% Text title : shAradeshasahasranAma % File name : shAradeshasahasranaama.itx % Category : sahasranAma, ganesha % Location : doc\_ganesha % Transliterated by : Ravin Bhalekar ravibhalekar at hotmail.com % Proofread by : Ravin Bhalekar, PSA Easwaran % Source : Vinayakatantra % Latest update : August 25, 2017 % Send corrections to : sanskrit at cheerful dot c om % % This text is prepared by volunteers and is to be used for personal study % and research. The file is not to be copied or reposted for promotion of % any website or individuals or for commercial purpose without permission. % Please help to maintain respect for volunteer spirit. % \documentstyle[11pt,multicol,itrans]{article} #include=ijag.inc #endwordvowel=.h \portraitwide \parindent=100pt \let\usedvng=\Largedvng % for 1 column \pagenumbering{itrans} \def\engtitle#1{\hrule\medskip\centerline{\LARGE #1}} \def\itxtitle#1{\medskip\centerline{\LARGEdvng #1}\medskip\hrule} \def\endtitles{\medskip\obeyspaceslines} %% \begin{document} \engtitle{.. shrIshAradeshasahasranAmastotram ..}## \itxtitle{.. shrIshAradeshasahasranAmastotram ..}##\endtitles ## devyuvAcha | devadeva mahAdeva girIsha jagatAM pate | sahasranAmastotraM me kR^ipayAsya vada prabho || 1|| shiva uvAcha | brahmaNaspatisUktasthaM mantrAdivarNasambhavam | sahasranAmastotraM tu vaidikaM te bravImyaham || 2|| shAradeshamantravachcha R^iShyAdikamudIritam | sarasvatIpatissomarAjassomaprapUjitaH || 3|| somArdhashekharassiddhassiddheshassiddhinAyakaH | siddhavandyassiddhapUjyassarvavidyApradAyakaH || 4|| sarvAtmA sarvadevAtmA sadasadvyaktidAyakaH | saMsAravaidyassarvaj~nassarvabheShajabheShajam || 5|| sR^iShTisthitilayakrIDo yadunAthavarapradaH | yogagamyo yogamayo yogashAntipradAyakaH || 6|| yogAchAryo yogadAtA yogabrahma yugAdhipaH | yaj~neshvaro yaj~namUrtiryajamAneShTadAyakaH || 7|| yaj~nakartA yaj~nadhartA yaj~nabhoktA yamIshvaraH | mayUresho mayUreshapurAdhIsho mayUrapaH || 8|| mayUravAhano mAyI mAyiko madhurapriyaH | mantro mantrapriyo mantrI madamattamanoramaH || 9|| mantrasiddhiprado mantraj~nAnado muktidAyakaH | mandAkinItIravAsI mudgarAyudhadhArakaH || 10|| svAnandavAsI svAnandanAyakassukhadAyakaH | svasvAnandapradassvasvAnandayogasulabhyakaH || 11|| svAnandabhavanAdhIshassvargasvAnandanAyakaH | svargasvAnandanilayassvargasvAnandasaukhyadaH || 12|| sukhAtmA surasampUjyassurendrapadadAyakaH | surendrapUjitassomarAjaputrassurArchitaH || 13|| surendrAtmA tattvamayastaruNastaruNIpriyaH | tatpadastatpadArAdhyastapasvIjanasevitaH || 14|| tApasastApasArAdhyastapomArgaprakAshakaH | tattvamasyAkR^itidharastattvamasyArthabodhakaH || 15|| tattvAnAM paramaM tattvaM tArakAntarasaMsthitaH | tArakastArakamukhastArakAntakapUjitaH || 16|| tattvAtItastattvamayastaruNAdityapATalaH | upendra uDubhR^inmauliruNDerakabalipriyaH || 17|| uchChiShTagaNa uchChiShTa uchChiShTagaNanAyakaH | upendrapUjitapada upendravaradAyakaH || 18|| unnatAnana uttu~Nga udAratridashAgraNI | umApUjitapAdAbja umA~NgamalasambhavaH || 19|| umAvA~nChitasandAtA umeshaparipUjitaH | umAputra umAputrapUjya umeshavigrahaH || 20|| turIyasturyapadagasturIyamUrtisaMyutaH | tumburustotrasantuShTasturIyavedasaMstutaH || 21|| turIyAtmA turyapadadastumburugAnatoShitaH | tuShTipriyastuNDavakrastuShArahimasannibhaH || 22|| turIyalokanilayasturIyaguNadhArakaH | turIyamUrtisampUjyaH paramAtmA parAtparaH || 23|| para~njyotiH parandhAma pUrNapraNavavigrahaH | praNavaH praNavArAdhyaH praNavAtItavigrahaH || 24|| praNavAsyaH parambrahma puruShaH prakR^iteH paraH | purANapuruShaH pUtaH puNyApuNyaphalapradaH || 25|| padmaprasannanayanaH padmajArchita pAdukaH | yayAtipUjanaprIto yayAtivaradAyakaH || 26|| yamIShTavarasandAtA yamIsaubhAgyadAyakaH | yamIbhuktimuktidAtA yamIj~nAnapradAyakaH || 27|| yogamudgalasampUjyo yogamudgalasiddhidaH | yogamudgalavij~nAtA yogamudgaladeshikaH || 28|| yogiyogaprado yogij~nAnado yogashAstrakR^it | yogabhUmidharo yogamAyiko yogamArgavit || 29|| padmeshvaraH padmanAbhaH padmanAbhaprapUjitaH | padmApatiH pashupatiH pashupAshavimochakaH || 30|| pAshapANiH parshudharaH pa~NkajAsanasaMsthitaH | pa~NkajAsanasampUjyaH padmamAlAdharaH patiH || 31|| pannagAbharaNaH pannageshaH pannagabhUShaNaH | pannageshasutaH pannageshalokanivAsakR^it || 32|| tamohartA tAmasIshastamobhartA tamomayaH | stavyastutipriyastotraM stotrarAjapratoShitaH || 33|| stavarAjapriyaH stutyasturuShkasa~NghanAshakaH | stomayaj~napriyaH stomaphaladaH stomasiddhidaH || 34|| snAnapriyassnAnabhartA snAtakAbhIShTadAyakaH | karmasAkShI karmakartA karmAkarmaphalapradaH || 35|| kamaNDalunadItIranivAsI kaTisUtrabhR^it | kadambagolakAkAraH kUShmANDagaNanAyakaH || 36|| kastUritilakopetaH kAmeshaH kAmapUjitaH | kamaNDaludharaH kalpaH kapardI kalabhAnanaH || 37|| kAruNyadehaH kapilaH kapilAbhIShTadAyakaH | ugra ugrAyudhadharo ugrarudraprapUjitaH || 38|| ugrahartA ugrabhartA ugrashAsanakArakaH | ugrapANDyasusampUjya ugrapANDyeShTadAyakaH || 39|| umbIjajapasuprIta udIchIdishi saMsthitaH | uda~Nmukha udagdeshanivAsI uchitapriyaH || 40|| uchitaj~no gaNeshAno gaNakrIDo gaNAdhipaH | gaNanAtho gajamukho guNesho gaNanAyakaH || 41|| guNAdhAro guNamayo guNashAntipradhArakaH | ga.N bIjo ga.N padArAdhyo gajAkAro gajeshvaraH || 42|| ga~NgAdharasamArAdhyo ga~NgAtIravihArakR^it | dakShayaj~napramathano daharAkAshamadhyagaH || 43|| dakSho dakShabhaktituShTo dakShayaj~navarapradaH | devesho daNDanItistho daityadAnavamohanaH || 44|| dayAvAn divyavibhavo dakShiNAmUrtinandanaH | dakShiNAmUrtisandhyAtapado devasurakShakaH || 45|| dakShiNAvartakShetrastho devendrapUjanapriyaH | dvaimAturo dvivadano dvipAsyo dvIparakShakaH || 46|| dvirado dviradeshAna AdhArashakti mUrdhnigaH | Akhuketana AshApUraka AkhumahArathaH || 47|| AdhArapITha AdhAra AdhArAdheyavarjitaH | AshritAbhIShTasandAtA AmodAmodadAyakaH || 48|| AnandabhavanAdhIsha AnandamUrtidhArakaH | Anandamaya Ananda AnandakoshasaMsthitaH || 49|| Akhudhvaja AkhuvAha AnandAtItavigrahaH | sudhApriyassudhAmUrtissudhAsAgaramadhyagaH || 50|| sudhApAnaratassindhudaityahA sindhudeshagaH | sAmagAnapriyassAdhussAdhusiddhipradAyakaH || 51|| saptAshvapUjitapadassaptAshvarathamadhyagaH || saptalokasharIrADhyassaptadvIpanivAsakR^it || 52|| samudrarAjasampUjyo nAgAsyo nagajAsutaH | nandyo nandipriyo nAdo nAdamadhye pratiShThitaH || 53|| nirmalo niShkalo nityo niravadyo nira~njanaH | nAradAdisusaMsevyo nityAnityo nirAmayaH || 54|| nAmapArAyaNaprIto nirguNo nijalokagaH | tannAmajapasuprItastattvAtattva vivekadaH || 55|| tadbhaktajanasaMsevyastadAj~nA paripAlakaH | tintriNyannapriyatamastantrashAstravishAradaH || 56|| tantragamyastantravedyastantramArgaprakAshakaH | tantrArAdhanasantuShTastantrasiddhipradAyakaH || 57|| tantramudrApramuditastantranyAsapratoShitaH | tantrAbhAsamArgahartA tantrapAShaNDakhaNDakaH || 58|| tantrayogamArgagamya UhApohadurAsadaH | UrjasvAnUShmalamada UnaShoDashavArShikaH || 59|| UDApUjanasantuShTa UhApohavivarjitaH | umAsnuShAsusaMshliShTa UDAbAlAmanoramaH || 60|| umeshapUjitapada umeshAbhIShTadAyakaH | Utipriya Utinuta UtikR^idvaradAyakaH || 61|| UtitrayIgAnavara UtitrivedakAraNam | Utibha~NgipriyatamaH trAtA trivedanAyakaH || 62|| triguNAtmA trilokAdiH trivaktrastripadAnvitaH | trimUrtijanakastretA trikarastrivilochanaH || 63|| trimUrtijapasantuShTaH trimUrtivaradAyakaH | triveNItIrasaMvAsI triveNIsnAnatoShitaH || 64|| triveNIkShetranilayaH triveNImuNDanapriyaH | triveNIsa~NgamasthAyI triveNIkShetrasiddhidaH || 65|| trisandhyAkShetranilayastrisandhyAkShetrapAlakaH | trisandhyAkShetrajanakastrisandhyAgatadaityahA || 66|| trisandhyAgamunIshAnapAtA trisandhikShetragaH | trisandhyAtApasArAdhyastrisandhyAmunipAlakaH || 67|| trisandhyAmunidarpaghnastripurAbhIShTadAyakaH | tripurApUjanaprItastripurAntakapUjitaH || 68|| tripureshIsamArAdhyastryambakastripurAntakaH | anapAyo.anantadR^iShTiraprameyo.ajarAmaraH || 69|| anAvilo.apratiratha aShTAtriMshatkalAtanuH alampaTo mito kShayyo.adhanAMsho.apratimAnanaH || 70|| aShTasiddhisamR^iddhi shrIraShTabhairavasevitaH | aShTAdashauShadhI sR^iShTiraShTadravyahaviH priyaH || 71|| aShTamUrtidhyeyamUrtiraShTamAtrasamAvR^itaH | aShTapatrAmbujAsIna aShTaprakR^itikAraNam || 72|| aShTachakrasphuranmUrtiraShTaishvaryapradAyakaH | aShTapIThopapIThashrIraShTadikpativanditaH || 73|| agnirakShamAlikADhyo vyayo.aShTavasuvanditaH | aShTAdashapurANeDya aShTAdashavidhismR^itaH || 74|| aShTAdashalipivyaShTisamaShTij~nAnakovidaH | bhavAbdhitArako bhAShAjanako bhAratIpatiH || 75|| bhImo bhImavighnahartA bhayatrAtA bhavodbhavaH | bhavAnItanayo bhaktipriyo bhaktapravAlakaH || 76|| bhaktAdhIno bhaktivashyo bhuvaneshIvarapradaH | bhUpatirbhuvanapatirbhUtesho bhuvaneshvaraH || 77|| tejovatIshiroratnastejomaNDalamadhyagaH | tejomayalokavAsI tejomayakalevaraH || 78|| tejorUpI taijaseshastejaHpu~njasvarUpavAn | tejastattveshasampUjyastejastattveShTadAyakaH || 79|| tithimAtR^isamudbhUtastithimAtR^ivarapradaH | tithimAtR^isamArAdhyastithimAtR^ipratoShitaH || 80|| tithimAtravrataprItastithimAtreShTadAyakaH | brahma brahmArchitapado brahmachArI bR^ihaspatiH || 81|| bR^ihattamo brahmavaro brahmaNyo brahmavittamaH | bR^ihannAdAgryachItkAro brahmANDAvalimekhalaH || 82|| brahmesho brahmalokastho brahmaputrIsamanvitaH | bR^ihadAraNyasaMvedyo brahmavidyAmadotkaTaH || 83|| brahmANDakundo brahmIsho brahmAvartanivAsakR^it | brahmAnandamayo brahmatanayo brahmaNaspatiH || 84|| mandAravR^ikShasambhUto mandArakusumapriyaH | mandArabhaktavarado mandArabhaktitoShitaH || 85|| mandArapUjanaprIto mandAramaNidhArakaH | mandAramaNisuprIto munimaNDalamadhyagaH || 86|| muniputro munIshAno munimAnasahaMsikaH | muniputrasahacharo munibAlasamAvR^itaH || 87|| munibAlAbhIShTadAtA munibAlasamarchitaH | munibAlabhaktituShTo munibAlepsitapradaH || 88|| vinAyako vighnarAjo vinatAtanayapriyaH | vareNyo vedajanako vedavedA~Nga tattvavit || 89|| vedAntashAstrasaMvedyo vedAntAgamagocharaH | vandyo vAgIshasaMsevyo vAmano vAmanArchitaH || 90|| vAgIshvarIpatirvANInAyako varadAyakaH | vidyAprado vibhavado vareNyatanayo vashI || 91|| stanandhayaH stanyapAnarataH stanyapravardhakaH | stanandhayapriyasturyashaktiputrasturIyapaH || 92|| taulisnAnaparastaulimAsasnAnapratoShitaH | taulimAsajapaprItastaulidAnaphalapradaH || 93|| tu~NgabhadrAtIrasaMsthastu~NgAsnAnaphalapradaH | tu~NgAjalapAnarataH tu~NgashailanivAsakR^it || 94|| tara~NgakelisaMsaktastara~NgAbdhiprabhedakaH | brAhmaNaspatyayaj~nesho brAhmaNaspatyahomabhuk || 95|| brAhmaNaspatyeShTibhoktA brahmasUtraprabandhakR^it | bR^ihajjAbAlasaMvedyo brahmavidyApradAyakaH || 96|| bR^ihanmAyo bR^ihatseno bR^ihadvidyo bR^ihaddhanaH | bR^ihadgaNo bR^ihatkukShirbR^ihadbhAnurbR^ihadbalaH || 97|| bR^ihadrAjyaprado brahmasUtradhR^ik bR^ihadIshvaraH | savitR^imaNDalamadhyasthassavitA savitArchitaH || 98|| sAvitrassavitArAdhyassUrassUryo.atha sUrajaH | sAvitrItanayassUryamUrtissauraprapUjitaH || 99|| sUrasUtasamArAdhyassauramArgaprakAshakaH | suravR^ikShamUlasaMsthassuradrumasumapriyaH || 100|| surachandanadigdhA~NgaH svargasaukhyapradAyakaH | yogAgnikuNDasa~njAto yogAgnijyotirUpavAn || 101|| yonipIThasanniShaNNo yonimudrApratoShitaH | yAskapriyo yAskapUjyo yAskeShTaphaladAyakaH || 102|| yonisaMsthapuShkarADhyo yoginIgaNasevitaH | yoginIsevitapado yoginIshaktisaMvR^itaH || 103|| yogA~NgavedyacharaNo yogasAmrAjyadAyakaH | yogagItAprado yogamantrado yogavigrahaH || 104|| tarAtalalokavAsI tarAtalajanAvR^itaH | taruNAdityasa~NkAshastaruNendusamarchitaH || 105|| tAlIvanasamAsInastAlIphalasubhakShakaH | tAlImadhurasaprItastAlIguLasubhakShakaH || 106|| tAlIvanadevateDyastAlIdevIvarapradaH | tAlaja~NghadaityaharastAlaja~NghAripUjitaH || 107|| tamAlashyAmalAkArastamAlakusumapriyaH | tamAlavanasa~nchArI tamAladevatApriyaH || 108|| anantanAmAnantashrIranantAnantasaukhyadaH | anantavadano.anantalochano.anantapAdukaH || 109|| anantamakuTopeta anantashrutimaNDitaH | anantakukShipR^iShThADhya anantajAnumaNDitaH || 110|| anantorubhrAjamAno.anantaskandhagalAnvitaH | anantabAhupANyADhya anantaguhyali~NgakaH || 111|| anantodAraguNavAnanantodAravikramaH | anantasUryasa~NkAsha anantendusushItalaH || 112|| sadAshivasamArAdhyassadAshivasuvIryajaH | sadAshivagaNeshAnassadAshivapadapradaH || 113|| sadAshivavighnaharassadAshivavarapradaH | sadAshivahAsyahetuH sadAshivavimohakaH || 114|| sadAshivachandrahartA sadAshivahR^idisthitaH | sadAshivarUpadharaH sadAshivasamIpagaH || 115|| sadAshivashaktiputrassadAshivasutAgrajaH | ashvAsyamunIsaMsevya ashvAsyabhaktitoShitaH || 116|| ashvAsyaj~nAnasandAtA ashvAsyayogadAyakaH | ashvAsyajapasuprIta ashvAsyashAstratoShitaH || 117|| ashvAsyavighnasaMhartA ashvAsyasiddhidAyakaH | ashvAsyadaityasaMhartA ashvinIR^ikShasambhavaH || 118|| ashvinIdevatArAdhya ashvinIshAstratoShitaH | ambikAyaj~nasantuShTa ambikAbhIShTadAyakaH || 119|| ambAsuto.ambikAlokasaMstho.ambAgaNasevitaH | R^igyajussAmasambhUti R^iddhisiddhipravartakaH || 120|| R^iddhiprado R^iddhinAtho R^iNatrayavimochakaH | R^igvedasUktasantuShTo R^igvedamantratoShitaH || 121|| R^igvedabrAhmaNaprIto R^igvedAraNyaharShitaH | R^igvedabrAhmaNaspatyasUktopaniShadIritaH || 122|| R^ito R^igvedajanako R^iNahA R^iddhipUjitaH | R^itambharApraj~nayAjyo R^iddhinAthapratoShitaH || 123|| R^ivarNachakramadhyastho R^ivarNajapatoShitaH | R^ivarNamAtrakAdhisho R^ivarNashaktinAyakaH || 124|| R^itapriyo R^itAdhIsho R^itaj~no R^itapAlakaH | R^itadevasamArAdhyo R^italokanivAsakR^it || 125|| R^itambharApIThasaMstho R^itAdhInasuvigrahaH | R^itambharAmArgavAsI R^itapAlakapAlakaH || 126|| R^itavAk R^itasa~Nkalpo R^itasa~NkalpadAyakaH | sasannayaH savinayaH subrahmaNyagaNeshvaraH || 127|| suShThusraShTA suShThupAtA suraku~njarabhedanaH | suramAtratR^isamArAdhyassuramAtR^ivarapradaH || 128|| suramAtR^isutassuShThu naradevaprapAlakaH | surAntako daityaharassuravargaprapAlakaH || 129|| suparvANassiddhidAtA suparvANagaNAvR^itaH | siMhArUDhassiMhavAhassiMhAsyassiMhadarpahA || 130|| vibhurvibhugaNAdhIsho vishvanAthasamarchitaH | vishvAtIto vishvakartA vishvapAtA virATpatiH || 131|| vishvanAthasuto vishvanAthashaktisamudbhavaH | vishvanAthakShetradAtA vishvanAthaprapAlakaH || 132|| vishvanAthapUjitA~Nghriyugalo vishvavanditaH | vishveshvaro vItihotro vItihotrasamarchitaH || 133|| yuddhakR^idyuddhavIresho yuddhamaNDalasaMsthitaH | yuddheshvaro yuddhanAtho yuddhe siddhipradAyakaH || 134|| yuddhavIro yuddhashUro yuddheshajayadAyakaH | yuddhakAlIshvaro yodhanAtho yodhagaNAvR^itaH || 135|| yodhAgragaNyo yodhesho yodheshajayadAyakaH | yodhavighnaprashamano yodhasiddhipradAyakaH || 136|| vasiShThadevo vAsiShTho vasiShThakulabhUShaNaH | vishvAmitrapriyakaro vishvAmitrAbhayapradaH || 137|| vishvAmitrasiddhidAtA vishvAmitrAshrame sthitaH | vishvAmitratapastuShTo vishvAmitrepsitapradaH || 138|| vishvAmitraj~nAnadAtA vishvAmitrasuyogadaH | vishvAmitravaMshadevo vishvAmitreShTadaivatam || 139|| vAmadevasamArAdhyo vAmamArgapratoShitaH | urukramasamArAdhya urukramavarapradaH || 140|| urukramayaj~nadAtA urukramamakhodbhavaH | urukramendrapadada urukramasurakShakaH || 141|| urukramavaMshadeva urubhImaparAkramaH | UrvashInaTanaprItaH UrvashIgAnalolupaH || 142|| UrvashIputrasukhada UrvashInAthapUjitaH | UrvashInAthepsitada UrvashIlokadAyakaH || 143|| brAhmaNo brAhmaNeshAna brAhmaNendrasupUjitaH | brAhmaNyakarmasantuShTo brAhmaNyamantratoShitaH || 144|| brAhmaNabrahmayaj~nesho brAhmaNavaradAyakaH | brAhmaNAya vedadAtA brAhmaNAyArthadAyakaH || 145|| brAhmaNAya kAmadAtA brAhmaNAya sumuktidaH | brahmamedhayaj~natuShTo brahmamedhahaviHpriyaH || 146|| brahmamedhasaMskR^itAya brahmalokapradAyakaH | brahmapriyagaNeshAno brahmapriyagaNArchitaH || 147|| brahmapriyabhaktituShTo brahmapriyavarapradaH | brahmapriyamuktidAtA brahmapriyakR^itodyamaH || 148|| brahmapriyaprabhurbrahmapriyatrANakR^itodyamaH | brahmapriyeDyacharito brahmapriyanamaskR^itaH || 149|| brahmapriyabhayaharo brahmapriyanamaskR^itaH | brahmapriyasaMshayaghno barhmavidbrahmadAyakaH || 150|| brahmapriyArtishamano brahmapriyaphalapradaH | indirAnAyakashchendubhUShaNashchendirApriyaH || 151|| indIvarakarNikAstha indIvaravilochanaH | indIvarasamaprakhya indIvarashayAnakR^it || 152|| indIvarAsanArUDha indirAtanayApatiH | indirAda indiresha indirAgaNanAyakaH || 153|| indirAShTakasandAtA indirAbIjatoShitaH | indirAbIjasaMyuktabIjamantramanuprabhuH || 154|| vIrapANDyasamArAdhyo vIrapANDyavarapradaH | vIracholasamArAdhyo vIracholeShTadAyakaH || 155|| vIrabrabAhupUjitA~NghrirvIramAhendravanditaH | vIramAheshavarado vIrarAkShasashatruhA || 156|| vIrashUrashauryadAtA vIrAntakabalapradaH | vIradhIradhairyadAtA vIrapurandareShTadaH || 157|| vIramArtANDavarado vajrabAhviShTasiddhidaH | vajrabAhunuto vajrabAhuvIryajayapradaH || 158|| sa~NkaShTahArakassa~NkaShTaharatithisambhavaH | sa~NkaShTaharamantrAtmA sarvasa~NkaShTanAshanaH || 159|| sa~NkaShTiharadinarAT sa~NkaShTimAtR^ipUjitaH | sa~NkaShTivratasantuShTassa~NkaShTipUjanapriyaH || 160|| sa~NkaShTivR^itavaradassArvabhaumavarapradaH | sArvabhaumagarvaharassArvabhaumAribha~njakaH || 161|| sArvabhaumagItaguNassArvabhaumadhanapradaH | sArvabhaumakAmadAtA sArvabhaumasumuktidaH || 162|| tArApatistAresheDyastArAdoShanivArakaH | tArAputrasamArAdhyastArAgaNaniShevitaH || 163|| tArAputrAbhIShTadAtA tArAputravarapradaH | tArAputraj~nAnadAtA tArAputrasusiddhidaH || 164|| tAreshachUDastAreshavaradastArakArchitaH | tArAkartA tArakeshastArAbhartA tamIpriyaH || 165|| talavakArasa~NgItastamInAthastamIpriyaH | tamIpUjanasantuShTastamIjapavarapradaH || 166|| tamIhavanasantuShTastamIyajanatoShitaH | tamaprakR^itisaMyuktastamaprakR^itipUjitaH || 167|| tamaprakR^itisa~njAtabrahmANDagaNadhArakaH | tAmasImAyAsaMyuktastAmasIstutavaibhavaH || 168|| tAmasInAyakeshAnastAmasInAyakeShTadaH | R^iNIjanasamArAdhya R^iNIsaMstutavaibhavaH || 169|| R^iNInAtho R^iNIgIto R^iNIjanasurakShakaH | R^iNIbhartA R^iNIdhartA R^iNIR^iNaharaH kShaNAt || 170|| R^iNIvandyo R^iNIjapyo R^iNIstutyo R^iNIpriyaH | R^iNIdhAmA R^iNIgoptA R^iNIgaNaniShevitaH || 171|| yamIjanasamArAdhyo yamIsaMstutavaibhavaH | yamInAtho yamIgIto yamIjanasurakShakaH || 172|| yamIbhartA yamIdhartA yamIbhayaharaH kShaNAt | yamIvandyo yamIjapyo yamIstutyo yamIpriyaH || 173|| yamIdhAmA yamIgoptA yamIgaNaniShevitaH | sR^iNihastassR^iNidharaH sR^iNIshAnassR^iNipriyaH || 174|| saMj~nApatisamArAdhyassaMj~nApatistutipriyaH | saMj~nApatigaNeshAnassaMj~nApatisvarUpadhR^ik || 175|| saMj~nApativandyapAdassaMj~neshagItasadguNaH | saMj~neshagarvasa~nChettA saMj~neshavaradarpahA || 176|| saMj~neshapravaNasvAntassaMj~neshagaNasaMstutaH | saMj~neshArchitapAdAbjo saMj~neshabhayahArakaH || 177|| yogigeyaguNo yogicharito yogatattvavit | yogIndratrAsahA yogagranthatattvavivechakaH || 178|| yogAnurAgo yogA~Ngo yogaga~NgAjalodvahaH | yogAvagADhajaladhiryogapraj~no yugandharaH || 179|| yogIgItasuchAritro yogIndragaNasevitaH | yogadhAtA yogabhartA yogArAtiniShUdanaH || 180|| taraNistaraNIshAnastaraNIprItivardhanaH | taraNIgarvasa~nChetrA taraNIgItasadguNaH || 181|| taraNipravaNasvAnto taraNIvaradAyakaH | taraNitrANasannaddhastaraNIsamarakShamaH || 182|| taraNIgItacharitastaraNIgItasadguNaH | taraNIpriyakartA cha taraNyAgamasAravit || 183|| taraNIsevitapAdAbjastaraNIpriyanandanaH | taraNIpriyAsamArAdhyastaraNimArgakovidaH || 184|| ilApatirilAnAtha ilAnAthavarapradaH | ilAvR^itakhaNDavAsI ilAvR^itajanapriyaH || 185|| ilAvR^itagiristhAyI ilAvR^itagaNArchitaH | ilAvR^iteShTavarada ilAvR^itasukhapradaH || 186|| ilAvR^itadharmadAtA ilAvR^itadhanapradaH | ilAvR^itakAmapUra ilAvR^itasumuktidaH || 187|| ilAvR^itagItatattva ilAvR^itajanAshritaH | chaNDa chaNDeshasuhR^ichchaNDIshashchaNDavikramaH || 188|| charAcharapatishchintAmaNicharvaNalAlasaH | chintAmaNishchintitArthadAyakashchittasaMsthitaH || 189|| chidAkAshashchidAbhAsashchidAtmA chichchidIshvaraH | chittavR^ittimayInAthashchittashAntipradAyakaH || 190|| ambikesheShTavarada ambikeshabhayApahaH | ambikeshagururambApatidhyAtapadAmbujaH || 191|| ambApatistutashchAmbAnAthArAdhyo.ambikAsutaH | ambAvidyAsutattvaj~na ambAprItivivardhanaH || 192|| ambA~NgamalasambhUta ambAjaTharasambhavaH | ambikeshavIryajAta ambikeshekShaNodbhavaH || 193|| ambikeshahAsyajAta ambikAkopasambhavaH | ambikeshadhyAnajAta ambikeshagaNAvR^itaH || 194|| ambikeshasainyanAtha ambikeshajayapradaH | ambikeshashirohartA ambikeshenduhArakaH || 195|| ambikeshahR^idArUDha ambikeshasthalAbhitaH | ambikotsa~Nganilaya ambikAj~nAprapAlakaH || 196|| ambikAgaNasaMvIta ambikAmArgakovidaH | ambikAgItacharita ambArisainyanAshakaH || 197|| ambikeshapArshvasaMstha ambAlokanivAsakR^it | nirodhAchittavR^ittistho nijAnandapradAyakaH || 198|| naijakartA naijabhartA naijadhartA nirodhagaH | naijavAsI naijadAtA naijashaktisamanvitaH || 199|| naijayogaprado naijaj~nAnado nijalokadaH | naijadharmaprado naijavidyAdo nijakAmadaH || 200|| aparNApUjitapada aparNeshaprapUjitaH | aparNesheShTavarada aparNeshabhayApahaH || 201|| aparNeshadhyAtapada aparNeshagaNAvR^itaH | aparNeshadhyAnajAta aparNAhAsyasambhavaH || 202|| idaM nAmnAM sahasrantu brahmaNAM brahmaNaspateH | sUktamantrAkSharajAtaM brahmaNaspatitoShadam || 203|| ya idaM prayataH prAtaH trisandhyaM vA paThennaraH | vA~nChitaM samavApnoti gaNanAthaprasAdataH || 204|| dharmArthI dharmamApnoti dhanArthI labhate dhanam | vidyArthI labhate vidyAM mokShArthI mokShamApnuyAt || 205|| putrArthI labhate putrAn kAmArthI kAmamApnuyAt | niShkAmo yaH paThedetadgaNeshAna parAyaNaH || 206|| sapratiShThAM parAM prApya nijalokamavApnuyAt | || iti shrIvinAyakatantre shrIshAradeshasahasranAmastotraM sampUrNam || ## Encoded by Ravin Bhalekar ravibhalekar at hotmail.com Proofread by Ravin Bhalekar, PSA Easwaran \medskip\hrule\obeylines Please send corrections to sanskrit at cheerful dot c om Last updated \today https://sanskritdocuments.org \end{document}