% Text title            : Ganesha Stuti by Panchadevas
% File name             : gaNeshastutiHpanchadevaiHkRRitA.itx
% Category              : ganesha
% Location              : doc\_ganesha
% Transliterated by     : NA
% Proofread by          : NA
% Description/comments  : Mudgalapurana, Khanda 1, Adhyaya 11
% Latest update         : August 22, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Panchadevas ..}##
\itxtitle{.. gaNeshastutiH pa~nchadevaiH kR^itA ..}##\endtitles ##
shrIgaNeshAya namaH |
pa~nchadevA UchuH ||
namaste vighnarAjAya bhaktAnAM vighnahAriNe |
vighnakartre hyabhaktAnAM gaNeshAya namo namaH || 26||
heraMbAya namastubhyaM DhuNDhirAjAya te namaH |
vinAyakAya devAya brahmaNAM nAyakAya cha || 27||
lambodarAya siddhesha gajAnanadharAya cha |
shUrpakarNAya gUDhAya chaturhasta namo.astu te || 28||
lamboShThAyaikadantAya sarveshAya gaNAdhipa |
anantamahimAdhAra dharaNIdhara te namaH || 29||
namo mAyAmayAyaiva mAyAhInAya te namaH |
mohadAya namastubhyaM mohahantre namo namaH || 30||
pa~nchabhUtamayAyaiva pa~nchabhUtadharAya cha |
indriyANAM chAdhipAyendriyaj~nAnaprakAriNe || 31||
adhyAtmane.adhibhUtAyAdhidaivAya cha te namaH |
annAyAnnapate tubhyamannAnnAya namo namaH || 32||
prANAya prANanAthAya prANAnAM prANarUpiNe |
chittAya chittahInAya chittebhyashchittadAyine || 33||
vij~nAnAya cha vij~nAnapataye dvandvadhAriNe |
vij~nAnebhyaH svavij~nAnadAyine te namo namaH || 34||
AnandAya namastubhyamAnandapataye namaH |
AnandAnandadAtre cha kAraNAya namo namaH || 35||
chaitanyAya cha yatnAya chetanAdhAriNe namaH |
chaitanyebhyaH svachaitanyadAyine nAdarUpiNe || 36||
bindumAtrAya bindUnAM pataye prAkR^itAya cha |
bhedAbhedamayAyaiva jyotIrUpAya te namaH || 37||
so.aha.nmAtrAya shUnyAya shunyAdhArAya dehine |
shUnyAnAM shUnyarUpAya puruShAya namo namaH || 38||
j~nAnAya bodhanAthAya bodhAnAM bodhakAriNe |
manovANIvihInAya sarvAtmaka namo namaH || 39||
videhAya namastubhyaM videhAdhArakAya cha |
videhAnAM videhAya sA~NkhyarUpAya te namaH || 40||
nAnAbhedadharAyaiva chaikAnekAdimUrtaye |
asatsvAnandarUpAya shaktirUpAya te namaH || 41||
amR^itAya sadAkhaNDabhedAbhedavivarjita |
sadAtmarUpiNe sUryarUpAdhArAya te namaH || 42||
satyAsatyavihInAya samasvAnandamUrtaye |
AnandAnandakandAya viShNave te namo namaH || 43||
avyaktAya pareshAya netinetimayAya cha |
shivAya shAshvatAyaiva mohahInAya te namaH || 44||
saMyogena cha sarvatra samAdhau rUpadhAriNe |
svAnandAya namastubhyaM maunabhAvapradAyine || 45||
ayogAya namastubhyaM nirAlambasvarUpiNe |
mAyAhInAya devAya namaste hyasamAdhaye || 46||
shAntidAya namastubhyaM pUrNashAntipradAya te |
yogAnAM pataye chaiva yogarUpAya te namaH || 47||
gaNeshAya pareshAya hyapAraguNakIrtaye |
yogashAntipradAtre cha mahAyogAya te namaH || 48||
guNAntaM na yayuryasya vedAdyA vedakArakAH |
sa kasya stavanIyaH syAdyathAmati tathA stutaH || 49||
tena vai bhagavAn sAkShAchchintAmaNigajAnanaH |
prasanno bhavatu trAtA.asmAkaM tvaM paramA gatiH || 50||
ityevamuktvA deveshAstUShNIM bhUtAstathA shive |
gaNesho.api prasannAtmA hR^iShTaH san pratyuvAcha tAn || 51||
shrIgaNesha uvAcha |
pa~nchadevA mahAbhAgAH prasanno bhavatAM stavaiH |
tapasA cha tathA bhaktyA vA~nChitaM brUta vai varam || 52||
bhavatkR^itamidaM stotraM paramAhlAdavardhanam |
mama prItikaraM bhaktyA sarvadaM prabhaviShyati || 53||
yaH paThedbhAvapUrvaM sa dharmakAmArthamokShabhAk |
putrapautrayutaH shrImAnante svAnandamApnuyAt || 54||
saptavAraM paThennityamekaviMshativAsaram |
kArAgR^ihagato vA.api muchyate bandhanAt svayam || 55||
ekakAlaM dvikAlaM vA trikAlamapi yaH paThet |
sa vai devAdikairvandyo bhaviShyati na saMshayaH || 56||
mAraNochchATanAdibhya ekaviMshativArataH |
tAvaddinAni pAThena tasya naiva bhayaM bhavet || 57||
dhanadhAnyAdikaM sarvamArogyaM pashuvardhanam |
yaM yaM chintayate kAmaM taM taM prApnoti nishchitam || 58||

iti pa~nchadevaiH kR^itA gaNeshastutiH | 1\.11

##
 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}