% Text title            : Tripurasundari Hridaya Stotram
% File name             : tripurasundarIhRRidayastotram.itx
% Category              : devii, devI, dashamahAvidyA, hRidaya
% Location              : doc\_devii
% Proofread by          : Divya K Suresh
% Latest update         : May 23, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Mahatripura Sundari Hridayam ..}##
\itxtitle{.. shrImahAtripurasundarIhR^idayam ..}##\endtitles ##
vande sindUravarNAbhaM vAmorunyastavallabham |
ikShuvAridhimadhyasthamibharAjamukhaM mahaH || 1||
gambhIralaharIjAlagaNDUShitadigantaraH |
avyAnmAmamR^itAmbhodhiranarghamaNisaMyutaH || 2||
madhye tasya manohAri madhupAravameduram |
prasUnavigalanmAdhvIpravAhaparipUritam || 3||
kinnarIgAnamedasvi krIDAkandaradanturam |
kA~nchanadrumadhUlIbhiH kalpitAvAlavaddrumam || 4||
mugdhakokilanikkANamukharIkR^itadi~Nmukham |
mandAratarusantAnama~njarIpu~njapi~njaram || 5||
nAsAnADindhamasmeranamerusumasaurabham |
AvR^intahasitAmbhojadIvyadvibhramadIrghikam || 6||
mandaraktashukIdaShTamAtulu~NgaphalAnvitam |
savidhasyandamAnAbhrasaritkallolavellitam || 7||
prasUnapAMsusaurabhyapashyatoharamArutam |
vakulaprasavAkIrNaM vande nandanakAnanam || 8||
tanmadhye nIpakAntAraM taraNistambhakAraNam |
madhupAlivimardAlikalakvANakarambitam || 9||
komalashvashanAdhUtakorakodgatadhUlibhiH |
sindUritanabhomArgaM chintitaM siddhavandibhiH || 10||
madhye tasya marunmArgalambimANikyatoraNam |
shANollikhitavaidUryaklR^iptasAlasamAkulam || 11||
mANikyastambhapaTalImayUkhavyAptadiktaTam |
pa~nchaviMshatisAlADhyAM namAmi nagarottamam || 12||
tatra chintAmaNigR^ihaM taDitkoTisamujjvalam |
nIlotpalasamAkIrNaniryUhashatasa~Nkulam || 13||
somakAntamaNiklR^iptasopAnodbhAsivedikam |
chandrashAlAcharatketusamAlIDhanabhontaram || 14||
gArutmatamaNIklR^iptamaNDapavyUhamaNDitam |
nityasevAparAmartyanibiDadvArashobhitam || 15||
adhiShThitaM dvArapAlairasitomarapANibhiH |
namAmi nAkanArINAM sAndrasa~NgItameduram || 16||
tanmadhye taruNArkAbhaM taptakA~nchananirmitam |
shakrAdimaddvArapAlaissantataM pariveShTitam || 17||
chatuShShaShTimahAvidyAkalAbhirabhisaMvR^itam |
rakShitaM yoginIvR^indai ratnasiMhAsanaM bhaje || 18||
madhye tasya marutsevyaM chaturdvArasamujjvalam |
chaturasratrirekhADhyAM chArutrivalayAnvitam || 19||
kalAdalasamAyuktaM kanadaShTadalAnvitam |
chaturdashArasahitaM dashAradvitayAnvitam || 20||
aShTakoNayutaM divyamagnikoNavirAjitam |
yogibhiH pUjitaM yogiyoginIgaNasevitam || 21||
sarvaduHkhaprashamanaM sarvavyAdhivinAshanam |
viShajvaraharaM puNyaM vividhApadvidAraNam || 22||
sarvadAridryashamanaM sarvabhUpAlamohanam |
AshAbhipUrakaM divyamarchakAnAmaharnisham || 23||
aShTAdashasumarmADhyaM chaturviMshatisandhinam |
shrImadvindugR^ihopetaM shrIchakraM praNamAmyaham || 24||
tatraiva baindavasthAne taruNAdityasannibham |
pAshA~NkushadhanurbANapariShkR^itakarAmbujam || 25||
pUrNendubimbavadanaM phullapa~Nkajalochanam |
kusumAyudhashR^i~NgArakodaNDakuTilabhruvam || 26||
chAruchandrakalopetaM chandanAgururUShitam |
mandasmitamadhUkAliki~njalkitamukhAmbujam || 27||
pATIratilakodbhAsiphAlasthalamanoharam |
anekakoTikandarpalAvaNyamaruNAdharam || 28||
tapanIyAMshukadharaM tAruNyashrIniShevitam |
kAmeshvaramahaM vande kAmitArthapradaM nR^iNAm || 29||
tasyA~NkamadhyamAsInAM taptahATakasannibhAm |
mANikyamukuTachChAyAmaNDalAruNadi~NmukhAm || 30||
kalaveNIkanatphullakahlArakusumojjvalAm |
uDurAjakR^itottaMsAmutpalashyAmalAlakAm || 31||
chaturthIchandrasachChAtraphAlarekhApariShkR^itAm |
kastUrItilakArUDhakamanIyalalantikAm || 32||
bhrulatAshrIparAbhUtapuShpAyudhasharAsanAm |
nAlIkadaladAyAdanayanatrayashobhitAm || 33||
karuNArasampUrNakaTAkShahasitojjvalAm |
bhavyamuktAmaNichArunAsAmauktikaveShTitAm || 34||
kapolayugalInR^ityakarNatATa~NkashobhitAm |
mANikyavAlIyugalImayUkhAruNadi~NmukhAm || 35||
paripakvasubimbAbhApATalAdharapallavAm |
ma~njulAdharaparvasthamandasmitamanoharAm || 36||
dvikhaNDadvijarAjAbhagaNDadvitayamaNDitAm |
daraphullalasadgaNDadhavalApUritAnanAm || 37||
pachelimendusuShamApATachcharamukhaprabhAm |
kandharAkAntihasitakambubimbokaDambarAm || 38||
kastUrIkardamAshyAmakandharAmUlakandarAm |
vAmAMsashikharopAntavyAlambighanaveNikAm || 39||
mR^iNAlakANDadAyAdamR^idubAhuchatuShTayAm |
maNikeyUrayugalImayUkhAruNavigrahAm || 40||
karamUlalasadratnaka~NkaNakvANapeshalAm |
karakAntisamAdhUtakalpAnokahapallavAm || 41||
padmarAgormikAshreNibhAsurA~NgulipAlikAm |
puNDrakodaNDapuShpAstrapAshA~NkushalasatkarAm || 42||
taptakA~nchanakumbhAbhastanamaNDalamaNDitAm |
ghanastanataTIklR^iptakAshmIrakShodapATalAm || 43||
kUla~NkaShakuchasphAratArahAravirAjitAm |
chArukausumbhakUrpAsachChannavakShojamaNDalAm || 44||
navanIlaghanashyAmaromarAjivirAjitAm |
lAvaNyasAgarAvartanibhanAbhivibhUShitAm || 45||
DimbhamuShTitalagrAhyamadhyayaShTimanoharAm |
nitambamaNDalAbhoganikvaNanmaNimekhalAm || 46||
sandhyAruNakShaumapaTIsa~nChannajaghanasthalAm |
ghanorukAntihasitakadalIkANDavibhramAm || 47||
jAnusampuTakadvandvajitamANikyadarpaNAm |
ja~NghAyugalasaundaryavijitAna~NgakAhalAm || 48||
prapadachChAyasantAnajitaprAchInakachChapAm |
nIrajAsanakoTIranighR^iShTacharaNAmbujAm || 49||
pAdashobhAparAbhUtapAkAritarupallavAm |
charaNAmbhojashi~njanamaNima~njIrama~njulAm || 50||
vibudhendravadhUtsa~NgavinyastapadapallavAm |
pArshvasthabhAratIlakShmIpANichAmaravIjitAm || 51||
purato nAkanArINAM pashyantIM nR^ittamadbhutam |
bhrUlatA~nchalasambhUtapuShpAyudhaparamparAm || 52||
pratyagrayauvanonmattapariphullavilochanAm |
tAmroShThIM taralApA~NgIM sunAsAM sundarasmitAm || 53||
chaturarthadhruvodArAM chAmpeyodgandhikuntalAm |
madhusnapitamR^idvIkamadhurAlApapeshalAm || 54||
shivAM ShoDashavArShIkAM shivA~NkatalavAsinIm |
chinmayIM hR^idayambhoje chintayejjApakottamaH || 55||

phalashrutiH |
iti tripurasundaryA hR^idayaM sarvakAmadam |
sarvadAridryashamanaM sarvasampatpradaM nR^iNAm || 56||
tApajvarArtishamanaM taruNIjanamohanam |
mahAviShaharaM puNyaM mA~Ngalyakaramadbhutam || 57||
apamR^ityuharaM divyamAyuShyashrIkaraM param |
apavargaikanilayamavanIpAlavashyadam || 58||
paThati dhyAnaratnaM yaH prAtassAyamatandritaH |
na viShAdaissa cha pumAn prApnoti bhuvanatrayam || 59||

iti shrImahAtripurasundarIhR^idayaM sampUrNam |
shrIparAmbA suprasannA varadA.astu ||
##
Proofread by Divya K Suresh

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}