% Text title            : shrIstotram
% File name             : shrIstotram.itx
% Category              : devii, lakShmI, devI
% Location              : doc\_devii
% Author                : Traditional
% Proofread by          : Sunder Hattangadi
% Source                : Agnipurana, adhyAya 236
% Latest update         : January 16, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIstotram ..}##
\itxtitle{.. shrIstotram ..}##\endtitles ##

athAgneye ShaTtriMshadadhikadvishatatamo.adhyAyaH |

puShkara uvAcha \-
rAjyalakShmIsthiratvAya yathendreNa purA shriyaH |
stutiH kR^itA tathA rAjA jayArthaM stutimAcharet || 1||
indra uvAcha \-
namaste sarvalokAnAM jananImabdhisambhavAm | ##var##sarvabhUtAnAM jIvanamambusambhavAm
shriyamunnindrapadmAkShIM viShNuvakShaHsthalasthitAm || 2||
tvaM siddhistvaM svadhA svAhA sudhA tvaM lokapAvani |
sandhyA rAtriH prabhA bhUtirmedhA shraddhA sarasvatI || 3||
yaj~navidyA mahAvidyA guhyavidyA cha shobhane |
AtmavidyA cha devi tvaM vimuktiphaladAyinI || 4||
AnvIkShikI trayI vArtA daNDanItistvameva cha |
saumyA saumyairjagadrUpaistvayaitaddevi pUritam || 5||
kA tvanyA tvAmR^ite devi sarvayaj~namayaM vapuH |
adhyAste deva devasya yogichintyaM gadAbhR^itaH || 6||
tvayA devi parityaktaM sakalaM bhuvanatrayam |
vinaShTaprAyamabhavattvayedAnIM samedhitam || 7||
dArAH putrAstathAgAraM suhR^iddhAnyadhanAdikam |
bhavatyetanmahAbhAge nityaM tvadvIkShaNAnnR^iNAm || 8||
sharIrArogyamaishvaryamaripakShakShayaH sukham | ##var##kShayaH svayam
devi tvaddR^iShTidR^iShTAnAM puruShANAM na durlabham || 9||
tvamambA sarvabhUtAnAM devadevo hariH pitA |
tvayaitadviShNunA chAmba jagadvyAptaM charAcharam || 10||
mAnaM koShaM tathA koShThaM mA gR^ihaM mA parichChadam |
mA sharIraM kalatra~ncha tyajethAH sarvapAvani || 11||
mA putrAnmAsuhR^idvargAnmA pashUnmA vibhUShaNam |
tyajethA mama devasya viShNorvakShaHsthalAlaye || 12|| 
## var ## tyajethA devadevasya viShNorvakShaHsthalAshraye
sattvena satyashauchAbhyAM tathA shIlAdibhirguNaiH |
tyajante te narA sadyaH santyaktA ye tvayAmale || 13||
tvayAvalokitAH sadyaH shIlAdyairakhilairguNaiH |
kulaishvaryaishcha yujyante puruShA nirguNA api || 14||
sa shlAghyaH sa guNI dhanyaH sa kulInaH sa buddhimAn |
sa shUraH sa cha vikrAnto yastvayA devi vIkShitaH || 15||
sadyo vaiguNyamAyAnti shIlAdyAH sakalA guNAH |
parA~NmukhI jagaddhAtrI yasya tvaM viShNuvallabhe || 16||
na te varNayituM shaktA guNAn jihvApi vedhasaH |
prasIda devi padmAkShi nAsmAMstyAkShIH kadAchana || 17||
puShkara uvAcha
evaM stutA dadau shrIshcha varamindrAya chepsitam |
susthiratvaM cha rAjyasya sa~NgrAmavijayAdikam || 18||
svastotrapAThashravaNakartRRINAM bhuktimuktidam |
shrIstotraM satataM tasmAtpaThechcha shR^iNuyAnnaraH || 19||

ityAgneye mahApurANe shrIstotraM nAma
            ShaTtriMshadadhikadvishatatamo.adhyAyaH || 236||
##
Proofread by Sunder Hattangadi

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}