% Text title : guhyanAma uchChiShTagaNeshasahasranAmastotram % File name : guhyagaNeshasahasranAmastotram.itx % Category : sahasranAma, ganesha % Location : doc\_ganesha % Author : Traditional % Proofread by : krishna vallapareddy krishna321 at hotmail.com % Description-comments : Vighneshvara stutimanjari Vol 3, page 466, Ed. S.V.Radhakrishnashastri % Source : uDDAmaheshvaratantra % Latest update : June 13, 2010 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIguhyanAmauchChiShTagaNeshAnasahasranAmastotram ..}## \itxtitle{.. shrIguhyanAmauchChiShTagaNeshAnasahasranAmastotram ..}##\endtitles ## asya shrIguhyanAmasahasrAkhyagaNeshAnasahasranAmastotramAlAmahAmantrasya gaNakaH R^iShiH\, gAyatrI chChandaH uchChiShTamahAgaNeshAno devatA OM bIjaM\, svAhA shaktiH gaM kIlakam || shrImaduchChiShTamahAgaNeshAnaprasAdasiddhyarthe pArAyaNe viniyogaH || OM hastimukhAya a~NguShThAbhyAM namaH hR^idayAya namaH | lambodarAya tarjanIbhyAM namaH shirase svAhA | uchChiShTamahAtmane madhyamAbhyAM namaH shikhAyai vaShaT | AM kroM hrIM klIM hrIM huM ghe ghe anAmikAbhyAM namaH kavachAya hum | uchChiShTAya kaniShThikAbhyAM namaH netratrayAya vauShaT | svAhA karatalakarapR^iShThAbhyAM namaH astrAya phaT | bhUrbhuvaH suvaromiti digbandhaH || dhyAnam\- sharachApaguNA~NkushAn svahastaiH dadhataM raktasaroruhe niShaNNam | vigatAmbarajAyayA pravR^ittaM surate santatamAshraye gaNesham || sharAn dhanuH pAshasR^iNI svahastaiH dadhAnamAraktasaroruhastham | vivastrapatnyAM suratapravR^ittaM uchChiShTamambAsutamAshraye.aham || laM pR^ithivyAtmane gandhaM kalpayAmi namaH | haM AkAshAtmane puShpANi kalpayAmi namaH | yaM vAyvAtmane dhUpaM kalpayAmi namaH | raM agnyAtmane dIpaM kalpayAmi namaH | vaM amR^itAtmane.amR^itaM mahAnaivedyaM kalpayAmi namaH | || shrIH || mahAgaNAdhinAthAkhyo.aShTAviMshatyakSharAtmakaH | tArashrIshaktikandarpabhUsmR^itibindusaMyutaH || 1|| ~NentagaNapatiprokto varavaradasaMyutaH | sarvajanadvitIyAnta AdityashivasaMyutaH || 2|| vashamAnayasaMyukto vahnijAyAsamarpitaH | gaNakamunisandR^iShTo nichR^idgAyatrabhAShitaH || 3|| surAdivandyapAdAbjo manurAjavijR^imbhitaH | ikShusAgaramadhyastho ratnadvIpasya madhyagaH || 4|| tara~NgamAlikAdhautashItatarAmalAlayaH | kalpapAdapasaMshobhimaNibhUmivirAjitaH || 5|| mR^iduvAtasamAnItadivyagandhaniShevitaH | nAnAkusumasa~NkIrNaH pakShivR^indaravapriyaH || 6|| yugapadR^ituShaTkena saMsevitapadadvayaH | navaratnasamAviddhasiMhAsanasamAsthitaH || 7|| japApuShpatiskAriraktakAntisamujjvalaH | vallabhAshliShTavAmA~Nga ekAdashakarAnvitaH || 8|| ratnakumbhADhyashuNDAgro bIjApUrI gadAdharaH | ikShuchApadharaH shUlI chakrapANiH sarojabhR^it || 9|| pAshI dhR^itotpalaH shAlIma~njarIbhR^it svadantabhR^it | pa~nchAvaraNachakreshaH ShaDAmnAyaprapUjitaH || 10|| mUlamantrADhyapUjA~NkaH ShaDa~NgaparivAritaH | paraughapUjanAtuShTo divyaughAdiniShevitaH || 11|| shrIshrIpatisantuShTo girijAtatpatipriyaH | ratimanmathasamprIto mahIvarAhapUjitaH || 12|| R^iddhyAmodaprapUjAkaH samR^iddhitatpatipriyaH | kAntisumukhasuprIto madanAvatikadurmukhaH || 13|| madadravAvighnapUjyo drAviNIvighnakartR^ikaH | vasudhArAsha~NkhapUjyo vasumatikapadmakaH || 14|| brAhmIpriya IshvarIshaH kaumArIsevitA~NghrikaH | vaiShNavyarchitapad.hdvandvo vArAhIsevitA~NghrikaH || 15|| idrANIpUjitashrIkashchAmuNDAshritapAdukaH | mahAlakShmImahAmAtR^isampUjitapadadvayaH || 16|| airAvatasamArUDhavajrahastendrapUjitaH | ajopari samArUDhashaktihastAgnisevitaH || 17|| mahiShArUDhadaNDADhyayamadevaprapUjitaH | narArohikhaDgahastanirR^ityAshritapAdukaH || 18|| makaravAhanArUDhapAshADhyavaruNArchitaH | ruroruparisantiShThad.hdhvajADhyashvasanArchitaH || 19|| ashvavAhanasha~NkhADhyasomadevaprapUjitaH | vR^iShabhavAhanArUDhatrishUlADhyeshasevitaH || 20|| pa~nchAvaraNapUjodyatkAruNyAkulamAnasaH | pa~nchAvR^itinamasyAkabhaktavA~nChAprapUraNaH || 21|| ekamUrtiraShTamUrtiH pa~nchAshanmUrtibhedakaH | brahmachArisamAkhyAkaH patnIsamyutamUrtikaH || 22|| nagnapatnIsamAshliShTaH suratAnandatundilaH | sumabANekShukodaNDapAshA~NkushavarAyudhaH || 23|| kAminIchumbanAyuktasadAli~NganatatparaH | aNDakarNakapolAkhyatristhAnamadavArirAT || 24|| madApolubdhamadhupairvichumbitakapolakaH | kAmukaH kAminIkAntaH kAntAdharamadhuvrataH || 25|| kAminIhR^idayAkarShI vashAgaNaniShevitaH | airAvatAdidi~NnAgamithunAShTakapUjitaH || 26|| sadA jAyAshrito.ashrAnto nagnopAsakapUjitaH | mAMsAshI vAruNImatto matsyabhu~N maithunapriyaH || 27|| mudrAsaptakasamprIto mapa~nchakaniShevitaH | pa~nchA~NgarAgasuprItaH shR^i~NgArarasalampaTaH || 28|| karpUravITIsaugandhyakallolitakakuptaTaH | upAsakavariShThAsyavITyA maukyanirAsakaH || 29|| yonyAhitasushuNDAko yonilAlanalAlasaH | bhagAmodasamAshvAsI bhagachumbanalampaTaH || 30|| kAntAkuchasamAli~NgishuNDAmaNDitavigrahaH | uchChiShTAkhyagaNeshAna uchChiShTAsvAdisiddhidaH || 31|| uchChiShTapUjanarata uchChiShTajapasiddhidaH | uchChiShTahomasamprIta uchChiShTavratadhArakaH || 32|| uchChiShTatarpaNaprIta uchChiShTamArjane rataH | uchChiShTabrAhmaNakulasantarpaNasusAdhitaH || 33|| uchChiShTavighnarAjendra uchChiShTavastupUjitaH | uchChiShTamantrasa~njApisarvasiddhiprakAshakaH || 34|| uchChiShTopachArarata uchChiShTopAstisiddhidaH | madirAnandasantoShI sadAmatto madoddhataH || 35|| madhurAshI madhUdrikto madhupAnaparAyaNaH | madhusnAnaparAmodo mAdhuryaikarasAshrayaH || 36|| madirAsindhusambhUtaH sudhAmajjanatatparaH | madirAmbudhisaMsthAyI madirAmajjane rataH || 37|| madirAtarpaNaprIto madirAmArjanAdR^itaH | madirAmodasantoShI madirAmodalolupaH || 38|| kAdambarIrasonmattaH kAdambarIpriyAshritaH | drAkShArasasamAhlAdI drAkShArasamadolvaNaH || 39|| vAruNImadaghUrNAmbo vAruNImadavihvalaH | nArikelarasAsvAdI nArikelamadhupriyaH || 40|| tAlaphalarasonmatto tAlamadyaparAyaNaH | pAnasamadyasuprItaH kadalImadyapAnakaH || 41|| dADimIrasasamprIto gauDapAnakalampaTaH | pauShpIpAnasadAmattaH pauShpIkaraNDamaNDitaH || 42|| yuvatIsuratAsakto yuvaitImaNite rataH | modapramodakR^itsa~Ngo bhairavAnandavatsalaH || 43|| shuklasevyaH shuklatuShTaH shuklasiddhivarapradaH | shukladhAtumahaH pUjya ojashshaktiprakAshanaH || 44|| shukrAdimAntrikairdhuryairardharAtraprapUjitaH | muktakachCho muktakesho nagnakAntAsamAshritaH || 45|| tAmbUlacharvaNAyuktaH karpUravITikAmadaH | kAntAcharvitatAmbUlarasAsvAdanalampaTaH || 46|| visheShataH kaliyuge siddhidaH surapAdapaH | mahApadmAdikharvAntanidhipauShkalyapoShakaH || 47|| svalpAyAsasusamprItaH kalau tUrNaphalapradaH | pitR^ikAnanasaMsthAyI pitR^ikAnanasiddhidaH || 48|| mAchIpatrasamArAdhyo bR^ihatIpatratoShitaH | dUrvAyugmanamasyAko dhuttUradalapUjitaH || 49|| viShNukrAntasaparyAko gaNDalIpatrasevitaH | arkapatrasusaMrAdhyo.arjunapatrakapUjitaH || 50|| nAnApatrasusamprIto nAnApuShpasusevitaH | sahasrArchanapUjAyAM sahasrakamalapriyaH || 51|| punnAgapuShpasamprIto mandArakusumapriyaH | bakulapuShpasantuShTo dhuttUrasumashekharaH || 52|| rasAlapuShpasaMshobhI ketakIpuShpasupriyaH | pArijAtaprasUnADhyo mAdhavIkundatoShitaH || 53|| shamyAla~NkArasuprIto mR^iNAlapATalIpriyaH | lakShapa~NkajapUjAyAmaNimAdiprasAdhakaH || 54|| samhitApadapAThAdighanAntaj~nAnadAyakaH | aShTAvadhAnasandhAyI shatAvadhAnapoShakaH || 55|| sAhasrikAvadhAnashrIparipATIpravardhanaH | manashchintitavij~nAtA manasA chintitapradaH || 56|| bhaktatrANavyagrachittaH smR^itimAtrAbhayapradaH | smR^itimAtrAkhilatrAtA sAdhakeShTadatallajaH || 57|| svasAdhakavipakShachChid vipakShajanabhakShakaH | vyAdhihantA vyathAhantA mahAvyAdhivinAshanaH || 58|| paittikArtiprashamanaH shlaiShmikasya vinAshakaH | vAtikajvaravidhvaMsI shUlagulmAdinAshanaH || 59|| netrarogaprashamano nityajvaravinAshanaH | kAsAdivyAdhisaMhartA sarvajvaravinAshanaH || 60|| AdhihantA tamohantA sarvApadvinivArakaH | dhanadAyI yashodAyI j~nAnadAyI suradrumaH || 61|| kalyatvadAyakashchintAmaNirAyuShyadAyakaH | parakAyapraveshAdiyogasiddhividhAyakaH || 62|| mahAdhanitvasandhAtA dharAdhIshatvadAyakaH | tApatrayAgnisantaptasamAhlAdanakaumudI || 63|| janmavyAdhijarAmR^ityumahAvyAdhivinAshakaH | saMsArakAnanachChettA brahmavidyAprakAshakaH || 64|| saMsArabhayavidhvaMsiparAkAmakalAvapuH | uchChiShTAkhyagaNAdhIsho vAmAcharaNapUjitaH || 65|| navAkSharImantrarAjo dashavarNakamantrarAT | ekAdashAkSharIrUpaH saptaviMshativarNakaH || 66|| ShaTtriMshadarNasampUjyo balimantraprapUjitaH | dvAdashAkSharasanniShTha ekonaviMshatIShTadaH || 67|| saptavarNAdhikatriMshadarNamantrasvarUpakaH | dvAtriMshadakSharArUDho.adakShiNAchArasevitaH || 68|| pa~nchAvR^itikayantroddhavarivasyAvidhipriyaH | navavarNAdimantraughasamprapUjitapAdukaH || 69|| paraughIyaguruvyUhasantarpaNasusAdhitaH | mahatpadasamAyuktapAdukApUjanapriyaH || 70|| dakShiNAbhimukheshasya pUjanena varapradaH | divyavR^indasiddhavR^indamAnavaughaniShevitaH || 71|| trivAraM mUlamantreNa binduchakre sutarpitaH | ShaDa~NgadevatApUjyaH ShaNmukhAmnAyarAjitaH || 72|| tuShArasamashobhAkahR^idayAmbAnamaskR^itaH | sphaTikAshmasamAnashrIshirodevIniShevitaH || 73|| shyAmashobhAsamujjR^imbhishikhAdevIprapUjitaH | indranIlamaNichChAyakavachAmbAparIvR^itaH || 74|| kR^iShNavarNasushobhishrInetramAtR^isamAvR^itaH | AruNyaughanadImajjadastrAmbAsevitA~NghrikaH || 75|| vasudalAbjamUleShu shaktyaShTakasamanvitaH | vidyApUjyo vishvadhAtrIbhogadArchitapAdukaH || 76|| vighnanAshikayA pUjyo nidhipradaparIvR^itaH | pApaghnikApUjyapAdaH puNyAdevIniShevitaH || 77|| anvarthanAmasaMrAjishashiprabhAprapUjitaH | dalAShTakasya madhyeShu siddhyaShTakaparIvR^itaH || 78|| aNimnIpUjitapado mahimnyarchitapAdukaH | laghinmIchintitapado garimNIpUjitA~NghrikaH || 79|| IshitvArchitadevendro vashitvArchitavaibhavaH | prAkAmyadevIsamprItaH prAptisiddhiprapUjitaH || 80|| bAhyAShTadalarAjIve vakratuNDAdirUpakaH | vakratuNDa ekadaMShTro mahodaro gajAnanaH || 81|| lambodarAkhyo vikaTo vighnarAD dhUmravarNakaH | bahiraShTadalAgreShu brAhmyAdimAtR^isevitaH || 82|| mR^igacharmAvR^itasvarNakAntibrAhmIsamAvR^itaH | nR^ikapAlAdisambibhrachchandragauramaheshikaH || 83|| indragopAruNachChAyakaumArIvandyapAdukaH | nIlameghasamachChAyavaiShNavIsupariShkR^itaH || 84|| a~njanAdrisamAnashrIvArAhIparyala~NkR^itaH | indranIlaprabhApu~njalasadindrANikAyutaH || 85|| shoNavarNasamullAsichAmuNDArchitapAdukaH | svarNakAntitiraskArimahAlakShmIniShevitaH || 86|| airAvatAdivajrAdidevendrAdiprapUjitaH | pa~nchAvR^itinamasyAyAmaNimAdiprakAshakaH || 87|| sa~NguptavidyaH sa~NguptavarivasyAvidhipriyaH | vAmAcharaNasuprItaH kShiprasantuShTamAnasaH || 88|| ko~NkAchalashirovartI ko~NkAchalajanapriyaH | ko~NkAmbudajalAsvAdI kAverItIravAsakaH || 89|| jAhnavImajjanAsaktaH kAlindImajjane rataH | shoNabhadrAjalodbhUtaH shoNapAShANarUpakaH || 90|| sarayyApaHpravAhasthaH narmadAvArivAsakaH | kaushikIjalasaMvAsashchandrabhAgAmbuniShThitaH || 91|| tAmraparNItaTasthAyI mahAsArasvatapradaH | mahAnadItaTAvAso brahmaputrAmbuvAsakaH || 92|| tamasAtamAkAro mahAtamo.apahArakaH | kShIrApagAtIravAsI kShIranIrapravardhakaH || 93|| kAmakoTIpIThavAsI sha~NkarArchitapAdukaH | R^ishyashR^i~NgapurasthAyI sureshArchitavaibhavaH || 94|| dvArakApIThasaMvAsI padmapAdArchitA~NghrikaH | jagannAthapurasthAyI toTakAchAryasevitaH || 95|| jyotirmaThAlayasthAyI hastAmalakapUjitaH | vidyAbhogayashomokShayogali~NgapratiShThitaH || 96|| pa~nchali~NgapratiShThAyI dvAdashali~NgasaMsthitaH | kolAchalapurasthAyI kAmeshInagareshvaraH || 97|| jvAlAmukhImukhasthAyI shrIshailakR^itavAsakaH | la~NkeshvaraH kumArIshaH kAshIsho mathureshvaraH || 98|| malayAdrishirovAsI malayAnilasevitaH | shoNAdrishikharArUDhaH shoNAdrIshapriya~NkaraH || 99|| jambUvanAntamadhyastho valmIkapuramadhyagaH | pa~nchAshatpIThanilayo pa~nchAshadakSharAtmakaH || 100|| aShTottarashatakShetro.aShTottarashatapUjitaH | ratnashailakR^itAvAsaH shuddhaj~nAnapradAyakaH || 101|| shAtakumbhagiristhAyI shAtakumbhodarasthitaH | gomayapratimAviShTaH shvetArkatanupUjitaH || 102|| haridrAbimbasuprIto nimbabimbasupUjitaH | ashvatthamUlasaMsthAyI vaTavR^ikShAdharasthitaH || 103|| nimbavR^ikShasya mUlasthaH pratigrAmAdhidaivatam | ashvatthanimbasaMyoge priyAli~NgitamUrtikaH || 104|| gambIjarUpa ekArNo gaNAdhyakSho gaNAdhipaH | glaimbIjAkhyo gaNeshAno go~NkAra ekavarNakaH || 105|| virirUpo vighnahantA dR^iShTAdR^iShTaphalapradaH | patnIvarA~NgasatpANiH sindUrAbhaH kapAlabhR^it || 106|| lakShmIgaNesho hemAbha ekonatriMshadakSharaH | vAmA~NgAviShTalakShmIko mahAshrIpravidhAyakaH || 107|| tryakSharaH shaktigaNapaH sarvasiddhiprapUrakaH | chaturakSharashaktIsho hemachChAyastriNetrakaH || 108|| kShipraprasAdapa~NktyarNo raktAbhaH kalpavallibhR^it | pa~nchavaktraH siMhavAho herambashchaturarNakaH || 109|| subrahmaNyagaNeshAno dhAtvarNaH sarvakAmadaH | aruNAbhatanushrIkaH kukkuTodyatkarAnvitaH || 110|| aShTAviMshativarNAtmamantrarAjasupUjitaH | gandharvasiddhasaMsevyo vyAghradvipAdibhIkaraH || 111|| mantrashAstramahodanvatsamudyatakalAnidhiH | janasambAdhasammohI navadravyavisheShakaH || 112|| kAmanAbhedasaMsiddhavividhadhyAnabhedakaH | chaturAvR^ittisantR^iptiprIto.abhIShTasamarpakaH || 113|| chandrachandanakAshmIrakastUrIjalatarpitaH | shuNDAgrajalasantR^iptikaivalyaphaladAyakaH || 114|| shiraHkR^itapayastR^iptisarvasampadvidhAyakaH | guhyadeshamadhudravyasantR^iptyA kAmadAyakaH || 115|| netradvayamadhudravyatR^iptyAkR^iShTividhAyakaH | pR^iShThadeshaghR^itadravyatR^iptibhUpavasha~NkaraH || 116|| eraNDatailasantR^iptiraNDAkarShakanAbhikaH | UruyugmakatailIyatarpaNAtipramoditaH || 117|| prItipravardhakAMsIyapayaH payaHpratarpaNaH | dharmavardhakatuNDIyadravyatrayasutarpaNaH || 118|| aShTadravyAhutiprIto vividhadravyahomakaH | brAhmamuhUrtaniShpannahomakarmaprasAditaH || 119|| madhudravyakahomena svarNasamR^iddhivardhakaH | godugdhakR^itahomena gosamR^iddhividhAyakaH || 120|| AjyAhutihomena lakShmIlAsavilAsakaH | sharkarAhutihomena kAShThAShTakayashaHpradaH || 121|| dadhidravyakahomena sarvasampattidAyakaH | shAlyannakR^itahomenAnnasamR^iddhivitArakaH || 122|| sataNDulatilAhutyA dravyakadambapUrakaH | lAjAhutikahomena digantavyApikIrtidaH || 123|| jAtIprasUnahomena medhApraj~nAprakAshakaH | dUrvAtrikIyahomena pUrNAyuHpratipAdakaH || 124|| supItasumahomena vairibhUpatishikShakaH | vibhItakasamiddhomaiH stambhochchATanasiddhidaH || 125|| apAmArgasamiddhomaiH paNyayoShAvasha~NkaraH | eraNDakasamiddhomaiH raNDAsa~Nghavasha~NkaraH || 126|| nimbadrudalahomena vidveShaNavidhAyakaH | ghR^itAktadaugdhashAlyannahomairiShTaphalapradaH || 127|| tilAdichaturAhutyA sarvaprANivasha~NkaraH | nAnAdravyasamiddhomairAkarShaNAdisiddhidaH || 128|| trailokyamohano vighnastryadhikatriMshadarNakaH | dvAdashAkSharashaktIshaH patnIvarA~NgahastakaH || 129|| muktAchandraughadIptAbho virivighneshapaddhatiH | ekAdashAkSharImantraullAsI bhogagaNAdhipaH || 130|| dvAtriMshadarNasaMyukto haridrAgaNapo mahAn | jagattrayahito bhogamokShadaH kavitAkaraH || 131|| ShaDarNaH pApavidhvaMsI sarvasaubhAgyadAyakaH | vakratuNDAbhidhaH shrImAn bhajatAM kAmado maNiH || 132|| megholkAdimahAmantraH sarvavashyaphalapradaH | AtharvaNikamantrAtmA rAyaspoShAdimantrarAT || 133|| vakratuNDeshagAyatrIpratipAditavaibhavaH | piNDamantrAdimAlAntasarvamantraughavigrahaH || 134|| sa~njaptihomasantR^iptisekabhojanasAdhitaH | pa~nchA~Ngakapurashcharyo.arNalakShajapasAdhitaH || 135|| koTyAvR^ittikasa~njaptisiddhIshvaratvadAyakaH | kR^iShNAShTamIsamArabdhamAsenaikena sAdhitaH || 136|| mAtR^ikayA puTIkR^itya mAsenaikena sAdhitaH | bhUtalipyA puTIkR^itya mAsenaikena sAdhitaH || 137|| triShaShTyakSharasaMyuktamAtR^ikApuTasiddhidaH | kR^iShNAShTamIsamArabdhadinasaptakasiddhidaH || 138|| arkedugrahakAlInajapAjjhaTitisiddhidaH | nishAtrikAlapUjAkamAsenaikena siddhidaH || 139|| mantrArNauShadhiniShpannaguTikAbhiH susiddhidaH | sUryodayasamArambhadinenaikena sAdhitaH || 140|| sahasrArAmbujArUDhadeshikasmR^itisiddhidaH | shivohambhAvanAsiddhasarvasiddhivilAsakaH || 141|| parAkAmakalAdhyAnasiddhIshvaratvadAyakaH | akAro.agriyapUjAko.amR^itAnandadAyakaH || 142|| ananto.anantAvatAreShvanantaphaladAyakaH | aShTA~NgapAtasamprIto.aShTavidhabhaithunapriyaH || 143|| aShTapuShpasamArAdhyo.aShTAdhyAyIj~nAnadAyakaH | ArabdhakarmanirvighnapUrayitA.a.akShapATikaH || 144|| indragopasamAnashrIrikShubhakShaNalAlasaH | I~NkAravarNasambuddhaparAkAmakalAtmakaH || 145|| IshAnaputra IshAna IShaNAtrayamArjakaH | uddaNDa ugra udagra uNDerakabalipriyaH || 146|| UrjasvAnUShmalamada UhApohadurAsadaH | R^ijuchittaikasulabha R^iNatrayavimochakaH || 147|| R^igarthavettA RRIkAra RRIkArAkShararUpadhR^ik | LLivarNarUpo LLIvarNo LLIkArAkSharapUjitaH || 148|| edhitAkhilabhaktashrIredhitAkhilasaMshrayaH | ekArarUpa aikAra aimpuTitasmR^itindukaH || 149|| o~NkAravAchya o~NkAra o~NkArAkShararUpadhR^ik | au~NkArADhyagabhUyukta aumpUrvayuggakArakaH || 150|| aMshAMshibhAvasandR^iShToshAMshibhAvavivarjitaH | aH kArAntasamastAchkavarNamaNDalapUjitaH || 151|| katR^itIyavisargADhyaH katR^itIyArNakevalaH | karpUratilakodbhAsilalATordhvapradeshakaH || 152|| khalvATabhUmisamrakShI khalvATabuddhibheShajam | khaTvA~NgAyudhasaMyuktaH khaDgodyatakarAnvitaH || 153|| khaNDitAkhiladurbhikShaH khanilakShmIpradarshakaH | khadirAdhikasArADhyaH khalIkR^itavipakShakaH || 154|| gAndharvavidyAchaturo gandharvanikarapriyaH | ghapUrvabIjasanniShTho ghoraghargharabR^iMhitaH || 155|| ghaNTAninAdasantuShTo ghArNo ghanAgamapriyaH | charturvedeShu sa~NgItashchaturthavedaniShThitaH || 156|| chaturdashasaMyuktachaturyuktachatushshataH | chaturthIpUjanaprItashchaturAtmA chaturgatiH || 157|| chaturthItithisambhUtashchaturvargaphalapradaH | ChatrIchChadmachChalashChandovapushChandAvatArakaH || 158|| jagadbandhurjaganmAtA jagadrakShI jaganmayaH | jagadyonirjagadrUpo jagadAtmA jagannidhiH || 159|| jarAmaraNavidhvaMsI jagadAnandadAyakaH | jAguDAnukR^itichChAyo jAgradAdiprakAshakaH || 160|| jAmbUnadasamachChAyo japasamprItamAnasaH | japayogasusaMvedyo japatatparasiddhidaH || 161|| japAkusumasa~NkAsho jAtIpUjakavAkpradaH | jayantIdinasuprIto jayantIpUjitA~NghrikaH || 162|| jagadbhAnatiraskArI jagadbhAnatirohitaH | jagadrUpamahAmAyAdhiShThAnachinmayAtmakaH || 163|| jha~njhAnilasamashvAsI jhillikAsamakAntikaH | jhalajhjhalAsusaMshobhishUrpAkR^itidvikarNakaH || 164|| Ta~NkakarmavinAbhAvasvayambhUtakalevaraH | ThakkuraShThakkurArAdhyaShThakkurAkR^itishobhitaH || 165|| DiNDimasvanasaMvAdI DamarupriyaputrakaH | DhakkAvAdanasantuShTo DhuNDhirAjavinAyakaH || 166|| tundilastundilavapustapanastAparoShahA | tArakabrahmasaMsthAnastArAnAyakashekharaH || 167|| tAruNyADhyavadhUsa~NgI tattvavettA trikAlavit | sthUlaH sthUlakaraH stheyaH sthitikartA sthitipradaH || 168|| sthANuH sthiraH sthaleshAyI sthANDilakulapUjitaH | duHkhahantA duHkhadAyI durbhikShAdivinAshakaH || 169|| dhanadhAnyaprado dhyeyo dhyAnastimitalochanaH | dhIro dhIrdhIradhIrdhuryo dhurINatvapradAyakaH || 170|| dhyAnayogaikasandR^iShTo dhyAnayogaikalampaTaH | nArAyaNapriyo namyo naranArIjanAshrayaH || 171|| nagnapUjanasantuShTo nagnanIlAsamAvR^itaH | nira~njano nirAdhAro nirlepo niravagrahaH || 172|| nishIthinInamasyAko nishIthinIjapapriyaH | nAmapArAyaNaprIto nAmarUpaprakAshakaH || 173|| purANapuruShaH prAtassandhyAruNavapuHprabhaH | phullapuShpasamUhashrIsambhUShitasumastakaH || 174|| phAlgunAnujapUjAkaH phetkAratantravarNitaH | brAhmaNAdisamArAdhyo bAlapUjyo balapradaH || 175|| bANArchitapadadvandvo bAlakelikutUhalaH | bhavAnIhR^idayAnandI bhAvagamyo bhavAtmajaH || 176|| bhavesho bhavyarUpADhyo bhArgavesho bhR^igoH sutaH | bhavyo bhavyakalAyukto bhAvanAvashatatparaH || 177|| bhagavAn bhaktisulabho bhayahantA bhayapradaH | mAyAvI mAnado mAnI manobhimAnashodhakaH || 178|| mahAhavodyatakrIDo mandahAsamanoharaH | manasvI mAnavidhvaMsI madalAlasamAnasaH || 179|| yashasvI yashAshaMsI yAj~niko yAj~nikapriyaH | rAjarAjeshvaro rAjA rAmo ramaNalampaTaH || 180|| rasarAjasamAsvAdI rasarAjaikapUjitaH | lakShmIvAn lakShmasampanno lakShyo lakShaNasaMyutaH || 181|| lakShyalakShaNabhAvastho layayogavibhAvitaH | vIrAsanasamAsIno vIravandyo vareNyadaH || 182|| vividhArthaj~nAnadAtA vedavedAntavittamaH | shikhivAhasamArUDhaH shikhivAhananAthitaH || 183|| shrIvidyopAsanaprItaH shrIvidyAmantravigrahaH | ShaDAdhArakramaprItaH ShaDAmnAyeShu saMsthitaH || 184|| ShaDdarshanIpAradR^ishvA ShaDadhvAtItarUpakaH | ShaDUrmivR^indavidhvaMsI ShaTkoNamadhyavindugaH || 185|| ShaTtriMshattattvasanniShThaH ShaTkarmasanghasiddhidaH | ShaDvairivargavidhvaMsivighneshvaragajAnanaH || 186|| sattAj~nAnAdirUpADhyaH sAhasAdbhutakhelanaH | sarparUpadharaHsaMvit saMsArAmbudhitArakaH || 187|| sarpasa~NghasamAshliShTaH sarpakuNDalitodaraH | saptaviMshatiR^ikpUjyaH svAhAyu~NmantravigrahaH || 188|| sarvakarmasamArambhasampUjitapadadvayaH | svayambhUH satyasa~NkalpaH svayamprakAshamUrtikaH || 189|| svayambhUli~NgasaMsthAyI svayambhUli~NgapUjitaH | havyo hutapriyo hotA hutabhug havanapriyaH || 190|| haralAlanasantuShTo halAhalAshiputrakaH | hrI~NkArarUpo hu~NkAro hAhAkArasamAkulaH || 191|| himAchalasutAsUnurhemabhAsvaradehakaH | himAchalashikhArUDho himadhAmasamadyutiH || 192|| kShobhahantA kShudhAhantA kShaiNyahantA kShamApradaH | kShamAdhArI kShamAyuktaH kShapAkaranibhaH kShamI || 193|| kakArAdikShakArAntasarvahalkaprapUjitaH | akArAdikShakArAntavarNamAlAvijR^imbhitaH || 194|| akArAdikShakArAntamahAsarasvatImayaH | sthUlatamasharIrADhyaH kArukarmavijR^imbhitaH || 195|| sthUlatarasvarUpADhyashchakrajAlaprakAshitaH | sthUlarUpasamujjR^imbhI hR^idabjadhyAtarUpakaH || 196|| sUkShmarUpasamullAsI mantrajAlasvarUpakaH | sUkShmataratanushrIkaH kuNDalinIsvarUpakaH || 197|| sUkShmatamavapushshobhI parAkAmakalAtanuH | pararUpasamudbhAsI sachchidAnandavigrahaH || 198|| parAparavapurdhArI saptarUpavilAsitaH | ShaDAmnAyamahAmantranikurumbaniShevitaH || 199|| tatpuruShamukhotpannapUrvAmnAyamanupriyaH | aghoramukhasa~njAtadakShiNAmnAyapUjitaH || 200|| sadyojAtamukhotpannapashchimAmnAyasevitaH | vAmadevamukhotpannottarAmnAyaprapUjitaH || 201|| IshAnamukhasa~njAtordhvAmnAyamanusevitaH | vimarshamukhasa~njAtAnuttarAmnAyapUjitaH || 202|| toTakAchAryasandiShTapUrvAmnAyakamantrakaH | sureshasamupAdiShTadakShiNAmnAyamantrakaH || 203|| padmapAdasamAdiShTapashchimAmnAyamantrakaH | hastAmalakasandiShTottarAmnAyakamantrakaH || 204|| sha~NkarAchAryasandiShTordhvAmnAyAkhilamantrakaH | dakShiNAmUrtisanniShThAnuttarAmnAyamantrakaH || 205|| sahajAnandasanniShThasarvAmnAyaprakAshakaH | pUrvAmnAyakamantraughaiH sR^iShTishaktiprakAshakaH || 206|| dakShiNAmnAyamantraughaiH sthitishaktiprakAshakaH | pashchimAmnAyamantraughairhR^itishaktiprakAshakaH || 207|| uttarAmnAyamantraughaistirodhAnaprakAshakaH | UrdhvAmnAyakamantraughairanugrahaprakAshakaH || 208|| anuttaragamantraughaiH sahajAnandalAsakaH | sarvAmnAyakasanniShThAnusyUtachitsukhAtmakaH || 209|| sR^iShTikartA brahmarUpo goptA govindarUpakaH | saMhArakR^idrudrarUpastirodhAyaka IshvaraH || 210|| sadAshivo.anugrahItA pa~nchakR^ityaparAyaNaH | aNimAdiguNAspR^iShTo nirguNAnandarUpakaH || 211|| sarvAtmabhAvanArUpaH sukhamAtrAnubhAvakaH | svasvarUpasusaMshobhI tATasthikasvarUpakaH || 212|| ShaDguNo.akhilakalyANaguNarAjivirAjitaH | yaj~nAgnikuNDasambhUtaH kShIrasAgarabhadhyagaH || 213|| tridashakAruniShpannasvAnandabhavanasthitaH | UrIkR^iteshaputratvo nIlavANIvivAhitaH || 214|| nIlasarasvatImantrajapatAtparyasiddhidaH | vidyAvadasuradhvaMsI surarakShAsamudyataH || 215|| chintAmaNikShetravAsI chintitAkhilapUrakaH | mahApApaughavidhvaMsI devendrakR^itapUjanaH || 216|| tArArambhI namoyukto bhagavatpadaDentagaH | ekadaMShTrAyasaMyukto hastimukhAyasaMyutaH || 217|| lambodarachaturthyantavirAjitakalevaraH | uchChiShTapadasaMrAjI mahAtmanepadapriyaH || 218|| A~NkroMhrI~NgaMsamAyukto ghedhesvAhAsamApitaH | tArArabdhamahAmantro hastimukhAnta~NeyutaH || 219|| lambodarAyasaMyukto DentochChiShTamahAtmayuk | pAshA~NkushatrapAmAro hR^illekhAsamala~NkR^itaH || 220|| varmagheghesamArUDha uchChiShTAyapadopadhaH | vahnijAyAsuMsampUrNo mantrarAjadvayAnvitaH || 221|| herambAkhyagaNeshAno lakShmIyutagajAnanaH | tAruNyesho bAlarUpI shaktIsho vIranAmakaH || 222 UrdhvasamAkhya uchChiShTo vijayo nR^ityakarmakaH | vighnavidhvaMsivighnesho dvijapUrvagaNAdhipaH || 223|| kShipresho vallabhAjAnirbhaktIshaH siddhinAyakaH | dvyaShTAvatArasambhinnalIlAvaividhyashobhitaH || 224|| dvAtriMshadavatArADhyo dvAtriMshaddIkShaNakramaH | shuddhavidyAsamArabdhamahAShoDashikAntimaH || 225|| mahatpadasamAyuktapAdukAsampratiShThitaH | praNavAdistritArIyug bAlAbIjakashobhitaH || 226|| vANIbhUbIjasaMyukto haMsatrayasamanvitaH | khecharIbIjasambhinno navanAthasushobhitaH || 227|| prAsAdashrIsamAyukto navanAthavilomakaH | parAprAsAdabIjADhyo mahAgaNeshamantrakaH || 228|| bAlAkramotkramaprIto yogabAlAvijR^imbhitaH | annapUrNAsamAyukto bAjivAhAvilAsitaH || 229|| saubhAgyapUrvavidyAyu~N ramAdiShoDashIyutaH | uchChiShTapUrvachANDAlIsamAyuktasuvigrahaH || 230|| trayodashArNavAgdevIsamullasitamUrtikaH | nakulImAtR^isaMyukto mahAmAta~NginIyutaH || 231|| laghuvArtAlikAyuktasvapnavArtAlikAnvitaH | tiraskArisamAyukto mahAvArtAlikAyutaH || 232|| parAbIjasamAyukto lopAmudrAvijR^imbhitaH | trayodashAkSharIhAdij~naptividyAsamanvitaH || 233|| mahAvAkyamahAmAtR^ichatuShTayavilAsitaH | brahmaNyarasabIjADhyabrahmaNyadvayashebhitaH || 234|| saptadashAkSharIshaivatattvavimarshinIyutaH | chaturviMshativarNAtmadakShiNAmUrtishobhitaH || 235|| radanAkSharasaMshobhigaNapochChiShTamantrakaH | girivyAhR^itivarNAtmagaNapochChiShTarAjakaH || 236|| haMsatrayasamAruDho rasAvANIsamarpitaH | shrIvidyAnandanAthADhya AtmakapadasaMyutaH || 237|| shrIcharyAnandanAthADhyaH shrImahApAdukAshritaH | pUjayAmipadaprIto namaHpadasamApitaH || 238|| gurumukhaikasaMvedyo gurumaNDalapUjitaH | dIkShAgurusamArabdhashivAntagurusevitaH || 239|| samArAdhyapadadvandvo gurubhiH kularUpibhiH | vidyAvatAragurubhiH sampUjitapadadvayaH || 240|| paraughIyaguruprIto divyaughagurupUjitaH | siddhaughadeshikArAdhyo mAnavaughaniShevitaH || 241|| gurutrayasamArAdhyo guruShaTkaprapUjitaH | shAmbhavIkramasampUjyo.ashItyuttarashatArchitaH || 242|| kShityAdirashmisanniShTho la~NghitAkhilarashmikaH | ShaDanvayakramArAdhyo deshikAnvayarakShitaH || 243|| sarvashrutishironiShThapAdukAdvayavaibhavaH | parAkAmakalArUpaH shivohambhAvanAtmakaH || 244|| chichChaktyAkhyaparAhaMyuk sarvaj~nAnisvarUpakaH | saMvidbindusamAkhyAto.aparAkAmakalAmayaH || 245|| mAyAvishiShTasarvesho mahAbindusvarUpakaH | aNimAdiguNopetaH sarjanAdikriyAnvitaH || 246|| mAyAvishiShTachaitanyo.agaNyarUpavilAsakaH | mishrakAmakalArUpo.agnIShomIyasvarUpakaH || 247|| mishrabindusamAkhyAko jIvavR^indasamAshritaH | kAmakalAtrayAviShTo bindutrayavilAsitaH || 248|| kAmakalAtrayadhyAnasarvabandhavimochakaH | bindutrayaikatAdhyAnavikalevaramuktidaH || 249|| mahAyajanasamprIto vIracharyAdharapriyaH | antaryAgakramArAdhyo bahiryAgapuraskR^itaH || 250|| AtmayAgasamArAdhyaH sarvavishvaniyAmakaH | mAtR^ikAdashakanyAsadevatAbhAvasiddhidaH || 251|| prapa~nchayAganyAsena sarveshvaratvadAyakaH | laghuShoDhAmahAShoDhAnyAsadvayasamarchitaH || 252|| shrIchakratrividhanyAsamahAsiddhividhAyakaH | rashmimAlAmahAnyAsavajravarmasvarUpakaH || 253|| haMsaparamahaMsAkhyanyAsadvayavibhAvitaH | mahApadAvanInyAsakalAshatAdhikAShTakaH || 254|| tripurApUjanaprItaH tripurApUjakapriyaH | navAvR^itimahAyaj~nasaMrakShaNadhurandharaH || 255|| lambodaramahArUpo bhairavIbhairavAtmakaH | utkR^iShTashiShTasadvastu parasaMvittirUpakaH || 256|| shubhAshubhakaraM karma jIvayAtrAvidhAyakaH | sachchitsukhaM nAma rUpamadhiShThAnAtmakaH paraH || 257|| AropitajagajjAtaM mithyAj~nAnamama~Ngalam | akArAdikShakArAntaH shabdasR^iShTisvarUpakaH || 258|| parAvAg vimarsharUpI pashyantI sphoTarUpadhR^ik | madhyamA chintanArUpo vaikharI sthUlavAchakaH || 259|| dhvanirUpo varNarUpI sarvabhAShAtmako.aparaH | mUlAdhAragataH suptaH svAdhiShThAne prapUjitaH || 260|| maNipUrakamadhyastho.anAhatAmbujamadhyagaH | vishuddhipa~NkajollAsa Aj~nAchakrAbjavAsakaH || 261|| sahasrArAmbujArUDhaH shivashaktyaikyarUpakaH | mUlakuNDalinIrUpo mahAkuNDalinImayaH || 262|| ShoDashAntamahAsthAno.asparshAbhidhamahAsthitiH | idaM nAmasahasraM tu sarvasampatpradAyakam | dhanadhAnyasutAdyaShTalakShmIvR^indapravardhakam || 263|| sarvavandhyAtvadoShaghnaM satsantAnapradAyakam | sarvajvarArtishamanaM dIrghAyuShyapradAyakam || 264|| dharmamarthaM kAmamokShau jhaTitIdaM pradAsyati | niShkAmo vA sakAmo vA sarva etatprasAdhayet || 265|| iti uDDAmareshvaratantre kShipraprasAdanapaTale guhyanAma uchChiShTagaNeshasahasranAmastotram | ## The text is not a conventional one and is supportive of higher level established Tantric practices. It is not meant for commonly devotional chanting. User dicretion is recommended. Proofread by krishna vallapareddy krishna321 at hotmail.com \medskip\hrule\obeylines Please send corrections to sanskrit@cheerful.com Last updated \today https://sanskritdocuments.org \end{document}