% Text title            : yamunAstavam from Gargasamhita
% File name             : yamunAstavamgargasamhitA.itx
% Category              : devii, nadI, stotra, devI
% Location              : doc\_devii
% Transliterated by     : Vishwas Bhide vrbhide at rediffmail.com
% Proofread by          : Vishwas Bhide, PSA Easwaran
% Description-comments  : gargasamhitA
% Acknowledge-Permission: Vishwas Bhide http://satsangdhara.net/
% Latest update         : February 3, 2016
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. yamunAstavam ..}##
\itxtitle{.. yamunAstavam ..}##\endtitles ##
gargasaMhitAntargatam

mAndhAtovAcha \-
yamunAyAH stavaM divyaM sarvasiddhikaraM param |
saubhare munishArdUla vada mAM kR^ipayA tvaram || 1||
shrIsaubhariruvAcha \-
mArtaNDakanyakAyAstu stavaM shR^iNu mahAmate |
sarvasiddhikaraM bhUmau chAturvargyaphalapradam || 2||
kR^iShNavAmAMsabhUtAyai kR^iShNAyai satataM namaH |
namaH shrIkR^iShNarUpiNyai kR^iShNe tubhyaM namo namaH || 3||
yaH pApapa~NkAmbukala~NkakutsitaH kAmI kudhIH satsu kaliM karoti hi |
vR^indAvanaM dhAma dadAti tasmai nadanmilindAdi kalindanandinI || 4||
kR^iShNe sAkShAtkR^iShNarUpA tvameva vegAvarte vartase matsyarUpI |
UrmAvUrmau kUrmarUpI sadA te bindau bindau bhAti govindadevaH || 5||
vande lIlAvatIM tvAM saghanaghananibhAM kR^iShNavAmAMsabhUtAM
vegaM vai vairajAkhyaM sakalajalachayaM khaNDayantIM balAtsvAt |
ChitvA brahmANDamArAtsuranagaranagAn gaNDashailAdidurgAn
bhitvA bhUkhaNDamadhye taTanidhR^itavatImUrmimAlAM prayAntIm || 6||
divyaM kau nAmadheyaM shrutamatha yamune daNDayatyadritulyaM
pApavyUhaM tvakhaNDaM vasatu mama girAM maNDale tu kShaNaM tat |
daNDyAMshchAkAryadaNDyA sakR^idapi vachasA khaNDitaM yadgR^ihItaM
bhrAturmArtaNDasUnoraTati puri dR^iDhaste prachaNDo.atidaNDaH || 7||
rajjurvA viShayAndhakUpataraNe pApAkhudarvIkarI |
veNyuShNik cha virAjamUrtishiraso mAlAsti vA sundarI |
dhanyaM bhAgyamataH paraM bhuvi nR^iNAM yatrAdikR^idvallabhA |
goloke.apyatidurlabhAtishubhagA bhAtyadvitIyA nadI || 8||
gopIgokulagopakelikalite kAlindi kR^iShNaprabhe
tvatkUle jalalolagolavichalatkallolakolAhalaH |
tvatkAntArakutUhalAlikulakR^ijjha~NkArakekAkulaH
kUjatkokilasa~Nkulo vrajalatAla~NkArabhR^itpAtu mAm || 9||
bhavanti jihvAstanuromatulyA giro yadA bhUsikatA ivAshu |
tadapyalaM yAnti na te guNAntaM santo mahAntaH kila sheShatulyAH || 10||
kalindagirinandinIstava uShasyayaM vAparaH
shrutashcha yadi pAThito bhuvi tanoti sanma~Ngalam |
jano.api yadi dhArayetkila paThechcha yo nityashaH
sa yAti paramaM padaM nijaniku~njalIlAvR^itam || 11||

iti shrIgargasaMhitAyAM mAdhuryakhaNDe shrInAradabahulAshvasaMvAde
shrIsaubharimAndhAtR^isaMvAde shrIyamunAstavo nAma saptadasho.adhyAyaH || 17||

##
Garga Samhita, Madhuryakhanda, Adhaya 17
Encoded by Vishwas Bhide vrbhide at rediffmail.com http://satsangdhara.net/
Proofread by PSA Easwaran


\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}