shrIgaNeshadashottarashatanAmAvaliH

 श्रीगणेशदशोत्तरशतनामावलिः 

ॐ विघ्नेशाय नमः । विश्ववरदाय (विश्ववदनाय) ।
विश्वचक्षुषे (विध्वचक्षुषे) । जगत्प्रभवे (जगत्पतये) ।
हिरण्यरूपाय । सर्वात्मने । ज्ञानरूपाय ।
जगन्मयाय । ऊध्वरेतसे । महाबाहवे नमः ॥ १०

ॐ अमेयाय नमः (अव्ययाय) । अमितविक्रमाय । वेदवेद्याय ।
महाकालाय (महाकायाय) । विद्यानिधये । अनामयाय । सर्वज्ञाय ।
सर्वगाय । शान्ताय । गजास्याय नमः ॥ २०

ॐ चित्तेश्वराय नमः । विगतज्वराय । विश्वमूर्तये । अमेयात्मने ।
विश्वाधाराय । सनातनाय । सामगानप्रियाय । मन्त्रिणे । सत्त्वाधाराय ।
सुराधीशाय (सुराधिपाय) नमः ॥ ३०

ॐ समस्तसाक्षिणे नमः । निर्द्वन्द्वाय । निर्लोकाय (निर्लिप्ताय) ।
अमोघविक्रमाय । निर्मलाय । पुण्याय । कामदाय । कान्तिदाय । (कवये)

कामरूपिणे । कामपोषिणे (कामवेषाय) नमः ॥ ४०

ॐ कमलाक्षाय नमः । गजाननाय (कलाधराय) । सुमुखाय । शर्मदाय ।
मूषकाधिपवाहनाय । शुद्धाय । दीर्घतुण्डाय (दीर्घतुण्डधराय) ।
श्रीपतये (श्रीमते) । अनन्ताय । मोहवर्जिताय नमः ॥ ५०

ॐ वक्रतुण्डाय नमः । शूर्पकर्णाय । परमाय (पवनाय) । (पावनाय)
योगीशाय । योगधाम्ने (योगिवन्द्याङ्घ्रये । उमासुताय (उमासूनवे) ।
आपद्धन्त्रे (अघापहाय) । एकदन्ताय । महाग्रीवाय । शरण्याय नमः ॥ ६०

ॐ सिद्धसेनाय (सिद्धिसेविताय) नमः । सिद्धवेदाय (सिद्धिदाय) ।
करुणाय । सिद्धाय । (करुणासिन्धवे) भगवते । अव्यग्राय
(भव्यविग्रहाय) । विकटाय । कपिलाय । ढुण्ढिराजाय (ढुण्ढये) ।
उग्राय । भीमोदराय (भीमाय) नमः ॥ ७०

ॐ हराय नमः । शुभाय । गणाध्यक्षाय । गणेशाय । गणाराध्याय ।
गणनायकाय । ज्योतिःस्वरूपाय । भूतात्मने । धूम्रकेतवे ।
अनुकूलाय नमः ॥ ८०

ॐ कुमारगुरवे नमः । आनन्दाय । हेरम्बाय । वेदस्तुताय ।
नागयज्ञोपवीतिने । दुर्धर्षाय । बालदूर्वाङ्कुरप्रियाय ।
भालचन्द्राय । विश्वधात्रे (विश्वधाम्ने) । शिवपुत्राय नमः ॥ ९०

ॐ विनायकाय नमः । लीलासेविताय (लीलावलम्बितवपुषे) । पूर्णाय ।
परमसुन्दराय । विघ्नान्तकाराय (विघ्नान्धकारमार्ताण्डाय) ।
(विघ्नारण्यदवानलाय) सिन्दूरवदनाय । नित्याय । विभवे ।
प्रथमपूजिताय (विष्णुप्रथमपूजिताय) नमः ॥ १००

ॐ दिव्यपादाब्जाय (शरण्यदिव्यपादाब्जाय) नमः ।
भक्तमन्दाराय (भक्तमन्दारभूरुहाय)। महाशूराय ।
रत्नसिंहासनाय (रत्नसिंहासनासीनाय)। मणिकुण्डलमण्डिताय ।
भक्तकल्याणाय (भक्तकल्याणदाय)। अमेयाय । कल्याणगुरवे ।
(अमेयकल्याणगुणसंश्रयाय) सहस्रशीर्ष्णे ।
महागणपतये नमः ॥ ११०

इति गणेशदशोत्तरशतनामावलिः सम्पाता ।
सङ्कष्टहर विकटमहागणपति

Proofread by PSA Easwaran