% Text title            : Suvarnamuktavali Stuti
% File name             : suvarNamuktAvalIstutiH.itx
% Category              : devii, devI, stuti, durgA
% Location              : doc\_devii
% Proofread by          : Mohan Chettoor
% Description/comments  : From Stotras Samahara Part 1 (ed. K.Raghavan Pillai)
% Latest update         : September 4, 2022
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Suvarnamuktavali Stuti ..}##
\itxtitle{.. suvarNamuktAvalIstutiH ..}##\endtitles ##
advaitamakSharamanantamabhaktalokai\-
     raj~neyatattvamanumeyamatIndriyaj~naiH |
avyaktamarchayadanugrahaNAttarUpa\-
     mantaHpuraM purariporaruNaM bhajAmaH || 1||
AtAmramAttadhanura~NkushapAshabANa\-
     mAdarshanirmalakapolakamAyatAkSham |
AnandachinmayamahaH stutamAgamAntai\-
     rAryAkhyamArtiharamAshu mamAntarAstAm || 2||
indrAdidivyapadadAmiyatItyameyA\-
     mindIvarAkShiyugalImitihAsavedyAm |
induprakAshavadanAmibharAjayAtA\-
     miShTArthadAM bhagavatImiha chintayAmi || 3||
IshitvamukhyaphaladAM jagadIshvarIM tA\-
     mIshAnavAmanilayAmiyatIdR^ishIti |
IkShAvatAmaviShayaM mahadIhitA~Nghri\-
     mIDe parAM suragavImahamIpsitAnAm || 4||
unnidrapa~NkajamukhImuditAruNAbhA\-
     mudvR^ittapIvarakuchAmupagIyamAnAm |
uchchaistarAmupaniShadbhirUpAsakAnA\-
     muchchAvacheShTaphalahetumumAmupAse || 5||
UrIkR^itAtmacharaNArpitachittavR^itti\-
     mUrdhasthitAM nigamamaulibhirUhyamAnAm |
UnetarArthaphaladAM parameshvaroDhA\-
     mUDhatrilokabharaNAM jananIM prapadye || 6||
R^igbhiryajurbhirapi sAmabhirarchakAnA\-
     mR^iddhipradAnaniratAmR^ituhUyamAnAm |
R^itvigbhiradhvaramayImR^itasatyanetrA\-
     mR^ijvImR^ibhukShamahitAmanusandadhAmi || 7||
ekAntabhaktisulabhAmatimAtraramyA\-
     mekAta patraphaladAM sakR^idarchakAnAm |
etAdR^ishItyaviditAM nigamAvalIbhi\-
     rekAmanekajananIM vayamAshrayAmaH || 8||
aikyaM tvayA saha maheshvari ! labdhukAmA
     naikAdhipatyamavanerapi kAmayante |
aishvaryasiddhimatulAmapi yAchamAno
     jihremi kevalamahaM sukhamaihikaM tvAm || 9||
otaM samastabhuvanaM yadameyashaktA\-
     vojasvi bhAti kalayanti tapAMsi yasyAm |
oko.apyayAtumanasaH samupAsmahe tA\-
     mo~NkAradivyakamalAkararAjahaMsIm || 10||
audAryamAshritajaneShu tavAtimAtR^i
     aupamyahInamiti sarvajagatyasiddham | (sarvajagatprasiddham)
auchityamamba ! kimidaM yadupekShase mA\-
     maurvAgnidurviShahadainyavidUyamAnam || 11||
kalyANamAvahatu me kamalAvirishcha\-
     kAntAkarAntadhR^itachAmarashobhipArshvam |
kalyANashailanilayaM kimapi svarUpaM
     kodaNDabANasR^iNipAshakarAravindam || 12||
khelantu me manasi khecharamaulimAlA\-
     lolanmaNIkiraNara~njitapAdukAyAH |
pAdAbjareNukaNikAH paradevatAyA
     voDhuM shivaH shirasi yA hi bhinatti gotram || 13||
ga~NgAdharapraNayinI charaNAravinde
     shR^i~NgArakandalitakAntijharImarande |
bhR^i~NgAyatAM mama manaH puruShArthakande
     tu~NgAnubhAvini milanmunihaMsavR^inde || 14||
gharmAntakAlajalamukpaTalIdhurINe
     ghorAmayAniladavAnalatApabhAjAm |
ghasrAgame praNatamohatamastatInA\-
     ma~Nghridvaye lagatu me hR^idayaM shivAyAH || 15||
~NyAvantavAchyamitarachcha samastametad
     yasthA vibhAti kalayA samanupraviShTam |
tasyAmanantasukhachinmayavigrahAyAM
     lIye girIshagurubhAgyaparamparAyAm || 16||
chandrArdhashekharaminenduhutAshanetraM
     chArusmitAsyamaruNaM paramANumadhyam |
chAmIkarAbharaNamuchchakuchaM manoj~naM
     chitte chakAstu taruNaM shivakAmi tejaH || 17||
ChAyAmahIruhi bhavoSharamArgabhAjAM (bhavoparamArga?)
     ChAyAvidhUtakuruvinda maNiprabhAyAm |
ChAyeva sajjatu maNau mama chetaneyaM
     trailokyamAtari maheshvaravallabhAyAm || 18||
jantorlalATalikhitApi lipirvidhAtrA
     janmAntarAcharitapAtakasUchayitrI |
jAyeta divyasukhadA yadapA~NgadR^iShTyA
     jAyAmumAM purabhido hR^idi manmahe tAm || 19||
jha~njhAmarudbhiriva dussahameghamelAH
     shIryanti sarvavipadaH karuNAkaTAkShaiH |
yasyAH sakR^it praNatamAtR^ipadAmbujAyA(?) \-
     stAM sarvalokajananIM sharaNaM prapadye || 20||
~nidyaShpha~NIShShu vihitAsu kataprakR^ityA
     yadrUpamullasati tat khalu nAma yasyAH |
j~nAnapradaM sakalarogaharaM pavitraM
     tAM bhAvayAmi manasA himashailakanyAm || 21||
Ta~NkAyate vipulapApamahopalAnAM
     yasyAH sakR^ichcharaNayorvihitaH praNAmaH |
tAmAshraye sukhakarIM jagatAM trayANAM
     nishsheShaduHkhashamanAtha satIM bhavAnIm || 22||
Tha~NkArakalpamaNimadhyavirAjamAna\-
     tATa~NkaratnayugalAyitapuShpavadbhyAm |
dedIpyamAna mANadarpaNatulyagaNDAM
     kAmeshvarA~NkanilayAM praNamAmi gaurIm || 23||
DolAyamAnamanasAM bahuchintayAlaM
     dAridryaduHkhabhavayA bhavinAM yadIye |
pAdAmbujanmani ratiH surashAkhishAkhA
     sA pArvatI sharaNamadya mamAstu devI || 24||
DhakkAdharasya naTato naTanAyakasya
     nR^ittAnukArachaturAM chaturAsyanUtAm |
ApannabhaktajanarakShaNajAgarUkA\-
     mambAM bhaje natamanorathakalpavallIm || 25||
Ni~Npratyayo.anuvadati prakR^iterivArthaM
     sR^iShTisthitikShayakR^ito milanena yasyAH |
sR^iShTisthitikShayavidhIn vidadhAti shambhu\-
     stasyai namaH prakR^itaye bhuvanaikagatyai || 26||
tanvI taTittanulatA taruNenduvaktrA
     tAruNyayogalalitA taralAyatAkShI |
tAmrAdharA taralahArakuchAntarAlA
     tApApahA bhagavatI bhavatAt purastAt || 27||
thuT sasya sanniva parasya paropakArAd
     yatsevakasya niTilopari chandrakhaNDaH |
AgachChati praNatavA~nChita kalpavallI\-
     mArAdhmahe manasi haimavatI kumArIm || 28||
dInAvanaika niratAM bhuvanAdhipatya\-
     dAnapravINacharaNAmburuhopahArAm |
devIM dayArdranayanAM dadhatImupAse
     pAshekShuchApasumabANasR^iNIn karAbjaiH || 29||
dhanyAM yashasyamatipAvanamAmayaghnaM (kunyaM yashasya)
     dhairyAvahaM sukhakaraM bhavarogahAri |
dhAmapradaM bhayaharaM charitaM yadIyaM
     dhAtrI dharAdharasutA mama sA prasIdet || 30||
nAmAvalI nayati kIrtayato yadIyA
     nAkaM narAnadhikaduShkR^itakAriNo.api |
nArAyaNasya sahajAM sahajArdrabhAvAM
     nAthAmi tAM shubhagatiM nagarAjaputrIm || 31||
pa~nchAsyama~nchanilayAM paramAtmarUpAM
     pa~nchopachArasarasAM paripUrNakAmAm |
pa~nchAyudhAbhayakarIM parachitprakAshAM
     pa~nchApahAricharitAM girijAmupAse || 32||
phullAravindavadane ! phalade ! kriyANAM
     phAlekShaNArjitasukarmaphalasvarUpe ! |
kalhAragandhachikure ! kuruvindashobhe !
     kAruNyashAlini ! vilokaya mAmapA~NgaiH || 33||
bAlAmR^itAMshukalikAparishobhiphAle !
     bAlAruNAruNasharIramarIchimAle ! |
trailokyapAlini ! vilokayituM shive ! mAM
     kAlo.ayameva karuNAshishiraiH kaTAkShaiH || 34||
bhadrANi pashyati bhavatyapiko jagatyAM (bhavatyadhipo)
     bhagno na jAtu na bibheti kutashchanAyam |
bhAgyena yo.atra bhajate tava pAdapadmaM
     bhaktirdR^iDhA bhavatu me tvayi bhaktavashye ! || 35||
mAta~Ngama~njulagate ! mahanIyamUrte !
     mandAravalli ! bhajatAM manasAdhigamye ! |
mAye ! maheshvaravilAsini ! mA taniShThA !
     mAyAmahAsariti majjati mayyupekShAm || 36||
yA vishvamAtmamahasA samanupraviShTA
     yAmeva sarvamanuyAti yayA vibhAti |
yasyai karoti samudeti yatashcha rUpaM
     yasyA layaM vrajati yatrachasA tvameva || 37||
rAjA vibhAsati bhavAni ! kaTAkShati shrI (rAjApi dAsati)
     rAjAnati shritajanoradhanAyi vANI | (rasanAti vANI)
rAmA ramAnti khalu devati devi gehaM
     tvatsevakasya nahi kiM mayi vastu kiM vA || 38||
lakShyIkuruShva lalite ! lalitaiH kaTAkShai\-
     lakShmIkarairjhaTiti mAM laghayAtu dainyam | (laghayAshu)
lokaprasiddhamahimAvalilAghavaM te
     mA bhUdayaM tava jano bhuvi sIdatIti || 39||
vAchaspatirbhavati mR^ikatamo.api pa~Ngu\-
     rvArAnnidhIMstaranti darshayate.ahni tAram |
ante.api nAkamaghavAnatiyAti dehI
     yatpAtramamba ! tava taM disha mayyapA~Ngam || 40||
shaMsanti sha~Nkari ! shashA~NkakalAvataM se !
     shAstrANi sarvajagatAM bhavatIM savitrIm |
sha~NkAM vinAyamaghavAnatibhaktavanmA\-
     mAlokayAmba ! samadhIrhi suteShu mAtA || 41||
ShaDgo.api sAdhuvimukho.api ShaDAsyamAtaH !
     ShaDvairivargaparibhUtaShaDindriyo.api |
ShaTpa~Nkajoparigate ! bhavatIM prapannaH
     ShaTkarmagamyapadamAshrayate januShmAn || 42||
sattvaM rajastama iti prakR^iterguNaiste
     sargasthitipramavasaMsthitahetubhUtaiH | (sargasthitipralaya)
sraShTAvibhuprabhR^itayo na viduH svarUpaM
     satyaM tavAmba ! nutaye bhuvi ko.alamanyaH || 43||
hAlAmadAruNimahArihanupradeshe !
     hAlAhalAshanasukhAvahadivyamUrte ! |
haryashvamukhyaharidIshanute.amba ! mAsmAn
     hAsIstvadekasharaNAnatidInabhAvAn || 44||
kShityAdibhUtamayi ! ki~nchidapi tvadichChAM
     kShetraj~narUpiNi ! vinA chalituM na shaktam |
kShantavyameva kR^itamamba ! shubhAshubhaM me
     kShmAbhR^itsute ! patinideshakarA hi bhR^ityAH || 45||
etAM mayA virachitAM varade ! \ldq{}suvarNa\-
     muktAvalI\rdq{} tava mude jagadekamAtaH ! |
pratyarpayAmi kR^ipayA parigR^ihya kuryA
     vakShojaku~NkumarasaiH sarasAM samagryAm || 46||
(stutiriyaM AdikShAntavarNAvalyA samArabdhatvAchchAruvarNa\-
kalitatvAchcha dvedhA sArthanAmnI |)
##(This stotra is in praise of goddess Durga
and is similar to the kumArastavaH in that here
too the stanzas are arranged in alphabetical
order.)##

iti suvarNamuktAvalIstutiH samAptA |
##
Proofread by Mohan Chettoor 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}