% Text title            : Shri Ganesha Manasa Puja Stotram
% File name             : gaNeshamAnasapUjAstotram.itx
% Category              : ganesha, chandrashekharabhAratI, pUjA
% Location              : doc\_ganesha
% Author                : chandrashekharabhAratI
% Transliterated by     : Aruna Narayanan narayanan.aruna at gmail.com
% Proofread by          : Aruna Narayanan narayanan.aruna at gmail.com
% Description/comments  : Sri Gururaja Sukti Malika
% Latest update         : June 3, 2020
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganesha Manasa Puja Stotram ..}##
\itxtitle{.. shrIgaNeshamAnasapUjAstotram ..}##\endtitles ##
shrIjagadguru shR^i~NgerI
shrIchandrashekharabhAratI svAmi anugR^ihItA
vAtsalyabhAjanamagAdhipakanyakAyA
     mAtsaryashUnyahR^idayairbhuvi bhAvanIyam |
pratyUhajAtavinipAtanalabdhavarNa\-
     matyUrjitaM hR^idi bhajAmi gaNAdhinAtham || 1||
AvAhayAmi gaNanAthamumAmahesha\-
     sarvasvabhUtamapanItadurantarAyam |
yogIndramAnasasaroruhaMsavikAsa\-
     lIlAvisheShachaturaM nigamAntaniShTham || 2||
mANikyama~njulamarIchimanoj~napArshvaM
     sAndrIbhavanmarakatAvalimechakAbham |
muktAmaNiprakarameduritAntarAlaM
     ratnAsanaM tava hR^idA parikalpayAmi || 3||
ga~NgAdipuNyasaritAM paripUtatIrthaiH
     pAdyaM tavAdyavadhishUnya samarpayAmi |
arghyaM dadAmyahamanarghaguNAbhirAma
     pratyUhavAraNa suvAraNavaktra tubhyam || 4||
pratyAhR^itairakhilapuNyasaridvarAbhya\-
     stIrthairdadAmyamalamAchamanaM cha tubhyam |
sUktAdimantranivahairabhimantritaishcha
     puNyodakaistava shiraH snapayAmyajasram || 5||
AchUDamAcharaNamapyabhiShichya tIrthaiH
     Alokyannakhilama~NgalamAnanaM te |
AnandanirbharamanAshchulukIkR^itAkShaH
     kiM vA bhavAmi saphalIkR^itapuNyajanmA || 6||
kastUrikAghumughumIkR^itachandanAni
     divyaM dukUlayugalaM cha dadAmi tubhyam |
yaj~nopavItamabhimantritamarpayAmi
     divyAnshcha bhUShaNagaNAn pratipAdayAmi || 7||
jAtisuchampakasaroruhakundamallI
     bilvAdibhirbahuvidhairitaraishcha puShpaiH |
tvAmarchayannamarasaMhitasevyamAnaM
     ArAdbhajAmi tu kadA kR^itakR^ityabhAvam || 8||
svAmin dadAmyagarugugguluchandanAdi
     dhUpAn sugandhabharitAn shivasUnave te |
AjyaplutAmalasuvartibhiredhamAna\-
     mAdarshayAmi nanu te tapanIyadIpam || 9||
choShyaishcha bhakShyanivahaishcha karambitaM te
     bhojyaM dadAmi gaNanAyaka divyamannam |
AmodakaM cha girijAsuta modakAnAM
     svAmin parashshatamapi pratipAdayAmi || 10||
AnamranAkigaNama~njulamaulimAlA\-
     nIrAjyamAnacharaNadvaya vighnahantaH |
karpUradIpanivahaistava pAdapadmaM
     nIrAjayAmi nanu mAM paripAhi bhaktam || 11||
puShpA~njaliM prachurayAmi suvarNapuShpaiH
     sanmantrapuShpamapi cha pratipAdayAmi |
sarvopachArapanivahAMshcha samarpayAmi
     svAmin gaNAdhipa samuddhara mAM bhavAbdheH || 12||
nArogyamadya kalaye na cha bhogyajAtaM
     bhAgyaM na vA viShayalampaTatAnidAnam |
vairAgyameva sutarAmupalambhayan mAM
     svAmin samuddhara bhavAmbunidherdurantAt || 13||
itthaM gaNAdhipatimAnasapUjanaM yaH
     kaivalyadaM sulalitaM paThatIha bhaktyA |
nAgAmijanmabhayamasti hi tasya puMsaH
     kaivalyasaudhamachirAdanuvIkShate saH || 14||

iti shrIjagadruru shrIshR^i~NgerIpIThAdhipa shrIchandrashekharabhAratI
     shrIpAdaiH virachitaM shrIgaNeshamAnasapUjAstotraM sampUrNam |
##
Proofread by Aruna Narayanan narayanan.aruna at gmail.com 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}