% Text title            : Uma Maheshvara Mahatmyam
% File name             : umAmaheshvaramAhAtmyam.itx
% Category              : devii, shiva, mAhAtmya
% Location              : doc\_devii
% Transliterated by     : Venkata Surya Jagannadha Rao Garimella
% Proofread by          : Venkata Surya Jagannadha Rao Garimella, NA
% Latest update         : May 22, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Uma Maheshvara Mahatmyam ..}##
\itxtitle{.. umAmaheshvaramAhAtmyam ..}##\endtitles ##
umA bhagavatI yeyaM brahmavidyeti kIrtitA |
rupayauvanasampannA vadhUrbhUtvAtra sA sthitA || 1||
nAnAjAtivadhUnAM hi bimbabhUtA maheshvarI || 2||
yasyAH prasAdataH sarvaH svargam mokSha cha gachChati |
iha loke sukhaM tadvajjanturdevAdiko.api vA || 3||
brahmA viShNustathA rudra shakrAdyAH sarvadevatAH |
kaTAkShapAtato yasyA bhavanti na bhavanti cha || 4||
pInAnnatastanI prauDhajaghanA cha kR^ishodarI |
chandrAnanA mInanetrA keshabhramaramaNDitA || 5||
sarvA~NgasundarI devI dhairyapu~njavinAshinI |
kA~nchIguNena chitreNa valayA~NgadanUpureH || 6||
harimuktAdisa~njAtaiH kaNThAdyAbharaNairapi |
mukuTenApi chitreNa kuNDalAdyaiH sahasrashaH || 7||
virAjitA hyanopamyarUpA bhUShaNabhUShaNA |
jananI sarvajagato dvyaShTavarShA chirantanI || 8||
tayA sametaM puruShaM tatpatiM tadguNAdhikam |
brahmAdInAM prabhuM nAnAsarvabhUShaNabhUShitam || 9||
dvIpicharmAvR^itaM shashvadathavApi digambaram |
bhasmoddhUlitasarvA~NgaM brahmamUrghaughamAlinam || 10||
tathaiva chandrakhaNDena virAjitajaTAtaTam |
ga~NgAdharaM smeramukhaM gokShIradhavalojjavalam || 11||
kandarpakoTisadR^ishaM sUryakoTisamaprabham |
sR^iShTisthityantakAraNaM sR^iShTisthityantavarjitam || 12||
pUrNenduvedenAmbhojaM sUryasomAgnivarchasam |
sarvA~NgasundaraM kambugrIvaM chAtimanoharam || 13||
AjAnubAhuM puruShaM nAgayaj~nopavItinam |
padmAsanasamAsInaM nAsAgranyastalochanam || 14||
vAmadevaM mahAdevaM gurUNAM prathamaM gurum |
svaya~njyotiHsvarUpaM tamAnandAtmAnamadvayam || 15||
yato hiraNyagarbho.ayaM virAjo janakaH pumAn |
jAtaH samastadevAnAmanyeShAM cha niyAmakaH || 16||
nIlakaNThamamuM devaM vishveshaM pApanAshanam |
hR^idi padme.athavA sUrye vahnau vA chandramaNDale || 17||
kailAsAdigirau vApi chintayedyogamAshritaH |
evaM chintayatastasya yogino mAnasaM sthiram || 18||
yadA jAtaM tadA sarvaprapa~ncharahitaM shivam |
prapa~nchakaraNaM devamavA~Nmanasagocharam || 19||
prayAti svAtmanA yogI puruShaM divyamadbhutam |
tamasaH svAtmamohasya paraM tena vivarjitam || 20||
sAkShiNaM sarvabuddhInAM bud.hdhyAdiparivarjitam |
umAsahAyo bhagavAnsaguNaH parikIrtitaH || 21||
nirguNashcha sa evAyaM na yato.anyo.asti kashchan |
brahmA viShNustathA rudraH shakro devasamanvitam || 22||
agniH sUryastathAkAshaH kAlaH sR^iShTayAdikAraNam |
ekAdashendriyANyantaHkaraNaM cha chaturvidham || 23||
prANAH pa~ncha mahAbhUtapa~nchakena samanvitAH |
dishashcha pradishastadvadupariShTAdadho.api cha || 24||
shvedajAdIni bhUtAni brahmANDaM cha virADvapuH |
virAD hiraNyagarbhashcha jIva Ishvara eva cha || 25||
mAyA tatkAryamakhilaM vartate sadasachcha yat |
yachcha bhUtaM yachcha bhavyaM tatsarvaM sa maheshvaraH || 26||

|| iti umAmaheshvaramAhAtmyaM sampUrNam ||
##

Encoded and proofread by Venkata Surya Jagannadha Rao Garimella

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}