% Text title            : herambopasthAnam
% File name             : herambopasthAnam.itx
% Category              : ganesha, stotra, gaNapati-muni, ramaNa-maharShi
% Location              : doc\_ganesha
% Author                : Ganapati Muni with Ramana Maharshi
% Transliterated by     : DPD
% Proofread by          : DPD
% Description-comments  : From The Collected Works of Vasishtha Kavyakantha Ganapati Muni Vol 1
% Latest update         : November 24, 2012
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. herambopasthAnam ..}##
\itxtitle{.. herambopasthAnam ..}##\endtitles ##

prathamaH khaNDaH (shashivadanAvR^ittam)

shriyamasamAnAM mama shubhanAmA |
dishatu gaNAnAM patiratidhAmA || 1||
vijitajarAdhiM vinihatarogam |
dviradamukho me vitaratu yogam || 2||
vitaratu mahyaM nijapadabhakttim |
gaNapatiragrayAmapi bhujashakttim || 3||
haratanayo me vibhuratihR^idyam |
vitaratu bhUtapravimalavidyAm || 4||
mama karivaktraH prabhuranavadyAm |
dishatu bhaviShyadvidamuDuvidyAm || 5||
nijaviShayAjiShvaghahimabhAno |
imamavijeyaM kuru harasUno || 6||
sumadhuramAdhvIdharapadajAtam |
karimukha dAsaM kuru kavimetat || 7||
gaNapatirUpaM manasi karomi |
gaNapatikirtIM vachasi tanomi || 8||
mama gaNanAthaH shamayatu pApam |
sapadi vimuShNAtvapi parashApam || 9||
shashivadanAnAM navakR^itireShA |
bhajatu gaNeshaM patimiva yoShA || 10||
\medskip\hrule\medskip
dvitIyaH khaNDaH (madalekhAvR^ittam)

Aha prAj~najanastvAM mUlAdhAranishAntam |
mande suptamibhAsya j~ne yuktte vilasantam || 11||
asti vyomni gururyastasyaiva tvamihAsi |
vidhneshAnavivartaH sadbhakteShu vibhAsi || 12||
ko.api prAbhavashAlI mUlAdhAravihArI |
praj~nAsiddhivadhUbhyaM shliShTo bhAtyaghahArI || 13||
AshA me tava shakttiM dehe draShTumapArAm |
pAtuM cheshvarasUno mUrdhanyAmR^itadhArAm || 14||
yA chit sA tava mAtA yaH shreShThaH sa pitA te |
siddhirbAhyamatirye te nAtha pramade te || 15||
yA lipsA hR^idaye me tAM pUrNAM kuru mA vA |
eShA~NgIkriyatAM me mattebhAnana sevA || 16||
nA khe yAti suro vA tvaM chet ki~nchidudAsyam |
AdhAre vidadhAsi skandasyAgraja lAsyam || 17||
na svArthe mama yatno niHsvArthe mama so.ayam |
udyogaH shivasUno sadyo dehi sahAyam || 18||
mAhAtmyaM nanu vakttuM kaH shakttaH puruShaste |
hastIndrAnana bhAgyaM sarveShAM tava haste || 19||
etaH sammadakatrIrhairambIrmadalekhAH |
sevantAM kavibhR^i~NgAshchAndrIrbhA iva lekhAH || 20||
\medskip\hrule\medskip
tR^itIya khaNDaH (indravajrAvR^ittam)

ekAdashAnAM pravaraM sutAnAM rudrasya mantradhipatiM namAmi |
shAstrANi sarvANyapi yasya kIlAH sUryAnapohyaM timiraM haranti || 21||
prAj~nena buddhayA yadakAri padyaM sadhAraNastatra tavopakAraH |
heramba yanmantramR^iShishchakAra vyaktovishiShTastava tatra yatra || 22||
jihvAsthalaM nAtha vigAhamAnaM tvAmAhuruchChiShTamayi ChaloktyA |
uchChiShTatA chettava rudrasUno svAdhyAyaniShThIvanatorbhidA kA || 23||
sarvANi dhAnyAni cha bhakShayantaM dantaiH shitairdeva sahAyavantam |
etaM bilasthaM rasanAhvayaM te vAhaM vido mUShikamAmananti || 24||
AdhArachakre vasato gaNesha jyotirmayANorjvalataH sadAte |
ekaH pachatyannamasheShamUShmA samprrerayantya imAstu vAchaH || 25||
vaishvAnaro.agniH sakalasya jIvo vAgindriyAgniH shivanandana tvam |
yo veda naiva yuvayorvibhedaM piNDeShu nA muhyati sa prasa~Nge || 26||
tvAM brahmaNaspatyabhidhAnamAhuH kechidvibhorIshapadasya putram |
anyairbR^ihaspatyabhidhAna ukto dhIrairvibhorindrapadasya mantrI || 27||
jihvaiva vedistava toyapUtA lokaprasa~Ngastava tatra dhUmaH |
jvAlA jagannAthakathA pavitrA cheto ghR^itaM juhyati yatra santaH || 28||
vidyunmayImUrtiragAdi jiShNoryA maunibhiH saiva tava svarUpam |
indrasya bhedastava chodito yaH sa prANavidyuttanubhedamUlaH || 29||
divyAgrigAtraM dhiShaNA kalatraM bhargasya putraM praNatasya mitram |
divyAgrirucho bhajantAmetAH karIndrAnanamindravajrAH || 30||
\medskip\hrule\medskip
chaturthaH khaNDaH (vasantatilakavR^ittam)

kiM bR^iMhitAni kuruShe kaluSheNa bhagne
magne mahAvipadi deva nije vivarte |
nidrAmi chedvarada bodhaya hastaghAtA \-
dgachChAmi chedapathamAshu nivartayasva || 31||
veShastvAyamaparo yadi deva nATya\-
mArabhyatAM taduchittaM kimupaiShi maunam |
etAM prabho yavanikAmapasArayantu
sakShAdgaNAstava kutaH kriyate vilambaH || 32||
etattamo nayanashakttiharaM guhAyaM
margaM ruNaddhi na vilokitumasmi shakttaH |
sreho.asti kAchana dashAsti vibho kaTAkSha\-
jyotirlava sadaya dehi puro vrajeyam || 33||
ghoraM karomi na tapo yadi te.aparAdhaH
kiM preraNaM na kR^itavAnasi rudrasUno |
sampreritashcha bhavatA yadi nAchareyaM
sampreraNasya tava kA gajavaktra shakttiH || 34||
kAryaM na me kimapi tat khalu nirjarANAM
rUpaM na me kimapi tattava ko.api veShaH |
iShTaM nu kaShTamatha kasya karIndravaktra
shiShTaM tu me kimapi nAma narA~Ngasa~Ngi || 35||
nAmApi tattava bhavatyathavA gajAsya
charchA vinashvaratame tanuka~nchuke kA |
viShNorivendudhavalaM bhavitA yashashchet
taddantakAntiShu tavaiva layaM prayAtu || 36||
sthUlAM tanUmasumasheShamanorathAnAM
sthAnaM manashcha dhiShaNAM pramadaM cha mUlam |
Akramya koshamakhilaM cha vibho khalAre
vidhnAdhirAja mayi darshaya te vibhUtim || 37||
devI matirjalapatravishAlanetrA
devI cha siddhirakala~NkasudhAkarAsyA |
ChayoShNatA cha dinanAthamiva jvalantaM
nityaM bhavantamibhavaktra vibho bhaje te || 38||
siddhendraveShabhR^iti bhUmihitAya rudre
kailAsashailamadhitiShThati vajrapANiH |
dhR^itvA gajendramukhaveShamamuShya putro
bhUtvA vibhurnayati pAriShadAnasheShAn || 39||
sammodayantu hR^idayaM dviradAnanasya
devasya siddhidhiShaNA hR^idayeshvarasya |
etA vasantatilakAH kaviku~njareNa
gItAH kayA.apyamalabhAvanayA yutena || 40||

|| iti shrIbhagavanmaharShiramaNAntevAsino vAsiShThasya
narasiMhasUnoH gaNapateH kR^itirherambopasthAnaM samAptam ||

##
Encoded and proofread byDPD

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}