% Text title            : ekadantagaNesha stotram
% File name             : ekadantagaNeshastotra.itx
% Category              : ganesha, stotra
% Location              : doc\_ganesha
% Transliterated by     : Available at webdunia.com
% Proofread by          : Ravin Bhalekar ravibhalekar at hotmail.com
% Latest update         : April 27, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. ekada.ntagaNeshastotram ..}##
\itxtitle{.. ekada.ntagaNeshastotram ..}##\endtitles ##

shrIgaNeshAya namaH |
madAsuraM sushAntaM vai dR^iShTvA viShNumukhAH surAH |
bhR^igvAdayashcha munaya ekadantaM samAyayuH || 1||
praNamya taM prapUjyAdau punastaM nemurAdarAt |
tuShTuvurharShasa.nyuktA ekadantaM gaNeshvaram || 2||
devarShaya UchuH
sadAtmarUpaM sakalAdi\-bhUtamamAyinaM so.ahamachintyabodham |
anAdi\-madhyAnta\-vihInamekaM tamekadantaM sharaNaM vrajAmaH || 3||
ananta\-chidrUpa\-mayaM gaNeshaM hyabheda\-bhedAdi\-vihInamAdyam |
hR^idi prakAshasya dharaM svadhIsthaM tamekadantaM sharaNaM vrajAmaH || 4||
vishvAdibhUtaM hR^idi yoginAM vai pratyakSharUpeNa vibhAntamekam |
sadA nirAlamba\-samAdhigamyaM tamekadantaM sharaNaM vrajAmaH || 5||
svabimbabhAvena vilAsayuktaM bindusvarUpA rachitA svamAyA |
tasyAM svavIryaM pradadAti yo vai tamekadantaM sharaNaM vrajAmaH || 6||
tvadIya\-vIryeNa samarthabhUtA mAyA tayA saMrachitaM cha vishvam |
nAdAtmakaM hyAtmatayA pratItaM tamekadantaM sharaNaM vrajAmaH || 7||
tvadIya\-sattAdharamekadantaM gaNeshamekaM trayabodhitAram |
sevanta ApustamajaM trisa.nsthAstamekadantaM sharaNaM vrajAmaH || 8||
tatastvayA prerita eva nAdastenedamevaM rachitaM jagadvai |
AnandarUpaM samabhAvasa.nsthaM tamekadantaM sharaNaM vrajAmaH || 9||
tadeva vishvaM kR^ipayA tavaiva sambhUtamAdyaM tamasA vibhAtam |
anekarUpaM hyajamekabhUtaM tamekadantaM sharaNaM vrajAmaH || 10||
tatastvayA preritameva tena sR^iShTaM susUkShmaM jagadekasa.nstham |
sattvAtmakaM shvetamanantamAdyaM tamekadantaM sharaNaM vrajAmaH || 11||
tadeva svapnaM tapasA gaNeshaM saMsiddhirUpaM vividhaM vabhUva |
sadekarUpaM kR^ipayA tavA.api tamekadantaM sharaNaM vrajAmaH || 12||
sampreritaM tachcha tvayA hR^idisthaM tathA susR^iShTaM jagada.nsharUpam |
tenaiva jAgranmayamaprameyaM tamekadantaM sharaNaM vrajAmaH || 13||
jAgratsvarUpaM rajasA vibhAtaM vilokitaM tatkR^ipayA yadaiva |
tadA vibhinnaM bhavadekarUpaM tamekadantaM sharaNaM vrajAmaH || 14||
evaM cha sR^iShTvA prakR^itisvabhAvAttadantare tvaM cha vibhAsi nityam |
buddhipradAtA gaNanAtha ekastamekadantaM sharaNaM vrajAmaH || 15||
tvadAj~nayA bhAnti grahAshcha sarve nakShatrarUpANi vibhAnti khe vai |
AdhArahInAni tvayA dhR^itAni tamekadantaM sharaNaM vrajAmaH || 16||
tvadAj~nayA sR^iShTikaro vidhAtA tvadAj~nayA pAlaka eva viShNuH |
tvadAj~nayA sa.nharako haro.api tamekadantaM sharaNaM vrajAmaH || 17||
yadAj~nayA bhUrjalamadhyasa.nsthA yadAj~nayA.apaH pravahanti nadyaH |
sImAM sadA rakShati vai samudrastamekadantaM sharaNaM vrajAmaH || 18||
yadAj~nayA devagaNo divistho dadAti vai karmaphalAni nityam |
yadAj~nayA shailagaNo.achalo vai tamekadantaM sharaNaM vrajAmaH || 19||
yadAj~nayA sheSha ilAdharo vai yadAj~nayA mohapradashcha kAmaH |
yadAj~nayA kAladharo.aryamA cha tamekadantaM sharaNaM vrajAmaH || 20||
yadAj~nayA vAti vibhAti vAyuryadAj~nayA.agnirjaTharAdisa.nsthaH |
yadAj~nayA vai sacharA.acharaM cha tamekadantaM sharaNaM vrajAmaH || 21||
sarvAntare sa.nsthitamekagUDhaM yadAj~nayA sarvamidaM vibhAti |
anantarUpaM hR^idi bodhakaM vai tamekadantaM sharaNaM vrajAmaH || 22||
yaM yogino yogabalena sAdhyaM kurvanti taM kaH stavanena stauti |
ataH praNAmena susiddhido.astu tamekadantaM sharaNaM vrajAmaH || 23||
gR^itsamada uvAcha
evaM stutvA cha prahlAda devAH samunayashcha vai |
tUShNIM bhAvaM prapadyaiva nanR^iturharShasa.nyutAH || 24||
sa tAnuvAcha prItAtmA hyekadantaH stavena vai |
jagAda tAn mahAbhAgAn devarShIn bhaktavatsalaH || 25||
ekadanta uvAcha
prasanno.asmi cha stotreNa surAH sarShigaNAH kila |
vR^iNudhvaM varado.ahaM vo dAsyAmi manasIpsitam || 26||
bhavatkR^itaM madIyaM vai stotraM prItipradaM mama |
bhaviShyati na sandehaH sarvasiddhipradAyakam || 27||
yaM yamichChati taM taM vai dAsyAmi stotrapAThataH |
putra\-pautrAdikaM sarvaM labhate dhana\-dhAnyakam || 28||
gajAshvAdikamatyantaM rAjyabhogaM labhed dhruvam |
bhuktiM muktiM cha yogaM vai labhate shAntidAyakam || 29||
mAraNochchATanAdIni rAjyabandhAdikaM cha yat |
paThatAM shR^iNvatAM nR^iNAM bhavechcha bandhahInatA || 30||
ekavi.nshativAraM cha shlokA.nshchaivaikavi.nshatim |
paThate nityamevaM cha dinAni tvekavi.nshatim || 31||
na tasya durlabhaM ki.nchit triShu lokeShu vai bhavet |
asAdhyaM sAdhayen martyaH sarvatra vijayI bhavet || 32||
nityaM yaH paThate stotraM brahmabhUtaH sa vai naraH |
tasya darshanataH sarve devAH pUtA bhavanti vai || 33||
evaM tasya vachaH shrutvA prahR^iShTA devatarShayaH |
UchuH karapuTAH sarve bhaktiyuktA gajAnanam || 34||

|| iti shrI ekadantastotraM sampUrNam ||
##
Proofread by Ravin Bhalekar ravibhalekar at hotmail.com


\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}