% Text title : Tripurasundari Manasa Puja Stotra % File name : tripurasun.itx % Category : devii, dashamahAvidyA, stotra, shankarAchArya, devI % Location : doc\_devii % Author : Adi Shankaracharya % Transliterated by : Sunder Hattangadi % Proofread by : Sunder Hattangadi % Description-comments : A Hymn of worship to Goddess Tripurasundari % Latest update : April, 29, 2000 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. Tripurasandari Manasa Puja Stotra ..}## \itxtitle{.. tripurasundarImAnasapUjAstotram ..}##\endtitles ## shrIH mama na bhajanashaktiH pAdayoste na bhakti\- rna cha viShayaviraktirdhyAnayoge na saktiH . iti manasi sadAha.n chintayannAdyashakte ruchiravachanapuShpairarchana.n sa.nchinomi .. 1.. vyApta.n hATakavigrahairjalacharairArUDhadevavrajaiH potairAkulitAntaraM maNidharairbhUmIdharairbhUShitam.h . AraktAmR^itasindhumuddhurachaladvichIchayavyAkula\- vyomAnaM parichintya santatamaho chetaH kR^itArthIbhava .. 2.. tasminnujjvalaratnajAlavilasatkAntichChaTAbhiH sphuTaM kurvANa.n viyadindrachApanichayairAchChAdita.n sarvataH . uchchaiHshR^i~NganiShaNNadivyavanitAvR^indAnanaprollasa\- dgItAkarNananishchalAkhilamR^iga.n dvIpa.n namaskurmahe .. 3.. jAtIchampakapATalAdisumanaHsaurabhyasambhAvitaM hrI~NkAradhvanikaNThakokilakuhUprollAsichUtadrumam.h . AvirbhUtasugandhichandanavana.n dR^iShTipriya.n nandanaM cha~nchachcha~nchalacha~ncharikachaTula.n chetashchira.n chintaya .. 4.. paripatitaparAgaiH pATalakShoNibhAgo vikasitakusumochchaiH pItachandrArkarashmiH . alishukapikarAjIkUjitaiH shrotrahArI sphuratu hR^idi madIye nUnamudyAnarAjaH .. 5.. ramyadvArapuraprachAratamasA.n sa.nhArakAriprabha sphUrjattoraNabhArahArakamahAvistArahAradyute . kShoNImaNDalahemahAravilasatsa.nsArapAraprada prodyadbhaktamanovihAra kanakaprAkAra tubhya.n namaH .. 6.. udyatkAntikalApakalpitanabhaHsphUrjadvitAnaprabha satkR^iShNAgarudhUpavAsitaviyatkAShThAntare vishrutaH . sevAyAtasamastadaivatagaNairAsevyamAno.anishaM so.aya.n shrImaNimaNDapo.anavarataM machchetasi dyotatAm.h .. 7.. kvApi prodbhaTapadmarAgakiraNavrAtena sandhyAyitaM kutrApi sphuTavisphuranmarakatadyutyA tamisrAyitam.h . madhyAlambivishAlamauktikaruchA jyotsnAyita.n kutrachi\- nmAtaH shrImaNimandira.n tava sadA vandAmahe sundaram.h .. 8.. uttu~NgAlayavisphuranmarakataprodyatprabhAmaNDalA\- nyAlokyA~NkuritotsavairnavatR^iNAkIrNasthalIsha~NkayA . nIto vAjibhirutpathaM bata rathaH sUtena tigmadyute\- rvalgAvalgigatahastamastashikhara.n kaShTairitaH prApyate .. 9.. maNisadanasamudyatkAntidhArAnurakte viyati charamasandhyAsha~Nkino bhAnurathyAH . shithilitagatakupyatsUtahu~NkAranAdaiH kathamapi maNigehAduchchakairuchchalanti .. 10.. bhaktyA ki.n nu samarpitAni bahudhA ratnAni pAthodhinA ki.n vA rohaNaparvatena sadana.n yairvishvakarmAkarot.h . A j~nAta.n girije kaTAkShakalayA nUna.n tvayA toShite shambhau nR^ityati nAgarAjaphaNinA kIrNA maNishreNayaH .. 11.. vidUramuktavAhanairvinamramaulimaNDalai\- rnibaddhahastasampuTaiH prayatnasa.nyatendriyaiH . viri~nchiviShNusha~NkarAdibhirmudA tavAmbike pratIkShyamANanirgamo vibhAti ratnamaNDapaH .. 12.. dhvananmR^ida~NgakAhalaH pragItaki.nnarIgaNaH pranR^ittadivyakanyakaH pravR^ittama~NgalakramaH . prakR^iShTasevakavrajaH prahR^iShTabhaktamaNDalo mude mamAstu santata.n tvadIyaratnamaNDapaH .. 13.. praveshanirgamAkulaiH svakR^ityaraktamAnasai\- rbahisthitAmarAvalIvidhIyamAnabhaktibhiH . vicitravastrabhUShaNairupetama~NganAjanaiH sadA karotu ma~NgalaM mameha ratnamaNDapaH .. 14.. suvarNaratnabhUShitairvichitravastradhAribhi\- rgR^ihItahemayaShTibhirniruddhasarvadaivataiH . asa.nkhyasundarIjanaiH purasthitairadhiShThito madIyametu mAnasa.n tvadIyatu~NgatoraNaH .. 15.. indrAdI.nshcha digIshvarAnsahaparivArAnatho sAyudhA\- nyoShidrUpadharAnsvadikShu nihitAnsa.nchintya hR^itpa~Nkaje . sha~Nkhe shrIvasudhArayA vasumatIyukta.n cha padma.n smara\- nkAma.n naumi ratipriya.n sahacharaM prItyA vasantaM bhaje .. 16.. gAyantIH kalavINayAtimadhura.n hu~NkAramAtanvatI\- rdvArAbhyAsakR^itasthitIriha sarasvatyAdikAH pUjayan.h . dvAre naumi madonmada.n suragaNAdhIshaM madenonmadAM mAta~NgImasitAmbarAM parilasanmuktAvibhUShAM bhaje .. 17.. kastUrikAshyAmalakomalA~NgIM kAdambarIpAnamadAlasA~NgIm.h . vAmastanAli~NgitaratnavINAM mAta~NgakanyAM manasA smarAmi .. 18.. vikIrNachikurotkare vigalitAmbarADambare madAkulitalochane vimalabhUShaNodbhAsini . tiraskariNi tAvaka.n charaNapa~Nkaja.n chintaya\- nkaromi pashumaNDalImalikamohadughdhAshayAm.h .. 19.. pramattavAruNIrasairvighUrNamAnalochanAH prachaNDadaityasUdanAH praviShTabhaktamAnasAH . upoDhakajjalachChavichChaTAvirAjivigrahaH kapAlashUladhAriNIH stuve tvadIyadUtikAH .. 20.. sphUrjannavyayavA~NkuropalasitAbhogaiH puraH sthApitai\- rdIpodbhAsisharAvashobhitamukhaiH kumbhairnavaiH shobhinA . svarNAbaddhavichitraratnapaTalIcha~nchatkapATashriyA yukta.n dvArachatuShTayena girije vande maNI mandiram.h .. 21.. AstIrNAruNakambalAsanayutaM puShpopahArAnvitaM dIptAnekamaNipradIpasubhaga.n rAjadvitAnottamam.h . dhUpodgArisugandhisambhramamiladbhR^i~NgAvalIgu~njitaM kalyANa.n vitanotu me.anavarata.n shrImaNDapAbhyantaram.h .. 22.. kanakarachite pa~nchapretAsanena virAjite maNigaNachite raktashvetAmbarAstaraNottame . kusumasurabhau talpe divyopadhAnasukhAvahe hR^idayakamale prAdurbhUtAM bhaje paradevatAm.h .. 23.. sarvA~NgasthitiramyarUparuchirAM prAtaH samabhyutthitAM jR^imbhAma~njumukhAmbujAM madhumadavyAghUrNadakShitrayAm.h . sevAyAtasamastasa.nnidhisakhIH saMmAnayantI.n dR^ishA sampashyanparadevatAM paramaho manye kR^itArtha.n januH .. 24.. uchchaistoraNavartivAdyanivahadhvAne samujjR^imbhite bhaktairbhUmivilagnamaulibhirala.n daNDapraNAme kR^ite . nAnAratnasamUhanaddhakathanasthAlIsamudbhAsitAM prAtaste parikalpayAmi girije nIrAjanAmujjvalAm.h .. 25.. pAdya.n te parikalpayAmi padayorarghya.n tathA hastayoH saudhIbhirmadhuparkamamba madhura.n dhArAbhirAsvAdaya . toyenAchamana.n vidhehi shuchinA gA~Ngena matkalpitaM sAShTA~NgaM praNipAtamIshadayite dR^iShTyA kR^itArthI kuru .. 26.. mAtaH pashya mukhAmbuja.n suvimale datte mayA darpaNe devi svIkuru dantadhAvanamida.n ga~NgAjalenAnvitam.h . suprakShAlitamAnana.n virachayansnigdhAmbarapro~nChanaM drAga~NgIkuru tattvamamba madhura.n tAmbUlamAsvAdaya .. 27.. nidhehi maNipAdukopari padAmbujaM majjanA\- laya.n vraja shanaiH sakhIkR^itakarAmbujAlambanam.h . maheshi karuNAnidhe tava dR^igantapAtotsukA\- nvilokaya manAgamUnubhayasa.nsthitAndaivatAn.h .. 28.. hemaratnavaraNena veShTitaM vistR^itAruNavitAnashobhitam.h . sajjasarvaparichArikAjanaM pashya majjanagR^ihaM mano mama .. 29.. kanakakalashajAlasphATikasnAnapIThA\- dyupakaraNavishAla.n gandhamattAlimAlam.h . sphuradaruNavitAM ma~njugandharvagAnaM paramashivamahele majjanAgAramehi .. 30.. pInottu~NgapayodharAH parilasatsampUrNachandrAnanA ratnasvarNavinirmitAH parilasatsUkShmAmbaraprAvR^itAH . hemasnAnaghaTIstathA mR^idupaTirudvartana.n kausumaM taila.n ka~Nkatika.n kareShu dadhatIrvande.amba te dAsikAH .. 31.. tatra sphATikapIThametya shanakairuttAritAla~NkR^iti\- rnIchairujjhitaka~nchukoparihitAraktottarIyAmbarA . veNIbandhamapAsya ka~NkatikayA keshaprasAdaM manA\- kkurvANA paradevatA bhagavatI chitte mama dyotatAm.h .. 32.. abhya~Nga.n girije gR^ihANa mR^idunA tailena sampAditaM kAshmIrairagarudravairmalayajairudvartana.n kAraya . gIte ki.nnarakAminIbhirabhito vAdye mudA vAdite nR^ityantImiha pashya devi purato divyA~NganAmaNDalIm.h .. 33.. kR^itaparikarabandhAstu~NgapInastanADhyA maNinivahanibaddhA hemakumbhIrdadhAnAH . surabhisalilaniryadgandhalubdhAlimAlAH savinayamupatasthuH sarvataH snAnadAsyaH .. 34.. udgandhairagarudravaiH surabhiNA kastUrikAvAriNA sphUrjatsaurabhayakShakardamajalaiH kAshmIranIrairapi . puShpAmbhobhirasheShatIrthasalilaiH karpUrapAthobharaiH snAna.n te parikalpayAmi girije bhaktyA tada~NgIkuru .. 35.. pratya~NgaM parimArjayAmi shuchinA vastreNa sampro~nChanaM kurve keshakalApamAyatatara.n dhUpottamairdhUpitam.h . AlIvR^indavinirmitA.n yavanikAmAsthApyaratnaprabhaM bhaktatrANapare maheshagR^ihiNi snAnAmbaraM muchyatAm.h .. 36.. pIta.n te parikalpayAmi nibiDa.n chaNDAtaka.n chaNDike sUkShma.n snigdhamurIkuruShva vasana.n sindUrapUraprabham.h . muktAratnavichitrahemarachanAchAruprabhAbhAsvaraM nIla.n ka~nchukamarpayAmi girishaprANapriye sundari .. 37.. vilulitachikureNa chChAditA.nsapradeshe maNinikaravirAjatpAdukAnyastapAde . sulalitamavalambya drAksakhIma.nsadeshe girishagR^ihiNi bhUShAmaNTapAya prayAhi .. 38.. lasatkanakakuTTimasphuradamandamuktAvalI\- samullasitakAntibhiH kalitashakrachApavraje . mahAbharaNamaNDape nihitahemasi.nhAsanaM sakhIjanasamAvR^ita.n samadhitiShTha kAtyAyani .. 39.. snigdha.n ka~NkatikAmukhena shanakaiH sa.nshodhya keshotkaraM sImanta.n virachayya chAru vimala.n sindUrarekhAnvitam.h . muktAbhirgrathitAlakAM maNichitaiH sauvarNasUtraiH sphuTaM prAnte mauktikaguchChakopalatikA.n grathnAmi veNImimAm.h .. 40.. vilambiveNIbhujagottamA~Nga\- sphuranmaNibhrAntimupAnayantam.h . svarochiShollAsitakeshapAshaM maheshi chUDAmaNimarpayAmi .. 41.. tvAmAshrayadbhiH kabarItamisrai\- rbandIkR^ita.n drAgiva bhAnubimbam.h . mR^iDAni chUDAmaNimAdadhAnaM vandAmahe tAvatamuttamA~Ngam.h .. 42.. svamadhyanaddhahATakasphuranmaNiprabhAkulaM vilambimauktikachChaTAvirAjita.n samantataH . nibaddhalakShachakShuShA bhavena bhUri bhAvitaM samarpayAmi bhAsvaraM bhavAni phAlabhUShaNam.h .. 43.. mInAmbhoruhakha~njarITasuShamAvistAravismArake kurvANe kila kAmavairimanasaH kandarpabANaprabhAm.h . mAdhvIpAnamadAruNe.atichapale dIrghe dR^igambhoruhe devi svarNashalAkayorjitamida.n divyA~njana.n dIyatAm.h .. 44.. madhyasthAruNaratnakAntiruchirAM muktAmugodbhAsitAM daivAdbhArgavajIvamadhyagaraverlakShmImadhaH kurvatIm.h . utsiktAdharabimbakAntivisarairbhaumIbhavanmauktikAM maddattamurarIkuruShva girije nAsAvibhUShAmimAm.h .. 45.. uDukR^itapariveShaspardhayA shItabhAno\- riva virachitadehadvandvamAdityabimbam.h . aruNamaNisamudyatprAntavibhrAjimuktaM sharavasi parinidhehi svarNatATa~Nkayugmam.h .. 46.. marakatavarapadmarAgahIro\- tthitagulikAtritayAvanaddhamadhyam.h . vitatavimalamauktika.n cha kaNThAbharaNamida.n girije samarpayAmi .. 47.. nAnAdeshasamuttthitairmaNigaNaprodyatprabhAmaNDala\- vyAptairAbharaNairvirAjitagalAM muktAchChaTAla~NkR^itAm.h . madhyasthAruNaratnakAntiruchirAM prAntasthamuktAphala\- vrAtAmamba chatuShkikAM parashive vakShaHsthale sthApaya .. 48.. anyonyaM plAvayantI satataparichalatkAntikallolajAlaiH kurvANA majjadantaHkaraNavimalatA.n shobhiteva triveNI . muktAbhiH padmarAgairmarakatamaNibhirnirmitA dIpyamAnai\- rnitya.n hAratrayI te parashivarasike chetasi dyotatA.n naH .. 49.. karasarasijanAle visphuratkAntijAle vilasadamalashobhe cha~nchadIshAkShilobhe . vividhamaNimayUkhodbhAsita.n devi durge kanakakaTakayugmaM bAhuyugme nidhehi .. 50.. vyAlambamAnasitapaTTakaguchChashobhi sphUrjanmaNIghaTitahAravirochamAnam.h . mAtarmaheshamahile tava bAhumUle keyUrakadvayamida.n viniveshayAmi .. 51.. vitatanijamayUkhairnirmitAmindranIlai\- rvijitakamalanAlAlInamattAlimAlAm.h . maNigaNakhachitAbhyA.n ka~NkaNAbhyAmupetAM kalaya valayarAjI.n hastamUle maheshi .. 52.. nIlapaTTamR^iduguchChashobhitA\- baddhanaikamaNijAlama~njulAm.h . arpayAmi valayAtpuraHsare visphuratkanakataitR^ipAlikAm.h .. 53.. AlavAlamiva puShpadhanvanA bAlavidrumalatAsu nirmitam.h . a~NgulIshu vinidhIyatA.n shanai\- ra~NgulIyakamidaM madarpitam.h .. 54.. vijitaharamanobhUmattamAta~Ngakumbha\- sthalavilulitakUjatki~NkiNIjAlatulyAm.h . aviratakalanadairIshacheto harantIM vividhamaNinibaddhAM mekhalAmarpayAmi .. 55.. vyAlambamAnavaramauktikaguchChashobhi vibhrAjihATakapuTadvayarochamAnam.h . hemnA vinirmitamanekamaNiprabandhaM nIvInibandhanaguNa.n vinivedayAmi .. 56.. vinihatanavalAkShApa~NkabAlAtapaughe marakatamaNirAjIma~njuma~njIraghoShe . aruNamaNisamudyatkAntidhArAvichitra\- stava charaNasaroje ha.nsakaH prItimetu .. 57.. nibaddhashitipaTTakapravaraguchChasa.nshobhitAM kalakvaNitama~njulA.n girishachittasaMmohanIm.h . amandamaNimaNDalIvimalakAntikimmIritAM nidhehi padapa~Nkaje kanakaghu~NghurUmambike .. 58.. visphuratsahajarAgara~njite shi~njitena kalitA.n sakhIjanaiH . padmarAgamaNinUpuradvayI\- marpayAmi tava pAdapa~Nkaje .. 59.. padAmbujamupAsituM parigatena shItA.nshunA kR^itA.n tanuparamparAmiva dinAntarAgAruNAm.h . maheshi navayAvakadravabhareNa shoNIkR^itAM namAmi nakhamaNDalI.n charaNapa~NkajasthA.n tava .. 60.. AraktashvetapItasphuradurukasumaishchitritAM paTTasUtrai\- rdevastrIbhiH prayatnAdagarusamuditairdhUpitA.n divyadhUpaiH . udyadgandhAndhapuShpa.ndhayanivahasamArabdhajhA~NkAragItAM cha~nchatkahlAramAlAM parashivarasike kaNThapIThe.arpayAmi .. 61.. gR^ihANa paramAmR^ita.n kanakapAtrasa.nsthApitaM samarpaya mukhAmbuje vimalavITikAmambike . vilokaya mukhAmbujaM mukuramaNDale nirmale nidhehi maNipAdukopari padAmbuja.n sundari .. 62.. Alambya svasakhI.n kareNa shanakaiH si.nhAsanAdutthitA kUjanmandamarAlama~njulagatiprollAsibhUShAmbara . AnandapratipAdakairupaniShadvAkyaiH stutA vedhasA machchitte sthiratAmupaitu girijA yAntI sabhAmaNDapam.h .. 63.. chalantyAmambAyAM prachalati samaste parijane savega.n sa.nyAte kanakalatikAla~NkR^itibhare . samatAduttAlasphuritapadasampAtajanitai\- rjhaNatkAraistArairjhaNajhaNitamAsInmaNigR^iham.h .. 64.. cha~nchadvetrakarAbhira~NgavilasadbhUShAmbarAbhiH puro\- yantIbhiH parichArikAbhiramaravrAte samutsArite . ruddhe nirjarasundarIbhirabhitaH kakShAntare nirgataM vande nanditashambhu nirmalachidAnandaikarUpaM mahaH .. 65.. vedhAH pAdatale patatyayamasau viShNurnamatyagrataH shambhurdehi dR^iga~nchala.n surapati.n dUrasthamAlokaya . ityevaM parichArikAbhirudite saMmAnanA.n kurvatI dR^igdvandvena yathochitaM bhagavatI bhUyAdvibhUtyai mama .. 66.. manda.n chAraNasundarIbhirabhito yAntIbhirutkaNThayA nAmochchAraNapUrvakaM pratidishaM pratyekamAveditAt.h . vegAdakShipatha.n gatAnsuragaNAnAlokayantI shanai\- rditsantI charaNAmbujaM pathi jagatpAyAnmaheshapriyA .. 67.. agre kechana pArshvayoH katipaye pR^iShThe pare prasthitA AkAshe samavasthitAH katipaye dikShu sthitAshchApare . saMmarda.n shanakairapAsya purato daNDapraNAmAnmuhuH kurvANAH katichitsurA girisute dR^ikpAtamichChanti te .. 68.. agre gAyati ki.nnarI kalapada.n gandharvakAntAH shanai\- rAtodyAni cha vAdayanti madhura.n savyApasavyasthitAH . kUjannUpuranAda ma~nju purato nR^ityanti divyA~NganA gachChantaH paritaH stuvanti nigamastutyA viri~nchyAdayaH .. 69.. kasmaichitsuchirAdupAsitamahAmantraughasiddhi.n kramA\- dekasmai bhavaniHspR^ihAya paramAnandasvarUpA.n gatim.h . anyasmai viShayAnuraktamanase dInAya duHkhApahaM dravya.n dvArasamAshritAya dadatI.n vandAmahe sundarIm.h .. 70.. namrIbhUya kR^itA~njaliprakaTitapremaprasannAnane manda.n gachChati sa.nnidhau savinayAtsotkaNThamoghatraye . nAnAmantragaNa.n tadarthamakhila.n tatsAdhana.n tatphalaM vyAchakShANamudagrakAnti kalaye yatki~nchidAdyaM mahaH .. 71.. tava dahanasadR^ikShairIkShaNaireva chakShu\- rnikhilapashujanAnAM bhIShayadbhIShaNAsyam.h . kR^itavasati pareshapreyasi dvAri nityaM sharabhamithunamuchchairbhaktiyukto nato.asmi .. 72.. kalpAnte sarasaikadAsamuditAnekArkatulyaprabhAM ratnastambhanibaddhakA~nchanaguNasphUrjadvitAnottamAm.h . karpUrAgarugarbhavartikalikAprAptapradIpAvalIM shrIchakrAkR^itimullasanmaNigaNA.n vandAmahe vedikAm.h .. 73.. svasthAnasthitadevatAgaNavR^ite bindau mudA sthApitaM nAnAratnavirAjihemavilasatkAntichChaTAdurdinam.h . cha~nchatkausumatUlikAsanayuta.n kAmeshvarAdhiShThitaM nityAnandanidAnamamba satata.n vande cha si.nhAsanam.h .. 74.. vadadbhirabhito mudA jaya jayeti vR^indArakaiH kR^itA~njaliparamparA vidadhati kR^itArthA dR^ishA . amandamaNimaNDalIkhachitahemasi.nhAsanaM sakhIjanasamAvR^ita.n samadhitiShTha dAkShAyaNi .. 75.. karpUrAdikavastujAtamakhila.n sauvarNabhR^i~NgArakaM tAmbUlasya karaNDakaM maNimaya.n chailA~nchala.n darpaNam.h . visphUrjanmaNipAduke cha dadhatIH si.nhAsanasyAbhita\- stiShThantIH parichArikAstava sadA vandAmahe sundari .. 76.. tvadamalavapurudyatkAntikallolajAlaiH sphuTamiva dadhatIbhirbAhuvikShepalIlAm.h . muhurapi cha vidhUte chAmaragrAhiNIbhiH sitakarakarashubhre chAmare chAlayAmi .. 77.. prAntasphuradvimalamauktikaguchChajAlaM cha~nchanmahAmaNivicitritahemadaNDam.h . udyatsahasrakaramaNDalachAru hema\- chChatraM maheshamahile viniveshayAmi .. 78.. udyattAvakadehakAntipaTalIsindUrapUraprabhA\- shoNIbhUtamudagralohitamaNichChedAnukArichChavi . dUrAdAdaranirmitA~njalipuTairAlokamAna.n sura\- vyUhaiH kA~nchanamAtapatramatula.n vandAmahe sundaram.h .. 79.. santuShTAM paramAmR^itena vilasatkAmeshvarA~NkasthitAM puShpaughairabhipUjitAM bhagavatI.n tvA.n vandamAnA mudA . sphUrjattAvakadeharashmikalanAprAptasvarUpAbhidAH shrIchakrAvaraNasthitAH savinaya.n vandAmahe devatAH .. 80.. AdhArashaktyAdikamAkalayya madhye samastAdhikayoginI.n cha . mitreshanAthAdikamatra nAtha\- chatuShTaya.n shailasute nato.asmi .. 81.. tripurAsudhArNavAsana\- mArabhya tripuramAlinI yAvat.h . AvaraNAShTakasa.nsthita\- mAsanaShaTka.n namAmi parameshi .. 82.. IshAne gaNapa.n smarAmi vicharadvighnAndhakArachChidaM vAyavye vaTuka.n cha kajjalaruchi.n vyAlopavItAnvitam.h . nairR^itye mahiShAsurapramathinI.n durgA.n cha sampUjaya\- nnAgneye.akhilabhaktarakShaNapara.n kShetrAdhi nAthaM bhaje .. 83.. uDyAnajAlandharakAmarUpa\- pIThAnimAnpUrNagiriprasaktAn.h . trikoNadakShAgrimasavyabhAga\- madhyasthitAnsiddhikarAnnamAmi .. 84.. lokeshaH pR^ithivIpatirnigadito viShNurjalAnAM prabhu\- stejonAtha umApatishcha marutAmIshastathA cheshvaraH . AkAshAdhipatiH sadAshiva iti pretAbhidhAmAgatA\- netA.nshchakrabahiHsthitAnsuragaNAnvandAmahe sAdaram.h .. 85.. tArAnAthakalApraveshanigamavyAjAdgatAsuprathaM trailokye tithiShu pravartitakalAkAShThAdikAlakramam.h . ratnAla~NkR^itichitravastralalita.n kAmeshvarIpUrvakaM nityAShoDashaka.n namAmi lasita.n chakrAtmanorantare .. 86.. hR^idi bhAvitadaivataM prayatnA\- bhyupadeshAnugR^ihItabhaktasa~Ngham.h . svagurukramasa.nj~nachakrarAja\- sthitamoghatrayamAnato.asmi mUrdhnA .. 87.. hR^idayamatha shiraH shikhAkhilAdye kavachamatho nayanatraya.n cha devi . munijanaparichintita tathAstraM sphuratu sadA hR^idaye ShaDa~Ngametat.h .. 88.. trailokyamohanamiti prathite tu chakre cha~nchadvibhUShaNagaNatripurAdhivAse . rekhAtraye sthitavatIraNimAdisiddhI\- rmudrA namAmi satataM prakaTAbhidhAstAH .. 89.. sarvAshAparipUrake vasudaladvandvena vibhrAjite visphUrjantripureshvarInivasatau chakre sthitA nityashaH . kAmAkarShaNikAdayo maNigaNabhrAjiShNudivyAmbarA yoginyaH pradishantu kA~NkShitaphala.n vikhyAtaguptAbhidhAH .. 90.. maheshi vasubhirdalairlasati sarvasa.nkShobhaNe vibhUShaNagaNasphurantripurasundarIsadmani . ana~NgakusumAdayo vividhabhUShaNodbhAsitA dishantu mama kA~NkShita.n tanutarAshcha guptAbhidhAH .. 91.. lasadyugadR^ishArake sphurati sarvasaubhAgyade shubhAbharaNabhUShitatripuravAsinImandire . sthitA dadhatu ma~Ngala.n subhagasarvasa.nkShobhiNI\- mukhAH sakalasiddhayo viditasampradAyAbhidhAH .. 92.. bahirdashAre sarvArthasAdhake tripurAshrayAH . kulakaulAbhidhAH pAntu sarvasiddhipradAyikAH .. 93.. antaHshobhidashArake.atilalite sarvAdirakShAkare mAlinyA tripurAdyayA virachitAvAse sthita.n nityashaH . nAnAratnavibhUShaNaM maNigaNabhrAjiShNu divyAmbaraM sarvaj~nAdikashaktivR^indamanisha.n vande nigarbhAbhidham.h .. 94.. sarvarogahare.aShTAre tripurAsiddhayAnvite . rahasyayoginIrnitya.n vashinyAdyA namAmyaham.h .. 95.. chUtAshokavikAsiketakarajaHprodbhAsinIlAmbuja\- prasphUrjannavamallikAsamuditaiH puShpaiH sharAnnirmitAn.h . ramyaM puShpasharAsana.n sulalitaM pAsha.n tathA chA~NkushaM vande tAvakamAyudhaM parashive chakrAntarAlesthitam.h .. 96.. trikoNa uditaprabhe jagati sarvasiddhiprade yute tripurayAmbayA sthitavatI cha kAmeshvarI . tanotu mama ma~Ngala.n sakalasharma vajreshvarI karotu bhagamAlinI sphuratu mAmake chetasi .. 97.. sarvAnandamaye samastajagatAmAkA~NkShite baindave bhairavyA tripurAdyayA virachitAvAse sthitA sundarI . AnandollasitekShaNA maNigaNabhrAjiShNubhUShAmbarA visphUrjadvadanA parApararahaH sa mAM pAtu yoginI .. 98.. ullasatkanakakAntibhAsuraM saurabhasphuraNavAsitAmbaram.h . dUrataH parihR^itaM madhuvratai\- rarpayAmi tava devi champakam.h .. 99.. vairamuddhatamapAsya shambhunA mastake vinihita.n kalAchChalAt.h . gandhalubdhamadhupAshrita.n sadA ketakIkusumamarpayAmi te .. 100.. chUrNIkR^ita.n drAgiva padmajena tvadAnanaspardhisudhA.nshubimbam.h . samarpayAmi sphuTama~njalisthaM vikAsijAtIkusumotkara.n te .. 101.. agarubahaladhUpAjasrasaurabhyaramyAM marakatamaNirAjIrAjihArisragAbhAm.h . dishi vidishi visaradgandhalubdhAlimAlAM vakulakusumamAlA.n kaNThapIThe.arpayAmi .. 102.. I~NkArordhvagabindurAnanamadhobindudvaya.n cha stanau trailokye gurugamyametadakhila.n hArda.n cha rekhAtmakam.h . ittha.n kAmakalAtmikAM bhagavatImantaH samArAdhaya\- nnAnandAmbudhimajjane pralabhatAmAnandathu.n sajjanaH .. 103.. dhUpa.n te.agarusaMbhavaM bhagavati prollAsigandhoddhuraM dIpa.n chaiva nivedayAmi mahasA hArdAndhakArachChidam.h . rajasvarNavinirmiteShu paritaH pAtreShu sa.nsthApitaM naivedya.n vinivedayAmi paramAnandAtmike sundari .. 104.. jAtIkorakatulyamodanamida.n sauvarNapAtre sthitaM shuddhAnna.n shuchi mudgamAShachaNakodbhUtAtathA sUpakAH . prAjyaM mAhiShamAjyamuttamamida.n haiva.ngavInaM pR^itha\- kpAtreShu pratipAditaM parashive tatsarvama~NgIkuru .. 105.. shimbIsUraNashAkabimbabR^ihatIkUshmANDakoshAtakI\- vR^intAkAni paTolakAni mR^idunA sa.nsAdhitAnyagninA . sampannAni cha vesavAravisarairdivyAni bhaktyA kR^itA\- nyagre te vinivedayAmi girije sauvarNapAtravraje .. 106.. nimbUkArdrakachUtakandakadalIkaushAtakIkarkaTI\- dhAtrIbilvakarIrakairvirachitAnyAnandachidvigrahe . rAjIbhiH kaTutailasaindhavaharidrAbhiH sthitAnpAtaye sa.ndhAnAni nivedayAmi girije bhUriprakArANi te .. 107.. sitayA~nchitalaDDukavrajA\- nmR^idupUpAnmR^idulAshcha pUrikAH . paramAnnamida.n cha pArvati praNayena pratipAdayAmi te .. 108.. digdhametadanale susAdhitaM chandramaNDalanibha.n tathA dadhi . phANita.n shikhariNI.n sitAsitAM sarvamamba vinivedayAmi te .. 109.. agre te vinivedya sarvamamita.n naivedyama~NgIkR^itaM j~nAtvA tattvachatuShTayaM prathamato manye sutR^iptA.n tataH . devI.n tvAM parishiShTamamba kanakAmatreShu sa.nsthApitaM shaktibhyaH samupAhArAmi sakala.n deveshi shambhupriye .. 110.. vAmena svarNapAtrImanupamaparamAnnena pUrNA.n dadhAnA\- manyena svarNadarvI.n nijajanahR^idayAbhIShTadA.n dhArayantIm.h . sindUrAraktavastrA.n vividhamaNilasadbhUShaNAM mechakA~NgIM tiShThantImagrataste madhumadamuditAmannapUrNA.n namAmi .. 111.. pa~NktyopaviShTAnparitastu chakraM shaktyA svayAli~NgitavAmabhAgAn.h . sarvopachAraiH paripUjya bhaktyA tavAmbike pAriShadAnnamAmi .. 112.. paramAmR^itamattasundarI\- gaNamadhyasthitamarkabhAsuram.h . paramAmR^itaghUrNitekShaNaM kimapi jyotirupAsmahe param.h .. 113.. dR^ishyate tava mukhAmbuja.n shive shrUyate sphuTamanAhatadhvaniH . archane tava girAmagochare na prayAti viShayAntaraM manaH .. 114.. tvanmukhAmbujavilokanollasa\- tpremanishchalavilochanadvayIm.h . unmanImupagatA.n sabhAmimAM bhAvayAmi parameshi tAvakIm.h .. 115.. chakShuH pashyatu neha ki.nchana para.n ghrANa.n na vA jighratu shrotra.n hanta shruNotu na tvagapi na sparsha.n samAlambatAm.h . jihvA vettu na vA rasaM mama para.n yuShmatsvarUpAmR^ite nityAnandavighUrNamAnanayane nityaM mano majjatu .. 116.. yastvAM pashyati pArvati pratidina.n dhyAnena tejomayIM manye sundari tattvametadakhila.n vedeShu niShThA.n gatam.h . yastasminsamaye tavArchanavidhAvAnandasAndrAshayo yAto.aha.n tadabhinnatAM parashive so.ayaM prasAdastava .. 117.. gaNAdhinAtha.n vaTuka.n cha yoginIH kShetrAdhinAtha.n cha vidikchatuShTaye . sarvopachAraiH paripUjya bhaktito nivedayAmo balimuktayuktibhiH .. 118.. vINAmupAnte khalu vAdayantyai nivedya sheSha.n khalu sheShikAyai . sauvarNabhR^i~NgAravinirgatena jalena shuddhAchamana.n vidhehi .. 119.. tAmbUla.n vinivedayAmi vilasatkarpUrakastUrikA\- jAtIpUgalava~NgachUrNakhadirairbhaktyA samullAsitam.h . sphUrjadratnasamudgakapraNihita.n sauvarNapAtre sthitai\- rdIpairujjvalamAnnachUrNarachitairArArtika.n gR^ihyatAm.h .. 120.. kAchidgAyati ki.nnarI kalapada.n vAdya.n dadhAnorvashI rambhA nR^ityati kelima~njulapadaM mAtaH purastAttava . kR^ityaM projjhya surastriyo madhumadavyAghUrNamAnekShaNaM nityAnandasudhAmbudhi.n tava mukhaM pashyanti dR^ishyanti cha .. 121.. tAmbUlodbhAsivaktraistvadamalavadanAlokanollAsinetrai\- shchakrasthaiH shaktisa~NghaiH parihR^itaviShayAsa~NgamAkarNyamAnam.h .. 122.. archAvidhau j~nAnalavo.api dUre dUre tadApAdakavastujAtam.h . pradakShiNIkR^itya tato.archana.n te pa~nchopachArAtmakamarpayAmi .. 123.. yathepsitamanogataprakaTitopachArArchitaM nijAvaraNadevatAgaNavR^itA.n sureshasthitAm.h . kR^itA~njalipuTo muhuH kalitabhUmiraShTA~Ngakai\- rnamAmi bhagavatyaha.n tripurasundari trAhi mAm.h .. 124.. vij~naptIravadhehi me sumahatA yatnena te sa.nnidhiM prAptaM mAmiha kAndishIkamadhunA mAtarna dUrIkuru . chitta.n tvatpadabhAvane vyabhichareddR^igvAkcha me jAtu che\- ttatsaumye svaguNairbadhAna na yathA bhUyo vinirgachChati .. 125.. kvAhaM mandamatiH kva chedamakhilairekAntabhaktaiH stutaM dhyAta.n devi tathApi te svamanasA shrIpAdukApUjanam.h . kAdAchitkamadIyachintanavidhau santuShTayA sharmadaM stotra.n devatayA tayA prakaTitaM manye madIyAnane .. 126.. nityArchamida.n chitte bhAvyamAna.n sadA mayA . nibaddha.n vividhaiH padyairanugR^ihNAtu sundarI .. 127.. iti shrImatparamaha.nsaparivrAjakAchAryasya shrIgovindabhagavatpUjyapAdashiShyasya shrImachCha~NkarabhagavataH kR^itau tripurasundarImAnasapUjAstotraM sampUrNam.h .. ## Encoded by Sunder Hattangadi \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}