% Text title            : devarShikRitaMgajAnanastotram
% File name             : devarShikRitaMgajAnanastotram.itx
% Category              : ganesha, stotra
% Location              : doc\_ganesha
% Author                : Traditional
% Transliterated by     : http://www.webdunia.com
% Proofread by          : Karthik Chandan.P : Amith K Nagaraj (amithkn at rediffmail.com)
% Description-comments  : mudgalapurANa
% Latest update         : March 9, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. devarShikRitaM gajAnanastotram ..}##
\itxtitle{.. gajAnanastotraM devarShikR^itam ..}##\endtitles ##

shrI gaNeshAya namaH ||
mudvadala uvAcha \-
shAnti\-rUpa\-dharaM lobhaM dR^iShTvA devarShayo.amalAH |
gajAnanaM nijaM nAthaM harShitA nemurAdarAt ||
gajAnanaM pUjayitvA vidhAnena surarShayaH |
punaH praNamya taM sarve tuShTuvuH karasampuTaiH ||
(surarShaya UchuH \-)
devarShaya UchuH |
videharUpaM bhavabandhahAraM sadA svaniShThaM svasukhapradam tam |
ameyasA.nkhyena cha lakShmIshaM gajAnanaM bhaktiyutaM bhajAmaH || 1||
munIndravandyaM vidhibodhahInaM subuddhidaM buddhidharaM prashAntam |
vikArahInaM sakalA.nmakaM vai gajAnanaM bhaktiyutaM bhajAmaH || 2||
ameya rUpaM hR^idi sa.nsthitaM taM brahmA.ahamekaM bhramanAshakAram |
anAdi\-madhyAntamapArarUpaM gajAnanaM bhaktiyutaM bhajAmaH || 3||
jagatpramANaM jagadIshamevamagamyamAdyaM jagadAdihInam |
anAtmanAM mohapradaM purANaM gajAnanaM bhaktiyutaM bhajAmaH || 4||
na pR^ithvirUpaM na jalaprakAshanaM na tejasa.nsthaM na samIrasa.nstham |
na khe gataM pa.nchavibhUtihInaM gajAnanaM bhaktiyutaM bhajAmaH || 5||
na vishvagaM taijasagaM na prAj~naM samaShTi\-vyaShTistha\-manantagaM tam |
guNairvihInaM paramArthabhUtaM gajAnanaM bhaktiyutaM bhajAmaH || 6||
gaNeshagaM naiva cha bindusa.nsthaM na dehinaM bodhamayaM na DhuNDhI |
suyogahInaM pravadanti tatsthaM gajAnanaM bhaktiyutaM bhajAmaH || 7||
anAgataM graivagataM gaNeshaM kathaM tadAkAramayaM vadAmaH |
tathApi sarvaM pratidehasa.nsthaM gajAnanaM bhaktiyutaM bhajAmaH || 8||
yadi tvayA nAtha! ghR^itaM na ki.nchittadA kathaM sarvamidaM bhajAmi |
ato mahAtmAnamachintyamevaM gajAnana bhaktiyutaM bhajAmaH || 9||
susiddhidaM bhaktajanasya devaM sakAmikAnAmiha saukhyadaM tam |
akAmikAnAM bhavabandhahAraM gajAnanaM bhaktiyutaM bhajAmaH || 10||
surendrasevyaM hyasuraiH susevyaM samAnabhAvena virAjayantam |
anantabAhu mUShakadhvajaM taM gajAnanaM bhaktiyutaM bhajAmaH || 11||
sadA sukhAnandamayaM jale cha samudraje ikShurase nivAsam |
dvandvasya yAnena cha nAsharUpe gajAnanaM bhaktiyutaM bhajAmaH || 12||
chatuHpadArthA vividhaprakAshastadeva hastaM suchaturbhujaM tam |
anAthanAthaM cha mahodaraM vai gajAnanaM bhaktiyutaM bhajAmaH || 13||
mahAkhumArUDhamakAlakAlaM videhayogena cha labhyamAnam |
amAyinaM mAyikamohadaM taM gajAnanaM bhaktiyutaM bhajAmaH || 14||
ravisvarUpaM ravibhAsahInaM harisvarUpaM haribodhahInam |
shivasvarUpaM shivabhAsanAshaM gajAnanaM bhaktiyutaM bhajAmaH || 15||
maheshvarIsthaM cha sushaktihInaM prabhuM pareshaM paravandyamevam |
achAlakaM chAlakabIjarUpaM gajAnanaM bhaktiyutaM bhajAmaH || 16||
shivAdi\-devaishcha khagaishcha vandyaM narairlatA\-vR^ikSha\-pashupramukhyaiH |
charA.acharairloka\-vihInamevaM gajAnanaM bhaktiyutaM bhajAmaH || 17||
manovachohInatayA susa.nsthaM nivR^ittimAtraM hyajamavyayaM tam |
tathA.api devaM purasa.nsthitaM taM gajAnanaM bhaktiyutaM bhajAmaH || 18||
vayaM sudhanyA gaNapastavena tathaiva martyArchanatastathaiva |
gaNesharUpAshcha kR^itAstvayA taM gajAnanaM bhaktiyutaM bhajAmaH || 19||
gajAkhyabIjaM pravadanti vedAstadeva chihnena cha yoginastvAm |
gachChanti tenaiva gajAnanaM taM gajAnanaM bhaktiyutaM bhajAmaH || 20||
purANavedAH shivaviShNukAdyAmarAH shukAdyA gaNapastave vai |
vikuNThitAH kiM cha vayaM stavAmo gajAnanaM bhaktiyutaM bhajAmaH || 21||
mudgala uvAcha ||
evaM stutvA gaNeshAnaM nemuH sarve punaH punaH |
tAnutthApya vacho ramyaM gajAnana uvAcha ha || 22||
gajAnana uvAcha ||
varaM brUta mahAbhAgA devAH sarShigaNAH param |
stotreNa prItisa.nyukto dAsyAmi vA.nChitaM param || 23||
gajAnanavachaH shrutvA harShayuktA surarShayaH |
jagustaM bhaktibhAvena sAshrunetrA prajApate || 24||
devarShaya UchuH ||
yadi gajAnana svAmin prasanno varado.asi me |
tadA bhaktiM dR^iDhAM dehi lobhahInAM tvadIyakAm || 25||
lobhAsurasya devesha kR^itA shAntiH sukhapradA |
tayA gajadidaM sarvaM varayuktaM kR^itaM tvayA || 26||
adhunA devadevesha! karmayuktA dvijAtayaH |
bhaviShyanti dharAyAM vai vayaM svasthAnagAstathA || 27||
sva\-svadharmaratAH sarve kR^itAstvayA gajAnana!|
ataH paraM varaM DhuNDhe yAchamAnaH kimapyaho!|| 28||
yadA te smaraNaM nAtha kariShyAmo vayaM prabho |
tadA sa.nkaTahInAn vai kurU tvaM no gajAnana!|| 29||
evamuktvA praNemustaM gajAnanamanAmayam |
tAnuvAcha saprItyAtmA bhaktAdhInaH svabhAvataH || 30||
gajAnana uvAcha ||
yadyachcha prArthitaM devA munayaH sarvama.njasA |
bhaviShyati na sandeho matsmR^ityA sarvadA hi vaH || 31||
bhavatkR^itamadIyaM vai stotraM sarvatra siddhidam |
bhaviShyati visheSheNa mama bhakti\-pradAyakam || 32||
putra\-pautra\-pradaM pUrNaM dhana\-dhAnya\-pravardhanam |
sarvasampatkaraM devAH paThanAchChravaNAnnR^iNAm || 33||
mAraNochchATanAdIni nashyanti stotrapAThataH |
parakR^ityaM cha viprendrA ashubhaM naiva bAdhate || 34||
sa.ngrAme jayadaM chaiva yAtrAkAle phalapradam |
shatrUchchATanAdiShu cha prashastaM tad bhaviShyati || 35||
kArAgR^ihagatasyaiva bandhanAshakaraM bhavet |
asAdhyaM sAdhayet sarvamanenaiva surarShayaH || 36||
ekavi.nshati vAraM tat chaikavi.nshaddinAvadhim |
prayogaM yaH karotyeva sarvasiddhiyuto bhavet || 37||
dharmA.arthakAma\-mokShANAM brahmabhUtasya dAyakam |
bhaviShyati na sandehaH stotraM madbhaktivardhanam || 38||
evamuktvA gaNAdhIshastatraivAntaradhIyata ||
iti mudgalapurANAntargataM gajAnanastotraM sampUrNam ||
##proofread by Karthik Chandan.P (kardan5380@yahoo.com)
Amith K Nagaraj (amithkn@rediffmail.com)

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}