% Text title            : sudhAdhArAkAlIstotram
% File name             : sudhAdhArAkAlIstotram.itx
% Category              : devii, dashamahAvidyA, devI
% Location              : doc\_devii
% Proofread by          : NA, PSA Easwaran
% Description-comments  : mahAkAlasaMhitAyAM shrIguhyakAlyA
% Latest update         : January 7, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sudhAdhArAkAlI stotram ..}##
\itxtitle{.. sudhAdhArAkAlI stotram ..}##\endtitles ##
achintyAmitAkArashaktisvarUpA
    prativyaktyadhiShThAnasattvaikamUrtiH |
guNAtItanirdvandvabodhaikagamyA
    tvamekA parabrahmarUpeNa siddhA || 1||
agotrAkR^ititvAdanaikAntikatvAt
    alakShyAgamatvAdasheShAkaratvAt |
prapa~nchAlasatvAdanArambhakatvAt
    tvamekA parabrahmarUpeNa siddhA || 2||
asAdhAraNatvAdasambandhakatvAt
    abhinnAshrayatvAdanAkArakatvAt |
avidyAtmakatvAdanAdyantakatvAt
    tvamekA parabrahmarUpeNa siddhA || 3||
yadA naiva dhAtA na viShNurna rudro
    na kAlo na vA pa~nchabhUtAni nAshA |
tadA kAraNIbhUtasatvaikamUrtiH
    tvamekA parabrahmarUpeNa siddhA || 4||
na mImAMsakA naiva kAlAditarkA
    na sA~NkhyA na yogA na vedAntavedAH |
na devA viduste nirAkArabhAvaM
    tvamekA parabrahmarUpeNa siddhA || 5||
na te nAmagotre na te janmamR^ityU
    na te dhAmacheShTe na te duHkhasaukhye |
na te mitrashatrU na te bandhamokShau
    tvamekA parabrahmarUpeNa siddhA || 6||
na bAlA na cha tvaM vayaskA na vR^iddhA
    na cha strI na ShaNDhaH pumAnnaiva cha tvam |
na cha tvaM suro nAsuro no naro vA
    tvamekA parabrahmarUpeNa siddhA || 7||
jale shItalatvaM shuchau dAhakatvaM
    vidhau nirmalatvaM ravau tApakatvam |
tavaiShAmbike yasya kasyApi shaktiH
    tvamekA parabrahmarUpeNa siddhA || 8||
papau kShveDamugraM purA yanmaheshaH
    punaH saMharatyantakAle jagachcha |
tavaiva prasAdAnna cha svasya shaktyA
    tvamekA parabrahmarUpeNa siddhA || 9||
karAlAkR^itInyAnanAni shrayantI
    bhajantI karAstrAdi bAhulyamittham |
jagatpAlanAyA.asurANAM vadhAya
    tvamekA parabrahmarUpeNa siddhA || 10||
ruchantI shivAbhirvahantI kapAlaM
    jayantI surArIn vadhantI prasannA |
naTantI patantI chalantI hasantI
    tvamekA parabrahmarUpeNa siddhA || 11||
apAdA.api vAtAdhikaM dhAvasi tvaM
    shrutibhyAM vihInA.api shabdaM shR^iNoShi |
anAsA.api jighrasyanetrA.api pashya\-
   syajihvA.api nAnArasAsvAdavij~nA
tvamekA parabrahmarUpeNa siddhA || 12||
yathA bimbamekaM raverambarasthaM
    pratichChAyayA yAvadekodakeShu |
samudbhAsate.anekarUpaM yathAvat
    tvamekA parabrahmarUpeNa siddhA || 13||
yathA bhrAmayitvA mR^idaM chakramadhye
    kulAlo vidhatte sharAve ghaTaM cha |
mahAmohayantreShu bhUtAnyasheShAn
    tathA mAnuShAMstvaM sR^ijasyAdisarge || 14||
tvamekA parabrahmarUpeNa siddhA ||
yathA ra~NgarajvarkadR^iShTiShvakasmAt
    nRRINAM rUpadarvIkarAmbubhramaH syAt |
jagatyatra tattanmaye tadvadeva |
    tvamekaiva tat tannidattA samastam || 15||
tvamekA parabrahmarUpeNa siddhA ||
mahAjyotirekAra siMhAsanaM yat\-
    svakIyAn surAn vAhayasyugramUrte
avaShTabhya padbhyAM shivaM bhairavaM cha |
    sthitA tena madhye bhavatyaiva mukhyA ## var ## mugdhA
tvamekA parabrahmarUpeNa siddhA || 16||
kuyogAsane yogamudrAbhyanItiH
    kushobhAyupotasya bAlAnanaM cha
jaganmAtarAdR^ik tavA.apUrvalIlA |
    kathaM kAramasmadvidhairdevi gamyA
tvamekA parabrahmarUpeNa siddhA || 17||
vishuddhA parA chinmayI svaprakAshA\-
    mR^itAnandarUpA jagadvyApikA cha |
tavetadvidhA yA nijAkAramUrtiH
    kimasmAbhirantarhR^idi dhyAyitavyA || 18|| ## var ## bhAvitavyA
tvamekA parabrahmarUpeNa siddhA ||
mahAghorakAlAnalajvalajjvAlA
    hityattyantavAsA mahATATTahAsA |
jaTAbhArakAlA mahAmuNDamAlA
    vishAlA tvamIdR^i~NmayA dhyAyashamba || 19|| ## var ## dhyAyase.amba
tvamekA parabrahmarUpeNa siddhA ||
tapo naiva kurvan vapuH sIdayAmi
    vrajannApi tIrthaM pade kha~njayAmi |
paThannApi vedAn janiM yApayAmi
    tvada~NghridvayaM ma~NgalaM sAdhayAmi || 20||
tvamekA parabrahmarUpeNa siddhA ||
tiraskurvato.anyAmaropAsanArche
    parityaktadharmAdhvarasyAsya jantoH |
tvadArAdhanAnyastachittasya kiM me
    kariShyantyamI dharmarAjasya dUtAH || 21||
tvamekA parabrahmarUpeNa siddhA ||
na manye hariM no vidhAtAramIshaM
    na vahniM na hyarkaM na chendrAdidevAn |
shivodIritAnekavAkyaprabandhaiH
    tvadarchAvidhAnaM vishatvamba matyAm || 22||
tvamekA parabrahmarUpeNa siddhA ||
narA mAM vinindantu nAma tyajenmAM
    tyajedbAndhavA j~nAtayaH santyajantu |  ## var ## tathA bAndhavA
yamIyA bhaTA nArake pAtayantu
    tvamekA gatirme tvamekA gatirme || 23||
tvamekA parabrahmarUpeNa siddhA ||
mahAkAlarudroditastotrametat
    sadA bhaktibhAvena yo.adhyeti bhaktaH
na chApanna na shoko na rogo na mR^ityu\-
    rbhavet siddhirante cha kaivalyalAbhaH
tvamekA parabrahmarUpeNa siddhA || 24||
idaM shivAyAH kathitaM sudhAdhArAkhyaM stavam |
etasya satatAbhyAsAt siddhiH karatalesthitA ||
etatstotraM cha kavachaM padyaM tritayamapyadaH |
paThanIyaM prayatnena naimittikasamarpaNe || ## var ## naimittikasamarhaNe
saumyendIvaranIlanIradaghaTAproddAmadehachChaTA
lAsyonmAdaninAdama~NgalachayaiH shroNyantadolajjaTAH |
sA kAlI karavAlakAlakalanA hantvashriyaM chaNDikA
kAlI krodhakarAlakAlabhayadonmAdapramodAlayA
netropAntakR^itAntadaityanivahAproddAna dehAmayA | ## var ## dehAbhayA
pAyAdvo jayakAlikA pravalikA hu~NkAraghorAnanA
bhaktAnAmabhayapradA vijayadA vishveshasiddhAsanA ||

iti shrIsudhAdhArAkAlI stotraM samAptam ||
iti mahAkAlasaMhitAyAM shrIguhyakAlyAH sudhAdhArAstavaH sampUrNaH |

karAlonmukhI kAlikA bhImakAntA
    kaTivyAghracharmAvR^itA dAnavantA |
hUM hUM kaDmaDI nAdinI kAlikA tu
    prasannA sadA naH prasannAn punAtu ||

##

There is a stotra with similar refrain
tvamekA parabrahmarUpeNa siddhA
in Rudrayamala uttaratantra paTala 46 (ShaTchatvArIMshaH paTalaH)
termed as rudrshaktilAkinIstotra or rudrANIstotram with different
content, vailable in ShaTchakra group in Devi chapter.

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}