% Text title            : Ganesha Stuti by Gunesha
% File name             : gaNeshastutiHguNeshakRRitA.itx
% Category              : ganesha
% Location              : doc\_ganesha
% Transliterated by     : NA
% Proofread by          : NA
% Description/comments  : Mudgalapurana, Khanda 1, Adhyaya 8
% Latest update         : April 23, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Gunesha ..}##
\itxtitle{.. gaNeshastutiH guNeshakR^itA ..}##\endtitles ##
shrIgaNeshAya namaH |
guNesha uvAcha |
namAmi devaM gaNanAthamIshaM sadA sushAntaM hR^idi yoginAM vai |
apArayogaM dR^iDhayoganAthaM sushAntayogeshvaramAnato.asmi || 42||
ayogarUpaM kathituM tvashakyaM nivR^ittimAtraM hyasamAdhisaMstham |
abhedabhedAtmakamUlahInaM sushAntayogeshvaramAnato.asmi || 43||
sadA samAdhisthamanantapAraM prabhuM svasaMvedyamayaM vibhAntam |
nijAtmayogena cha labhyamevaM sushAntayogeshvaramAnato.asmi || 44||
videhayogena cha sA~NkhyarUpaM janena labhyaM gaNarAjamIDyam |
sadA hyupAdhau na hitaM gaNeshaM sushAntayogeshvaramAnato.asmi || 45||
susaMsthitaM sarvavilAsayuktaM hR^idvij~nabodhAtmakamAdidevam |
abhedamAtraM paramArtharUpaM sushAntayogeshvaramAnato.asmi || 46||
anAdimadhyAntamanantapAraM susaMvR^itaM santatamAtmarUpam |
gaNeshamAdyaM puruShaM purANaM sushAntayogeshvaramAnato.asmi || 47||
anAdirUpaM prakR^itiprabhedaM sadA subindvAtmakamaprameyam |
amAyikaM mohakaraM prasiddhaM sushAntayogeshvaramAnato.asmi || 48||
guNeShu rUpeNa virAjamAnamapAramavyaktamayaM gaNesham |
guNairvihInaM guNachAlakaM cha sushAntayogeshvaramAnato.asmi || 49||
samasvarUpaM jagadIshamekaM suShuptirUpaM sakalAvabhAsam |
anAdimAyAmayamohadhAraM sushAntayogeshvaramAnato.asmi || 50||
jaganmayaM sUkShmavibhUtidhAraM hiraNmayaM svapnagataM gaNesham |
janasya vij~nAnakara purANaM sushAntayogeshvaramAnato.asmi || 51||
stutaM sadA devamunIndrasiddhaiH sthitaM jaganmohamayaM prasiddham |
sadA paraM sthUlavihArayuktaM sushAntayogeshvaramAnato.asmi || 52||
asatsvarUpaM vividheShvabhedaM gaNeshamAyAmayashaktirUpam |
manovachohInamahAnubhAvaM sushAntayogeshvaramAnato.asmi || 53||
ravisvarUpaM hyamR^itaM purANamabhedamekAtmakamAtmarUpam |
akhaNDamAnandaghanaM gaNeshaM sushAntayogeshvaramAnato.asmi || 54||
samaM sadA viShNumachintyabhAvamabhedabhedAdivivarjitaM cha |
sadA sukhAnandamayaM gaNeshaM sushAntayogeshvaramAnato.asmi || 55||
achintyarUpaM sakalairvihInaM sadAshivaM mohavihInamAdyam |
apAraveshaM svasukhAvabhAsaM sushAntayogeshvaramAnato.asmi || 56||
padArtharUpaM vividhaprabhedaM vikArayuktaM paramaprameyam |
bodhAtmakaM tva.npadarUpameva sushAntayogeshvaramAnato.asmi || 57||
akhaNDamekAtmakavishvarUpaM vikArahInaM mahadaprameyam |
gaNeshamekaM hR^idi tatpadasthaM sushAntayogeshvaramAnato.asmi || 58||
gaNesha chaite vividhasvarUpAH kalAvatArA bhavato hi bhavyAH |
sushAntamekaM bhavadIyarUpaM kathaM vibhAvyaM manasA na labhyam || 59||
yadA cha sarvAtmamayaM vadAmi tadA tu so.ahaM prakR^itisvarUpam |
gakArarUpaM jagadIshabhedaM gakAramekaM sharaNaM prapadye || 60||
manovachohInamatho vadAmi hyayogasaMyogamayaM NakAram |
nivR^ittirUpaM sharaNaM sadA vai namAmi te sarvavariShThamAdyam || 61||
na shakyase vaktumavaktumevamato bhavantaM praNamAmi DhuNDhe |
gaNesha vighnesha mahAnubhAva prasIda bho brahmapate mahAtman || 62||
janma dhanyaM dhanyamakShi vidyA j~nAnaM tapaH phalam |
yena dR^iShTo gaNAdhIshaH kR^itakR^ityo.ammi sAmpratam || 63||
mahyaM yadi varo dayastadA bhaktiM dR^iDhAM tvayi |
dehi me parameshAna yayA moho vinashyati || 64||
sR^iShTisajanasAmarthyaM bhajatAM kAmapUraNama |
nirvighnaM sarvakAryeShu dehi vighnavinAshana || 65||
guNeshavachanaM shrutvA suprasanno gajAnanaH |
meghagAmbhIryasAdR^ishyaM vachanaM tvidamabravIt || 66||
shrIgaNesha uvAcha |
bhavitA meM mahAbhaktiH mR^iShTInAM rachanAstathA |
nAnAvidhA bhaviShyanti nirvighnaM sarvadA bhavat || 67||
bhavadbhyaH sarvadAtR^itvaM bhaviShyati tathA.anagha |
mahAkArye samutpanne dAmye.ahaM darshanaM cha te || 68||
stotraM tvayA kR^itaM yachcha sarvamAnyaM bhaviShyati |
paThatAM shR^iNvatAM chaiva brahmabhUtakaraM mahat || 69||
stotraM brahmapateH sAkShAnnAmnA vai stutisArakam |
bhaviShyati mahAbhAga sarvasiddhikaraM param || 70||
sakAmebhyo janebhyo.api kAmadaM chintitapradam |
niShkAmebhyaH svabhaktebhyo muktidaM prabhaviShyati || 71||
mama prItikaraM pUrNaM sAraM sarvatra bhAShitam |
trikAlapaThanAdasya sAdhyo.ahaM nAtra saMshayaH || 72||
shrIshiva uvAcha |
ityuktvAntarhitaH sAkShAdgaNesho bhaktavatsalaH |
devasyApi viyogena guNesho vimanA hyabhUt || 73||

iti guNeshakR^itA samAptA gaNeshastutiH | 1\.8

##
 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}