% Text title            : vANIprashnamAlAstavaH
% File name             : vANIprashnamAlAstavaH.itx
% Category              : devii, sachchidAnanda-shivAbhinava-nRisiMhabhAratI, devI, sarasvatI, stava
% Location              : doc\_devii
% Author                : Sachchidananda Shivabhinava Nrisimha Bharati Swamigal
% Proofread by          : PSA Easwaran psawaswaran
% Latest update         : November 9, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Vaniprashnamalastavah ..}##
\itxtitle{.. shrIvANIprashnamAlAstavaH ..}##\endtitles ##
(jaitrayAtnAmadhikR^itya shrIvANyAj~nAnantaraM)
kiM nAhaM putrastava mAtuH sacharAcharasya jagato.asya |
kiM mAM dUrIkuruShe devi girAM brUhi kAraNaM tatra || 1||
kiM chAhurAryapAdAstvadbhaktA madgurUttamAH pUrvam |
aurasatanayaM mAM tava kasmAddUrIkaroShi vada vANi || 2||
AnIya dUrato mAM mAtastvatpAdasavidhamatikR^ipayA |
paripAlya cha suchiraM mAM kasmAddUrIkaroShi vada vANi || 3||
atiparichayAdavaj~nA prabhavetputreShu kiM savitrINAm |
nahi sA kvachidapi dR^iShTA kasmAddUrIkaroShi vada vANi || 4||
kAdAchitkanamaskR^itikartR^INAmapyabhIShTade tarasA |
nAhaM sakR^idapi nantA kasmAddUrIkaroShi vada vANi || 5||
gururUpeNAbAlyAtsoDhvA mantUMshcha matkR^itAnvividhAn |
parirakShya karuNayA mAM kasmAddUrIkaroShi vada vANi || 6||
jagatAM pAlanamanishaM kurvantyAste bhavetkiyAnbhAraH |
ahamamba dInavaryaH kasmAddUrIkaroShi vada vANi || 7||
pApAnnivArya saraNau vimalAyAM me pravartane tarasA |
kartavye sati kR^ipayA kasmAddUrIkaroShi vada vANi || 8||
yadyapyanyAnanyAndevAnArAdhayAmi na tvaM te |
sarvAtmiketi chapalaH kasmAddUrIkaroShi vada vANi || 9||
yAtrAshaktamimaM mAM galitasharIraM rujA samAkrAntam |
pAtramahetukadayAyAH kasmAddUrIkaroShi vada vANi || 10||
tava sadmani gurusadane vidyAtIrthAlaye cha bahusukhataH |
khelAM kurvantaM mAM kasmAddUrIkaroShi vada vANi || 11||
tvatkShetranikaTarAjannarasiMhAkhyAchalashR^i~NgAgre |
svairavihArakR^itaM mAM kasmAddUrIkaroShi vada vANi || 12||
tvatpAdapUtatu~NgAtIre vijane vane charantaM mAm |
anughasraM modabharAtkasmAddUrIkaroShi vada vANi || 13||
tu~NgAtIre dinakaraniveshanikaTasthale vipule |
dhyAyantaM paratattvaM kasmAddUrIkaroShi vada vANi || 14||
tu~NgAtIre raghuvaramandirapurataH sudIrghapAShANe |
kutukAdviharantaM mAM kasmAddUrIkaroShi vada vANi || 15||
jAtu cha narasiMhapure tu~NgAtIre susaikate modAt |
vihR^itiM kurvANaM mAM kasmAddUrIkaroShi vada vANi || 16||
yativarakR^itAtmavidyAvilAsamanishaM paThantamatimodAt |
kuhachittu~NgAtIre kasmAddUrIkaroShi vada vANi || 17||
sha~NkarabhagavatpAdapraNItachUDAmaNiM vivekAdim |
shR^iNvantaM nR^iharivane kasmAddUrIkaroShi vada vANi || 18||

iti shR^i~Ngeri shrIjagadguru shrIsachchidAnandashivAbhinavanR^isiMha\-
bhAratIsvAmibhiH virachitA shrIvANIprashnamAlAstutiH samAptA |

##
Proofread by PSA Easwaran

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}