% Text title            : yamunAShTakam 7
% File name             : yamunAShTakam7.itx
% Category              : devii, nadI, aShTaka, devI
% Location              : doc\_devii
% Author                : Vanamalishastri
% Proofread by          : NA
% Latest update         : January 15, 2019
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Yamunashtakam 7 ..}##
\itxtitle{.. shrIyamunAShTakam 7 ..}##\endtitles ##
tvayi snAtA dhyAtA tava salilapAtA namayitA
     stuteH kartA dhartA tava rajasi martA ravisute |
na chaivAkhyAM vaktA shamanasadane yAti yamune
     namAmastvAM nityAM sakalaguNayuktAM ravisutAm || 1||
murArAteH kAyapratimalalitaM vAri dadhatIM
     kalindAdreH shR^i~NgAdapi patanashIlAM gatimatIm |
svapAdAbjaM dhyAturjanimaraNashokaM vitudatIM
     namAmastvAM nityAM sakalaguNayuktAM ravisutAm || 2||
kadambAnAM puShpAvalibhiranishaM rUShitajalAM
     vidhIndrAdyairdevairmunijanakulaiH pUjitapadAm |
bhramadgogodhugbhirvihaganikarairbhUShitataTAM
     namAmastvAM nityAM sakalaguNayuktAM ravisutAm || 3||
raNadbhR^i~NgashreNIvikasitasarojAvaliyutAM
     tara~NgAntarbhrAmyanmakarasapharIkachChapakulAm |
jalakrIDadrAmAnujacharaNasaMshleSharasikAM
     namAmastvAM nityAM sakalaguNayuktAM ravisutAm || 4||
tarushreNIku~njAvalibhirabhitaH shobhitataTAM
     mahokShANAM shR^i~NgAvalibhirabhito marditataTAm |
sthitAM vR^indATavyAM satatamabhitaH puShpitavanAM
     namAmastvAM nityAM sakalaguNayuktAM ravisutAm || 5||
nishAyAM yasyAM bimbitamamalatArAgaNamaho
     vilokyotkaNThante sakalasapharA attumanisham |
vikIrNaM lAjAnAM nikaramiti matvA sarabhasaM
     namAmastvAM nityAM sakalaguNayuktAM ravisutAm || 6||
sharanmeghachChAyA sakalamanujairyatsalilagA
     hareH svasyAmAptuM snapanamiti buddhyA sarabhasam |
kimAyAtA garbhe surasaridaho tarkyata iti
     namAmastvAM nityAM sakalaguNayuktAM ravisutAm || 7||
nR^iNAmIkShAmAtrAdapi sakalasaukhyaM vidadhatI\-
     manAyAsenaivAkhilabhuvanabhogyaM pradadatIm |
svakAntInAM vyUhairbalabhidupalaM chApi tudatIM
     namAmastvAM nityAM sakalaguNayuktAM ravisutAm || 8||
mamaiShA vij~naptiH padakamalayoste taraNije
     baTe hA bhANDIre tava vimalatIre nivasataH |
hare kR^iShNetyuchchairapi cha tava nAmAni gadataH
     sadA vR^indAraNye janani jananaM yAtu mama vai || 9||
kimAyAtA kAlaH sa iha janane me hatavidhe\-
     ryadAyAtaH kR^iShNo madhumadhuravA~NnirjharajalaiH |
shrutermArgaM si~nchankarakamalayugmena sahasA
     mada~NgaM svA~Nge hA vratatimiva vR^ikSho gamayitA || 10||
idaM stotraM prAtaH paThati yamunAyAH pratidinaM
     sharIrI yastasyopari bhavati prItA ravisutA |
hareH preShTho bhUtvA haricharaNabhaktiM cha labhate
     bhuvo bhogAnmuktvA vrajati maraNAnte haripadam || 11||

iti shrIvanamAlishAstrivirachitaM shrIyamunAShTakam |
##

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}