% Text title            : Kashisthitan Panchavinayakapujopadesham
% File name             : kAshIsthitAnpanchavinAyakapUjopadesham.itx
% Category              : ganesha, upadesha, advice, shiva, shivarahasya
% Location              : doc\_ganesha
% Transliterated by     : Ruma Dewan
% Proofread by          : Ruma Dewan
% Description/comments  : shrIshivarahasyam | ugrAkhyaH saptamAMshaH | adhyAyaH 12 | 83-98||
% Latest update         : March 8, 2024
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Kashisthitan Panchavinayakapujopadesham ..}##
\itxtitle{.. kAshIsthitAn pa~nchavinAyakapUjopadesham ..}##\endtitles ##
\- shivapArvatIsaMvAde \-
pUjanIyAH prayatnena sarvathA modakapriyAH |
shivaprItikarA nityaM shuddhAH pa~nchavinAyakAH || 83||
kShiprasiddhikaraM kShipraM gaNeshaM suravanditam |
sampUjya pUrvavatsamyagjagadIshaM vinAyakam || 84||
AshAvinAyakaM samyakpUjayitvA tataH param |
arkavighneshvaraM(raH) samyakpUjanIyaH prayatnataH || 85||
pUrvavatpUjayitvA tu tatra siddhivinAyakam |
pUjanIyastataH samyak chintAmaNivinAyakaH || 86||
senAvinAyako.apyevaM sampUjya tadanantaram |
durgAvinAyakasyApi pUjA kAryA tataH param || 87||
evaM sampUjya vidhivadbhaktishraddhAsamanvitaiH |
shaivAH sha~Nkaratattvaj~nA bhojanIyAH prayatnataH || 88||
evaM sampUjitAH samyakprItAste gaNanAyakAH |
kAshIvAsaM prayachChantti nirvighnenaiva sAdaram || 89||
Ajyena kApilenaiva sArdhalakShatrayAhutIH |
hutvaitannAbhiH samyaksarvavidyAdhipo bhavet || 90||
etAni divyanAmAni prativAsaramAdarAt |
paThitvA gaNanAthasya pUjA kAryA prayatnataH || 91||
yasya kasyApi santuShTo gaNapaH sarvasiddhidaH |
ata eva sadA pUjyo gaNanAtho vichakShaNaiH || 92||
gaNeshAdaparo loke vighnahartA na vidyate |
tasmAdanvahamArAdhyo gaNeshaH sarvasiddhidaH || 93||
kAshInivAsasidhyarthaM viShNunA pUjitaH purA |
purA vighneshvaraH samyakpUjito daNDapANinA || 94||
kArkoTakeNa nAgena gaNesha pUjitaH purA |
sheSheNa pUjitaH pUrvaM gaNeshaH siddhidAyakaH || 95||
kAshIyAtrArthamudyukto vidhirvighnakulAkulaH |
pUjayAmAsa vighneshaM vidhivadbhaktipUrvakam || 96||
sUryeNAbhyarchitaM pUrvaM chandreNendreNa cha priye |
devairanyaishcha vidhivatpUjito gaNanAyakaH || 97||
martyAnAmamarANAM cha munInAM cha varAnane |
na sidhyantyeva kAryANi gaNeshAbhyarchanaM vinA || 98||

|| iti shivarahasyAntargate kAshIsthitAn pa~nchavinAyakapUjopadeshaM sampUrNam ||

\- || shrIshivarahasyam | ugrAkhyaH saptamAMshaH | adhyAyaH 12 | 83\-98||
##
- .. shrIshivarahasyam . ugrAkhyaH saptamAMshaH . adhyAyaH 12 . 83-98..

Notes:
Śiva ##shiva## tells Pārvatī ##pArvatI## about the importance of worshiping Pañcavināyaka-s ##pa~nchavinAyakAH## of Kaśī ##kAshI##; viz.,  Arkavighneśvara ##arkavighneshvara##, Āśāvināyaka ##AshAvinAyaka##, Siddhivināyaka ##siddhivinAyaka##, Senāvināyaka ##senAvinAyaka##, Durgāvināyaka ##durgAvinAyaka##.
Kaśī ##kAshI## harbors several TīrthaKṣetra ## tIrthakShetra## that are outlined in ŚivaRahasyam saptāṃśaḥ ##shivarahasyaM saptAMshaH##.##
##
Proofread by Ruma Dewan 

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}