% Text title : tripurasundarImAnasapUjanastotram % File name : tripurasundarImAnasapUjanastotram.itx % Category : devii, devI, dashamahAvidyA % Location : doc\_devii % Author : sAmarAjadIkShita % Proofread by : PSA Easwaran % Description-comments : Brihatstotraratnakara 2, Narayana Ram Acharya, Nirnayasagar, stotrasankhyA 225-425 % Latest update : March 23, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. tripurasundarImAnasapUjanastotram ..}## \itxtitle{.. tripurasundarImAnasapUjanastotram ..}##\endtitles ## shrIgaNeshAya namaH || amR^itajaladhimadhyollAsiratnAntarIpa\- prasR^imarakiraNAlIkalpitodyAnashobhe | suratarunikurambaspR^iShTavAtAyanAnta\- shchaladalipaTalIbhiH kLLiptadhUpAdikR^itye || 1|| maNimayabhavane.antaHprauDhamANikyashAlA\- madhivasati vishAlA kApi te ratnavedI | taduparikR^itavAsaM dattabAlArkahAsaM dishatu shubhamanante devi siMhAsanaM te || 2|| tadupari dhR^itanAnAhetibhUShAshmarashmi\- vyatikarapunaruktIbhUtaramyottarIyAm | galadamaladayAmbhaHsiktabhaktaprarohAM praNavanalinabhR^i~NgIM bhAvaye j~nAnabha~NgIm || 3|| druhiNahariharANAM maulisa~nchArashIlaM maNighaTitavibhUShArashminirNejitaM cha | nijamatidR^iShadAhaM bhaktiga~NgApayobhiH padayugamamalaM te devi nirNejayAmi || 4|| garuDamaNimayUkhaspardhidUrvAsanAthaiH kushashishuparijuShTaiH sphItasiddhArthasArthaiH | upahitasitagandhaiH sAkShatairvAribhiste janani charaNapadme pAdyamAdyaM dadAmi || 5|| phalakusumasanAthaM nUtnaratnaprarohaM malayajarasadigdhaM snigdhamugdhAkShataM cha | daraniyamitabhaktAnIkavA~nChApradAne karasarasiruhe.asminnardhyamarghye dadAmi || 6|| shishirakiraNajAtIpatradevaprasUna\- sphuTitadalanavailAkrAntakakkolagandham | shishiramamalametadbaddhapIyUvasakhyaM salilamakhilamAtastvaM prasannA.a.achamethAH || 7|| navamaNihayapIThe pretapadmasthitApi prapadataralashobhAspR^iShTasadviShTarashri | dadhimadhughR^itamishraM trirvirAjopanItaM shashimukhi madhuparkaM tvaM mukhAntarnayethAH || 8|| punarAchamanaM kAryaM jagajjanani suvrate | tvachChikShitena mArgeNa yato lokaH pravartate || 9|| tvaritasahacharIbhirdattahastAvalambaM charaNanalinametatpAdukAsthaM vidhAya | pravisha vividhashAlaM snAnagehAntarAlaM pashupatisahitaivAbhya~Ngama~NgIkuruShva || 10|| api rasikavigItaM bhaktachittAnumatyai sadayahR^idayabhAve snAhi pa~nchAmR^itena | shashimR^igamadamustAgArasiddhArthachUrNaiH kusumajalavimishchaiH svairamudvartayA~Ngam || 11|| parijanaparimR^iShTe tvachCharIre na yAva\- chChishirasaliladhArAM kApi chikShapa tAvat | udayini janamAtaH sItkR^ite baddhabhAvai\- stripuramathanahAsairvrIDitaM krIDitaM te || 12|| atha vimalitaratnasvarNadurvarNakumbhai\- stribhuvanagatatIrthAnItapAnIyapUrNaiH | snapayati suranArIvR^indametattathApi praNayajalamidaM naH snAnakR^ityaM karotu || 13|| vimaladhavalachInaprachChadaprAvR^itA~NgyA\- stava shirasiruhebhyo nirhare.ambAmbubindun | agarushakaladhUpairdhUpyatAM chA~Ngama~NgaM saha pashupatinA tvaM yAhi vAsogR^ihAntaH || 14|| navavimalavichitre vAsasI nUtnaratna\- dyutikR^itapunaruktAyAmasaMshobhinI te | atha kuchapariNAhAchChAdinIM shumbhanetra\- tritayabhavadasUyAM ka~nchukImarpayAmi || 15|| nahanamapi kachanAM ka~NkatIbhirvidhAya grathitamaNivibhUShAM devi veNIM karomi | nihitanavakirITAlambimuttabAlatAbhi\- statabahalamayUkhAM chandralekhA vidadhyAm || 16|| alikatalavilambisphItasImantamuktA\- saraNidhaTitahIrAspaShTachandrAttatandre | vividhamaNigaNA~NkottaMsasaMshliShyadashmA shravaNayugavibhUShA devi toShAya bhUyAt || 17|| vividhavirachanAbhirbhinnabhinnA vibhUShA janayatu tava kaNThe devi kAmapyabhikhyAm | guNinamapi girIshashlepadattAntarAyaM kaThinakuchayugAgre hAramAropayAmi || 18|| darataralavilambisvarNasUtrAntaguchChe janani tava dishetAma~Ngade sharmakarma | atha valayamaNInAM rashmisambhinnamudrAM janayatu punaruktAM shR^i~NkhalAmantarINAm || 19|| maNimayarashanAdhaHkShudraghaNTAninAdA maNitaguNanikAnAM smArakAH syuH shivasya | marakatamaNijAtaM ma~njuma~njIrayugmaM rachayatu shashimaule ra~njanaM si~njitena || 20|| aruNamaNikR^itAnAma~NgulIbhUShaNAnAM prabhavatu padamusrairlAkShayA ra~njitaM te | mR^igamadarachitAyAM patrabha~NgIlatAyA\- manubhavatu dR^iganto bandhanaM bhUtabhartuH || 21|| bhaja janani haridrAM dattahAridramudrAM kusumasalilatailAkrAntakAshmIrakoshAm | atha nasi kuru muktAM dantavAso.anuShaktAM smitaruchipunaruktAM nanditAnekabhaktAm || 22|| sahajanalinanIle kha~njane kha~njanAnAM bhavanigaDagatAnAM mochane lochane te | janani girishachetora~njane mandamandaM masR^iNimasR^iNitaistaira~njanaira~njaneyam || 23|| praNatibhirupanItaM dIptalAlATanetra\- pratibhaTamiva shambhormR^ityubAdhAvirodhi | shashina iva mukhendorbhedakaH ko.api dharmo janayatu mudamuchchaiH ku~NkumaM ra~Nkunetre || 24|| yugapadupagatendropendrarudrAdimauli\- sthalamukuTavighaTTachchaNDadaNDAbhighAtaiH | kR^itasaraNirajasrakruddhadauvArikaiste janani bhava vibhUShA pretapadmAsanasya || 25|| ahamahamikayAdhaH pAtukAnAM surANAM prapadamapi sharIre devi saMyojya shIghram | karuNarasamayInAM lochanAntashChaTAnAM katipayavalanAbhirdehi pUjAvakAsham || 26|| agarughusR^iNachorIshIragorochanAbhiH malayajamR^iganAbhisphItakarpUrapUraiH | kusumasalilaghR^iShTaiH kalpayitvA~NgarAgaM paTutarapaTavAsairvAsaye te.a~NgakAni || 27|| kamalakumudamallImAlatIkundajAtI\- bakulakanakanIpAshokachAmpeyakAdyaiH | marubakatulasIbhiH ketakIbilvapatraiH damanakashatapatrairarchaye tvatpadAbjam || 28|| hArashekharavataMsashATikAprachChakAtulitaka~nchukImukhaiH | maNDapairjavanikAbhiruchchakaiH kausumaistava mudaM kadambaye || 29|| kanakamayahasantIkoTimadhyasthitAnAM mR^idupavanadhutAnAM dIptavaishvAnarANAm | agarumupari hutvA gugguluM sarjakhaNDAn ghR^itajatuparimishraM tvAM shive dhUpayAmi || 30|| dhUpavartitaramantarAntarA gandhatailaparipUrNadIpikAH | Avahantu tava pArshvayostarAmambike javanikApaTashriyam || 31|| surasurabhijasarpiHpUrite ratnapAtre himakiraNarajobhirloDitAM tUlavartIm | taruNadahanayuktAmamba kR^itvA dadeyaM nirayanirasanAya prasphurantaM pradIpam || 32|| rajatakanakahIrAdyashmapAtreShu mAtaH vividharasasanAthaishchoShyalehyaprapeyaiH | upAhitabahubhakShyairvya~njanaishchArukhAdyaiH jaTharadahanatR^iptiM nityatR^ipte charethAH || 33|| parasparakutUhalaiH kavaladAnarUpaiH shive purANataruNau yuvAM charatamatra lIlAshitam | sugandhi salilaM tathA pibatameNanAbhIrasaiH sakesaranishAkarai rachayataM karodvartanam || 34|| panasakadalajambUkarkaTIhArahUrAmalaka\- badaranimbUdumbarairbIjapUraiH | amR^italakuchabilvairdADimInAlikerai ruchiruchitaphalaiste vardhatAM baddharAgA || 35|| shashikaradhavalAnAM nAgavallIdalAnAM kramukakadarajAtIchandrasaMyogabhAjAm | mR^igamadasurasUnusphItachUrNAvR^itAnAM bhajatu janani rAgaM tvanmukhAmbhojametat || 36|| kanakabharitapR^ithvIM mAnuShAnandamAhu\- stadupari shatakoTikrAmukAnandamAhuH | janani tava dadeyaM dakShiNAM kAM tathApi prathaya mayi dR^igantaM dakShiNAvIkShaNena || 37|| tribhuvanakuhare.asminpUrite veNuvINA\- paTupaTahakajhillItAlaghaNTAninAdaiH | uragasuravadhUbhirgIyamAnaM samantAt janayatu padamuchchairdevi nIrAjanaM te || 38|| prANeShu pa~nchasu nidhAya ShaDAtmavR^itti\- vartIshchidagniparichumbitajAtashobhAH | nIrAjayAmi bhavatIM bhavatIvratApa\- nirvApahetumadhunA madhunA.alasAkShi || 39|| uragaturagahaMsakekishAlUrabhR^i~NgI\- madakalakalavi~NkIshyenapArAvatAnAm | gatibhirupachito.ayaM maulitaH pAdamUlaM haratu duritajAtaM devi karpUradIpaH || 40|| jaya devi jaya devi jaya vishvAdhAre dInAnAthoddharaNapravaNe janasAre | tvatpadapadme padme vidhR^itavyApAre mayi dIne kuru karuNAM karuNAmR^itapAre || 41|| amR^itodadhimadhyasthitanavaratnadvIpe viShvagvikasitasuratarunavachampakanIpe | nAnAkusumAmodini vidhutAgarudhUpe chintAmaNibhavane.a~NganatiShThatsurabhUpe || 42|| mANikyojjvalachatvarasiMhAsanashobhe shavapa~nchakama~nche.a~nchitajanalochanalobhe | sushvetAtapavAraNachalachAmaradambhe dhyAye bhavatImanishaM kR^itajagadArambhe || 43|| dalitajapAkusumopamavasanachChannA~NgIM taruNAruNakaruNapradakiraNAvalibha~NgIm | dadhatIM rachanAM nayane yamunAtAra~NgIM kalayantIM kuchakoshe suShamAM nAra~NgIm || 44|| sharapa~nchakabANAsanasR^iNipAshollasitAM malayAnilaparivAdadamukhapadmashvasitAm | bAlAmR^itakaramaNDitachUDAtaTamIhatAM jyotistritayAla~NkR^itanayanatrayasahitAm || 45|| pashupatiyantraNapaTutararomAvaliyUpAM manmathataskaraguptikShamanAbhIkUpAm | prapadAlambishikhAmaNivR^indArakabhUpAM kamalAsanahariharamukhachintyAmitarUpAm || 46|| kAlI bagalA bAlA tArA bhuvaneshI vArAhI mAta~NgI kamalA vachaneshI | ChinnA durgA ga~NgA kAshI kAmeshI tvatto nAnyatki~nchittvaM chidrasapeshI || 47|| tvaM bhUmistvaM salilaM tvaM tejaH prabalaM tvaM vAyustvaM vyoma tvaM chittaM vimalam | tvaM jIvastvaM cheshastvaM brahmAsyamalaM satyAnR^itayoranyattvattaH kiM sakalam || 48|| kulakuNDe tvaM kuruShe shayane prasvApaM svAdhiShThAne mihirAyutadIdhititApam | nIlA nAbhau kaNThe shashibhA hR^itapApaM varShasyamR^itaM bindAvAnandAvApam || 49|| tvatpadapadme chittaM tripure me ramatAM tatraiva prativelaM maulirme namatAm | yAtAyAtakleshaH sadyaH saMshamatAM yAche bhUyo bhUyo bhavatA me bhavatAm || 50|| nR^ityati gAyati surasaM suranArIvR^inde karatAlIdAnotsukasuravitatAnande | nIrAjanakAle tava munijananutavede charaNAnatasamrAjaH parihR^itabhavakhede || 51|| miladalipaTalIbhiH kevalaM ghrAtapUrvaH sphuTitakusumagarbhaH svairasa~nchAriNIbhiH | upahitapaTavAsaH puShpadhUlIkadambaiH prabhavatu padapAtI devi puShpA~njaliste || 52|| sakR^idapi vinatA~NghristvAM parikramya mAtaH bhavati makhaphaleShu kShINalobhaM mano naH | sarasijamakarandAsvAdatR^ipto milindaH kvachidapi pichumande chittavR^ittiM tanoti || 53|| janani khalakapotanyAyataH pAtukAnA\- madhipadakamalaM te mandavR^indArakANAm | bhavatu nayanayoste gocharaH kvAnatirme na lasati punaruchcheH svairamudgrIvikA chet || 54|| vimalamukurabimbaM puNDarIkAtapatraM shishirakarasamAne chAmare chAmareshi | karituragakadambaM shaktibhirdishyamAnaM janaya saphalama~nchallochanAlochanAbhiH || 55|| atha kR^itaparivArAbhyarchanaM te samarpya stutibhiranupamAbhiH pAvaye svAM rasaj~nAm | yadapi na ravirashmiH svopakAraM vidhatte tadapi kamalamAlAmlAnahAniM tanoti || 56|| shravasi vishati yasya tvanmanorekavarNaH sakR^idapi vidhiyogAdambike mAnavasya | laghutaraphalametadyattrivargAshrayatvaM paricharati purastAtpUruShArthashchaturthaH || 57|| hR^idayakamalamadhye tvAM samAnIya mAtaH pavanabharitanADIrandhramudrAvidhij~nAH | dadhati paramadhanyAH kuNDalIsparshahR^iShya\- chChashigaladamR^itaughaplAvajanyapramodam || 58|| vadati vidhikalatraM tvAM shive ko.api kashchit tripuramathanapuNyaM shrIpateH ko.api bhAgyam | prakR^itimiti pare.api prauDhavij~nAnameke nikhilanigamamUlaM manmahe bodhameva || 59|| kadA tava padAmbujasmaraNajAtaromodgamaH sadAshivamadAlase janani mAtarityudgiran | nilInakaraNakriyastridashagarvasarva~NkaShA\- makharvapadavIM bhaje hariharAdibhirbhAvitAm || 60|| tvadIyamukhachandire chalitalochanendindire prasAdakulamandire sthagitapadmachandendire | prabhApaTalatanture lalitahAvakelIpure hR^itasmaraharAntare dhR^itamatirbhavaM santare || 61|| tvadIyaM yadrUpaM janajanani bindutrayayutaM smarannantaryogAttridivapatitAmApa surapaH | idaM ko jAnIte kShaNamapi harArdhaM prajapatAM hasArdhaM vyAlambya pratiphalati haMsaH pariNatiH || 62|| janani nibhR^itaM yatte rUpaM vadatyatishAshvataM lasatu hR^idi no dIpaprAyaH sa ko.api hasAtmakaH | smaraNaviShaye yena svairaM svareNa vijR^imbhatA tripuramathanaH prApeshatvaM tadAtmakatAM gataH || 63|| R^ichAmAchAryAsi stutishatajuShAM chApi yajuShAM mahAdhAmnAM sAmnAM prathitayashaso.atharvashirasaH | haribrahmeshAdyAH prapadakiraNottaMsamukuTA\- stavAtastvAM stotuM janajanani ko vA prabhavatu || 64|| trasyatkha~njanaga~njanavyasaninImunmAthinIM mAdyato jIva~njIvakulasya bhR^i~NgapaTalInyakkArabaddhavratAm | ra~NkUchCha~NkuvidhAyinIM cha nalinashrIgarvasarva~NkaShAM kAruNyAmR^itavarShiNIM mayi shive dR^iShTiM manA~NmoTaya || 65|| ri~NgadbhR^i~NgakadambaDambarapariShva~Ngaprasa~NgAkula\- pratyUShasphuramANapa~NkajavanIsaubhAgyasarva~NkaShaH | dR^ikkoNaH karuNA~NkurA~NkShitatanuH ko.apyadrije madvapuH\- pAnthatve tarasA bhavetparikarI dhanyastadA syAM na kim || 66|| samudyanmArtaNDaprasR^imarakarAlImasR^iNayA padadvandvAnandapraNayijanari~NgatkaruNayA | lalallIlAbhAjA parashivapariShva~NgaparayA dhiyA chetaH kAlaM naya gatanaya tvaM kShaNamapi || 67|| vedaira~NghribhirujjvalopaniShadAM vR^indairadhaHkalpitaiH shAstrAdyairapi tiryagUrdhvakalitairo~NkAramArgeNa cha | viShva~NmAtranibandhanaiH parichite.asminvA~Nmaye pa~njare kIrI kAchana chetanaikavibhavA chitte chakAstAchchiram || 68|| taruNAruNapratimaramyaruchiM kusumeShuchApasR^iNipAshakarAm | triguNAtparAM triguNarUpamayIM bhavatImaharnishamahaM kalaye || 69|| iti nijamativaibhavAnurUpAmakR^ita kavirbhuvi sAmarAjanAmA | samayijanamude.ambikAsaparyAmamR^itasukhAtmakatAvikAsaparyAm || 70|| iti shrIsatyAnandanAthAparanAmadheyasAmarAjadIkShitavirachite pUjAratnavarti tripurasundarImAnasapUjanastotraM sampUrNam | ## Proofread by PSA Easwaran \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}