% Text title            : Ganesha Purvashatakam 06 31
% File name             : gaNeshapUrvashatakam.itx
% Category              : ganesha, shataka
% Location              : doc\_ganesha
% Author                : nIlakaNThashAstri
% Proofread by          : Gopalakrishnan
% Description/comments  : See accompanying gaNeshottarashatakam, From stotrArNavaH 06-31
% Latest update         : September 10, 2021
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshapUrvashatakam ..}##
\itxtitle{.. shrIgaNeshapUrvashatakam ..}##\endtitles ##
satyaj~nAnAnandaM gajavadanaM naumi siddhibuddhIsham |
kurve gaNeshashatakaM kujukenAhaM svabuddhishuddhayartham || 1||
di~NmAtreNa gaNapaterguNagaNavibhavAdivarNanArUpam |
prAyo vainAyakakR^itividitamatapakriyAvivR^itipUrvam || 2||
yadyapi mandamatirahaM guNalavamavagantumatitarAM nAlam |
prayate tathApi vadituM lambodara te dayAvalambena || 3||
jagataH sargAdAdyAt prAgapyekastvameva bhAsi vibho |
tasmAdgaNapa bhavantaM nikhilanidAnaM gadanti nigamAntAH || 4||
tvamato mAyAtItaM sakalajagatkalpanAdyadhiShThAnam |
advaitasImabhUtaM vA~NmAnasAgocharaM paraM brahma || 5||
saguNabrahmAtmAno gaNapatishivashaktikeshavArkA ye |
teShAM kAraNamAhuH shuddhAdvaitAnugA yamAtmAnam || 6||
yaH sarvavedavedyastattvamasipadAdyatItarUpo yaH |
yo yogivR^indamR^igyaH paramAtmAnaM tamAshraye nityam || 7||
yatpUrNayogalabhyaM bhUmAtmakamAmananti gANapatAH |
shuddhaM svamahimasaMsthaM brahmAsmin me manaH sadA smaratAm || 8||
bhUmA brahmaitat te ShaShThaM gaNapaM cha pa~nchamaM prAhuH |
turyaM gaNeshamasya hi kAryAn saguNAtmano.api tAn pa~ncha || 9||
tatropAsanakANDe parakAShThAbhUtamasipadArthamayam |
svAnandaM brahmaitadgajavadanamahaM bhaje jagadvandyam || 10||
gANapatapu~NgavAH kila pAdamayAnyasya pa~nchamasyAhuH |
shaivAdvaitAdInAM mukhyabrahmANi yAni chatvAri || 11||
avyAkR^itaM turIyaM brahma triguNAtmakaM gugaNeshAkhyam |
vidyAtmakaM gaNapate satataM dUrIkarotu mama duritam || 12||
yasya hi nAbhirbrahmA vadanaM viShNushcha lochanaM rudraH |
shaktishcha vAmapArshvaM dakShiNamarko.asmitAmayastvAtmA || 13||
jAgratsvapnasuShuptabrahma triguNAtmakaM cha yatproktam |
vyAkR^itamAvidyakamapi tadapi vyaktaM chakAstu me chitte || 14||
brahma svAnandAtmakavidyA.avidyAtmakaprabhedena |
bhUmabrahma chatuShpAt prakAshatAM me.anishaM hR^idAkAshe || 15||
mAyAsamarasayuktaM shAntigataM niShkalaM paraM jyotiH |
yadbrahma pAdarUpaM gANeshAdvaitalakShyabhUtamasi || 16||
yo brahmapAda AdyaH saMyogAyogapAdayugayuktaH
     tau pAdAvapyuditAvadhyAropApavAdaparakAShThe |
sadasatsahajasamAtmakachaturvidhAnandapAdarUpastvaM
     ravishaktIshaharINAM sa~NghAtastvaM shruto.asi gaNarAja || 17||
binduH so.ahambodhaH sA~Nkhyashcheti prasiddhabhedayutaH |
vidyApAdo.api tvaM yogisamAdhau gR^ihItasuvisheShaH || 18||
turyAvidyApAdastvameva satyAnR^ito jagadrUpaH |
sa virAT hiraNyagarbhAvIshaguNeshAviti prabhedayutaH || 19||
brahmAMshasthitibhedAH sarve chaite sphurantu mama chitte |
prAyo.asampraj~nAtasamAdhij~neyA gaNesha karuNAbdhe || 20||
siddhirbuddhishcheti dvidhA hi vainAyakI mahAmAyA |
lokaikanAyikA sA tadupAdhivashAt kilAsi bahudhA tvam || 21||
evaM mAyopAdhikaparAtmarUpaM hi pa~nchadhA bhinnam |
tadadasthAguNabhedAnnIrUpasyApi te samAmnAtam || 22||
sadbrahma kila prathamaM sakalajagadvIjabhUtarUpaM tvam |
mUrtiM vinAyaka iti svechChAvashato gaNesha gR^ihNAsi || 23||
bIjasya bhUmirUpA kevalamAyAdvitIyamUrtiste |
vartayati kR^ityamakhilaM bhuvaneshI sA shivo parAshaktiH || 24||
mAyeshaM tu tR^itIyaM ravimaNDalagaM hiraNmayaM puruSham |
tvAmAmananti vedA hyanavarataM kAlachakranetAram || 25||
upahitaturIyamUrtirmAyAyuktaH paraH shivo girIshaH |
kalpAntakAlarUpI tvameva sarvaM cha sa~njarIharShi || 26||
mAyAmayo hi viShNurmAyopAdheshcha pa~nchamI mUrtiH |
so.api tvameva nikhilaM lokaM pAlayasi lIlayA satatam || 27||
evaM mAyAvashato ravishivashaktyAdinAmapa~nchakabhAk |
dishatu madIpsitamakhilaM shuddhabrahmAtmakaM bhavadrUpam || 28||
mAyAbaddhaH ShaShThaH prathamasharIrI hiraNyagarbhastvam |
tattatkarmAnuguNaM karoShi sargaM samastalokasya || 29||
prAk padmAsanarUpagrahaNAdbhavato.apyupAdhito bhinnAH |
etAshcha saguNamUrtIrAlambya matAni pa~ncha jAtAni || 30||
ete hi pa~ncha devAH svasvAdhAreShu santi sarvatra |
varNasvadharmavibhavAttejorUpAstrivarNa deheShu || 31||
 gAyatrIgrahaNena hi tattatejo visheShato bhAti |
tattajjAtiguNA apyutkR^iShTatvena tena jAyante || 32||
mUlAdhAre gaNapo maNipUre hariranAhate shambhuH |
rAjati ravirvishuddhau brahmasurandhra shivA parA shaktiH || 33||
api cha ShaDAdhAreShu prApyaivaM dhyAnayogachittalayau |
muktA bhavanti tasmAt pa~nchAyatanArchane.atiharShaste || 34||
gaNapatipa~nchAyatanaM pa~nchAyatanaM ravIshvarAdInAm |
yadvA tadvA kR^itamapi pUjAviShaye.atimAtratR^iptiste || 35||
prAsAdashuddhapUjA ata eva vihAya pa~nchadevAnAm |
pa~nchAyatanasaparyAM saguNasamaShTayarchanAM vadanti budhAH || 36||
haryAdigaNeshAntAH pa~nchaitA brahmamUrtayo munibhiH |
ata eva praNavasya cha gAyatryAshchApi devatAH proktAH || 37||
vyAchakShate hi R^iShayo gAyatryAH pa~nchadevatAparAm |
praNavasyApi tathaiva prapa~nchayanti sma pa~nchadhApyarthAn || 38||
ata eShAM pa~nchAnAM brahmatvanirUpaNe niShNAtAH |
uttaramImAMsAH ShaT shuddhAdvaitena tenire munayaH || 31||
pratipAdayanti chaite yadyapyApAtato vibhinnAn vai |
sarveShAM hi R^iShINAM prAyastvayyeva paramatAtparyam || 40||
ete pa~ncha matasthA bhavataH sarveShu pUrvapUjyatvam |
vignAdhipatyama~NgIkurvanti yato gaNAdhipatyaM cha || 41||
bhUgatabIjAdi yathA pAdaparUpeNa jAyate jagati |
brahmaiva bIjabhUtaM prakR^itiH pR^ithivI tayA hi saMyogAt || 42||
kAraNasUkShmasthUlaprapa~ncharUpeNa jAyate kramashaH |
mUlaM gaNapatirUpaM prapashcharUpasya pAdapasyaivam || 43||
buddhiH siddhishcha phale mUlaM gaNapo.asya vishvarUpataroH |
shAkhAH keshAH kandaM tvarko.akhilamUlamuchyase.atastvam || 44||
sUle jalasekAt kila tarupatraphalAdayo.api vardhante |
tava pUjayA gaNapate ravishivashaktyAdayo.api tR^ipyanti || 45||
evaM saguNabrahmavyapadeshavatAM cha pa~ncha devAnAm |
pUrNakalAMshAMshAMshAvatArarUpAshcha mUrtayo.anantAH || 46||
bhavataH katipayamUrtIrAvirbhAvAvatAratAramukhAH |
vainAyakamataviditaprakriyayaiva bravImi heramba || 47||
satyaM j~nAnamanantaM jyotIrUpaM cha nirguNaM brahma |
etannirvyApAraM gajapadavAchyaM layAdihetutvAt || 48||
yogIndrA gachChanti hi samAdhinAtreti gaH smR^ito munibhiH |
praNavAtmakajagadasmAjjAyata iti jaH smR^itipratItArthaH || 49||
gashvAsau jashcheti vyutpAdayati smR^itirhi gajashabdam |
eSha pratipadAyati prabhavApyayakAraNaM paraM brahma || 50||
mUlaprakR^itistriguNA shuktau rajataM yathA tato jAtA |
tadgatachitpratibimbaM saguNabrahmeti kIrtitaM munibhiH || 51||
o~NkArabrahmeti cha nara iti nAmnI prakIrtite tasya |
sakalajyotIrUpaM saguNasyoktaM hi tattvavidvadbhiH || 52||
mUlAvidyAgatanaramadvaitabrahmarUpamapi bibhrat |
nirguNasaguNajyotIrUmubhayathA tR^itIyamapyuktam || 53||
advaita iti sadAtmetyAmnAyante tathA mahAvAkyAH |
ityuktAni kramato nAmAnyeShAM smR^itItihAsAdau || 54||
naravAchyasakalarUpo gajavAchyo niShkalasvarUpastvam |
vignesha sakalaniShkalarUpamahAvAkyamUrtidhArI tvam || 55||
oM tatsaditi hi bhedAdbrahma proktaM tridhA sudhIbhirapi |
prathitaM mUrtamarmtaM mUrtAmUrtaM tridhA tadevamapi || 56||
nAmAntarANi sarvANyetAnyuditAni vedashIrSheShu |
kamalAvallabha bhavataH pUrvoktatrividharUpadhArayituH || 57||
api chAnyAni gaNapate nAmAni sahasrashaH prasiddhAni |
karmaj~nAnopAsanakANDeShu pR^ithagvinAyakAdIni || 58||
nirguNarUpadhyAnaM na sAdhakAlA prasidhyati kShipram |
tadanugrahAya dharase (dhatse)dhIparipAkAnurUparUpANi || 59||
mandAdhikAriNAmapi yathA ruchiH syAttadAnuguNyena |
vigrahavarA gR^ihItAH sarve te mAM sadAnugR^ihNantu || 60||
kailAse vaikuNThe hiraNmayapure cha yA maNidvIpe |
pUjyante.anayasmin vA sarvA mUrtIshcha tAstavopAse || 61||
aShTottaraM shataM vA sahasramatyaShTa madhikA shcha mUrtayo vA te |
mukhyatvena khyAtAH khelantvakhilAH sadA mama svAnte || 62||
kAshchana patnIhInA bahushaktiyutAshcha mUrtayaH kAshvit |
pAntvekadanta bhavato.apyekatyaShTAdishaktayaH sarvAH || 63||
bahuphalapuShpamahI ruhanikarArAmaM nighATitakavATam |
ArAmeshasamIpe niShThan kR^itvAhyArAmeshitR^isavidhe yathopavanapAlaH (?) || 64||
noddhATayati kavATaM svAmyAdeshaM vinA praveshAya |
tadvannodghATayati svAdhiShThAnAdi nijakavATAni || 65||
sarvasharIrisharIre mUlAdhArasthitA hi kuNDalinI |
(mUlAdhArasthakuNDalinIshaktiH)
AvR^itya ShaDAdhArAn mR^idbhANDamivAsti mUlavahneryA || 66||
yadvachChamIdrume.agnistadvanmUlAnale bhavAna gaNesho sti |
tatratyasiddhibuddhathAddhi yutabhavadAj~nAM gaNapAj~nAM vinA kadAchidapi || 67||
yadi tava pUjA kriyate vinAyakodghATitAH ShaDAdhArAH |
ata eva pUrvapUjyaH sarvA karmA smbhetvameva devAdyaiH || 68||
shuklAmbaretimantraM prochchArya chaturmukhAdayo.api tvAm |
shvetavinAyakamUrtiM dhyAtvA kurvanti kuTTanaM muShTayA || 69||
sarvasharIrishirasthA mUrdhani karakuTTanAt sudhA galitA |
patati suShumnAnADidvArA mUlAduparyupodgatayA || 70||
siddhathA buddhathA cha yute mUlAdhArasthagaNapatau bhavati |
tena prasIdati bhavAn karoti karmArhamantarAtmAnam || 71||
tAdR^ishakuTTanatuShTaM shvetavinAyakamanArataM kalaye |
pIyUShamathanasamaye puruhUtamukhaishcha pUjito yo.abhUt || 72||
bhavatastejorUpaM narAmarAdyairna shakyate draShTum |
ata eva nayanaviShayaM gR^ihNAsi tvaM gajAnanasharIram || 73||
nR^igajAtmakarUpatvAnnirguNasaguNasvarUpavattvAchcha |
helambodara syAdekadanta bhavato gajAnanAkhyA suvishrutAmnAye || 74||
gajapadavAchyaM hi mukhaM prathamaM kAryaM hi yasya devasya |
ata eva vA sa kathito gajamukhanAmeti manvate munayaH || 75||
tyaktvA mAyAvadanaM gajavadanaM nirguNaM dadhau devaH |
yo lIlayA gaNeshastaM tvAM sharaNaM sadA prapatye.aham || 76||
vigato nAyaka iti sA vinAyakAkhyA shrutau samAmnAtA |
sarveShAM hi visheShAnnAyaka ityapyabhiprayantyartham || 77||
vigno.abhihito jagatAM sAmarthyasya hi visheShato hananAt |
uktaH sa eva kAlastannAthatvAt tvameva vigneshaH || 78||
jIveshvarA hi vashagA bhavanti kAlAtmanaH pareshasya |
tadadhIshvarasya bhavato vigneshatve kimasti vaktavyam || 79||
sarvabrahmANDAnAM svatantradevo vinAyako rAjA |
rAjapratinidhirarkaH sahAyabhUtA shivA mahArAj~nI || 80||
sR^iShTisthitisaMhArAn kartAro dhAtR^iharigirIshAshcha |
rAjyAdhikArasachivAH santi bhavAnI divAkarAdyAshcha || 81||
yadrAjyarakShaNAyaitatsenApatitAM guho mahAsenaH |
tajjyeShTarAjanAmA gajAnano.abhUditIritaM munibhiH || 82||
yasya jyeShThAbhAvAjyeShThatvAdapi cha rAjabhAvavatAm |
tajjyeShTharAjanAma proktaM sa sadA virAjatAM chitte || 83||
yasyodaramavalambashvarAcharANAM hi sarvajantUnAm |
mAtApitarAvapi pralaye sthityAdAvapi janmAdAvapi
yaH sadaiva lambodaraM tamavalambe || 84||
shUrpastuShamiva kaluShaM nirasyatItyasya |
(shUrpakarNAkhyA karNAdasyati hi shUrpakarNo.ataH)
vigalitarajastamomalamatipUtaM mAM karotu sa gaNeshaH || 85||
brahmAtmamastakatvAt kaNThAdho mAyikasvarUpatvAt |
vakraM dehavilakShaNamasya tu tuNDaM sa vakratuNDo.ataH || 86||
mAyAvAchaka ekaH dantaH sattAtmavAchakashcha tayoH |
yogo gaNesha ityata ukto.asAvekadantAmnApi || 87||
brahmAtmanAM patitvAnmAyAgaurImaheshvarAdInAma |
annaprANaprabhR^itipraNavAntabrahmaNAM patitvAchcha || 88||
yaM brahmaNampatiriti prAhurvedAdhipatyato.apyevam |
tamahaM sarvAdhIshaM satataM parishIlayAmi vighnesham || 89||
brahmAdistambAntaprANigaNAnAmadhIshvaro yataH |
saguNabrahmagaNAnAmapi tasmAt tvaM gaNesha ityuktaH || 90||
yannAmarUpabhogAn mAyAgUDho.antareva muShNAti |
tanmUShakaH svavAho yasya sa gaNapo viharatu mama manasi || 91||
mUlaprakR^itiH patnI jahAti chainAM tu bhuktabhogAM yaH |
patnIhIno.abhihitastato gajAsyo.anishaM sa mAM pAtu || 92||
brahmaNi vede charatItyarthamabhipretya vedagamyatvAt |
taM brahmachArishabdaM ku~njaravadane prayu~njate kavayaH || 93||
brahmAtmamastakatvAttasya mahAvAkyagaNapateshva vibhoH |
tena cha sahasa~nchArAdAhurvA brahmachArIti || 94||
AtmArAmatvAdapi charati brahmaNyabAhyavR^ittiriti |
yamihAmananti munayaH pAyAtsa brahmachAridevo gaNapo mAm || 95||
san dvApare parAsharaputraH sindUradAnavaM nyavadhIt |
yadbrahmacharyavartI gadito.ato brahmachArishabdena || 96||
vimalakamaNDalutaTinItIramayUreshanagaravarye yaH |
bhUsvAnande suchirAdAvirbhUto.adbhutAni kR^ityAni || 97||
lokAnukUlabhUtAn sindhuvadhAdIMshcha bahuvidhAn vyadadhAt |
nikhilAnugrahanirataH satataM dvaimAturaH sa mAM pAyAt || 98||
yatkopapAvakArchiShyasurau chaNDaprachaNDanAmAnau |
prAptau pata~NgabhAvaM pAlayatu sa mAM sadaiva vighneshaH || 99||
yashchAShTagandhanirmitachandanagaNapo purA bhR^igoH sutayA |
ramayA prapUjitaH san vivAhasamaye purANapuruShasya || 100||
durgandhAsuramavadhInmadhukaiTabhamedasaH samudbhUtam |
yo.api cha gavyagaNapatirmahito golokarAdhayA pUrvam || 101||
gavyaiH payodadhighR^itairjaghAna pApAsuraM durAtmAnam |
varivasyAmyanavarataM taM vighneshaM dayApayorAshim || 102||
yaM hAridragaNapatiM himavadduhitA maheshvarashchApi |
svIye vivAhasamaye hyapUjayetAM cha dampatI prA~nchau || 103||
yashcha haridrAbimbAdAvirbhUto gaNeshvaraH sadyaH |
avadhIdama~NgalAsuramanyamaparamAranAmakaM hyasuram || 104||
gaurIharavachanAdyaM cha shubhAdau prapUjayantyadya |
mama hAridragaNapatirharatu sa duritaM samastamapi sadyaH || 105||
kR^itayugasamaye yo.asau kAshyapaputro mahotkaTo bhUtvA |
devAntakaM narAntakamapi nAmnA tAvahanmahAduShTau || 106||
prApayadAnandabhuvaM sasharIraM kAshirAjamapi bhaktam |
akarochchAdbhutalIlAmahotkaTaM tvAmahaM sadArhAmi || 107||
yo.api vareNyAya purA gaNeshagItAM hitAmupadidesha |
sa vareNyarAjaputro gajAnano me tanotu kushalatatim || 108||
dhUmravinAyakamUrtiM grahIShyasi tvaM kaleryugasyAnte |
sarvAMshcha nigrahiShyasi viplutamatakR^ityanAstikaprAyAn || 109||
shishnodaramAtraparA jAtivibhAgAdivarjitAH sarve |
dhUmravinAyaka (dhUmadhvajena) bhavatA samUlaghAtaM hatA bhaviShyanti || 110||

|| iti shrIvidvadratnopanAmakena vaiyAkaraNashiromaNinA vaidikaShaDdarshanIsAravedinA
nIlakaNThashAstriNA virachitaM gaNeshapUrvashatakaM samAptam |
##
Proofread by Gopalakrisnan

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}