% Text title            : vibhinnarUpalakShmIdhyAnaprakArAH
% File name             : vibhinnarUpalakShmIdhyAnaprakArAH.itx
% Category              : devii, lakShmI
% Location              : doc\_devii
% Proofread by          : PSA Easwaran psaeaswaran at gmail.com
% Description/comments  : shrIlakShmIkaTAkSha S K Rajagopalan 2001 collection of Laxmistotras
% Latest update         : May 5, 2017
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. vibhinnarUpalakShmIdhyAnaprakArAH ..}##
\itxtitle{.. vibhinnarUpalakShmIdhyAnaprakArAH ..}##\endtitles ##

shrIlakShmInArAyaNa dhyAnam |
kShIrAmbhonidhiratnamaNDapamahAsauvarNasiMhAsane |
vAmA~Nke sthitayA prasannavadanaM shrIkAntayA.a.ali~Ngitam ||
dordaNDA~Nkitasha~Nkhapa~NkajagadAchakrairudArashriyam |
tvAM nityaM kalayAmi janmavimukhaH lakShmIsha nArAyaNa ||

dvibhujAlakShmI \- hemavarNA |
hareH samIpe kartavyA lakShmIstu dvibhujA nR^ipa |
divyarUpAmbujakarA sarvAbharaNabhUShitA ||

gajalakShmI \- svarNavarNA |
lakShmIH shuklAmbarA devI rUpeNApratimA bhuvi |
pR^ithak chaturbhujA kAryA devI simhAsane shubhA ||
simhAsane.asyA kartavyaM kamalaM chArukarNikam |
aShTapatraM mahAbhAgA karNikAyAM susaMsthitA ||
vinAyakavadAsInA devI kAryA chaturbhujA |
bR^ihannAla~Nkare kAryaM tasyAshcha kamalaM shubham ||
dakShiNe yAdavashreShThaM keyUrabhrAntasaMsthitam |
vAme.amR^itaghaTaH kAryastadA rAjan manoharaH ||
tasyA.anyau cha karau kAryau bilvasha~Nkhadharau dvija |
avarjitakaraM kAryaM tatpR^iShThe ku~njaradvayam ||
devAshcha mastake kAryaM padmaM chApi manoharam ||
mahAlakShmI \- svarNavarNA |
kollApuraM vinA.anyatra mahAlakShmIryathochyate |
lakShmIvat sA sadAkAryA sarvAbharaNabhUShitA ||
dakShiNAdhaH kare pAtramUrdhvaM kaumodakIM tadA |
vAmordhve kheTaka~nchaiva shrIbalaM tadadhaH kare ||
bibhratI mastake padmaM pUjanIyA vibhUtaye ||

shrIdevI \- hemavarNA
pAshAkShamAlI kAmbhojamaNibhiryAmyasaumyayoH |
padmAsanasthAM kurvItha shriyaM trailokyamAtaram ||

chaturbhujA vIralakShmI \- svarNavarNA |
vIralakShmIriti khyAtA varadAbhayahastinI |
UrdhvapadmadvayakarA tathA padmAsane sthitA ||

dvibhujA vIralakShmI \- hemavarNA |
dakShiNe tvabhayaM bibhraduttare varadaM tathA |
UrU padmadalAkArau vIrashrImUrtilakShaNam ||

aShTabhujA vIralakShmI \- hemavarNA |
pAshA~NkushAkShasUtravarAbhayagadAbhadrahastA ||

prasannalakShmI \- svarNavarNA |
vande lakShmIM varashashimayIM shuddhajAmbUnadAbhAM
tejorUpAM kanakavasanAM sarvabhUShojjvalA~NgIm |
bIjApUraM kanakakalashaM hemapadme dadhAnAM
AdyAM shaktiM sakalajananIM viShNuvAmA~NkasaMsthAm ||

mahAlakShmI \- pravAlavarNA |
akShasrakparashuM gadeShu kulishaM padmaM dhanuH kuNDikAM
daNDaM shaktimasi~ncha charmajalajaM ghaNTAM surAbhAjanam |
shUlaM pAshasudarshane cha dadhatIM hastaiH pravAlaprabhAM
seve sairibhamardinImiha mahAlakShmIM sarojasthitAm ||

shrIlakShmI \- kanakavarNA |
aruNakamalasaMsthA tadrajaHpu~njavarNA
karakamaladhR^iteShvAbhItiyugmAmbujA cha |
maNimakuTavichitrAla~NkR^itA kalpajAtaiH
bhavatu bhuvanamAtA santataM shrIH shriyai naH ||

padmA \- padmavarNA
padmA padmAsanAsInA padmAbhA padmavAsinI |
hemaratnojjvalannagrakarNakuNDalamaNDitA ||
chandrabimbAmalamukhI karNapUrAyatekShaNA |
sayauvanA suramyA~NgI ku~nchitabhrUH suvibhramA ||
raktoShThI pInakaNThA cha ka~nchukAchChAditastanI |
shiraso maNDanaM chakraM sImantaM chaiva padmakam ||
nAgahastasamau bAhu keyUrakaTakojjvalau |
pa~NkajaM shrIphalaM vAme dakShiNe bibhratI parA ||
shobhanAmbarasampannA vipulashroNitA tathA |
mekhalAkaTisUtrA~NgA lakShmIH lakShmIvivardhanI ||

shrIlakShmI (aparA)
abhayavaradahastAM ratnasimhAsanasthAM
jalajakamalavarNAM hemavarNordhvahastAm |
kanakamaNivibhUShAmAsthitAM padmapAdAM
sakalabhuvanabhAgyAM bhAvaye vIralakShmIm ||

vAgIshvarI \- shvetavarNA |
shvetapadmAsanArUDhA shuklavarNA chaturbhujA |
jaTAmakuTasamyuktA ratnakuNDalamaNDitA ||
yaj~nopavItinI hAramuktAbharaNabhUShitA |
dukUlavasanA devI netratrayasamanvitA ||
sudaNDaM dakShiNe haste vAmahaste tu pustakam |
dakShiNe.akShamAlA~ncha kuNDikAM vAmahastake ||

shatruvidhvaMsinI \- nIlavarNA |
shatruvidhvaMsinI raudrA trishirA raktalochanA |
digambarA raktakeshI raktapANirmahodarI ||
etairAviShkR^itairghoraiH shIghramuchchATayeddviShaH ||

mR^itasa~njIvinI \- raktavarNA |
mR^itasa~njIvinIM devIM shAntarUpAMshcha bibhratIm |
pAshAhIndrA~NkushagadAkhaDgashUlavarAbhayAn ||
raktAmaShTabhujAM vande phullapadmAsane shubhe ||

aNimAdi aShTasiddhidevatA \- raktavarNA |
aNimA mahimA chaiva garimA laghimA tathA |
prAptiH prAkAmyamIshitvaM vashitvaM chAShTasiddhayaH ||
muktisiddhiH sarvasiddhiH dashasiddhaya IritAH |
etA devyashchaturbAhAH japAkusumasannibhAH ||
chintAmaNiM kapAla~ncha trishUlaM siddhakajjalam |
dadhAnA dayayApUrNA yogibhishcha niShevitA ||

mahAlakShmIsahita aShTamAtR^ikAH \- raktavarNAH |
brAhmI mAheshvarI chaiva kaumArI vaiShNavI tathA |
vArAhI chaiva mAhendrI chAmuNDA chaiva saptamA ||
mahAlakShmIraShTamA cha dvibhujA shoNavigrahAH |
kapAlamutpalaM chaiva bibhrANA raktavAsasaH ||
athavAnyaprakAreNa kechittAn yaM prachakShate |
brahmAdisadR^ishAkArAH brahmAdisadR^ishAyutAH ||
brahmAdInAM paraM chihnaM dhArayantyaH prakIrtitAH ||

sarvama~NgalA \- kanakavarNA |
sha~NkhaM chakra~ncha chApaM sR^iNimapi sumahAkheTakhaDgau suchApaM
bANaM kahlArapuShpaM tadanukaragataM mAtula~NgaM dadhAnAm |
udyadbAlArkavarNAM tribhuvanavijayAM pa~nchavaktrAM trinetrAM
devIM pItAmbarADhyAM kuchabharanamitAM santataM bhAvayAmi ||
hemAbhAM karuNAbhipUrNanayanAM mANikyabhUShojjvalAM
dvAtriMshaddalaShoDashAShTadalayuk padmasthitAM susmitAm ||
bhaktAnAM varadAM varaM cha dadhatIM vAmena hastena tat
dakSheNAbhayamAtula~NgasuphalaM shrIma~NgalAM bhAvaye ||

jvAlAmAlini \- kanakavarNA
kalpAntAgnisamaprabhAM smitamukhaiH ShaDbhirbhujadvAdashaiH
yuktAM pAshakakheTaka~ncha susharaM shUlaM varaM vAmake |
dakShetva~NkushakhaDgashaktisusharaM chApAbhaye bibhratIM
jvAlAmAlini sa~nchitAM maNimayIbhUShAnvitAmAshraye ||

mitrA \- raktavarNA
bAlArkakAnti cha shilAM jitavaktrashobhAM
pAshA~Nkushau cha varamapyabhayaM dadhAnAm |
chitrAMshukAM cha navaratna vibhUShitA~NgIM
chitrAmbikAM trinayanAM hR^idi bhAvayAmi ||

gAyatrI \- raktavarNA
devIM pUrvAhnasaMdhyAyAM gAyatrIM vahnirUpiNIm |
kumArIM raktavastrA~NgIM raktasraganulepanAm ||
chaturbhujAM chaturvaktrAM varadAM chAShTalochanAm |
padmAkShamAlAvalayAM bibhratIM dakShiNe kare ||
vAme kamaNDaluM pANau sruvaM savyetare kare |
abhayaM vAmahaste cha padmapIThe pratiShThitAm ||
R^igvedarUpiNIM prAtassavanAM haMsavAhanAm |
rasAyanA~ncha prahatIM gArhapatye pratiShThitAm ||

sAvitrI \- shuklavarNA (madhyAhnam)
devIM madhyAhnasandhyAyAM sAvitrIM rudrarUpiNIm |
yuvatIM shvetavastrAkhyAM shuklasraganulepanAm ||
chaturbhujAM chaturvaktrAM varadAM dvAdashekShaNAm |
rudrAkShamAlAvalayAM bibhratIM dakShiNe kare ||
vAme kare.abhayaM devIM tathaivArkendudhAriNIm |
svarNapIThe sthitAM saumye yajurvedasvarUpiNIm ||
mAdhyandinAkhyasavane satAM govR^iShavAhanAm |
dakShiNAgnisvarUpAM tAM dhyAyennityaM vishuddhadhIH ||

sarasvatI \- shyAmavarNA (sAya~NkAlaM)
sarasvatIM tu sAyAhne sandhyAyAM viShNurUpiNIm |
sthavirendIvarashyAmAM nIlaku~nchitamUrdhajAm ||
chaturbhujAM chaikavaktrAM padmapatrAyatekShaNAm |
sha~NkhaM chakraM gadA~nchaiva tathaivAbhayadaM punaH ||
pItAmbaraM dadhAnA~ncha divyasraganulepanAm |
tR^itIyasavanAkhyA~ncha dhyAyedvai viShNurUpiNIm ||
nIlapIThe sthitAM saumye sAmavedasvarUpiNIm |
varadAM garuDArUDhAM AhavanIye vyavasthitAm ||

vashyamukhI \- raktavarNA
sandhAya sumanobANaM karShantImaikShavaM dhanuH |
jagajjaitrIM japAsaktAM devIM vashyamukhIM bhaje ||

saptamAtR^ikAsu \-

brAhmI \- pItavarNA
tatra brAhmI chaturvaktrA ShaDbhujA haMsasaMsthitA |
pi~NgAbhA bhUShaNopetA mR^igacharmottarIyakA ||
varaM sUtraM sruvaM dhatte dakShabAhUttare kramAt |
vAme tu pustakaM kuNDIM bibhratI chAbhaya~Nkaram ||

mAheshvarI \- shvetavarNA
mAheshvarI vR^iShArUDhA pa~nchavaktrA trilochanA |
shvetavarNA dashabhujA chandrarekhAvibhUShitA ||
khaDgaM vajraM trishUla~ncha parashuM chAbhayaM varam |
pAshaM ghaNTAM tathA nAgama~NkushaM bibhratI karaiH ||

kaumArI \- pATalavarNA
ShaDAnanA tu kaumArI pATalAbhA sushIlakA |
ravibAhurmayUrasthA varadA shaktidhAriNI ||
patAkAM bibhratI daNDaM pAtraM bANa~ncha dakShiNe |
vAme chApamatho ghaNTAM kamalaM kukkuTaM tathA ||
parashuM bibhratI chaiva dadhatastvabhayAnvitA ||

vaiShNavI \- nIlavarNA
vaiShNavI tArkShyakA shyAmA ShaDbhujA vanamAlinI |
varadA gadinI dakShe bibhratI cha kare.ambujam ||
sha~NkhachakrAbhayAnvAme sA cheyaM vilasadbhujA ||

vArAhI \- kR^iShNavarNA
kR^iShNavarNA tu vArAhI mahiShasthA mahodarI |
varadA daNDinI khaDgaM bibhratI dakShiNe kare ||
kheTapAtrAbhayAnvAme sUkarAsyA lasadbhujA ||

aindrI \- kanakavarNA
aindrI sahasradR^ik saumyA hemAbhA gajasasasthitA |
varadA sUtriNI vajraM bibhratyUrdhvaM tu dakShiNe ||
vAme tu kamalaM pAtraM hyabhayaM tadadhaH kare ||

chAmuNDA \- kR^iShNavarNA
chAmuNDA pretakA kR^iShNA vikR^itA chAhibhUShaNA |
daMShTrAlA kShINadehA cha kartAkShI kAmarUpiNI ||
digbAhuH kShaumakukShI cha musalaM chakrachAmare |
a~NkushaM bibhratI khaDgaM dakShiNe chAtha vAmake ||
kheTaM pAshaM dhanurdaNDaM kuThAraM chApi bibhratI ||

siddhidAyinI \- shvetavarNA
siddhagandharvayakShAdyairasurairamarairapi |
sevyamAnA sadA bhUyAtsiddhidA siddhidAyinI ||

aparAjitA \- nIlavarNA
nIlotpalanibhAM devIM nidrAmudritalochanAm |
nIlaku~njitakeshAgnAM nimnanAbhIvalitrayAm ||
varAbhayakarAmbhojAM praNatArtivinAshinIm |
pItAmbaravaropetAM bhUShaNasragvibhUShitAm ||
varashaktyAkR^itiM saumyAM parasainyaprabha~njanIm |
sha~NkhachakragadA.abhItiramyahastAM trilochanAm ||
sarvakAmapradAM devIM dhyAyettAmaparAjitAm ||

tulasI \- shyAmavarNA
dhyAyechcha tulasIM devIM shyAmAM kamalalochanAm |
prasannAM padmakalhAra varAbhaya chaturbhujAm ||
kirITahArakeyUrakuNDalAdivibhUShitAm |
dhavalAMshukasabhyuktAM padmAsananiSheduShIm ||


bhUdevI \- svarNavarNA
svargavarNA dvihastA cha dakShiNenAbhayapradA |
dADimIphalasamyuktA vAme kalpataroradhaH ||
vAmapAdena saMspR^iShTanidhikumbhAdharA tathA |
sarvAla~NkArabhUShADhyA dhyeyA sarvaphalapradA ||

nIlAdevI \- shyAmavarNA
nIlotpalaghanashyAmA nIlavastravibhUShitA |
chaturbhujA sukhAsInA varAbhayakarAnvitA ||
itarAbhyAM tu hastAbhyAM kumudadvayadhAriNI |
sarvAbharaNasamyuktA nIlAdevI samIritA ||

ashvArUDhA rAjalakShmI \- hiraNyavarNA
chatura~NgabalopetAM dhanadhAnyasukheshvarIm |
ashvArUDhAmahaM vande rAjalakShmIM hiraNmayIm ||

iti vibhinnarUpalakShmIdhyAnaprakArAH sampUrNAH |
##
Proofread by PSA Easwaran psaeaswaran at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}