% Text title            : tulasIstotram
% File name             : tulasIstotram.itx
% Category              : devii, tulasI, stotra, devI
% Location              : doc\_devii
% Author                : Sri Pundarikaksha
% Transliterated by     : http://www.mypurohith.com
% Proofread by          : Anuradha anuradha at cs.com and Dr. Varagur S.V.  Rajan sankrityaraja at shaw.ca
% Latest update         : September 8, 2004, NOvember 25, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Tulasi Stotram ..}##
\itxtitle{.. shrItulasIstotram ..}##\endtitles ##
jagaddhAtri! namastubhyaM viShNoshcha priyavallabhe |
yato brahmAdayo devAH sR^iShTi sthityantakAriNaH || 1||
namastulasi kalyANi namo viShNupriye shubhe |
namo mokShaprade devi namaH sampatpradAyike || 2||
tulasI pAtu mAM nityaM sarvApadbhyo.api sarvadA |
kIrtitApi smR^itA vApi pavitrayati mAnavam || 3||
namAmi shirasA devIM tulasIM vilasattanum |
yAM dR^iShTvA pApino martyA muchyante sarvakilbiShAt || 4||
tulasyA rakShitaM sarvaM jagadetachcharAcharam |
yA vinihanti pApAni dR^iShTvA vA pApibhirnaraiH || 5||
namastulasyatitarAM yasyai baddhA~njaliM kalau |
kalayanti sukhaM sarvaM striyo vaishyAstathA.apare || 6||
tulasyA nAparaM ki~nchiddaivataM jagatItale |
yathA pavitrito loko viShNusa~Ngena vaiShNavaH || 7||
tulasyAH pallavaM viShNoH shirasyAropitaM kalau |
Aropayati sarvANi shreyA.nsi varamastake || 8||
tulasyAM sakalA devA vasanti satataM yataH |
atastAmarchayelloke sarvAn devAn samarchayan || 9||
namastulasi sarvaj~ne puruShottamavallabhe |
pAhi mAM sarva pApebhyaH sarvasampatpradAyike || 10||
iti stotraM purA gItaM puNDarIkeNa dhImatA |
viShNumarchayatA nityaM shobhanaistulasIdalaiH || 11||
tulasI shrIrmahAlakShmIrvidyAvidyA yashasvinI |
dharmyA dharmAnanA devI devIdevamanaHpriyA || 12||
lakShmIpriyasakhI devI dyaurbhUmirachalA chalA |
ShoDashaitAni nAmAni tulasyAH kIrtayannaraH || 13||
labhate sutarAM bhaktimante viShNupadaM labhet |
tulasI bhUrmahAlakShmIH padminI shrIrharipriyA || 14||
tulasi shrIsakhi shubhe pApahAriNi puNyade |
namaste nAradanute nArAyaNamanaHpriye || 15||

iti shrIpuNDarIkakR^itaM tulasIstotraM sampUrNam ||
##
Proofread by Dr. Varagur S.V.  Rajan
sankrityaraja@shaw.ca and Anuradha

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}