% Text title            : Ganesha Stuti by Prakriti and Purusha
% File name             : gaNeshastutiHprakRRitipuruShayoH.itx
% Category              : ganesha
% Location              : doc\_ganesha
% Transliterated by     : NA
% Proofread by          : NA
% Description/comments  : Mudgalapurana, Khanda 1, Adhyaya 6
% Latest update         : April 23, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Prakriti and Purusha ..}##
\itxtitle{.. gaNeshastutiH prakR^itipuruShayoH ..}##\endtitles ##
shrIgaNeshAya namaH |
prakR^itipuruShAvUchatuH |
namaste gaNanAthAya svasaMvedyamayAya te |
nirAkArasvarUpA vai shuNDA yasya virAjate || 31||
yasya dehashcha sAkAraH kaNThAdhaH parikathyate |
abheda etayorjAtastena tvaM vai gajAnana || 32||
chaturvidhaM nijAnandAdvedeShu kathitaM bhavet |
ekamavyaktarUpaM cha dvitIyaM samarUpakam || 33||
tR^itIya satsvarUpaM cha chaturthaM yatsadA hyasat |
chaturhastasvarUpaM te tena tvaM vai chaturbhujaH || 34||
tavodare sthitaM sarvaM tena lambodaraH smR^itaH |
mAyAmAyikarUpaM cha dvau pAdau dvividhaM cha te || 35||
ete sarve gaNA DhuNDhe tvadIyA nAtra saMshayaH |
gaNanAtho.asi tena tvaM nAmnA khyAtashcha sarvadA || 36||
etAdR^isho nijAtmAsAvAvayordhyAna Avabhau |
svasaMvedyatayA dhyAto bhaktAnugrahakArakaH || 37||
bhaktAbhimAnabhAvena dehadhArI svayaM hyabhUt |
etaishcha lakShaNairyukto gaNesho nAmadhArakaH || 38||
dhanyaM sarvaM kR^itaM svAmin yena tvaM dehavAnabhUH |
svAnandavAsabhR^ita sAkShAd hR^idi nityaM sthiro bhava || 39||
namaste vighnarAjAya namaste vighnahAriNe |
bhaktAnAM vai hyabhaktAnAM vinakartre namo.astu te || 40||
karmaNAM phaladAtre cha j~nAnAnAM siddhidAyine |
ameyashaktaye tubhyaM sarvAdhArAya te namaH || 41||
kiM kartavyaM dayAsidho tadevAj~nApaya prabho |
tava bhaktiM mahAtIvrAM dehi nau gaNanAyaka || 42||
evaM stutiM samAkArNya parituShTo gaNAdhipaH |
meghagambhIrayA vAchA harShayannabravIttadA || 43||
shrIgaNesha uvAcha |
sAdhu sAdhu mahAbhAgau yaduktaM stotramuttamam |
mama prItikaraM sarvakAmadaM prabhaviShyati || 44||
dharmArthakAmamokShANAM dAyakaM puShTivardhanam |
kArAgR^ihasthitAnAM cha mochakaM lakShapAThataH || 45||
mAraNochchATanAdInAM nAshakaM tattathaiva cha |
ekaviMshativAraM yaH ekaviMshaddinAvadhi || 46||
paThettu yadi vaibhaktyA sa IpsitaphalaM labhet |
brahmabhUyakaraM chaitanniShkAmapaThanAdbhavet || 47||
bhavatostapasA tuShTaH stotreNAnena bhAvataH |
prIto dAsyAmi sampUrNaM bhavadbhyAmIpsitaM cha yat || 48||
bindumAtrasvarUpeNa yatsthitaM brahma shAshvatam |
tasmAchchaturvidhaM vishvaM prakaTaM sambhaviShyati || 49||
prakarSheNa cha sarveShAM kR^itistasmAdviniHsR^itA |
prakR^itistena te nAma bhaviShyati janeShvidam || 50||
sR^iShTvA chaturvidhaM vishvaM bandhahInA bhaviShyasi |
madIyAM bhaktimachalAM prakR^ite prApsyasi dhruvam || 51||
janAstvadIyabhaktiM ye kariShyanti sakAmataH |
niShkAmatashcha tebhyastvaM sarvaM dAsyasi shobhane || 52||
chaturvidhepyayaM shete pure tenaiva pUruShaH |
so.ahammAtrAtmako bhAvI nAnA sarvatra tiShThatu || 53||
sarvAkAravihIno.ayaM tatra bhrAnto bhaviShyati |
bimbabimbitabhAvena prakR^itau mohitaH sadA || 54||
svayaM mohavihInaH sa so.aha.nmAtrAtmakaH sadA |
matprasAdAdbhavennityaM brahma so.ahaM sukhAtmakaH || 55||
madIyA bhaktirachalA bhaviShyati tavApi cha |
tayA bandhavihInastvaM tathA mAnyo bhaviShyasi || 56||
tava bhaktiM kariShyanti janA bhAvena saMyutAH |
tebhyastadIpsitaM sarvaM dAsyasi tvaM na saMshayaH || 57||
brahmabhUyapadaM chaiva dAsyase yogasevayA |
sAkShAtpuruSharUpastvaM sarvasattAtmako bhava || 58||
prakR^itau vIryamAdhatsva sarvasattAtmakaM vibho |
teneyaM sarvasUrvishvaM sR^ijiShyati na saMshayaH || 59||
sR^iShTvA chaturvidhaM sarvaM pAlanaM haraNaM tathA |
kartavyaM kAlayogena karaNIyamidaM smR^itam || 60||
sarveShAM prakR^itirmAtA pitA puruSha uchyate |
nAnArUpANi nAmAni kalpayiShyanti vai janAH || 61||
ityuktvA gaNarAjastu tatraivAntaradhIyata |
prakR^itiH puruShashchaiva yathAj~naptau prachakratuH || 62||

iti prakR^itipuruShayoH gaNeshastutiH | 1\.6

##
 

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}