% Text title            : gaNeshahRRidayastotram
% File name             : gaNeshahRRidayastotram.itx
% Category              : hRidaya, ganesha
% Location              : doc\_ganesha
% Transliterated by     : Gopal Upadhyay gopal.j.upadhyay at gmail.com
% Proofread by          : Gopal Upadhyay gopal.j.upadhyay at gmail.com
% Source                : Mudgalapurana
% Latest update         : June 13, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganeshahridaya Stotram ..}##
\itxtitle{.. shrIgaNeshahR^idayaM stotram ..}##\endtitles ##

|| shrIgaNeshAya namaH ||
|| shrIumAmaheshvarAbhyAM namaH ||

shaunaka uvAcha |
prakR^itaM vada sUta tvaM saMvAdaM sha~Nkarasya cha |
sanakAdervisheSheNa sarvasiddhikaraM param || 1||
nAnAvatArasaMyuktaM dhUmravarNacharitrakam |
shrutvA sanakamukhyAstaM kimUchuryogasiddhaye || 2||

sUta uvAcha |
dhUmravarNAvatArasya shrutvA.ahaM vadhasaMshritam |
charitaM hR^iShTaromANaH paprachChuH sha~NkaraM dvijAH || 3||

sanakAdyA UchuH |
nAnAvatArasaMyuktaM shrutvAmAhAtmyamuttamam |
dhUmravarNAvatArasya santuShTAH sma sadAshiva || 4||
adhunA shAdhi sarvesha yogaprAptyarthamuttamam |
vidhiM sukhakaraM shIghraM sugamaM yoginAyaka || 5||

shiva uvAcha |
gaNeshahR^idayaM vakShye sarvasiddhipradAyakam |
sAdhakAya mahAbhAgAH shIghreNa shAntidaM param || 6|| (shIghraM vai)
purA.ahaM gaNanAthasya dhyAnayukto.abhavaM dvijAH |
tatra mAM saritAM shreShThA jagAda vAkyamuttamam || 7||

ga~NgovAcha |
vada sha~Nkara kasya tvaM dhyAnaM karoShi nityadA |
ichChAmi tamahaM j~nAtu tvattaH kiM paramaM matam || 8||

shiva uvAcha |
gaNeshaM devadeveshaM brahmabrahmeshamAdarAt |
dhyAyAmi sarvabhAvaj~ne kuladevaM sanAtanam || 9||
tasya yad hR^idayaM devi guptaM sarvapradAyakam |
kathayiShyAmi sarvaj~ne yena j~nAsyasi taM vibhum || 10||
purA.aj~nAnAvR^ito.ahaM tu tapasi saMsthito.abhavam |
tatra tapaH prabhAveNa hR^idyapashyaM gajAnanam || 11||
tasya darshanamAtreNa sphUrtiH prAptA mayA priye |
tayA gaNeshvaraM j~nAtvA yogivandyo.abhavaM mudA || 12||
tatte.ahaM shR^iNu vakShyAmi gaNeshahR^idayaM param |
yena gANeshayoge tvaM nipuNA sambhaviShyasi || 13||

OM asya shrIgaNeshahR^idayastotramantrasya shambhurR^iShiH |
nAnAvidhAni ChandAMsi | shrI gaNesho devatA | gamiti bIjam |
j~nAnAtmikA shaktiH | nAdaH kIlakam |
shrIgaNapatiprItyarthamabhIShTasiddhayarthaM jape viniyogaH |

atha karanyAsaH |
OM gAM a~NguShThAbhyAM namaH |
OM gIM tarjanIbhyAM namaH |
OM gUM madhyamAbhyAM namaH |
OM gaiM anAmikAbhyAM namaH |
OM gauM kaniShThikAbhyAM namaH |
OM gaH karatalakarapR^iShThAbhyAM namaH |
iti karanyAsaH ||

atha hR^idayAdya~NganyAsaH |
OM gAM hR^idayAya namaH |
OM gIM shirase svAhA |
OM gUM shikhAyai vaShaT |
OM gaiM kavachAya hum |
OM gauM netratrayAya vauShaT |
OM gaH astrAya phaT |
iti hR^idayAdya~NganyAsaH ||

atha dhyAnam |
sindUrAbhaM trinetraM pR^ithutarajaTharaM raktavastrAvR^itaM taM
    pAshaM chaivA~NkushaM vai radanamabhayadaM pANibhiH sandadhAnam ||
siddhyA buddhyA prashliShTaM (prashiShTaM) gajavadanamahaM chintaye hyekadantaM
    nAnAbhUShAbhirAmaM nijajanasukhadaM nAbhisheShaM gaNesham || 14||
iti dhyAnam |

evaM dhyAtvA mAnasopachAraiH pUjayet |
ki~nchinmUlamantraM japtvA hR^idayaM paThet ||

OM gaNeshamekadantaM cha chintAmaNiM vinAyakam |
duNDhirAjaM mayUreshaM lambodaraM gajAnanam || 15||
herambaM vakratuNDaM cha jyeShTharAjaM nijasthitam |
AshApUraM tu varadaM vikaTaM dharaNIdharam || 16||
siddhibuddhipatiM vande brahmaNaspatisaMj~nitam |
mA~NgalyeshaM sarvapUjyaM vighnAnAM nAyakaM param || 17||
ekaviMshati nAmAni gaNeshasya mahAtmanaH |
arthena saMyUtAnyeva hR^idayaM parikIrtitam || 18||

ga~Ngo vAcha |
ekaviMshatinAmnAM tvamarthaM brUhi sadAshiva |
gaNeshahR^idayaM yena jAnAmi karuNAnidhe || 19||

shiva uvAcha |
gakArarUpaM vividhaM charAcharaM NakAragaM brahma tathA parAtparam |
tayoH sthitAstasya gaNAH prakIrtitA gaNeshamekaM praNamAmyahaM param || 20||
mAyAsvarUpaM tu sadaikavAchakaM dantaH paro mAyikarUpadhArakaH |
yoge tayorekaradaM sumAnini dhIsthaM nato.ahaM janabhaktilAlasam || 21||
chittaprakAshaM vividheShu saMsthaM liptaM na lepAdi vivarjitaM tam |
bhogairvihInaM tvatha bhogakArakaM chintAmaNiM taM praNamAmi nityam || 22||
vinAyakaM nAyakavarjitaM priye visheShato nAyakamIshvarAtmanAm |
nira~NkushaM taM praNamAmi sarvadaM sadAtmakaM bhAvayutena chetasA || 23||
vedAH purANAni maheshvarAdikAH shAstrANi yogeshvaradevamAnavAH |
nAgAsurA brahmagaNAshcha jantavo DhuNDhanti vande tvatha duNDhirAjakam || 24||
mAyArthavAchyo hi mayurabhAvo nAnAbhramArthaM prakaroti (prakaromi) ten |
tasmAn mayUreshamatho vadanti namAmi mAyApatimAsamantAt || 25||
yasyodarAdvishvamidaM prasUtaM brahmANi tadvajjaThare sthitAni |
anantarUpaM jaTharaM hi yasya lambodaraM taM praNato.asmi nityam || 26||
jagadgalAdho gaNanAyakasya gajAtmakaM brahmashiraH paresham |
tayoshcha yoge pravadanti sarve gajAnanaM taM praNamAmi nityam || 27||
dInArthavAchyastvatha herjagachcha brahmArthavAchyo nigameShu rambaH |
tatpAlakatvAchcha tayoH prayoge herambamekaM praNamAmi nityam || 28||
vishvAtmakaM yasya sharIramekaM tasmAchcha vaktraM paramAtmarUpam |
tuNDaM tadevaM hi tayoH prayoge taM vakratuNDaM praNamAmi nityam || 29||
mAtApitA.ayaM jagatAM pareShAM tasyA.api mAtA janakAdikaM na |
shreShThaM vadante nigamAH paresha taM jyeShTharAjaM praNamAmi nityam || 30||
nAnAchatuHsthaM vividhAtmakena saMyogarUpeNa nijasvarUpam |
pUryasya sA pUrNasamAdhirUpA svAnandanAthaM praNamAmi chAtaH || 31||
manorathAn pUrayatIha ga~Nge charAcharANAM jagatAM pareShAm |
ato gaNeshaM pravadanti chAshAprapUrakaM taM praNamAmi nityam || 32||
varaiH samAsthApitameva sarvaM vishvaM tathA brahmavihAriNA cha |
ataH paraM vipramukhA vadanti varapradaM taM varadaM nato.asmi || 33||
mAyAmayaM sarvamidaM vibhAti mithyAsvarUpaM bhramadAyakaM cha |
tasmAtparaM brahma vadanti satyamenaM pareshaM vikaTaM namAmi || 34||
chittasya proktA munibhiH pR^ithivyo nAnAvidhA yogibhireva ga~Nge |
tAsAM sadA dhAraka eka eva vande cha dharaNIdharamAdibhUtam || 35||
vishvAtmikA brahmamayI hi buddhiH tasyA vimohapradikA cha siddhiH |
tAbhyAM sadA khelati yoganAthaH taM siddhibuddhIshamatho namAmi || 36||
asatyasat sAmyaturIyanaijyagannivR^itti rUpANi (brahmANi) virachya khelakaH |
sadA svayaM yogamayena bhAti taM namAmyato.ahaM tvatha brahmaNaspatim || 37||
ama~NgalaM vishvamidaM sahAtmabhiH ayogasaMyogayutaM praNashvaram |
tataH paraM ma~NgalarUpadhadhArakaM namAmi mA~NgalyapatiM sushAntidam || 38||
sarvatramAnyaM sakalAvabhAsakaM suj~naiH shubhAdAvashubhAdipUjitam |
pUjyaM na tasmAnnigamAdisammataM taM sarvapUjyaM praNato.asmi nityam || 39||
bhuktiM cha muktiM pradadAti tuShTo bhaktipriyo nijavighnahA cha |
bhaktyA vihInAya dadAti vighnAn taM vighnarAjaM praNamAmi nityam || 40||
nAmArthayuktaM kathitaM priye te vighneshvarasyaiva paraM rahasyam |
saptatrinAmnAM hR^idayaM naro yo j~nAtvA paraM brahmamayo bhavediha || 41||

ga~NgovAcha |
nAmnAM yathR^idayaM proktaM tvayA brahmapadaM param |
na tatrAnubhavo me tu tadarthaM vada sha~Nkara || 42||

shiva uvAcha |
mantraM gR^ihya gaNeshasya purashcharaNamArgataH |
bhaja tvaM tena taM j~nAnaM bhaviShyati na saMshayaH || 43||
hR^idayaM mantrarAjasya kathayAmi samAsataH |
mantra eva gaNeshAno na bhinnastatra vartate || 44||
gakAro brahmadevashchA.akAro viShNuH prakIrtitaH |
binduH shivastathA bhAnuH sAnunAsika saMj~nitaH || 45||
teShAM sandhirmahAshaktirebhiH sa mantra uchyate |
devatA gaNanAthastu teShAM saMyogakArakaH || 46||
tebhyastAramayaM vishvaM samutpannaM priye purA |
atastArayuto mantro gaNeshaikAkSharAkR^itiH || 47||
tAraH sa ShaD vidhaH proktastannibodha saridvare |
akArokArakauH proktauH makAro nAdabinduke || 48||
shUnyaM viddhi mahAmAye tatra bhedaM vadAmyaham |
shUnyaM dehIsvarUpaM tu bindurdeha iti smR^itaH || 49||
tAbhyAM chaturvidhaM vishvaM sthUlAdibhedadhArakam |
etAdR^ishaM bijAnIhi mantrarAjaM gajAnanam || 50||
AgamoktavidhAnena kR^itvA nyAsAdikaM purA |
tato gaNeshvaraM pUjya japaM kuryAdvichakShaNaH || 51||
taddashAMshena homaM vai kuryAdAgamamArgataH |
taddashAMshamitaM proktaM tarpaNaM gaNapasya cha || 52||
taddashAMshamitaM devi mArjanaM taddashAMshataH |
viprANAM bhojanaM proktamevaM pa~nchA~Ngamuchchate || 53||
yathAvidhikR^itaM chaitatsadyo hi phaladaM bhavet |
atastvaM mantrarAjasya pa~nchakaM tatsamAchara || 54||
evamuktvAdade tasyai mantraM vidhisamanvitam |
gaNeshasya praNamyaiva mAM yayau sA tapo.arthataH || 55||
mayUreshaM samAsAdya chakAra tapa uttamam |
ga~NgA tatraiva vipreshA mantradhyAnaparAyaNA || 56||
purashcharaNamekaM sA chakAra saritAM varA |
tataH prasannatA yAto gaNesho bhaktavatsalaH || 57||
tasyaiva kR^ipayA tasyA hR^idi j~nAnaM babhUva ha |
tenaikaviMshaternAmnAmarthaj~nA tatkShaNAdabhUt || 58||
tato harShayutA devI tatra vAsaM chakAra sA |
nityaM bhaktisamAyuktA.abhajattaM gaNanAyakam || 59||

sanakAdyA UchuH |
brahmabhUtA saritshreShThA mayUreshaM kathaM prabho |
abhajattasya mArgaM no brUhi nAtha namo.astu te || 60||

shiva uvAcha |
brahmabhUto naro yogI gaNeshamabhajatsadA |
navadhA bhaktibhAvena tatparashcha maharShayaH || 61||
putraH kalatraM janakau suhR^idagaNo dravyaM sakhAvR^ittijavidyayA yutam |
svargastu mokSho vividhaM tvameva me svAmI gururvighnapatiH parAtparaH || 62||
sAMsargikaM kAyikavAchikaM paraM karmAcharanmAnasajaM tridehataH |
j~nAnaM hR^idisthaM cha mayA parAtparaM vidhneshvarAyeti samarpitaM kila || 63||
yogAkAreNa vighnesha ekAnekAdisaMshritaH |
bhu~Nkte sa vividhAnbhogAn shubhA.ashubhasamAshritAn  || 64||
nAhaM naraH svayaM sAkShAt krIDati gaNanAyakaH |
svAmisevakabhAvena brahmaNi shobhate rataH || 65||
anena vidhinA viprA bhajante gaNanAyakam |
yoginaH shukamukhyAshcha mudgalAdyA maharShayaH || 66||
etatsarvaM samAkhyAtaM guhyaM gaNapatermayA |
hR^idayaM tena vighneshaM toShayadhvaM maharShayaH || 67||
yathA dehendriyAdyeShu mukhyaM svahR^idayaM smR^itam |
yatra jIvasvarUpeNa tiShThati gaNanAyakaH || 68||
tathA gaNapateretad hR^idayaM parikIrtitam |
atra yogapatiH sAkShAttiShThati brahmanAyakaH || 69||
anena gaNanAthaM tu yastoShyati narottamaH |
sa bhuktvA sakalAnbhogAnante yogamayo bhavet || 70||
evaM madIyavAkyaM te shrutvA brahmasutAH param |
praNamya mAM yayuH sarve sanakAdyAstapovanam || 71||
ekAkSharamantrasya pa~nchakaM sevya yoginaH |
gaNeshahR^idayaM j~nAtvA gANapatyA babhUvire || 72||
tato nityaM gaNeshasya hR^idayaM te maharShayaH |
japanti bhaktisaMyuktA bhramanti svechChayeritAH || 73||
atastvamapi bhAvena gaNeshahR^idayaM param |
sevasva gANapatyeShu mukhyastathA bhaviShyasi || 74||

mudgala uvAcha |
evamuktvA mahAnAgaM sheShAya pradadau shivaH |
mantramekAkShara sA~NgaM sa yayau taM praNamya cha || 75||
sAdhayitvA yathAnyAyaM hR^idayaj~no babhUva ha |
nityaM hR^idayakenaiva tuShTAva dviradAnanam || 76||
gaNeshahR^idayaM puNyaM shR^iNuyAchChrAvayennaraH |
IpsitaM prApnuyAchchAnte brahmabhUto bhavediha || 77||
nityaM paThennarashchedaM hR^idayaM gaNapasya yaH |
sa gaNesho na sandeho darshanAtsiddhido bhavet || 78||
putrapautrakalatrAdi labhate pAThato naraH |
dhanaM suvipulaM dhAnyamArogyamachalAM shriyam || 79||
ekaviMshativAraM yo divasAnekaviMshatim |
paThet gaNapatiM chintyaM sa labhedIpsitaM phalam || 80||
asAdhyaM sAdhayenmartyau gaNeshahR^idayena yat |
rAjabaddhaM trikAleShu mochayetpATha to vidhe || 81||
mAraNochchATanAdIni vashyamohAdikAni tu |
anena sAdhayenmartyaH paraM kR^ityaM vinAshayet (praNAshayet)|| 82||
sa~NgrAme jayamApnoti vIrashrIsaMyuto bhavet |
asya pAThena bho dakSha na ki~nchid durlabhaM bhavet || 83||
vidyAmAyuryashaH praj~nAma~Nga hIno~NgamApnuyAt |
yaM yaM chintayate martyastaM taM prApnoti nishchitam || 84||
nAnena sadR^ishaM ki~nchid shIghrasiddhikaraM bhavet |
sAkShAdgaNapateH proktaM hR^idayaM te mayA vidhe  || 85||
gaNeshabhaktihInAya durvinItAya vidviShe |
na deyaM gaNarAjasya hR^idayaM vai kadAchana || 86||
gaNeshabhaktiyuktAya sAdhave cha prayatnataH |
dAtavyaM tena vighneshaH suprasanno bhaviShyati || 87||
mahAsiddhipradaM tubhyaM kathitaM gaNapasya cha |
hR^idayaM ki punaH shrotumichChasi tvaM prajApate || 88||

|| iti shrImudgalapurANokta gaNeshahR^idayaM stotraM sampUrNam ||||
##
Encoded and proofread by Gopal Upadhyay gopal.j.upadhyay at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}