% Text title            : Ganesha Stuti by Shiva
% File name             : gaNeshastutiHshiva.itx
% Category              : ganesha
% Location              : doc\_ganesha
% Transliterated by     : PSA Easwaran
% Proofread by          : PSA Easwaran
% Description/comments  : Mudgalapurana, Khanda 1, Adhyaya 4
% Latest update         : April 25, 2020
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Ganesha Stuti by Shiva ..}##
\itxtitle{.. shivakR^itA gaNeshastutiH ..}##\endtitles ##
shiva uvAcha |
namaste vighnarAjAya namaste vighnahAriNe |
vighnakartre gaNeshAya vighnAnAM pataye namaH || 20||
lambodarAya sarvAya vakratuNDasvarUpiNe |
traiguNyena jagadrUpanAnAbhedapradhAriNe || 21||
nairguNyena cha vai sAkShAdbrahmarUpadharAya cha |
namo namo bandhahantre bhaktAnAM pAlakAya te || 22||
abhaktebhyastamodAya nAnAbhayakarAya cha |
herambAya namastubhyaM vedavedyAya shAshvate || 23||
anantAnanarUpAyAnantabAhva~NghrikAya te |
anantakarakarNAyAnantodaradharAya te || 24||
namo namaste gaNanAyakAya te anAdipUjyAya cha sarvarUpiNe |
akhaNDalIlAkarapUrNamUrtaye mahotkaTAyAstu namo mahAtmane || 25||
Adau cha nirmAya vidhiM rajomayaM tenaiva sR^iShTiM vidadhAsi deva |
sattvAtmakaM viShNumatho hi madhye nirmAya pAsi tvamakhaNDavikrama || 26||
ante tamorUpiNameva sR^iShTvA shambhuM svashaktyA harasi tvamAdya |
evaMvidhaM tvAM pravadanti vedAH taM vai gaNeshaM sharaNaM prapadye || 27||
mAyAmayaM vai guNapaM tu sR^iShTvA tasmAtpurastvaM gaNarAja chAdau |
svAnandasa.nj~ne nagare vibhAsi sid.hdhyA cha vud.hdhyA sahitaH paresha || 28||
taM tvAM gaNeshaM sharaNaM prapadye sthitaM sadA hR^itsu cha yoginAM vai |
vedairna vedyaM manasA na labhyaM taM vakratuNDaM hR^idi chintayAmi || 29||
ardhanArIshvaratvaM yattadgataM me.adhunA prabho |
shaktihInatvamApanno naShTavatkarmaNA kR^itaH || 30||
nAnaishvaryayutA devI sA gatA gaNapa prabho |
anIshvarapadaM prAptaM mama vai devadeva bhoH || 31||
nirguNo.ahaM sadA shambhuH saguNaH sarvabhAvavit |
shattyA yukto yadA svAminnadhunA kiM karomyaham || 32||
shaktihInaH padA gantuM na shaknomi gaNeshvara |
atastvaM kR^ipayA deva shaktaM mAM kuru karmaNi || 33||
tataH prAdurabhUttasya purataH sa gaNAdhipaH |
uvAcha sha~NkaraM tatra harShayan shlakShNayA girA || 34||
aho pashya cha mAM shambho kiM shochasi maheshvara |
bhavitAsi sashaktistvaM madvAkyAnnAtra saMshayaH || 35||
ahameveshvaro devo hyeko brahmANDamaNDale |
tena garveNa yuktastvaM sa vighnaH sahasA kR^itaH || 36||
adhunA te gato moho madIyA smR^itirAgatA |
dhyAtastutashcha tenA.ahaM prasanno.asmi na saMshayaH || 37||
himAchalasutA devI bhaviShyati na saMshayaH |
vR^iNoShi tvaM satIM tAM vai pArvatIM cha punaHshiva || 38||
ramase cha tayA sArdhaM mattayA bhAvito dR^iDham |
IshvaraH sahashaktistvaM matprasAdAtsadA bhava || 39||
smR^itamAtrastavAgre.ahaM pratyakShaH syAM sadAshiva |
iti dattvA varaM devastatraivAntaradhIyata || 40||

iti shrImudgalapurANe prathame khaNDe vaktratuNDacharite
chaturthAdhyAyAntargatA shivakR^itA gaNeshastutiH samAptA || 1\.4

##
Proofread by PSA Easwaran

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}