% Text title            : svAminyaShTakam
% File name             : svAminyaShTakam.itx
% Category              : devii, rAdhA, puShTimArgIya, aShTaka, viThThaleshvara, devI
% Location              : doc\_devii
% Author                : viThThaleshvara
% Proofread by          : PSA Easwaran psawaswaran at gmail.com
% Description/comments  : puShTimArgIya stotraratnAkara
% Latest update         : February 28, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIsvAminyaShTakam ..}##
\itxtitle{.. shrIsvAminyaShTakam ..}##\endtitles ##
rahasyaM shrIrAdhetyakhilanigamAnAmiva dhanaM
     nigUDhaM yadvANI japata satataM jAtu na param |
pradoShe dR^igmoShe pulinagamanAyAtimadhuraM
     balattasyAshcha~nchachcharaNayugamAstAM manasi me || 1||
amandapremArdrapriyakaratalaM ku~NkumapiSha\-
     tkuchadvandve vakShasyapi cha dadhatI chAru satatam |
kR^ipAM kuryAdrAdhAmayi ruchirahemAdrishikharo\-
     ditaprAvR^iNmeghasmaraharaharI chUchukamiShAt || 2||
nimantrya prAtaryA nijahR^idayanAthaM nirupamA
     sukaumAryaikAkinyatighanavanAdAtmabhavane |
vadhiyAnnaM svAdu svayamatimudA bhojayati sA
     mayi prItA rAdhA bhavatu harisa~NgArpitamanAH || 3||
vidhAya shyAmAMse nijabhujalatAminduvadanaM
     kaTAkShaiH pashyantI kuvalayadalAkShI madhupateH |
mudA gAyantI yA mathuramuralIjAtaninadA\-
     nusAraM tAraM sA phalatu mama rAdhAvadanayoH || 4||
amandapremArdrAtkisalayamayAtkolashayanA\-
     duShasyutthAyAbjAruNatarakapolAtiruchirA |
gR^ihaM yAntI shrAntisthagitagatirAsyAmbujagataM
     ghanIbhUtaM rAdhA rasamanudinaM me vitaratu || 5||
priyeNAkShNA saMsUchitanavaniku~njeShu vividha\-
     prasUnairnirmAyAtishayaruchiraM kelishayanam |
digatyeShA gu~njanmadhupamukhare dhArapavanI\-
     shrite krIDantI me nijacharaNadAsyaM vitaratu || 6||
kadambArUDhaM yA nijapatimajAnantyahani ta\-
     ttale kurvantI svapriyatamasakhIbhiH saha kathAm |
akasmAdudvIkShya sphuTataralahArorasamiti
     smitasmeravrIDA.a.ananamudiradR^ik sA mama gatiH || 7||
na me bhUyAnmokSho na punaramarAdhIshasadanaM
     na yogo na j~nAnaM na viShayasukhaM duHkhakadanam |
tvaduchChiShTaM bhojyaM tava padajalaM peyamapi ta\-
     drajo mUrdhni svAminyanusavanamastu pratibhavam || 8||
iti shrImadgopIjanacharaNapa~NkeruhayugA\-
     nugatyA.a.anandAmbhonidhivibhR^itavAkkAyamanasA |
mayedaM prAdurbhAvitamatisukhaM viThThalapadA\-
     bhidheye mayyeva pratiphalatu sarvatra satatam || 9||

     iti shrIviThThaleshvaravirachitaM svAminyaShTakaM samAptam |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}