% Text title            : gaNeshastotram from AdityapurANa
% File name             : gaNeshastotramAdityapurANa.itx
% Category              : ganesha
% Location              : doc\_ganesha
% Transliterated by     : Jonathan Wiener wiener78 at sbcglobal.net
% Proofread by          : Jonathan Wiener wiener78 at sbcglobal.net, NA
% Description-comments  : Path Pustakam 1934 Srinagar Kashmir Mercantile Press
% Source                : Adityapurana
% Latest update         : April 22, 2018
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shrIgaNeshastotram ..}##
\itxtitle{.. shrIgaNeshastotram ..}##\endtitles ##
AdityapurANAntargatam

shrIgaNeshAya namaH |

sindUraku~NkumahutAshanavidrumArka\-
     raktAbjadADimanibhAya chaturbhujAya |
herambabhairavagaNeshvaranAyakAya
     sarvArthasiddhiphaladAya gaNeshvarAya || 1||
chidachitpadagambhIraM gamAgamapadojjhitam |
gahanAkAshasa~NkAshaM vande devaM gaNeshvaram || 2||
shrIsanatkumAra uvAcha |
sha~NkarAdbrahmaNA prAptaM padmayonermayA prabhoH |
tadahaM kIrtayiShyAmi stotraM paramadurlabham || 3||
ShaShThyAM chaturthyAmaShTamyAM chaturdashyAM visheShataH |
pUjayechcha gaNAdhyakShaM shraddhAbhaktisamanvitaH || 4||
arghaiH puShpaistathA dhUpairdIpairmAlyaishcha chAmaraiH |
vastraiH kuNDalakeyUrairmaulibhishcha vitAnakaiH || 5||
bhakShyairbhojyairapUpaishcha matsyairmAMsaishcha modakaiH |
pAnakaiH phalamUlaishcha homairmantrAdibhistathA || 6||
ga~NgAhR^ide tu gA~NgeyaM shrIshaile tu gaNeshvaram |
vArANasyAM gajavaktraM gayAyAM Ta~NkadhAriNam || 7||
prayAge tu gaNAdhyakShaM kedAre vikaTAnanam |
lambodaraM kurukShetre naimiShe cha madotkaTam || 8||
jambukaM daNDakAraNye lokeshaM himavadgirau |
vishvaksenaM tu vindhyAdrau malaye hemakumbhakam || 9||
nAyakaM puShkaradvIpe vighneshaM shalmale sthitam |
ilAvR^ite vishvarUpaM harivarShe ghaTodaram || 10||
trinetraM siMhaladvIpe shvetadvIpe tu vAmanam |
ujjayinyAM cha lamboShTaM mAlave shUrpakarNakam || 11||
saurAShTre varadaM devaM kashmIre bhImarUpiNam |
sindhusAgarayormadhye sthitaM vai mantranAyakam || 12||
haryakShaM yakShabhavane hariyakShAbhidhaM vibhum |
padmAbharaNanAmAnaM kailAse parameshvaram || 13||
mahAyogaM mahendre cha sahye vArAharUpiNam |
mahodaraM cha lumpAyAM champAyAM shikhivAhanam || 14||
pAshahastaM trikUTe cha pUjayetsarvasiddhidam |
balamagniguhAyAM cha pATale siMhavAhanam || 15||
pauNDre raudramukhaM chApi kalApigrAmake jayam |
merupR^iShThe kAmarUpaM nandanaM nandane vane || 16||
vijayaM vai gandhavane devadAruvane gaNam |
ArtAnAM vighnaharaNaM ga~NgAsAgarasa~Ngame || 17||
mahApathe virUpAkShaM chitrakUTe madotkaTam |
durjayaM yamunAtIre stambhanaM gandhamAdhane || 18||
bhadravaTe chAmbarIshaM mohanaM hastinApure |
kiShkindAyAmugraketuM la~NkAyAM tu vibhIShaNam || 19||
kali~Nge varuNaM chaiva gAndhAre cha madotkaTam |
ashvatthaM cha turuShkeShu chIne shatrujayAvaham || 20||
vajrahastaM kosaleShu dAkShiNAtyeShu lohitam |
shUloddhR^itakaraM chaiva madhyadeshe prakIrtitam || 21||
ekadaMShTraM pashchimAbdhau pUrvadeshe parAjitam |
uttare chAruvaktraM cha variShThaM tripureShu cha || 22||
suvarNagarbhaM vighneshaM nadInAM sa~Ngame sthitam |
girisandhiShu vij~neyaM hiraNyakavachAbhidham || 23||
sumukhaM nAgarandhreShu narmadAyAM cha ShaDbhujam |
mahApure mahAmAyAM bhadrakarNe hrade shivam || 24||
gokarNe gajakarNaM tu kAnyakubje varAnanam |
padmAsanaM kAmarUpe shrImukhaM sarvataH sthitam || 25||
vedavedA~NgashAstreShu pUjayedbrahmaNaspatim |
aShTAShaShTistu nAmAni stutAnyadbhutakarmaNaH || 26||
nityaM prabhAtakAle tu chintayedgaNanAyakam |
etatstotraM pavitraM cha mA~NgalyaM pApanAshanam || 27||
shastra\-khArkhoda\-vetAla\-yakSha rakSho bhayApaham |
chaurAraNyabhayavyAghravyAdhidurbhikShanAshanam || 28||
kR^ityAdimAyAshamanaM sarvashatruvimardanam |
trikAlaM yaH paThedbhaktyA sa bhavetsarvasiddhibhAk || 29||
gaNeshvaraprasAdena labhate shA~NkaraM padam || 30||

iti AdityapurANe gaNeshastotraM  sampUrNam ||
##
Encoded and proofread by Jonathan Wiener wiener78 at sbcglobal.net

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}