuraM
viShvagrochinakhAMshujAlapayasi svachChe samuchChobhate || 44||
ma~njIrasvanama~njuviShkirarave tatsa~NginIlopala\-
chChAyArUpatamolave nakhamiShAdakShINatArAgaNe |
sandhyArAganibhasvakAntipaTale tvatpAdamUlAtmaka\-
pratyUShopagame hi devi\! labhate lokaH prabodhodayam || 45||
vidyAmuktiramAvadhUShu nitarAM kAmAturA mAnavA\-
staptAstvannakhakAntichandanarasairAlipya gAtraM nijam |
tvatpAdAbjaruchipravAlanichite bhUmItale sherate
nityaM devi\! bhavatkR^ipApriyasakhIvishvAsataH kevalam || 46||
ma~njIrakvaNitaiH kShipanniva muhuH shrImannakhAMshUdgamai\-
rdaityendraM prahasannivAruNaruchA ruShyannivAsmai bhR^isham |
dhIrAyAM tvayi nirvikAramanasi tvatpAda eva sphuTaM
puShNan vairivikArameSha mahiShadhvaMsI paritrAyatAm || 47||
kShipraM devi\! shiraspandane mahiShaM piShTvA tato.adhaH padaM
ditsantyAM tvayi kaNThabha~njanabhiyA kaNThIrave vidrute |
medinyAmapi bhItikampitatanau prematvarAshAlinA
sharveNaiva nijA~NkasImni nihitaM pAdadvayaM te jayet || 48||
pUrvaM devi\! padAmbujena mahiShapradhvaMsanAbhyAsataH
pashchAtkutsitasumbhadaityavijayo.apyevaM kR^itaH kiM tvayA? |
no chedbhAti kathaM kusumbhavijayI pAdAbjadesho.ayami\-
tyAlApe girishasya tadvijayate mandasmitaM devi\! te || 49||
bibhrANena manoj~nayAvakarasaM ma~njudhvanannUpura\-
shleShAla~NkR^itishAlinA nakhamaNIjAtaprasAdashriyA |
ekenaiva padena devi\! mahiShadhvaMse mahIyastaraH
shlokoyaM rachitastvayeti vibudhAH saMshlAghanaM kurvate || 50||
tvaM shambhormahiShI bhavasyagasute\! tenopahAsAya te
daityo.ayAM mahiShIbhavannupagataH\, so.ayaM kathaM kShamyate ? |
itthaM nUpuraniHsvanairiva vadan pAdastvadIyo ruShA
shastrapragrahaNAtpuraiva mahiShaM piShNan paritrAyatAm || 51||
devyA pa~Nkashayo.adya ko.api mahiShachChadmA mahAn kaNTakaH
pAdenAhata ityudUDhahasitaM sakhyA samAvedite |
sadyaH kaNTakashAlinA karatalenAsAdya pAdAmbujaM
gR^ihNannArtivinodanAya girisho jIyAtpriyaste shive\! || 52||
tvatpAdA~Ngulipallavairagasute\! devi\! svayaM pa~nchabhiH
pa~nchatvaM gamito mahAsura iti svAtmAnurUpaM kR^itam |
etaireva nato janastridashatAM nIto\, maheshaH puna\-
rlakShatvaM gamitaH prasUnadhanuSho vismApanaM taddvayam || 53||
brAhmaM mAghavanaM cha vAhanamaho mandairgatairninditaM
dhAvalyena nakhatviShAM vihasito vAho.api mAheshvaraH |
itthaM vAhanavairitAM bhajati te pAdastato manmahe
kAtyAyanyamunA nyaghAni mahiShaH kArttAntavAhabhramAt || 54||
sImantaprakare surendrasudR^ishAM sindUrarekhAtmanA
mANikyadyutisa~nj~nayaiva makuTIkoTIShu daityadruhAm |
shambhormUrdhni jaTAghaTAruNaruchivyAjena pAdaprabhai\-
vaikA te pariNAmameti karuNAmUrte\! girIndrAtmaje\! || 55||
no keshaH paramAshrayaH sumanasAM\, pAdAbjareNushcha te
no mandArasitA paraM smitaruchirma~njIrayoshcha dvayI |
no bAhuH kalahaM sametya jayati\, tvadyAnalIlApyasau
no shumbhattaralAkShamAnanamidaM\, pAdAmbujaM chAmbike\! || 56||
nAthe\! tAvakavAhasiMhachakitAstvatpAdamUle natA
nUnaM babhramurabhramupriyamukhA dikkumbhivIrAshchiram |
nochedeSha kathaM tadunnatashirassindUrasandohajo
rAgaste charaNAmbuje pariNamannadyApi vidyotate || 57||
tvatpAdo.ayamajAshritashcha ruchirasparshAnvito yoginA\-
mantaHsthAkR^itirUShmabhAk cha mahiShapradhvaMsanaprakrame |
evaM khalvakhilAkSharAtmakamamuM shailendrakanye\! kathaM
bhAShante natavargabandhumapavargAlambanaM vA janAH? || 58||
unmIlannakhamaNDalIhimakaNaH\, shoNaprabhAgairikaM
bibhrANaH\, parishobhamAnakaTako\, bhUyo vanaikAshrayaH |
gAyatsiddhavadhUniShevitatalaH pAdastvadIyaH shive\!
rAjatyeSha himAdripAdavadidaM yuktaM himAdreH sute\! || 59||
dikpAlairdashabhiH pR^ithakpR^ithagayaM tvatpAdayorarpito
dR^ishyo bhaktyanurAga eva dashadhA shoNA~NgulishrImiShAt |
pAdAbhyAmapi tAn prati prakaTitA nUnaM prasAdA~NkurA
dR^ishyante nakhakAntipa~NktidashakavyAjena shailAtmaje\! || 60||
meghAnAM kulishasya chApratihatA dhArAH kramantAM chiraM
no nashyenmadadAnavArivibhavo nAkasya nAgasya cha |
putro.ayaM mama sainikAshcha dadhatAM nityaM jayantaH sukhaM
tvatpAdAmbujapAtinaH surapateritthaM jayantyartthanAH || 61||
AjyAsaktakarairdvijanmabhirahaM hUyeya\, no dAnavaiH
svAhArochitamastu pArshvamanishaM\, tAdR^ik cha havyaM labhai |
rakShAvAniti bhUtimAniti cha me shabdaprasiddhyA shive\!
nopekShyo.ahamiti tvada~Nghrinamane jIyAsuragnergiraH || 61||
\ldq{}tvatbhaktAghamabuddhipUrvalikhitaM syAchchetkShamethAH shive\!
kAntaste mayi roShavAn\, kuru punastasyArdrabhAvaM shanaiH |
devi tvaM mahiShAbhihantri\! chakitaM trAyasva me vAhanaM\rdq{}\,
kAlasyeti jayanti te padanatau lolasya samprArthanAH || 63||
dharmAchAraparo.ahamityavamato rakShobhirekAnvayai\-
rmahyaM devi vininditA dishamadurjAtidviShashchAmarAH |
daivAdityubhayachyuto visharaNo rakShyo.ahamityAdaya\-
stvatpAdapraNatau jayanti nirR^iteratyAkulAH prArthanAH || 64||
matputryA mama vA mukundagR^ihatAbhAgyaM na sa~NkShIyatAM
mAhaM pAyiShi kumbhajena muninA kalpAntasUryeNa vA |
dvedhA me suravAhinIdayitatA sAdhu tvayA rakShyatAM
tvatpAdAmbujapAtino jalapateritthaM jayantyartthanAH || 65||
vishvaprANamayI tvameva\, mama tu prAhurjagatprANatAM
sarvasyApi sadA gatirhi bhavatI\, mAmevamAhurjanAH |
lajjApAdakamIdR^ishaM janani\! naH\, kiM kurmahe\, pAhimA\-
mityevaM pavanasya te padanatau vAcho jayantyAkulAH || 66||
sha~NkhollAsigalojjvale\! samakare\! padmena\, kundasmite\!
pAdAgrAdR^itakachChape\! mukhamahApadme\! mukundAshrite\! |
ityasmannidhigAtri\! nIlanayane\! charchAtmike\! pAhimA\-
mitthaM pAdanatiH shive\! vijayate sakhyuH kuberasya te || 67||
sannAmeShu bhavatpadAmbujanakhachChAyAM jaTAsa~NginIM
ga~NgetyAlijanA vadanti vitathaM mA bhUrmudhA kopinI |
dR^iShTirmayyayi\! nIyatAM\, paruShamapyekaM vacho dIyatA\-
mIshAnasya bhavAni\! te padanatAvitthaM jayantyartthanAH || 68||
nAbhIto.abhavamAditastava balAt pashchAdabhIto.asmyahaM
tryakSheNa trimukhIkR^ito.api chaturAsyo.ahaM tavaiva stavaiH |
tvaM vishvAtmatayopajanya na punaH sraShTAramAkhyAhi mA\-
mitthaM devi\! jayanti te padanatau vANIpatervANayaH || 69||
AshIrasti mukhe\, viDambayati mAM bhUyo.api chAshIHspR^ihA
bhogAH santi sahasradhA\, punarahaM bhogAn kathaM prArthaye? |
sheSho.ahaM spR^ihayAmyasheShasukhamityetachcha hAsAspadaM\,
nAthe\! chintaya sarvamityahipatestvatpAdapAto jayet || 70||
pArvatyAH padamatra dR^ishyamiti vA pAde bhavatvena vA
sAdhutvAttadupAstaye hitatayA padyAnyamUni sphuTam |
saiShA muktipurIgirIndratanayA bhaktena nArAyaNe\-
nAbaddhA khalu saptatirdishatu vaH kalyANahallohalam ||

##

Shri Narayana Bhatta, the author of this work is more famous for his
work "Narayaneeyam". Narayaneeyam was composed in his younger days. It
is said that he had a vision (dream) in which Krishna appeared to him
and commanded him to go to Mukkola Bhagavati (Devi) temple in north
Kerala. He went there and stayed there worshipping the Goddess till his
last days. This temple is also known as Muktisthala. It is said that
the poet attained Mukti there. It was during his stay at Mukkola that
he composed "Sripadasaptati", seventy verses on the divine feet of the
Goddess. It is assumed that he composed only 70 verses because he was
70 years old when he composed this work.

Encoded by Ramu, Ramesh Natarajan, Shibin PK, Sugesh,
Achari, Rajmohan, Ranjana, Jayati, and Shankara
Proofread by Shankara, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}