% Text title            : Dhumravarna Stuti by Devarshi
% File name             : dhUmravarNastutiHdevarShibhiHproktA.itx
% Category              : ganesha
% Location              : doc\_ganesha
% Transliterated by     : Ajit Krishnan
% Proofread by          : Ajit Krishnan, PSA Easwaran
% Description/comments  : Mudgalapurana, Khanda 8, Adhyaya 8
% Latest update         : April 23, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Dhumravarna Stuti by Devarshi ..}##
\itxtitle{.. dhUmravarNastutiH devarShibhiH proktA ..}##\endtitles ## 
shiva uvAcha \-
shAntirUpadharaM pUrNaM gANeshAha~NkR^itisthitam |
ahaM dR^iShTvA surA viprA vismitA abhavan dvijAH | 1
tataste dhUmravarNaM vai pupUjurbhaktisaMyutAH |
punaH praNamya taM sarve tUShTuvuH karasampuTAH || 2||
devarShaya UchuH
ajAyAtha sarvAdipUjyAya nityaM nirAlambaneti svarUpAya DhuNDhe ! |
sadA.avyaktarUpAya sarvAntagAya namo dhUmravarNAya sarveshvarAya || 3||
sadA mohahInAya mohapradAya janebhyaH prabho! mohahantre nijAnAm |
mahAnandatraividhyabhAvaiH paresha! namo dhUmravarNAya sarveshvarAya || 4||
namaH sidvibuddhipradAtre gaNesha! pure vAsakArin! svasaMvedyanAmni |
anAthAya nAthAya sarveshvarANAM namo dhUmravarNAya sarveshvarAya || 5||
sadA svechChayA khelakArAya tubhyaM sagauNAya nairguNyabhAvAya brahman! |
mahA.a.akhudhvajAyA.atha herambakAya namo dhUmravarNAya sarveshvarAya || 6||
gajAkAratuNDAya lambodarAya trinetrAya shUrpashrutikShobhakArin! |
madAsaktayogIndra! bhR^i~NgAtmakAnAM namo dhUmravarNAya sarveshvarAya || 7||
chaturbAhave chaikadantAya tubhyaM vichitrairanarghaistu sambhUShitAya |
ala~NkArakairdevadevesha! pAtre namo dhUmravarNAya sarveshvarAya || 8||
tvayA sR^iShTamAdyaM samaM sarvabhAvayutaM mohadaM mAyinAM nandanAdvai |
tadAkArarUpeNa tatsthAya bhUmne namo dhUmravarNAya sarveshvarAya || 9||
tvayA preritenAtha tenA.api sR^iShTaM sadAtmasvarUpaM paraM jIvanaM yat |
abhedAtmakaM tatra saMsthAya tubhyaM namo dhUmravarNAya sarveshvarAya || 10||
tatstena sR^iShTaM sadA bhedakAnAM nijaM daivataM brahmabhAvena tatstham |
tadAkArarUpeNa tatsthAya brahman! namo dhUmravarNAya sarveshvarAya || 11||
asadbhAvayuktena sR^iShTaM videhaM paraM brahma sA~NkhyAtmakaM mUlabIjam |
tvayA preritenAtra vAsapradAyinnamo dhUmravarNAya sarveshvarAya || 12||
svatotthAnarUpaM videhena sR^iShTaM tvadIyaprabodhena vighneshvarAya |
tadAkArarUpAya tatrasthakAya namo dhUmravarNAya sarveshvarAya || 13||
tatastena te sattayA sR^iShTamAdyaM
     sadaikasvarUpaM paraM so.ahamevam |
tathA tvaM cha tatraiva saMsthaH parAtman!  
     namo dhUmravarNAya sarveshvarAya || 14||
tvayA preritenAtha tenaiva sR^iShTaM chaturNAM pramUlaM mahadbindurUpam |
sadA sAhajenaiva yogena tatstho namo dhUmravarNAya sarveshvarAya || 15||
tato nAdarUpaM samaM yatsuShuptaM paraM sUkShmarUpaM tataH sthUlabhAvam |
sadA sAhajenaiva yogena tatstho namo dhUmravarNAya sarveshvarAya || 16||
namo vishvarUpAya sarvAkarAya hyanantAnanAdyaiH suchihnAya tubhyam |
charaiH sthAvarairbhogabhogin! namaste namo dhUmravarNAya sarveshvarAya || 17||
charAyA.atha te sthAvarAyaiva tubhyaM namo sR^iShTikartre supAtre harAya |
prakAshAya sUryAya devImayAya namo dhUmravarNAya sarveshvarAya || 18||
namo devapakShAya sAdhyAya tubhyaM narAyA.atha devedra! devAtmakAya |
digIshAya vR^ikShAdibIjAtmakAya namo dhUmravarNAya sarveshvarAya || 19||
namaH sarparUpAya daityAtmakAya samudrAdinAnAprabhedasthamUrte! |
anantaiH svarUpaiH sadA krIDasi tvaM namo dhUmravarNAya sarveshvarAya || 20||
tathA.api tvamevaM tadAkArahInaH sadA sAhajenaiva yogena yogin! |
svasattAtmakAyaiva tubhyaM namaste namo dhUmravarNAya sarveshvarAya || 21||
ato vedavAdA visheSheNa dhUmrA bhavanti hyaho varNituM te svarUpam |
budhaiH kathyase dhUmravarNastatastvaM namo dhUmravarNAya sarveshvarAya || 22||
sushAntiM gatA vedayogIndramukhyAstvayi brahmanAthe sadA dhUmravarNam |
vayaM kiM stuvImo.alpabodhA namaste namo dhUmravarNAya sarveshvarAya || 23||
dhUmravarNa uvAcha \-
stotraM bhavatkR^itaM me tu bhaviShyati susiddhidam |
brahmabhUyakaraM viprA bhaviShyati na saMshayaH || 26||
putrapautrakalatrAdi saukhadaM dhanadhAnyadam |
AyurArogyakaishvaryadAyakaM prabhaviShyati || 27||
paThate shR^iNvate devA nAnAbhAvaprapUrakam |
dharmArthakAmamokShANAM dAyakaM bhajatAmidam || 28||
mAraNochchATanAdIni hyekaviMshatipAThataH |
ekaviMshatibhirnityaM divasaiH prabhavanti hi || 29||
parakR^ityAdikaM sarvaM nAshameti na saMshayaH |
anena stotramukhyena stuvataH sarvadA dvijAH || 30||
yaM yaM chintayet kAmaM taM taM dAsyAmi sarvadA |
stuto.anena mahAdevAH stotreNa tuShTimAgataH || 31||

iti devarShibhiHproktA dhUmravarNastutiH samAptA | 8\.8

##
Encoded by Ajit Krishnan
Proofread by Ajit Krishnan, PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}