% Text title            : tArAshatanAmastotram 2 bRRihannIlatantrAntargatam
% File name             : tArAshatanAmastotrambRRihannIla.itx
% Category              : aShTottarashatanAma, devii, dashamahAvidyA, stotra, devI
% Location              : doc\_devii
% Transliterated by     : muktabodha.org
% Proofread by          : DPD
% Description-comments  : Brihannilatantra  See corresponding nAmAvalI
% Latest update         : March 8, 2013
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Tarashatanamastotra from Brihannilatantra ..}##
\itxtitle{.. tArAshatanAmastotram bR^ihannIlatantrArgatam ..}##\endtitles ##
shrIdevyuvAcha |
sarvaM saMsUchitaM deva nAmnAM shataM maheshvara |
yatnaiH shatairmahAdeva mayi nAtra prakAshitam || 1||
paThitvA parameshAna haThAt siddhyati sAdhakaH |
nAmnAM shataM mahAdeva kathayasva samAsataH || 2||
shrIbhairava uvAcha |
shR^iNu devi pravakShyAmi bhaktAnAM hitakArakam |
yajj~nAtvA sAdhakAH sarve jIvanmuktimupAgatAH || 3||
kR^itArthAste hi vistIrNA yAnti devIpure svayam |
nAmnAM shataM pravakShyAmi japAt sa(a)rvaj~nadAyakam || 4||
nAmnAM sahasraM saMtyajya nAmnAM shataM paThet sudhIH |
kalau nAsti maheshAni kalau nAnyA gatirbhavet || 5||
shR^iNu sAdhvi varArohe shataM nAmnAM purAtanam |
sarvasiddhikaraM puMsAM sAdhakAnAM sukhapradam || 6||

OM tAriNI tArasaMyogA mahAtArasvarUpiNI |
tArakaprANahartrI cha tArAnandasvarUpiNI || 7||
mahAnIlA maheshAnI mahAnIlasarasvatI |
ugratArA satI sAdhvI bhavAnI bhavamochinI || 8||
mahAsha~NkharatA bhImA shA~NkarI sha~NkarapriyA |
mahAdAnaratA chaNDI chaNDAsuravinAshinI || 9||
chandravadrUpavadanA chAruchandramahojjvalA |
ekajaTA kura~NgAkShI varadAbhayadAyinI || 10||
mahAkAlI mahAdevI guhyakAlI varapradA |
mahAkAlaratA sAdhvI mahaishvaryapradAyinI || 11||
muktidA svargadA saumyA saumyarUpA surArihA |
shaThavij~nA mahAnAdA kamalA bagalAmukhI || 12||
mahAmuktipradA kAlI kAlarAtrisvarUpiNI |
sarasvatI sarichshreShThA svarga~NgA svargavAsinI || 13||
himAlayasutA kanyA kanyArUpavilAsinI |
shavoparisamAsInA muNDamAlAvibhUShitA || 14||
digambarA patiratA viparItaratAturA |
rajasvalA rajaHprItA svayambhUkusumapriyA || 15||
svayambhUkusumaprANA svayambhUkusumotsukA |
shivaprANA shivaratA shivadAtrI shivAsanA || 16||
aTTahAsA ghorarUpA nityAnandasvarUpiNI |
meghavarNA kishorI cha yuvatIstanaku~NkumA || 17||
kharvA kharvajanaprItA maNibhUShitamaNDanA |
ki~NkiNIshabdasaMyuktA nR^ityantI raktalochanA || 18||
kR^ishA~NgI kR^isaraprItA sharAsanagatotsukA |
kapAlakharparadharA pa~nchAshanmuNDamAlikA || 19||
havyakavyapradA tuShTiH puShTishchaiva varA~NganA |
shAntiH kShAntirmano buddhiH sarvabIjasvarUpiNI || 20||
ugrApatAriNI tIrNA nistIrNaguNavR^indakA |
rameshI ramaNI ramyA rAmAnandasvarUpiNI || 21||
rajanIkarasampUrNA raktotpalavilochanA |
iti te kathitaM divyaM shataM nAmnAM maheshvari || 22||
prapaThed bhaktibhAvena tAriNyAstAraNakShamam |
sarvAsuramahAnAdastUyamAnamanuttamam || 23||
ShaNmAsAd mahadaishvaryaM labhate parameshvari |
bhUmikAmena japtavyaM vatsarAttAM labhet priye || 24||
dhanArthI prApnuyAdarthaM mokShArthI mokShamApnuyAt |
dArArthI prApnuyAd dArAn sarvAgama(puro?pracho)ditAn || 25||
aShTamyAM cha shatAvR^ittyA prapaThed yadi mAnavaH |
satyaM siddhyati deveshi saMshayo nAsti kashchana || 26||
iti satyaM punaH satyaM satyaM satyaM maheshvari |
asmAt parataraM nAsti stotramadhye na saMshayaH || 27||
nAmnAM shataM paThed mantraM saMjapya bhaktibhAvataH |
pratyahaM prapaThed devi yadIchChet shubhamAtmanaH || 28||
idAnIM kathayiShyAmi vidyotpattiM varAnane |
yena vij~nAnamAtreNa vijayI bhuvi jAyate || 29||
yonibIjatrirAvR^ittyA madhyarAtrau varAnane |
abhimantrya jalaM snigdhaM aShTottarashatena cha || 30||
tajjalaM tu pibed devi ShaNmAsaM japate yadi |
sarvavidyAmayo bhUtvA modate pR^ithivItale || 31||
shaktirUpAM mahAdevIM shR^iNu he naganandini |
vaiShNavaH shaivamArgo vA shAkto vA gANapo.api vA || 32||
tathApi shakterAdhikyaM shR^iNu bhairavasundari |
sachchidAnandarUpAchcha sakalAt parameshvarAt || 33||
shaktirAsIt tato nAdo nAdAd bindustataH param |
atha bindvAtmanaH kAlarUpabindukalAtmanaH || 34||
jAyate cha jagatsarvaM sasthAvaracharAtmakam |
shrotavyaH sa cha mantavyo nirdhyAtavyaH sa eva hi || 35||
sAkShAtkAryashcha deveshi AgamairvividhaiH shive |
shrotavyaH shrutivAkyebhyo mantavyo mananAdibhiH || 36||
upapattibhirevAyaM dhyAtavyo gurudeshataH |
tadA sa eva sarvAtmA pratyakSho bhavati kShaNAt || 37||
tasmin deveshi pratyakShe shR^iNuShva parameshvari |
bhAvairbahuvidhairdevi bhAvastatrApi nIyate || 38||
bhaktebhyo nAnAghAsebhyo gavi chaiko yathA rasaH |
sadugdhAkhyasaMyoge nAnAtvaM labhate priye || 39||
tR^iNena jAyate devi rasastasmAt paro rasaH |
tasmAt dadhi tato havyaM tasmAdapi rasodayaH || 40||
sa eva kAraNaM tatra tatkAryaM sa cha lakShyate |
dR^ishyate cha mahAde(va?vi)na kAryaM na cha kAraNam || 41||
tathaivAyaM sa evAtmA nAnAvigrahayoniShu |
jAyate cha tato jAtaH kAlabhedo hi bhAvyate || 42||
sa jAtaH sa mR^ito baddhaH sa muktaH sa sukhI pumAn |
sa vR^iddhaH sa cha vidvAMshcha na strI pumAn napuMsakaH || 43||
nAnAdhyAsasamAyogAdAtmanA jAyate shive |
eka eva sa evAtmA sarvarUpaH sanAtanaH || 44||
avyaktashcha sa cha vyaktaH prakR^ityA j~nAyate dhruvam |
tasmAt prakR^itiyogena vinA na j~nAyate kvachit || 45||
vinA ghaTatvayogena na pratyakSho yathA ghaTaH |
itarAd bhidyamAno.api sa bhedamupagachChati || 46||
mAM vinA puruShe bhedo na cha yAti katha~nchana |
na prayogairna cha j~nAnairna shrutyA na gurukramaiH || 47||
na snAnaistarpaNairvApi nacha dAnaiH kadAchana |
prakR^ityA j~nAyate hyAtmA prakR^ityA lupyate pumAn || 48||
prakR^ityAdhiShThitaM sarvaM prakR^ityA va~nchitaM jagat |
prakR^ityA bhedamApnoti prakR^ityAbhedamApnuyAt || 49||
narastu prakR^itirnaiva na pumAn parameshvaraH |
iti te kathitaM tattvaM sarvasAramanoramam || 50||

iti shrIbR^ihannIlatantre bhairavabhairavIsaMvAde tArAshatanAma
tattvasAranirUpaNaM viMshaH paTalaH || 20||
##
Proofread by DPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}