% Text title            : vANIpANyavalambastutiH
% File name             : vANIpANyavalambastutiH.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vanipanyavalambastutih ..}##
\itxtitle{.. shrIvANIpANyavalambastutiH ..}##\endtitles ##
jADyavAridhinimagnasubuddherjAtarUpasadR^ishachChavikAye |
vAsavAdidiviShatpravareDye vANi dehi mama pANyavalambam || 1||
pANinirjitasaroruhagarve pArade vividhaduHkhapayodheH |
vAsanAvirahitairlaghulabhye vANi dehi mama pANyavalambam || 2||
shR^i~NgashailashikharAdR^itavAse.ana~Ngagarvaharashambhusagarbhye |
tu~Ngama~NgalanidAnakaTAkShe vANi dehi mama pANyavalambam || 3||
shAradAbhrasadR^ishAmbaravIte nAradAdimunichintitapAde |
nIlanIradasadR^ikkachabhAre vANi dehi mama pANyavalambam || 4||
yatpadAmburuhapUjakavaktrAdAshu niHsarati vAganavadyA |
svardhunI himagireriva sA tvaM vANi dehi mama pANyavalambam || 5||
jAtuchitpraNamato.api padAbje devarAjasadR^ishAnprakaroShi |
yattadamba charaNau tava vande vANi dehi mama pANyavalambam || 6||
shAntidAntimukhasAdhanayuktairvedashIrShaparishIlanasaktaiH |
AdarAdaharahaHparisevye vANi dehi mama pANyavalambam || 7||
koshapa~nchakaniShedhanapUrvaM kleshapa~nchakamapi pravihAya |
yAM prapashyati yatirhR^idi sA tvaM vANi dehi mama pANyavalambam || 8||
vandyamAnacharaNe suravR^indairgIyamAnacharite turagAsyaiH |
japyamAnanijanAmni munIndrairvANi dehi mama pANyavalambam || 9||
sannirIkShya kamalAni yada~NghrIsAmyamAptumanayostapasAmbhaH |
kaNThadaghnamadhijagmurasau sA vANi dehi mama pANyavalambam || 10||
puNyamamba na kR^itaM matipUrvaM pApameva rachitaM tvatiyatnAt |
tena taptamanishaM hR^idayAbjaM vANi dehi mama pANyavalambam || 11||
nAhamamba sarasAM cha suvarNAmAtanomi kavitAM vividhArthAm |
kena pUjayati mAM bhuvi loko vANi dehi mama pANyavalambam || 12||
akShapAdakaNabhukphaNinAthairdevahUtisutajaiminimukhyaiH |
proktashAstranichaye na hi buddhirvANi dehi mama pANyavalambam || 13||
naiva pAdasarasIruhayoste pUjanaM pratidinaM prakaromi |
hetushUnyakaruNAjanibhUme vANi dehi mama pANyavalambam || 14||
sannirudhya hR^idayAmbujamadhye svAntamamba tava sundaramUrteH |
dhyAnamapyanudinaM na hi kurve vANi dehi mama pANyavalambam || 15||
duHkhajanmavasudhA viShayA ityAdareNa shrutibhiH shrutishIrShaiH |
bodhito.api na hi yAmi viraktiM vANi dehi mama pANyavalambam || 16||
putramitragR^ihadArajananyo bhrAtR^ibandhudhanabhR^ityamukhA vA |
naiva kAlavashagasya sahAyA vANi dehi mama pANyavalambam || 17||
ekameva sadabAdhitamanyattuchChamityasakR^idAgamashIrSham |
vaktyathApi na nivR^ittiranityAdvANi dehi mama pANyavalambam || 18||
janmamR^ityubhayanIradhimadhye majjato vividharu~NmakarADhye |
pashyato.api na hi bhItiranekAnvANi dehi mama pANyavalambam || 19||
tvatpadAmburuhayugmamapAsya prAktanAghaparimArjanadakSham |
nAsti tAraNavidhAnasamarthaM vANi dehi mama pANyavalambam || 20||
bAlachandraparichumbitashIrShe bAhusaktakanakA~Ngadaramye |
kaNThalolavaramauktikahAre vANi dehi mama pANyavalambam || 21||
Ananena charaNena kaTAkShairnIrajAsanamanoharakAnte |
chandramambujamaliM cha hasantI vANi dehi mama pANyavalambam || 22||
madhyanirjitamR^igAdhipagarve mattavAraNasadR^iggatishIle |
ma~njushi~njitamahAbharaNADhye vANi dehi mama pANyavalambam || 23||
tApamamba vinivArya samastaM pApamapyaharahaHkR^itamAshu |
chittashuddhimachirAtkuru mAtarvANi dehi mama pANyavalambam || 24||
pAdapadmayugamardanarUpA pAtravastraparishuddhimukhA vA |
shrIgurorna hi kR^itA bata sevA vANi dehi mama pANyavalambam || 25||
mantrarAjalayapUrvakayogAnyoginIhR^idayamukhyasutantrAn |
naiva vedmi karuNAmR^itarAshe vANi dehi mama pANyavalambam || 26||
kAmalobhamadapUritachetaHprANidUranijapAdapayoje |
kAmanirmathanadakShasagarbhye vANi dehi mama pANyavalambam || 27||
a~NgayaShTiruchinirjitabharme kumbhikumbhaparipanthikuchADhye |
bhR^i~NganIlachikure tanumadhye vANi dehi mama pANyavalambam || 28||
svA~NghrisevanasamAgatakAShThAkAntadArakaramarditapAde |
svAmini trijagatAM dhR^itavINe vANi dehi mama pANyavalambam || 29||
nIlanAganivahA vivishuryadveNikAM muhuravekShya bilAni |
lajjayA.a.ashu vidhibhAmini sA tvaM vANi dehi mama pANyavalambam || 30||
shAntidAntiviratipramukhA mAM mohakopamukharogavishIrNam |
vIkShya yAnti tarasA bahudUraM vANi dehi mama pANyavalambam || 31||
kAkalokasadR^ishaH pikalokaH kekijAlamapi shokinitAntam |
yadvachaH shravaNataH khalu sA tvaM vANi dehi mama pANyavalambam || 32||
rAjarAjapadavIM kShaNamAtrAdyAti yatpadasaroruhanatyA |
dInarADapi jano bhuvi sA tvaM vANi dehi mama pANyavalambam || 33||
shrIghrakAvyakaraNe.amba paTutvaM yAnti mUkabadhirAdimamartyAH |
yatpadapraNatito bhuvi sA tvaM vANi dehi mama pANyavalambam || 34||
brAhmi bhArati sarasvati bhAShe vAksavitri kamalodbhavajAye |
pANipa~NkajalasadvaravINe vANi dehi mama pANyavalambam || 35||
chAmarapravilasatkaragaurIviShNudAraparisevitapArshve |
chAmarAjasutapAlanasakte vANi dehi mama pANyavalambam || 36||
sheShashailapatinAmakamantrishreShThapAlanaparAyaNachitte |
shevadhe.abjabhavapUrvavR^iShANAM vANi dehi mama pANyavalambam || 37||
shrInR^isiMhashishurAmayutashrIkaNThapAlananiShaktamanaske |
shrIshasha~NkaramukhAmarapUjye vANi dehi mama pANyavalambam || 38||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIvANIpANyavalambastutiH sampUrNA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}