% Text title : Shivaproktam Tripura Kavacham % File name : tripurAkavachamshivaproktaM.itx % Category : devii, kavacha, dashamahAvidyA % Location : doc\_devii % Proofread by : PSA Easwaran % Description/comments : Kalikapurana Adhyaya 75 shloka 50-92 % Latest update : January 15, 2022 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Shivaproktam Tripura Kavacham ..}## \itxtitle{.. shivaproktaM tripurAkavacham ..}##\endtitles ## kavachaM tripurAyAstu shR^iNu vetAla bhairava | yajj~nAtvA mantravit samyak phalamApnoti pUjane || 50|| upachArAH purA proktA yena evAtra pUjane | pratipattistu saivAtra kIrtitA nityapUjane || 51|| kavachasya cha mAhAtmyamahaM brahmA na keshavaH | vaktuM kShamastvananto.api bahujihvaH kadAchana || 52|| kravyAdAdbhayaM na labhate tathA toyapariplave | kavachasmaraNAdeva sarvaM kalyANamApnuyAt || 53|| atha kavachaM \- OM tripurAkavachasyAsya R^iShirdakShiNa uchyate | ChandashchitrAhvayaM proktaM devI tripurabhairavI | dharmArthakAmamokShANAM viniyogastu sAdhane || 54|| yathAdyAtripurAkhyAyA bIjAni kramataH suta | nAmato vAgbhavAdIni kIrtitAni mayA purA || 55|| tathA tripurabhairavyA bIjAnAmapi nAmataH | vAgbhavaH kAmarAjashcha tathA trailokyamohanaH || 56|| avatu sakalashIrShaM vAgbhave vAchamugrAM nikhilarachitakAmAn kAmarAjo.avatAnme | sakalakaraNavargamIshvaraH pAtu nityaM tanugatabahutejo vardhayan buddhihetuH || 57|| kUTaistu pa~nchabhiridaM gaditaM hi yantraM mantraM tato.anu satataM mama teja ugram | tejomayaM mahati nityaparAyaNasthaM tantro hR^idi pravitatAM tanutAM subuddhim || 58|| AdhAre vAgbhavaH pAtu kAmarAjastathA hR^idi | bhruvormadhye cha shIrShe cha pAtu trailokyamohanaH || 59|| vitatakulakalAj~nA kAminI bhairavI yA tripurapuradahAkhyA sarvalokasya mAtA | vitaratu mama nityaM nAbhipadme sakukShau gaNapativanitA mAM rogahAniM sukhaM cha || 60|| yogairjaganti parimohayatIva nityaM jAgarti yA tripurabhairavabhAminIti | sAyaM cha bhAvakalitA mama pa~nchabhAge nAsAkShikarNarasanAtvachi pAtu nityam || 61|| AdyA tu tripureyaM yA madhyA yA kAmadAyinI | tridhA tu hyavatAM nityaM devI tripurabhairavI || 62|| udayadishi sadA mAM pAtu bAlA tu mAtA yamadishi mama madhyAbhadramugraM vidadhyAt | varuNapavanakAShThAmadhyato bhairavI mA\- mavatu sakalarakShAM kurvatI sundarI me || 63|| mahAmAyA mahAyonirvishvayoniH sadaiva tu | sA pAtu tripurA nityaM sundarI bhairavI cha yA || 64|| lalATe subhagA devI pUrvasyAM dishi kAmadA | nityaM tiShThatu rakShantI sadA tripurasundarI || 65|| bhruvormadhye tathAgneyyAM dishi mAM tripurA cha yA | vardhayantI bhagagaNAn pAtu tripurabhairavI || 66|| vadane dakShiNasyAM cha dishi mAM bhagasarpiNI | tripurA yamadUtAdIn vArayantI sadA.avatu || 67|| karNayoH pashchimAyAM cha dishi mAM bhagamAlinI | ayonijA jagadyonirbAlA mAM tripurA.avatu || 68|| ana~NgakusumA kaNThe pratIchyAM dishi sundarI | tripurAbhairavI mAtA nityaM pAtu maheshvarI || 69|| hR^idi mArutakAShThAyAM devI chAna~NgamekhalA | nAbhAvudIchyAM dishi mAM mAta~NgI tripurAparA || 70|| ana~NgamadanA devI pAtu tripurabhairavI | aishAnyAM dishi li~Nge cha madavibhramamantharA || 71|| vAgvAdinI rakShatu mAM sadA tripurabhairavI | gudameDhrAntare pAtu ratistripurabhairavI || 72|| hR^idayAbhyantare prItiH pAtu tripurabhairavI | bhrUnAsayormadhyadeshe nityaM pAtu manobhavaH || 73|| drAvaNI mAM grahAt pAtu vANI mAM durgamUrdhani | kShobhaNA mAM sadA pAtu kravyAdbhyo.aniShTabhItitaH || 74|| vashIkaraNavANI mAmagnitaH pAtu rAjataH | AkarShaNAhvayA vANI mAM pAtu shastraghAtataH || 75|| mohanaH sarvabhUtebhyaH pishAchebhyo jalAttathA | nityaM pAtu mahAbANastanvAnaH kAmamuttamam || 76|| mAlA mAM shAstrabodhAya shAstravAde sadA.avatu | pustakaM pAtu manasi sa~NkalpaM vardhayan mama || 77|| varaH pAtu sadA dhAmni dhAmatejo vivardhayan | abhayaM hyabhayaM dhattAM sarvebhyo bhUtibhAvanam || 78|| UrdhvAdhobhAvabhUtasthitatarakaraNai raktakIrNA suchakrA kAlAgniprakhyarochiH sakalasuragaNairarchitA muNDamAlA | j~nAnadhyAnaikatAnaprabalabalakaraM tattvabhUtapratiShThaM pAtAdUrdhvaM tathAdhaH sakalabhayabhR^ito bhogabhIrostu vidyA || 79|| haH pAtu hR^idi mAM nityaM saH shIrShe pAtu nityashaH | raH pAtu guhyadeshe mAM sauH pAtu kaNThapArshvayoH || 80|| rakAro mama nADIShu shiraH sauH pAtu sarvadA | shakraH pAtu sadAkAshe brahmA rakShatu sarvataH || 81|| vidyA vidyAbhAvinI kAmarUpA sthUlA sUkShmA mAyayA yA.a.adimAyA | brahmendrAdyairarchitA bhUtidAtrI rakShAM kuryAt sarvato bhairavI mAm || 82|| AdyA madhyA bhAvinI nItiyuktA samyagj~nAnaj~neyarUpAparA yA | AdAvante madhyabhAge cha tArA pAyAddevI traipurI bhairavI yA || 83|| yanmantrabhAgatantrANAM yantrANAmapi keshavaH | brahmA rudrashcha jAnAti tattvaM nAnyo namo.astu tAn || 84|| tvaM brahmANi bhavAni vishvabhaviturlakShmIratiryoginI tvaM vAgmI subhagA bhavAyutayutaM mantrAkSharaM niShkalam | varNAste nikhilA stanAvachalitastvaM kAminIkAmadA tvaM devi tripure kavitvamamalaM saubhAgyamuchchaiH kuru || 85|| idaM tu kavachaM devyA yo jAnAti sa mantravit | nAdhayo vyAdhayastasya na bhayaM cha sadA kvachit || 86|| iti te paramaM guhyamAkhyAtaM kavachaM param | tadbhajasva mahAbhAga tataH siddhimavApsyasi || 87|| idaM pavitraM paramaM puNyaM kIrtivivardhanam | tripurAyAstrimUrtestu kavachaM mayakoditam || 88|| yaH paThet prAtarutthAya sa prApnoti manogatam | likhitaM kavachaM yastu kaNThe gR^ihvAti mantravit || 89|| na tasya gAtraM kR^intanti raNe shastrANi bhairava | sa~NgrAme shAstravAde cha vijayastasya jAyate || 90|| idaM kavachamaj~nAtvA yo japet tripurAM naraH | sa shastraghAtamApnoti bhairavIM sundarImapi || 91|| bIjamuchchArayet svastho gatavAgdoShanishchitaH | saMyogabodhaH pratyekabheda\-shravaNagocharaH || 92|| iti kAlikApurANe pa~nchasaptatitamAdhyAyAntargataM shivaproktaM tripurAkavachaM sampUrNam | ## Proofread by PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}