% Text title : Swayanvara pArvatI stotraM mantramAlAstotraM % File name : svayamvarampArvati.itx % Category : devii, pArvatI, stotra, devI % Location : doc\_devii % Author : Traditional % Transliterated by : Adwaith Menon % Proofread by : Adwaith Menon, Subhash Prajapati, Pooja % Latest update : August 22, 2010 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shri Svayamvara Parvati Mantramala Stotram ..}## \itxtitle{.. shrIsvayaMvarA pArvatI mantramAlAstotram ..}##\endtitles ## shrI durvaasaamunivirachitam shrI svaya.nvarA pArvati mantramAlA stotram (japasahitam) OM asya shrI svayaMvara pArvatI mahA mantrasya aja R^iShiH, pa.nktiH ChandaH svayaMvara pArvatI devatA | ##or## OM asya shrIsvaya.nvaramantrasya brahmA R^iShiH devIgAyatrI ChandaH, devI giriputrI svaya.nvarA devatA | mamAbhIShTasidhyarthe jape viniyogaH || hrAM ityAdinA nyAsaH | ##or## OM asya shrIsvaya.nvarApArvatI mantrasya brahmA R^iShiH, devI gAyatrI ChandaH, devI giriputrI svaya.nvarA pArvati devatA | mama shIghrameva vivAha prAptyarthe, sarvAbhIShTasidhyarthe jape viniyogaH || kara nyAsaM OM hrAM jaga traya vashya mohinyai, a~NguShThAbhyAM namaH | OM hrIM trailokya vashya mohinyai, tarjanIbhyAM namaH | OM hrUM uraga vashya mohinyai, madhyamAbhyAM namaH | OM hraiM sarva raaja vashya mohinyai, anAmikAbhyAM namaH | OM hrauM sarva strii puruSha vashya mohinyai, kaniShThikAbhyAM namaH | OM hraH sarva vashya mohinyai, karatala karapR^iShThAbhyAM namaH || a~Nga nyAsaM OM hrAM jaga traya vashya mohinyai, hR^idayAya namaH | OM hrIM trailokya vashya mohinyai, shirase svAhA | OM hrUM uraga vashya mohinyai, shikhAyai vaShaT | OM hraiM sarva raaja vashya mohinyai, kavachAya hum | OM hrauM sarva strii puruSha vashya mohinyai, netratrayAya vauShaT | OM hraH sarva vashya mohinyai, astrAya phaT | bhUrbhuvaH suvaromiti digbandhaH || dhyAnaM shambhuM jaganmohanarUpapUrNaM ## var ## rUpavarNaM vilokya lajjAkulitAM smitADhyAm | madhUkamAlAM svasakhIkarAbhyAM sambibhratImAdrisutAM bhaje.ayam || || svaya.nvarA dhyAnam || hemAbhAM mativAgatItaguNashIlAntAmashilpAkR^itiM premArohamanoharAM karalasatkalyANadAmAnvitAm | shyAmAmIshvaramudyatAM varayituM trailokyasammohinIM kAmApAdanakalpavallimanishaM vande parAM devatAm || 1|| ##Day/morning dhyaana shloka:## bAlArkAyutasuprabhAM karatale rolambamAlAkulAM mAlAM sandadhatIM manoharatanuM mandasmitodyanmukhIm | mandaM mandamupeyuShIM varayituM shambhuM jaganmohinIM vande devamunIndravanditapadAmiShTArthadAM pArvatIM || 2|| ##Evening/night dhyaana shloka:## karadhR^ita varaNamAlyA sarvaratnA~NgabhUShA ##var## vidhR^ita nikhilanayanachetohArirUpAgryaveShA | bhavatu bhavadabhIShTaprAptaye shailakanyA puruShayuvativashyAkR^iShTinityapraharShA || 3|| pa~nchapUjAM laM - pR^ithvyAtmikAyai gandhaM samarpayAmi | haM - AkAshAtmikAyai puShpaiH pUjayAmi | yaM - vAyvAtmikAyai dhUpamAghrApayAmi | raM - agnyAtmikAyai dIpaM darshayAmi | vaM - amR^itAtmikAyai amR^ita mahAnaivedyaM nivedayAmi | saM - sarvAtmikAyai sarvopachArapUjAM samarpayAmi || japaM OM hrIM yogini yaugini yogeshvari yogabhaya.nkari sakalasthAvaraja.ngamasya mukhahR^idayaM mama vashaM AkarShaya AkarShaya namaH. (svAhA |) (108 (1008) japaM kariShye |) OM hrAM hR^idayAya namaH | OM hrIM shirase svAhA | OM hrUM shikhAyai vaShaT | OM hraiM kavachAya hum | OM hrauM netratrayAya vauShaT | OM hraH astrAya phaT | bhUrbhuvaH suvaromiti digvimokShaH || ##(var Digvimogam )## atha stotram | bandhUkavarNAmaruNAM sugAtrAm shambhuM samuddishya shanairupetAm | ambhojamR^idvImabhilAShadAtrIM sambhAvaye nirjaradArukalpAm || 1|| hrIM mantharANi charaNAgragatiprapAte\- ShvAma~njusa.nkvaNitaka~NkaNaki~NkiNIni | kAmaM kumAri\! tava tAni shive\! smarAmi kShema~NkarANi janakAlayakhelanAni || 2|| yogena bAlyavayaso lalitAM purastAt drAgeva kaNThavilasat kanakormikaughAm | AkamranaddharashanAM bhavatIM nirIkShe shrIkaNThabhAmini\! kadA prapadInaveNIm || 3|| giryalpamugdhavishadaM navayauvanaM shrI\- dhuryaM vilAsamayamakShNi kR^ishaM vilagne | paryuch ChritaM kuchabhare jaghane ghanaM yat paryutsuko.asmi satataM janani prasIda || 4|| nirdhUtakuNDalamuda~nchitagharmaleshaM visrastakeshamabhitashchaladIkShaNAntam | nirdhvAnika~NkaNamudagrakuchAntamantar\- badhnAmi tAtagR^ihakandukakhelanaM te || 5|| yogeshvaraM prachurabhakti girIshamArA\- dekAntavartinamupetya tapashcharantaM | AkA.nkShayA parichariShNumanAkulAM tvAM ye kechidIshvari bhajanti ta eva dhanyAH || 6|| giryAtmaje\! madanadAhamahAvamAna\- paryAkulA purahare hR^idayaM nidhAya | kuryAstapo vidadhatI kushalAni bhUbhR^it\- paryAyapInakuchakumbhavishumbhada~NgI || 7|| nidhyAya mAnasadR^ishA muhurinduchUDaM maddhye sthitA rahasi pa~nchahutAshanAnAm | tattAdR^ishena tapasA jagadaNDbhAjAM vitrAsadAtri paripAhi sadAshive\! naH || 8|| yogyaM vaTorvapurupasthitamAtmabhaktiM dIrghAM parIkShitumanukShaNamAkShipantam | sAkShAgdirIshamavadhUya ruShA prayAte drAktena sa.nshritapadAM bhavatIM bhajAmaH || 9|| gehe nije varaNadAmalasatkarAbjAM vyAhArinUpuramuda~nchitamandahAsAm | nIhArubhAnudharamucchalitAM varItuM mohAvahAM tribhuvanasya bhajAmahe tvAm || 10|| shvastAhi ka~NkaNavilokanabhItabhItaM pratyagrarAgavivashaM mama taM nidhehi | utsvedavepathu pinAkabhR^itA gR^ihItaM rudrANi dakShiNakarAmbujamuttamA.nge || 11|| riShTApahaM bhavatu bharttR^inakhendubimba\- spaShTAnubimbitatanuM vibudhApagAM tAm | dR^iShTvAshu rAgarabhasodayashoNakoNaM dR^iShTidvayaM tava karagrahaNe sthitaM naH || 12|| yoge nave tava bhavAni shivAni dadyAt drAgeva satvaramapatrapayA nivR^ittam | sAkampamAlivachanairvihitAbhimukhyaM drAgutsmitaM purabhidA parirabdhama.ngam || 13|| gatyA nitambabharamantharayA salajjaiH ardhekShaNairasakalAkSharavAgvilAsaiH | hR^idyaishcha vibhramaguNair madanAridhairya\- prastArahAriNi shive janani prasIda || 14|| bhadrA mukhendunamanAdabhivIkShaNeShu pratyuktidAnaviramAnnavasatkathAsu | udvepanAdapi haThAtparirambhaNeShu patyuH pramodajananI janani prasIda || 15|| yaM nAthamAdimunayo nigamoktigumbhe\- ShvAlakShya tAntamanaso vimukhIbhavanti | sannahya tena dayitena manojavidyA\- nandAnubhUtirasike janani prasIda || 16|| kalyANakuntalabharaM navakalpavallI\- puShpollasad bahulasaurabhalobhanIyam | kalyANadAmashashikhaNDamakhaNDashobhA\- kallolitaM tava maheshvari sa.nshrayAmaH || 17|| ri~ncholikA tava shive\! niTilAlakAnAM nya~nchatpaTIratilake niTile vibhAntI | ma~njuprasannamukhapadmavihArilakShmI\- pi~nChAtapatraruchirA hR^idi naH samindhAm || 18|| samyagbhruvau tava vilAsabhuvau smarAmaH sammugddha manmathasharAsanachArurUpe | hR^inmadhyagUDhanihitaM haradhairyalakShyaM yanmUlayantritakaTAkShasharairvibhinnam || 19|| kamrAH sitAsitaruchA shravaNAntadIrghAH bimbokaDambarabhR^ito nibhR^itAnukampAH | sampAtukA mayi bhavantu pinAkivaktra\- bimbAbujanmamadhupAH sati\! te kaTAkShAH || 20|| lagnAbhirAmamR^iganAbhivichitrapatraM magnaM prabhAsamudaye tava gaNDabimbam | chitte vibhAtu satataM maNikuNDalodya\- dratnAnubimbaparichumbitamambike naH || 21|| sthANoH sadA bhagavataH priyatAnidhAnaM prANAdapi praviralasmitalobhanIyam | sthAnIkuruShva girije\! tava bandhujIva\- shreNIsagandhamadharaM dhiShaNAntare naH || 22|| vandAmahe kanakama.ngalasUtrashobhA\- sandIptaku~Nkumavalitrayabha.ngi ramyam | mandrAdikasvaravikasvaranAdavidyA\- sandarbhagarbhamagaje\! tava kaNThanAlam || 23|| rakShArthamatra mama mUrdhani dhatsva nityaM dakShArigADhaparirambharasAnukUlam | akShAmahemakaTakA.ngadaratnashobhaM lAkShAvilaM janani\! pANiyugaM tvadIyam || 24|| jambhArikumbhivarakumbhanibhAmuroja\- kumbhadvayIM lalitasambhR^itaratnamAlAm | shambhorbhujairanudinaM nibiDA.nkapAlI\- sambhAvitAM bhuvanasundari\! bhAvayAmaH || 25|| garvApahe vaTadalasya tanUdarAnte nirvyUDhabhAsi tava nAbhisarasyagAdhe | sharvAvalokaruchimeduraromavallI\- nirvAsite vasatu me dhiShaNAmarAlI || 26|| macchetasi sphuratu mArarathA.ngabha.ngIM ucchairdadhAnamatipIvaratAnidhAnam | svachChandaratnarashanAkalitAntarIya\- prachChannamamba\! tava kamranitambabimbam || 27|| syandAnurAgamadavAripurArichetaH sannAgabandhamaNiveNukamUrukANDam | bandIkR^itendragajapuShkaramugdharambhaM nandAma sundari\! shive\! hR^idi sandadhAnAH || 28|| mugdhollasatkanakanUpuranagdhanAnA\- ratnAbhayordhvagatayA parito.abhirAmam | chittaprasUtijayakAhalakAnti ja.nghA\- yugmaM tvadIyamaganandini\! chintayAmaH || 29|| khaTvA.ngapANimakuTena tadA tadA sa.n\- ghR^iShTAgrayoH praNatiShu praNayaprakope | aShTA.ngapAtasahitaM praNato.asmi labdhuM iShTAM gatiM janani\! pAdapayojayoste || 30|| hR^idyarpaNaM mama mR^ijantu tadA tvada.nga\- mudyadravidyuti bhavediha sAnubimbam | uttu.ngadaityasuramaulibhiruhyamAnA rudrapriye\! tava padAbjabhavAH parAgAH || 31|| dadyAH sukhAni mama chakrakalAntarastthA\! raktAmbarAbharaNamAlyadharA\! japAbhA\! | rudrANi\! pAshasR^iNichApasharAgrahastA\! kastUrikAtilakinI\! navaku~NkumArdA\! || 32|| yatpa~NkajanmanilayaM karapadmashumbha\- dambhoruhaM bhuvanama.ngalamAdriyante | ambhoruhAkSha sukR^itotkarapAkamekaM sambhAvaye hR^idi shive\! tava shaktibhedaM || 33|| mandArakundasuShamA karapallavodyat puNyAkShadAmavarapustakapUrNakumbhA | chandrArddhachArumakuTA navapadmasa.nsthA sandedivItu bhavatI hR^idi nastriNetrA || 34|| madhyekadambavanamAsthitaratnaDolAM udyannakhAgramukharIkR^itaratnavINAm | atyantanIlakamanIyakalevarAM tvAM utsa.ngalAlitamanoGYashukImupAse || 35|| vartAmahe manasi sandadhatIM nitAnta\- raktAM varAbhayavirAjikarAravindAm | udvelamadhyavasatiM madhurA.ngi\! mAyAM tattvAtmikAM bhagavatIM bhavatIM bhajantaH || 36|| shambhupriyAM shashikalAkalitAvata.nsAM sambhAvitAbhayavarAM kushapAshapANim | sampAtpradAnaniratAM bhuvaneshvarIM tvAM shumbhajjapAruchamapArakR^ipAmupAse || 37|| ArUDhatu.ngaturagAM mR^idubAhuvallIM ArUDhapAshasR^iNivetralatAM trinetrAm | AropitAmakhilasanvanane pragalbhAM ArAdhayAmi bhavatIM manasA manoGYAm || 38|| karmAtmike jaya jayAkhiladharmamUrte chinmAtrike, jaya jaya triguNasvarUpe | kalmAShagharmapishunAn karuNAmR^itArdraiH sammArjya samyagabhiShi~ncha dR^iga~nchalair naH || 39|| ShaNNAmasi tvamadhidaivatamakSharANAM varNatrayoditamanuprakR^itistvameva | tvannAma vishvamanushaktikalaM tvadanyat kinnAma daivatamihAsti samastamUrtte || 40|| yA kApi vishvajanamohanadivyamAyA shrIkAmavairivapurardhaharAnubhAvA | prAkAshyate jagadadhIshvari\! sA tvamasmAn mUkAnananyasharaNAn paripAhi dInAn || 41|| kartryai namo.astu jagatonikhilasya bhartryai hartryai namo.astu vidhiviShNuharAtmashaktyai | bhuktyai namo.astu bhuvanAbhimataprasUtyai muktyai namo.astu munimaNDaladR^ishyamUrtyai || 42|| ShaDvaktrahastimukhajuShTapadasya bhartuH iShTopagUhanasudhAplutamAnasasya | dR^iShTyA nipIya vadanendumadakShiNA~Nke tuShTyA sthite\! vitara devi\! dayAvalokAn || 43|| yatnAntaraM bhavitR^ibhUtabhavaM mayA yat svapnaprajAgarasuShuptiShu vA~Nmano.a~NgaiH | nityaM tvadarchanakalAsu samastametat bhaktAnukampini\! mamAstu tava prasAdAt || 44|| svAheti sAgarasuteti surApageti vyAhArarUpasuShameti haripriyeti | nIhArashailatanayeti pR^ithakprakAsha\- rUpAM pareshamahiShIM bhavatIM bhajAmaH || 45|| hArasphuratkuchagire\! harajIvanAthe\! hArisvarUpiNi\! haripramukhAbhivandye\! | herambashaktidharanandini\! hemavarNe\! he chaNDi\! haimavati\! devi\! namo namaste || 46|| ye tu svaya.nvaramahAstavamantrametaM prAtarnarAH sakalasiddhikaraM japanti | bhUtiprabhAvajanara~njanakIrttisaundarya\- ArogyamAyurapi dIrghamamI labhante || 47|| shatakratuprabhR^ityamartyatatyabhipraNatyupa\- kramaprasR^itvarasmitaprabhA~nchitAsyapa~Nkaje | harapriye\! varaprade\! dharAdharendrakanyake haridrayA samanvite daridratAM hara drutaM || 48|| ## Encoded by Adwaith Menon Proofread by Adwath, Subhash Prajapati, Pooja P \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}