% Text title            : gaNeshastavarAjaH
% File name             : gaNeshastavarAja.itx
% Category              : stavarAja, ganesha, aShTaka
% Location              : doc\_ganesha
% Proofread by          : Ravin Bhalekar ravibhalekar at hotmail.com
% Description-comments  : source rudrayAmala tantra
% Latest update         : April 23, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshastavarAjaH ..}##
\itxtitle{.. shrIgaNeshastavarAjaH ..}##\endtitles ##
gaNeshAShTakam cha |

shrIgaNeshAya namaH . shrIbhagavAnuvAcha .
gaNeshasya stavaM vakShye kalau jhaTiti siddhidam |
na nyAso na cha sa.nskAro na homo na cha tarpaNam || 1||
na mArjanaM cha pa~nchAshatsahasrajapamAtrataH |
siddhyatyarchanataH pa~nchashata\-brAhmaNabhojanAt || 2||
asya shrIgaNeshastavarAjamantrasya bhagavAn sadAshiva R^iShiH,
anuShTup ChandaH, shrImahAgaNapatirdevatA,
shrImahAgaNapatiprItyarthe jape viniyogaH |

vinAyakaika\-bhAvanA\-samarchanA\-samarpitaM
pramodakaiH pramodakaiH pramoda\-moda\-modakam |
yadarpitaM sadarpitaM navAnnadhAnyanirmitaM
na kaNDitaM na khaNDitaM na khaNDamaNDanaM kR^itam || 1||
sajAtikR^id\-vijAtikR^ita\-svaniShThabhedavarjitaM
nira~njanaM cha nirguNaM nirAkR^itiM hyaniShkriyam
sadAtmakaM chidAtmakaM sukhAtmakaM paraM padaM
bhajAmi taM gajAnanaM svamAyayAttavigraham ||2|
gaNAdhipa! tvamaShTamUrtirIshasUnurIshvara\-
stvamambaraM cha shambaraM dhana~njayaH prabha~njanaH |
tvamevaM dIkShitaH kShitirnishAkaraH prabhAkara\-
shcharA.achara\-prachAra\-heturantarAya\-shAntikR^it || 3||
anekadaM tamAla\-nIlamekadanta\-sundaraM
gajAnanaM namo.agajAnanA.amR^itAbdhi\-chandiram |
samasta\-vedavAdasatkalA\-kalApa\-mandiraM
mahAntarAya\-kR^ittamo.arkamAshrito.andarUM param || 4||
saratnahema\-ghaNTikA\-ninAda\-nupurasvanai\-
mR^ida~Nga\-tAlanAda\-bhedasAdhanAnurUpataH |
dhimi\-ddhimi\-ttatho.nga\-tho~Nga\-thaiyi\-thaiyishabdato
vinAyakaH shashA~NkashekharaH prahR^iShya nR^ityati || 5||
sadA namAmi nAyakaikanAyakaM vinAyakaM
kalAkalApa\-kalpanA\-nidAnamAdiparUSham |
gaNeshvaraM guNeshvaraM maheshvarAtmasambhavaM
svapAdapadma\-sevinA\-mapAra\-vaibhavapradam || 6||
bhaje prachaNDa\-tundilaM sadandashUkabhUShaNaM
sanandanAdi\-vanditaM samasta\-siddhasevitam |
surA.asuraughayoH sadA jayapradaM bhayapradaM
samastavighna\-ghAtinaM svabhakta\-pakShapAtinam || 7||
karAmbujAta\-ka~NkaNaH padAbja\-ki~NkiNogaNo
gaNeshvaro guNArNavaH phaNIshvarA~NgabhUShaNaH |
jagattrayAntarAya\-shAntikArako.astu tArako
bhavArNavastha\-ghoradurgahA chidekavigrahaH || 8||
yo bhaktipravaNashcharA\-.achara\-guroH stotraM gaNeshAShTakaM
shuddhaH sa.nyatachetasA yadi paThennityaM trisandhyaM pumAn |
tasya shrIratulA svasiddhi\-sahitA shrIshAradA sarvadA
syAtAM tatparichArike kila tadA kAH kAmanAnAM kathAH || 9||

|| iti shrIrudrayAmalokto gaNeshastavarAjaH sampUrNaH ||
##
Proofread by Ravin Bhalekar ravibhalekar at hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}