% Text title            : Ganapatyadidevatanam Dhyanakramah
% File name             : gaNapatyAdidevatAnAMdhyAnakramaH.itx
% Category              : ganesha, dhyAnam
% Location              : doc\_ganesha
% Proofread by          : Aruna Narayanan
% Description/comments  : From shrInaTarAjastavamanjarI
% Latest update         : July 10, 2022
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganapatyadidevatanam Dhyanakramah ..}##
\itxtitle{.. gaNapatyAdidevatAnAM dhyAnakramaH ..}##\endtitles ##
1\. shrIpa~nchamukhaherambagaNapatidhyAnaM
muktAkA~nchananIlakundaghusR^iNachChAyaistriNetrA~nchitaiH
      nAgAsyairharivAhanaM shashidharaM herambamarkaprabham |
dR^iptaM dAnamabhItimodakaradAnabjaM shiro.akShAtmikAM
      mAlAM mudgarama~NkushaM trishikhakaM dorbhirdadhAnaM bhaje || 1||
2\. shrIsubrahmaNyadhyAnaM
dhyAyedIpsitasiddhidaM shivasutaM shrIdvAdashAkShaM guhaM
      kheTaM kukkuTama~NkushaM cha varadaM pAshaM dhanushchakrakam |
vajraM shaktimasiM cha shUlamabhayaM dorbhirdhR^itaM ShaNmukhaM
      devaM chitramayUravAhanagataM chitrAmbarAla~NkR^itam || 2||
3\. shrIvallIdevIdhyAnaM
shyAmAM shyAmAlakAntAM drutakanakamaNiprasphuraddivyabhUShAM
      gu~njAmAlAbhirAmAM shivamunitanayAM kAnanendrAbhimAnyAm |
vAme haste cha padmaM taditarakaravaraM lambitaM sandadhAnAM
      saMsthAM senAnidakShe samudamapi mahAvallidevIM bhaje.aham || 3||
4\. shrIdevasenAdhyAnaM
raktAbhAM raktavastrAM maNimayakhachitAnekabhUShAbhirAmAM
      devIM mAhendramAnyAM madhuripunayanAdudbhavAM devasenAm |
dakShe haste cha padmaM tvitarakaravaraM lambitaM sandadhAnAM
      saMsthAM skandasya vAme samudamapi guhaM lokayantIM bhaje.aham || 4||
5\. nava vIrAH |
prathamo vIrabAhuH syAt dvitIyo vIrakesarI |
tR^itIyo vIramAhendraH turyo vIramaheshvaraH || 5||
vIrapurandaraHpa~nchamaH ShaShTho vIrarAkShasaH |
saptamo vIramArtANDo vIrAntaka ihAShTamaH || 6||
navamo vIradhIrashcha nava vIrA ime kramAt |
gaurIpAdasarodbhUtanavaratnalatAtmajAH || 7||
tattadratnasamAnA~NgashobhAmbaravibhUShaNAH |
sAsikheTAssadA sevyAH skandasenAdhipA varAH || 8||
5\.1 \- shrIvIrabAhudhyAnam |
ambAnUpuraratnaki~NkiNimaNerjAtA purA yA.abalA
      khyAtA ratnalateti sadguNavatI tasyAssuto dhairyavAn |
hastAmbhojadhR^itAsikheTakavaraH shrIvIrabAhurmahAn
      dhyeyovarmakirITakuNDaladharaH senAnivIrAdimaH || 9||
5\.2 \- shrIvIrakesarIdhyAnam |
gaurInUpura mauktikAttaralavallyAkhyA purA yA.abhavat
      tasyAH putravaraH surendravinutaH shrIvIrakesaryasau |
khaDgaM kheTakamAvahan karayuge muktAmaNIbhUShaNaH
      sevyo varmaniSha~Ngahetivipulo vIradvitIyo balI || 10||
5\.3 \- shrIvIramAhendradhyAnam |
ambAnapurapuShyarAgamaNijA yA puShpavallIsamA
      khyAtA kAntimatI subhUShaNavatI tasyAH suto bhIShaNaH |
shrImAnvIramahendra ityabhidhayA khyAtastR^itIyo.aparaH
      khaDgaM kheTakamAvahanniShudhibhR^itsAnnidhyametu prabhuH || 11||
5\.4 \- shrIvIramAheshvaradhyAnam |
devIma~njIragomedakamaNivarajA yA cha gomedavallI
      tasyAH sUnurnitAntaM surakulahitakR^id vIramAheshvarAkhyaH |
senAsannAhakolAhala ravamuditaH khaDgakheTAbhirAmaH
      subrahmaNyAntara~Ngo vipulakarayugaH sevitasturyavIraH || 12||
5\.5 shrIvIrapurandaradhyAnam |
hemAdriprabhavApadAbjavilasachChrInUpurAnnirgalad
      vaiDUryopalasambhavA guNavatI vaiDUryavallIti yA |
tasyAssUnurudAradhIH pravilasatkheTAsimAn pa~nchamaH
      shrImAn vIrapurandaro vijayate skandasya senApatiH || 13||
5\.6 shrIvIrarAkShasadhyAnam |
jAtA yA vajravallI tuhinagiribhavApAdama~njIravajrAt
      tasyAH sUnurbalADhyo yudhi vijitaripuH vIrayugrAkShasendraH |
kheTaprAsoruhasto jvalitanijavapuH skandasenAdhinAthaH
      ShaShThassavyApasavyAhavahataditijaH pUjanIyo vareNyaH || 14||
5\.7 shrIvIramArtANDadhyAnam |
jAtA devya~NghribhUShAnmaratakalavalItyAkhyayA vishrutA yA
      tasyAssUnuH prasiddho navamaNimakuTo vIramArtANDasa.nj~naH |
vidyutkalpo.asikheTollasitakarayugaHsaptamo.abhedyavarmA
      sevyaH senAnisenApatiratulabalo daityahA devavandyaH || 15||
5\.8  shrIvIrAntakadhyAnam |
ambAyAstu purA pravAlalavalI khyAtA cha yA nUpurAt
      jAtA tattanayo.atulo.adhikabalo vIrAntakAkhyaH sudhIH |
shrImAnkheTakakhaDgabhR^itkarayugaH senAnivIrAShTamaH
      sa~NgrAmAntaradhIrakR^ityamuditaskandaH sadA.abhyarchitaH || 16||
5\.9  shrIvIradhIradhyAnam |
ambApAdasarendranIlamaNijA yA nIlavallI sudR^ik
      tasyAssUnuraghorasa~Ngaramukhe daityAntakaH kheTabhR^it |
khaDgI ka~nchukajhallaTAdivipulaH shrIvIradhIrAbhidhaH
      subrahmaNyasuvIravaryanavamaH saukhyaM sadA yachChatAt || 17||
ye paThanti stutiM nityaM jayaM sarvatra sarvadA |
vIrAMshcha tanayAn kIrtiM labhante vipulAM shriyam || 18||
kanyakA pratyahaM prAtaH paThetpatyarthamAdarAt |
ShaNmAsAllabhate vIraM bhartAraM satataM priyam || 19||
sarvarogaharaM puNyaM bhUtAdInAM vinigraham |
viShaghnamuttamaM stotraM paThatAM sarvasiddhidam || 20||

iti shrIskAndapurANAntargataH gaNapatyAdidevatAnAM dhyAnakramaH sampUrNaH |

##
Proofread by Aruna Narayanan 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}