गणेशाष्टकम्
॥ श्रीगणेशाय नमः ॥
श्रीगणेश प्रार्थना -
लम्बोदराय शिवपुत्रगणेश्वराय
बुद्धिप्रदाय भवदुःखविनाशकाय ।
त्रैलोक्यपूज्यपरमाद्भुतकारणाय
विघ्नान्तकाय सुखदाय नमो नमस्ते ॥
श्रीसरस्वती प्रार्थना -
वन्दे श्रीजगदम्बिकां सरस्वतीं वन्दे जगद्व्यापिनीं
वन्दे पुस्तकधारिणीं च परमां वेदान्तसारांशकाम् ।
वन्दे ब्रह्मस्वरूपिणीं च विमलां वन्दे जगन्मातरं
वन्दे दुःख विनाशिनीं भगवतीं चैतन्यरूपां पराम् ॥
अथ श्रीगणेशाष्टकम् -
अजं निर्मलं निर्गुणं ज्ञानरूपं
निराकारसंसारसारं परेशम् ।
जगन्मङ्गलं विश्ववन्द्यं पवित्रं
प्रभुं सिद्धिदं तं गणेशं नमामि ॥ १॥
प्रसन्नं सदा ब्रह्मरूपं तुरीयं
सदैकाश्रयं प्राणिनामेकमात्रम् ।
परं नित्यमानन्दकन्दं निरीहं
प्रभुं सिद्धिदं तं गणेशं नमामि ॥ २॥
गुरुं ज्ञानिनां योगिनां तत्त्वरूपं
तथा प्राणिनां विघ्ननाशं गणेशम् ।
सदा मङ्गलं पार्वतीपुत्रमेकं
प्रभुं सिद्धिदं तं गणेशं नमामि ॥ ३॥
सदूर्वादलं कुङ्कुमं रक्तपुष्पं
तथा चन्दनं सुन्दरं रक्तवस्त्रम् ।
सदा धारकं ज्ञानमूर्तिं ह्यखण्डं
प्रभुं सिद्धिदं तं गणेशं नमामि ॥ ४॥
सुसौम्यं निजं निर्विकल्पं वरेण्यं
सुज्ञानं सुखं सत्स्वरूपं सुगम्यम् ।
सुसिद्धं मुनीशं महेशस्य पुत्रं
प्रभुं सिद्धिदं तं गणेशं नमामि ॥ ५॥
सदा ध्यायमाना गणेशञ्च देवाः
तथा प्रार्थयन्तश्च वेदाः गणेशम् ।
गणेशाश्रये सन्ति जीवाः समस्ताः
प्रभुं सिद्धिदं तं गणेशं नमामि ॥ ६॥
प्रभुं धर्मकामार्थं मोक्षप्रदं तं
पुनः पुत्रदं ज्ञानदं सर्वदं च ।
तथा साधकं सर्वकामप्रदञ्च
प्रभुं सिद्धिदं तं गणेशं नमामि ॥ ७॥
अहं त्वां सदा प्रार्थये भो गणेश
प्रसन्नो भवन् सर्वदा बुद्धिनाथ ।
परं दर्शनं मां ददातु ह्यनन्त
प्रभुं सिद्धिदं तं गणेशं नमामि ॥ ८॥
प्रातःकाले शुचिर्भूत्वा ये पठन्ति नराः सदा ।
श्रीगणेशाष्टकं स्तोत्रं सुखदं मोक्षदं भवेत् ॥ ९॥
इति गायत्रीस्वरूप ब्रह्मचारीविरचितं श्रीगणेशाष्टकं सम्पूर्णम् ॥
भगवत् समर्चना
प्राक्कथन
चौरासी लक्षयोनियों में मनुष्य योनि सर्व श्रेष्ठ
है । प्रभूत पुण्य द्योतक इस मानव शरीर को पाकर
कर्तव्याकर्तव्य में हमें शास्त्र प्रमाण ही मानना चाहिए ।
आगे चलकर यही शास्त्र हमारे लिए सच्चिदानन्द प्रभु की
प्राप्ति को ही मानव जीवन की सफलता का बोध कराते हैं ।
शास्त्रोक्त उपासना पद्धतियों में साधक को साध्य की सिद्धि
में भक्ति ही एकमात्र सरलतम साधन है । भक्त एवं
भक्ति दोनों की महिमा भगवत् प्रतिपादित ही है । भक्ति
सूत्रोपनद्ध श्रीहरि अपने लोक का सर्वथा त्याग कर
भक्त के हृदय में निवास करते हैं । इसी विश्वास के
साथ प्रार्थना स्तुति एवं आरती रूपी प्रसून सर्वान्तर्यामी
प्रभु के चरणों में अर्पित कर रहा हूँ । मात्र हमारी
यही लोकेषणा है कि प्रभु के चरणों में सबका प्रेम बना
रहे । त्वदीयं वस्तु गोविन्द तुभ्यमेव समर्पये ।
विनीत - गायत्रीस्वरूप ब्रह्मचारी
श्रीमुमुक्षु भवन अस्सी, वाराणसी-५
भाद्रपद शुक्ल अनन्त चतुर्दशी संवत् २०२८
मूल्य भगवद्भक्ति
Proofread by Vani V