% Text title            : gaNeshastotra
% File name             : gaNeshastotra.itx
% Category              : ganesha, stotra
% Location              : doc\_ganesha
% Transliterated by     : Pooja P pooanaji at gmail.com
% Proofread by          : Pooja P pooanaji at gmail.com
% Description-comments  : Shri-Maha-Ganapati-Sadhana from Kalyan-Mandir
% Latest update         : May 21, 2014
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshastotram ..}##
\itxtitle{.. shrIgaNeshastotram ..}##\endtitles ##
mahAgaNapatistotram

OMkAramAdyaM pravadanti santo vAchaH shrutinAmapi ye gR^iNanti |
gajAnanaM devagaNAnatAMghriM bhaje.ahamarddhendukR^itAvataMsam || 1||
pAdAravindArchanatatparANAM saMsAradAvAnalabha~NgadakSham |
nirantaraM nirgatadAnatoyaistaM naumi vighneshvaramambujAbham || 2||
kR^itA~NgarAgaM navakuMkumena, mattAlimAlAM madapa~NkalagnAm |
nivArayantaM nijakarNatAlaiH, ko vismaret putramana~NgashatroH || 3||
shambhorjaTAjUTanivAsiga~NgAjalaM samAnIya karAmbujena |
lIlAbhirArAcChivamarchayantaM, gajAnanaM bhaktiyutA bhajanti || 4||
kumArabhuktau punarAtmahetoH, payodharau parvatarAjaputryAH | 
prakShAlayantaM karashIkareNa, maugdhyena taM nAgamukhaM bhajAmi || 5||
tvayA samuddhR^itya gajAsyahastaM, shIkarAH puShkararandhramuktAH | 
vyomA~Ngane te vicharanti tArAH, kAlAtmanA mauktikatulyabhAsaH || 6||
krIDArate vArinidhau gajAsye, velAmatikrAmati vAripUre |
kalpAvasAnaM parichintya devAH, kailAsanAthaM shrutibhiH stuvanti || 7||
nAgAnane nAgakR^itottarIye, krIDArate devakumArasa~NghaiH | 
tvayi kShaNaM kAlagatiM vihAya, tau prApatuH kandukatAminendu || 8||
madollasatpa~nchamukhairajasramadhyApayantaM sakalAgamArthAn |
devAn R^iShIn bhaktajanaikamitraM, herambamarkAruNamAshrayAmi || 9||
pAdAmbujAbhyAmatikomalAbhyAM, kR^itArthayantaM kR^ipayA dharitrIm |
akAraNaM kAraNamAptavAchAM, tannAgavaktraM na jahAti chetaH || 10||
yenArpitaM satyavatIsutAya, purANamAlikhya viShANakoTyA |
taM chandramaulestanayaM tapobhirArAdhyamAnandaghanaM bhajAmi || 11||
padaM shrutInAmapadaM stutInAM, lIlAvatAraM paramAtmamUrteH |
nAgAtmako vA puruShAtmako vetyabhedyamAdyaM bhaja vighnarAjam || 12||
pAshAMkushau bhagnaradaM tvabhIShTaM, karairdadhAnaM kararandhramuktaiH |
muktAphalAbhaiH pR^ithushIkaraughaiH, si~nchantama~NgaM shivayorbhajAmi || 13||
anekamekaM gajamekadantaM, chaitanyarUpaM jagadAdibIjam |
brahmeti yaM brahmavido vadanti, taM shambhusUnuM satataM bhajAmi || 14||
a~Nke sthitAyA nijavallabhAyA, mukhAmbujAlokanalolanetram |
smerAnanAbjaM madavaibhavena, ruddhaM bhaje vishvavimohanaM tam || 15||
ye pUrvamArAdhya gajAnana! tvAM, sarvANi shAstrANi paThanti teShAm |
tvatto na chAnyat pratipAdyamasti, tadasti chet satyamasatyakalpam || 16||
hiraNyavarNaM jagadIshitAraM, kaviM purANaM ravimaNDalastham |
gajAnanaM yaM pravadanti santastat kAlayogaistamahaM prapadye || 17||
vedAnta gItaM puruShaM bhaje.ahamAtmAnamAnandaghanaM hR^idistham |
gajAnanaM yanmahasA janAnAM, vighnAndhakAro vilayaM prayAti || 18||
shambhoH samAlokya jaTAkalApe, shashA~NkakhaNDaM nijapuShkareNa |
svabhagnadantaM pravichintya maugdhyAdAkarShTukAmaH shriyamAtanotu || 19||
vighnArgalAnAM vinipAtanArthaM, yaM nArikelaiH kadalIphalAdyaiH |
prabhAvayanto madavAraNAsyaM, prabhuM sadA.abhIShTamahaM bhaje tam || 20||

||  phalashruti ||
yaj~nairanekairbahubhistapobhirArAdhyamAdyaM gajarAjavaktram |
stutyA.anayA ye vidhinA stuvanti, te sarvalakShmInidhayo bhavanti || 1||

|| iti shrIgaNeshastotraM sampUrNam ||

##
Encoded and proofread by Pooja P pooanaji at gmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}