% Text title            : gaNeshastavarAja bhaviShyapurANe
% File name             : gaNeshastavarAjabhaviShyapurANa.itx
% Category              : stavarAja, ganesha
% Location              : doc\_ganesha
% Transliterated by     : Pranav and Vrushali Tendulkar pranav.tendulkar at gmail.com
% Proofread by          : Pranav and Vrushali Tendulkar pranav.tendulkar at gmail.com
% Latest update         : August 22, 2010
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIGaneshastavaraja from Bhavishyottara Purana ..}## 
\itxtitle{.. shrIgaNeshastavarAja bhaviShyottarapurANe ..}##\endtitles ##

OM namaH shivAya ||

atha shrI gaNeshastavarAjaH ||

OM vighnesho naH sa pAyAdvihR^itiShu jaladhi puShkarAgreNa pItvA
yasminnuddhR^itya hastaM vamati tada.akhilaM dR^ishyate vyomni devaiH |
kvApya.anantaH kvacha shrIH kvApyaurbaH kvapi shailaH kvachana
maNigaNaH kvApi nakrAdisatvAH ||
nirvighnavishvanirmANasiddhaye yadanugraham |
manye sa vavre dhAtApi tasmai vighajite namaH ||
sargArambhe.apyajAtAya bIjarupeNa tiShThate |
dhAtrA kR^itapraNAmAya gaNAdhipataye namaH ||
gaNeshAya namaH praha vavA~nChitAmbujabhAnave |
sitadaMShTrAkurasphItavighnaughatimirendave ||
praNamAmyajamIshAnaM yogashAstravishAradama |
niHsheShagaNavR^indasya nAyakaM suvinAyakam ||

shrI brahmovAcha

bhagava~nChrotumichChAmi vistareNa yathAyathama | 
stavarAjasya mAhAtmayaM svarupaM cha visheShataH || 

shrI nandikeshvara uvAcha

stavarAjasya mAhAtmayaM pravakShyAmi samAsataH |
shR^iNuShvAvahito bhUtvA sarvasiddhikaraM param || 
karmaNA manasA vAchA ye prapannA vinAyakam |
te taranti mahAghoraM saMsAraM kAmavarjitAH || 
sakR^ichcha japtvA stavarAjamuttamaM taratyasheShaM bhavapAshapa~njaram |
vimuchyate saMsR^itisAgarAnnaro vibhUtimApnoti suraiH sudurlabhAm || 
yatphalaM labhate japtvA svarupaM chApi yAdR^isham |
yaH prAtarutthito vidvAnbrAhmo vApi mahUrtake || 
viShuvAyanakAleShu puNye vA samayAntare ||
sarvadA vA japa~njantuH stavarAjaM stavottamam | 
yatphalaM labhate martyaH tachChR^iNuShva chaturmukha ||
ga~NgApravAhavattasya vAgvibhUtirvijR^imbhate | 
bR^ihaspatisamo budyA purandarasamaH shriyA | 
tejasAdityasa~NkAsho bhArgaveNa samo naye ||
dhanadena samo dAne tathA vittaparigrahe |
dharmarAjasamo nyAye shivabhakto mayA samaH ||
pratApe vahnisa~NkAshaH prasAde shashinA samaH |
balena marutA tulyo bhavatA brahmAvarchase ||
sarvatatvArthavij~nAne mayApi samatAM vrajet |
evametattrisandhyaM vai japanstavamanuttamama ||
sarvAnkAmAnnaraH prApya bhuktvA bhogAnyathepsitAn |
sasharIraH surendrasya padaM nyasyati mUrdhani ||
prApyAShTaguNamaishvaryaM bhuktvA bhogAnsupuShkalAn |
akShayo vItashokashcha nirAta~Nko nirAmayaH ||
jarAmaraNanirmukto vedashAstrArthakovidaH |
siddhachAraNagandharvadevavidyAdharAdibhiH ||
saMstUmAno munibhi: shaMsyamAno dinedine |
vicharatya.akhilA.NllokonbandhuvargaiH samaM naraH ||
evaM chirAya nirvAhya devasyAnucharobhavet |
stavarajaM sakR^ijjaptvA muchyate sarvakilvaShaiH ||
sarvasiddhimavApnoti punAtyAsaptamaM kulam |
nAshayedvighnasa~NghAtAMsten vainAyakaM smR^itam ||
stavarAjamanusmara~njapanhR^idayAgre vilikhanpaThannapi |
sa surAsurasiddhachAraNairmunibhiH pratyahameva pUjyate ||
tarati cha bhavachakraM sarvamohaM nihanti
      kShipati cha paravAdaM mAnyate bandhuvargaiH |
akhilamapi cha lokaM kShematAmAshu nItvA
      vrajati yatibhirIDyaM shAshvataM dhAma martyaH ||
yo japati stavarAjamashokaH kShematamaM padameti manuShyaH |
chAraNasiddhasurairabhivandyo yAti padaM paramaM sa vimuktaH ||
japedyaH stavarAjAkhyamimaM prAtaH stavottamam ||
tasyApachAraM kShamate sarvadaiva vinAyakaH ||
sarvAnnihanti vai vighnAnvipadashcha samantataH |
asheShAbhirgaNAghyakShaH sampadbhirabhiShi~nchati ||
asya cha praNatA lakShmIH kaTAkShAnuvidhAyinI |
kiM karomIti vai bhItyA purastAdeva tiShThati ||
tasmAnniHshreyasaM gantumatibhaktyA vichakShaNaH |
stavarAjaM japejjanturdharmakAmArthasiddhaye ||
AdhivyAdhyastrashastrAgnitamaHpa~NkArNavAdiShu |
bhayeShvanyeShu chApyetatsmaranmukto bhavennaraH ||
stavarAjaM sakR^ijjaptvA mArgaM gachChati mAnavaH |
na jAtu jAyate tasya chauravyAghrAdibhirbhayam ||
yathA variShTho devAnAmasheShANAM vinAyakaH |
tathA stavo variShThoyaM stavAnAM shambhubhAvitaH ||
avatIrNo yadA devo vighnarAjo vinAyakaH |
tadA lokopakArArthaM prokto.ayaM shambhunA svayam ||
vinAyakapriyakaro devasya hR^idaya~NgamaH |
japyaH stavo.ayaM yatnena dharmakAmArthasiddhaye ||

asya shrImahAgaNapatistavarAjamantrasya shrI Ishvara R^iShiH nAnAvR^ittAni
ChandAMsi vinAyako devatA tatpuruSha iti bIjaM ekadanta iti shaktiH vakratuNDa
iti kIlakaM Atmano vA~NganaHkAyopArjitapApanivAraNArthaM
sarvavighnanivAraNArthaM dharmakAmArthasiddhyarthe pAThe viniyogaH  |

dhyAnaM 

jetuM yastripuraM hareNa hariNA vyAjAbdalerbandhane
straShTuM vAriruhodbhavena bidhinA sheSheNa dhartuM dharAm |
pArvatyA mahiShAsurapramathane siddhAdhipairmuktaye dhyAtaH 
pa~nchashareNa lokavijaye pAyAtsa nAgAnanaH ||

shrI Ishvara uvAcha

OMkAramamR^itaM brahma shivamakSharamavyayam |
yamAmanAnti vedeShu taM prapadye vinAyakam ||
yataH pravR^ittirjagatAM yaH sAkShI hR^idayasthitaH |
AdhArabhUto vishvasya taM prapadye vinAyakam ||
yasya prasAdAchChakrAdyAH prANanti nimiShanti cha |
pravartakaM taM lokAnAM praNamAmi vinAyakam ||
shikhAgre dvAdashA~Ngulye sthitaM sUkShmatanuM vibhum |
yu~njanti yaM marIchyAdyAstaM namAmi gaNAdhipam ||
lIlayA lokarakShArthaM dvidhAbhUto maheshvaraH |
yaH svayaM jagataH sAkShI taM vande dviradAnanam ||
vighneshvaraM vidhAtAraM dhAtAraM jagatAmapi |
praNamAmi gaNAdhyakShaM praNatArtivinAshanam ||
utsa~Ngatalpe yo devyA bhavAnyAH krIDate vibhu |
bAlo haranmanastasyAstaM prapadye vinAyakam ||
vidhAya bhUShaNaishchitrairveshakarma manoramam |
yaM hR^iShTA pashyatIshAnI taM prapadye vinAyakam ||
lIlayA yaH sR^ija.NllokAnbhindannapi muhurmuhuH |
sa~NkrIDate mahAsatvastaM nato.asmi gaNAdhipam ||
sindUritamahAkumbhastu~NgadantaH subhairavaH |
bhinatti daityakariNastaM vande dviraDananam ||
yasya mUrti vrajantyAshu madAmodAnuSha~NgiNaH |
bhramarAstIvrasaMrAvIstaM namAmi vinAyakam ||
gambhIrabhImaninadaM shrutvA yadbR^iMhitaM kShaNAt |
patantyasuranAgendrAstaM vande dviradAnanam ||
yo bhinatti girInsarvAnighoranirghAtabhairavaiH |
ravaiH santrAsajananaistaM vande dviradAnanam ||
lIlayA prahatA yen pAdAbhyAM dharaNI kShaNAt |
saMshIryate sashailaughA taM vande chaNDavikramam ||
yatkarAtADanairbhinnamambhaH shatasahasradhA |
vishIryate samudrANAM taM nato.asmi gaNAdhipam ||
vimukhA yatra dR^ishyante bhraShTavIryAH padachyutAH |
niShprabhA vibudhAH sadyastaM prapadye vinAyakam ||
yadbh praNihitAM lakShmIM labhante vAsavAdayaH |
svatantramekaM netAraM vighnarAjaM namAmyaham ||
yatpAdapAMsunichayaM vibhrANA maNimauliShu |
amarA bahu manyante taM nato.asmi gaNAdhipam ||
vedAntagItaM puruShaM varenyama.abhayapradam |
hiraNmayapurAntaHsthaM tamasmi sharaNaM gataH || 
chitsudhAnandasanmAtraM parAnandasvarupiNam |
niShkalaM nirmalaM sAkShAdvinAyakamupaimi tam ||
anapAyaM cha sadbhutaM bhUtidaM bhUtivardhanam |
namAmi satyaMvij~nAnamanantaM brahmarupiNam ||
anAdyantaM mahAdevapriyaputraM manoramam ||
dvipAnanaM vibhuM sAkShAdAtmAnaM taM namAmyaham ||
vishvAmareshvarairvandyamAdhAraM jagatAmapi |
praNamAmi gaNAdhyakShaM praNatAj~nAnamochanam ||
shikhAgre dvAdashA~Ngulye sthitaM sphaTikasannibham |
gokShIradhavalAkAraM praNamAmi gajAnanam ||
anAdhAraM navAdhAramanantAdhArasaMsthitam |
dhAtAraM cha vidhAtAraM tamasmi sharaNaM gataH ||
anantadR^iShTiM lokAdimanantaM vidrumaprabham |
apratarkyamanirdeshyaM nirAlambaM namAmyaham ||
bhUtAlayaM jagadyonimaNIyAMsamaNorapi |
svasaMvedyamasaMvedyaM vedyAvedyaM namAmyaham ||
pramANapratyayAtItaM haMsamavyaktalakShaNam |
anAvilamanAkAraM tamasmi sharaNaM gataH ||
vishvAkAramanAkAraM vishvAvAsamanAmayam |
sakalaM niShkalaM nityaM nityAnityaM namAmyaham ||
saMsAravaidyaM sarvaj~naM sarvabheShajabheShajam |
AtmAnaM sadasatvyaktaM dhAtAraM praNamAmyaham ||
bhrUmadhye saMsthitaM devaM nAbhimadhye pratiShThitam |
hR^inmadhye dIpavatsaMsthaM vande sarvasya madhyagam ||
hR^itpuNDarIkanilayaM sUryamaNDalaniShThitam |
tArakAntarasaMsthAnaM tArakaM taM namAmyaham ||
tejasvinaM vikartAraM sarvakAraNakAraNam |
bhaktigamyamahaM vande praNavapratipAditam ||
antaryogaratairyuktaiH kalpitaiH svastikAsanaiH ||
baddhaM hR^itkarNikAmadhye dhyAnagamyaM namAmyaham ||
dhyeyaM durj~neyamadvaitaM trayIsAraM trilochanam |
AtmAnaM tripurArAteH priyasUnuM namAmyaham ||
skandapriyaM skandaguruM skandasyAgrajameva cha |
skandena sahitaM shashvannamAmi skandavatsalam ||
namaste vighnarAjAya bhaktavighnavinAshine |
vighnAdhyakShAya vighnAnAM nihantre vishvachakShuShe ||
vighnadAtre.apyabhaktAnAM bhaktAnAM vighnahAriNe ||
vighneshvarAya vIrAya vighneshAya namonamaH ||
kulAdrimerukailAsashikharANAM prabhedine |
dantabhinnAbhramAlAya karirAjAya te namaH ||
kirITine kuNDaline mAline hAriNe tathA |
namo mau~njIsanAthAya jaTine brahmachAriNe ||
DiNDimuNDAya chaNDAya namo.adhyayanashIline ||
vedAdhyayanayuktAya sAmagAnaparAya cha |
tryakShAya cha variShThAya namashchandrashikhaNDine ||
kapardine karAlAya sha~NkarapriyasUnave |
sutAya haimavatyAshcha hartre cha suravidviShAm ||
airAvaNAdibhirdivyairdiggajaiH saMstutAya cha |
svabR^iMhitaparitrastairnamaste muktihetave ||
kUShmANDagaNanAthAya gaNAnAM pataye namaH |
vajriNArAdhitAyaiva vajrivajranivAriNe ||
pUShNo dantabhide sAkShAnmarutAM bhIShaNAya cha |
brahmaNashcha shirohartre vivasvadbandhanAya cha ||
agneshchaiva sarasvatyA indrasya cha balachChide |
bhairavAya subhImAya bhayAnakaravAya cha ||
vibhIShaNAya bhIShmAya nAgAbharaNadhAriNe |
pramattAya prachaNDAya vakratuNDAya te namaH ||
herambAya namastubhyaM pralambajaTharAya cha |
AkhuvAhAya devAya chaikadantAya te namaH ||
shUrpakarNAya shUrAya parashvadhadharAya cha |
sR^iNihastAya dhIrAya namaH pAshAsipANaye ||
dhAraNAya namastubhyaM dhAraNAbhiratAya cha |
dhAraNAbhyAsayuktAnAM purastAtsaMstutAya cha ||
pratyAhArAya vai tubhyaM pratyAhAraratAya cha |
pratyAhAraratAnAM cha pratyAhArasthitAtmane ||
vighnAdhyakShAya dakShAya lokAdhyakShAya dhImate |
bhUtAdhyakShAya bhavyAya gaNAdhyakShAya te namaH ||
yogapIThAntarasthAya yogine yogadhAriNe |
yoginAM hR^idisaMsthAya yogagamyAya te namaH ||
dhyAnAya dhyAnagamyAya shivadhyAnaparAya cha |
dhyeyAnAmapi dhyeyAya namo dhyeyatamAya cha ||
saptapAtAlapAdAya saptabdIporuja~Nghine |
namo digbAhave tubhyaM vyomadehAya te namaH ||
somasUryAgninetrAya brahmavidyAmadAmbhase |
brahmANDakuNDapIThAya hR^idayAlAnakAya cha ||
jyotirmaNDalapuchChAya hR^idyAlAnakAya cha |
dhyAnArdrabaddhapAdAya pUjAdhoraNadhAriNe ||
somArkabimbaghaNTAya dikkarIndraviyogine |
AkAshasaraso madhye krIDAgahanashAline ||
sumerudantakoshAya pR^ithivIsthalagAya cha |
sughoShAya subhImAya suraku~njarabhedine ||
hemAdrikUTabhettre cha daityadAnavamardine |
gajAkArAya devAya gajarAjAya te namaH ||
brahmaNe brahmarupAya brahmagotre.avyayAya cha |
brahmaghne brahmaNAyaiva brahmaNaH priyabandhave ||
yaj~nAya yaj~nagoptre cha yaj~nAnAM phaladAyine ||
yaj~nahartre yaj~nakartre sarvayaj~namayAya cha |
sarvanetrAdhivAsAya sarvaishvaryapradAyine |
guhAshayAya guhyAya yogine brahmavAdine || 100 ||

OM gaM tatpuruShAya vidmahe 
vakratuNDAya dhImahi tanno
dantI prachodayAt ||

ekAkSharaparAyaiva mAyine brahmachAriNe |
bhUtAnAM bhuvaneshAnAM pataye pApahAriNe ||
sarvArambhanihantre cha vimukhAnAM nijArchane |
namo namo gaNeshAya vighneshAya namo namaH ||
tripuraM dagdhukAmena pUjitAya trishUlinA |
dayAshIla dayAhAra dayApara namo.astu te ||
vinAyakAya vai tubhyaM vikR^itAya namo namaH |
namastubhyaM jagaddhAtre namastubhyaM viyogine ||
namastubhyaM trinetrAya trinetrapriyasUnave |
saptakoTimahAmantrairmantritAvayavAya te ||
mantrAya namtriNAM nityaM mantrANAM phaladAyine |
lIlayA lokarakShArthaM vibhaktanijamUrtaye ||
svayaM shivAya devAya lokakShemAnupAline |
namo namaH kShamAbhartre namaH kShematamAya cha ||
dayAmayAya devAya sarvabhUtadayAlave || 
dayAkara dayArupa dayAmUrte dayApara || 
dayAprApya dayAsAra dayAkR^itiratAtmaka ||
jagatAM tu dayAkartre sarvakartre namo namaH ||
namaH kAruNyadehAya vIrAya shubhadantine |
bhaktigamyAya bhaktAnAM duHkhahartre namo.astu te ||
namaH samastagIrvANavanditA~NighrayugAya te |
jagatAM tasthuShAM bhartre vighnahartre namo.astu te ||

namo namaste gaNanAyakAya 
sunAyakAyAkhilanAyakAya |
vinAyakAyAbhayadAyakAya 
namaH shubhAnAmupanAyakAya ||
gaNAdhirAjAya gaNAnushAstre 
gajAdhirAjAya gajAnanAya |
shatAnanAyAmitamAnanAya 
namo namo daityavinAshanAya ||
anAmayAyAmaladhImayAya |
svamAyayAviShTajaganmayAya |
ameyamAyAvikasanmayAya 
namo namaste.astu manomayAya ||
namaste samastAdhinAthAdhikartre
namaste samastoruvistArabhAje |
namaste samastAdhikAyAtibhUmne 
namaste punarvyastavinyastadhAmne ||

pAtre surANAM pramatheshvarANAM 
shAstre.anushAstre sacharAcharasya |
netre pranetre cha sharIrabhAjAM 
dhAtre varANAM bhavate namo.aste ||
namo.astu te vighnavinAshakAya
namo.astu te bhaktabhayApahAya |
namo.astu te muktamanasthitAya 
namashcha bhUyo gaNanAyakAya ||
akhilabhuvanabhartre sampadAmekadAtre
nikhilatimirabhettre niShkalAyAvyayAya |
praNatamanujagoptre prANinAM trANakartre 
sakalavibudhashAstre vishvanetre namo.astu ||
dashanakulalishabhinnairnirgaterdiggajAnAM 
vilasitashubhadantaM mauktikaishchandragauraiH |
bhavanmupasarantaM prekShya gaurI bhavantaM 
sudR^iDhamatha karAbhyAM shliShyate premanunnA ||
mR^iduni lalitashIte talpara~Nge bhavAnyAH 
shubhavilasitabhAvAM nR^ityalIlAM vidhAya |
achaladuhitura~NkAda.a~NkamanyaM visarpan\-
piturupaharasi tvaM nR^ityaharShopahAram ||
bhujagavalayitenopaspR^ishnpANinA tvAM
sarabhasamatha bAhvorantarAle niveshya |
kalamadhurasugItaM nR^ittamAlokayaMste 
kalama.avikalatAlaM chumbate hastepadme ||
kuvalayashatashItairbhUrikalhArahR^idyaiH
tava muhurapi gAtrasparshanaiH samprahR^iShyan |
kShipati cha suvishAle svA~Nkamadhye bhavantaM
tava muhuranurAgAnmUrdhni jighranmaheshaH ||

bAlo.abAlaparAkramaH suragaNaiH samprArthyase.aharnishaM
gAyankimpuruSha~NganAvirachitaiH stotrairabhiShTUyase |
hAhAhUhukatumburuprabhR^itibhistvaM gIyase nArada
stotrairadbhutacheShTitaiH pratidinaM proddhoShase sAmabhiH ||

tvAM namanti surasiddhachAraNA\-
stvAM yajanti nikhilA dvijAtayaH |
tvAM paThanti munayaH purAvida\-
stvAM smaranti yatayaH sanAtanAH ||
paraM purANaM guNinaM mahAntaM 
hiraNmayaM puruShaM yogagamyam |
yamAmanantyAtmabhuvaM manIShiNo 
vipaschitaM kavimapyakShayaM cha ||
gaNAnAntvA gaNanAthaM surendraM 
kaviM kavInAmatimedhyavigraham |
jyeShTharAjamR^iShabhaM ketumekamAnaH
shR^iNvannUtibhiH sIda shashvat ||
namo namo vA~NmanasAtibhUmaye 
namo namo vA~NmanasaikabhUtaye |
namo namonantasukhaikadAyine 
namo namonantasukhaikasindhave ||
namo namaH shAshvatashAntihetave 
kShamAdayApUritachAruchetase |
gajendrarupAya gaNeshvarAya te
parasya puMsaH prathamAya sUnave ||
namo namaH kAraNakAraNAya te 
namo namo ma~Ngalama~NgalAtmane |
namo namo vedavidAM manIShiNA\-
mupAsanIyAya namo namo namaH || 3||

shrI Ishvara uvAcha

vainAyakaM stavaM puNyaM sarvapApapraNAshanam |
chintAshokaprashamanamAyurArogyavardhanam ||
nR^ipANAM satataM rakShA dvijAnAM cha visheShataH |
stavarAja iti khyAtaM sarva siddhikaraM param ||
yaH paThechChR^iNuyAdvApi sarvapApaiH pramuchyate |
rupaM vIryaM balaM praj~nAM yashashchAyuH samanvitam ||
manIShAM siddhimArogyaM shriyamapyakShayiShNutAm |
sarvalokAdhipatyaM cha sarvadevAdhirAjatAm ||
prApyAShTaguNamaishvaryaM cha sarvadevAdhirAjatAm ||
prApyAShTaguNamaishvaryaM prApya bhUtiM cha shAshvatIm |
uddhR^ityAsaptamaM vaMshaM dustarAdbhvasAgarAt ||
kA~nchanena vimAnena shatanAmAyutena cha |
vicharatyakhilA.NllokAnsasharIro gaNAdhipaH ||
bhatprishcha bhavenmartyaH sarvadevapriyaH sadA |
priyau vinAyakasyApi priyosmAkaM visheShataH ||
sa~NkalpasiddhaH sarvaj~naH sarvabhUtahite rataH |
stavarAjaM japanmartyaH suhR^idbhiH saha modate||
stavarAjajapAsaktabhAvayuktasya dhImataH |
asmi~njapantrayepyasti nAsAdhyaM na cha duShkaram ||
tasmAtsarvaprayatnena stavarAjaM japennaraH |
sakR^ijjaptvA labhenmuktiM duHsvapneShu bhayeShvapi ||
sarvaM tarati pAShmAnaM brahmabhUto bhavennaraH |
tasmAtsampUjito hyeSha dharmakAmArthasiddhaye ||
stavarAjamimaM stavottamaM  
pralapaMshchaiva paThansmarannapi |
kurute shubhakarma mAnavaH 
shubhamabhyeti shubhAni chAkShute ||
bahunAtra kimuktena stavarAjamimaM japan |
sarvaM tadbhadramAdyauti yadyadichChati shAshvatam ||
stavAnAmpyasheShANAM variShThoyaM yataH stavaH |
stavarAja iti khyAtiM sarvalokeShu yAsyati ||

shrInandikeshvara uvAcha |
itthameShaM stavaH proktaH prashastaH shambhunAsvayam |
sarvasiddhikaro nR^INAM sarvAbhIShaTaphalapradaH ||
tasmAdanena stotreNa stavarAjena mAnavaH |
stava~njapansmaranvApi kurvannirvANamR^ichChati ||
evaM te kathitaM hyetatkrameNa paripR^ichChataH |
vinAyakasya mAhAtmvaM pratiShThAcharnayorvidhiH ||
prashaMsA brahmagAyatryAH kalpastasyAshcha shobhanaH |
uktametatparaM brahma kiM bhUyaH shrotumichChasi ||
iti virachayati sma tryambakaH 
stotrametadvaramibhavadanasya svAmino.atyAdareNa |
guruvaracharaNAgrAnmUrdhni kR^itvA varAj~nAM 
paThitamiha vareNyaM dhoravighnaughashAntyai ||
lAkShAsindUravarNaM suravaranamitaM
modakarmoditAsyaM 
haste dantaM dadAnaM dinakarasadR^ishaM
tejasograM trinetram |
dakShe ratnAkShasUtraM varaparashudharaM 
sAkhusiMhAsanasthaM 
gA~NgeyaM raudramUrtiM tripuravadhakaraM
vighnabhakShaM namAmi ||
namatAsheShavighnaudhavAraNaM vAraNAnanam |
kAraNaM sarvasiddhInAM duritArNavatAraNam ||
sha~Nkara jagadambikayora~Nke pa~Nkena khelantam |
lambodaramavalambe stambheramarAjachArumukham ||

iti shrIbhaviShyottara uttarakhaNDe
nandikeshvarasaMvAde gaNeshastavarAjaH 
sampUrNaH ||

##

From Bhavishyottarapurana.

Encoded and proofread by 
Pranav and Vrushali Tendulkar 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}