% Text title            : sarvasiddhipradaM puShTipatistotram
% File name             : sarvasiddhipradaMpuShTipatistotram.itx
% Category              : ganesha, stotra
% Location              : doc\_ganesha
% Author                : Traditional
% Transliterated by     : Karthik Chandan.P (kardan5380 at yahoo.com) : Amith K Nagaraj)
% Proofread by          : Ravin Bhalekar ravibhalekar at hotmail.com
% Description-comments  : mudgalapurANa
% Latest update         : September 16, 2004, July 5, 2021
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. sarvasiddhipradaM puShTipatistotram ..}##
\itxtitle{.. sarvasiddhipradaM puShTipatistotram ..}##\endtitles ##

shrI gaNeshAya namaH |
rAdhAkR^iShNAvUchatuH |
puShTipate namastubhyaM namaH sha~NkarasUnave |
brahmabhUtAya devAya sarvasiddhipradAya te || 1||
svAnandavAsine tubhyaM brahmaputrAya te namaH |
siddhibuddhipate te vai gaNeshAya namo namaH || 2||
herambAya namastubhyaM namo yogamayAya cha |
sarvAdaye cha sarvesha sarvaGYAya namo namaH || 3||
nirguNAya namastubhyaM saguNAya namo namaH |
gajAnanAya vai tubhyamabhedAya namo namaH || 4||
shAntirUpAya shAntAya shAntidAya mahodara |
mUShakavAhanAyaiva gANapatyapriyAya te || 5||
anantAnantarUpAya bhaktasaMraxaNAya cha |
bhaktipriyAya devAya bhaktyadhInAya te namaH || 6||
chaturbAhudharAyaiva nAgayaGYopavItine |
shUrpakarNAya shUrAya parashudhara te namaH || 7||
viShNuputrAya sarveShAM pitre mAtre namo namaH |
vinAyakAya viprANAM putrAya te namo namaH || 8||
sarveShAM garvahantre cha sarvebhyaH sukhadAya te |
lambodarAya vighnesha brahmanAyaka te namaH || 9||
kim stuvastvAM gaNAdhIsha yatra vedAdayaH prabho |
shukashambhvAdayashchaiva babhUvuH kuNThitAH param || 10||
AvAM garvayutau jAtau brahmAkArau vR^ithA prabho |
tatra tvayA cha vighnena kR^itaM garvasya khaNDanam || 11||
sAdhUnAM vighnahartA tvaM shAntiyogArthama~njasA |
asAdhUnAM vinAshAya hyatastvAM praNamAmahe || 12||
vighnayuktatayA DhuNDhe AvAbhyAM yogasevayA |
sAxAtkAraH kR^itastvaM vai samIchInamidaM kR^itam || 13||
hR^idi chintAmaNiM tvAM cha pashyAvaH satataM prabho |
ataH sushubhado vighnaH sa~njAto no gajAnana || 14||
adhunA dehi vighnesha bhaktiM te charaNAmbuje |
dR^iDhAM yayA cha garveNa na bhavAvaH samAyutau || 15||
ityuktvA taM praNamyaiva nanR^itaturmudAnvitau |
dhanyau prabruvatau dhanyau darshanAdgaNapasya tau || 16||
brahmovAcha |
tatastau gaNanAtho vai jagAda bhaktibhAvataH |
dR^iShTvA premarasAhlAdayuktau rAdhAjanArdanau || 17||
shrIpuShTipatiruvAcha |
bho rAdhe kR^iShNa me vAkyaM shR^iNutaM jagadIshvarau |
madIyAM bhaktimatyantaM kariShyethe na saMshayaH || 18||
sa~NkaTe smaraNenaiva prakaTaH sambhavAmyaham |
yaM yamichChatha AnandaM saphalaM taM bhaviShyati || 19||
bhavatkR^itamidaM stotraM paThanAchChravaNAnnR^iNAm |
sarvasiddhipradaM pUrNaM bhaviShyati suraishvarau || 20||
matprItivardhanaM nityaM vA~nChitArthakaraM bhavet |
ante svAnandadaM kR^iShNa bhaviShyati na saMshayaH || 21||
iti maudgale puShTipatistotraM sampUrNam |
##
Encoded by Karthik Chandan.P (kardan5380@yahoo.com)
and Amith K Nagaraj (amithkn@rediffmail.com)
Proofread by Ravin Bhalekar ravibhalekar@hotmail.com
\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}