% Text title            : shatrusaMhaarakamekadantastotram or Gajavaktrastuti
% File name             : shatrusaMhaarakamekadantastotram.itx
% Category              : ganesha, stotra
% Location              : doc\_ganesha
% Author                : Traditional
% Transliterated by     : Karthik Chandan.P (kardan5380 at yahoo.com) : Amith K Nagaraj)
% Proofread by          : Ravin Bhalekar ravibhalekar at hotmail.com
% Description-comments  : mudgalapurANa
% Latest update         : September 17, 2004
% Send corrections to   : sanskrit at cheerful dot c om
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. shatrusaMhArakamekadantastotram ..}##
\itxtitle{.. shatrusaMhArakamekadantastotram athavA gajavaktrastutiH ..}##\endtitles ##

shrIgaNeshAya namaH |
sanatkumAra uvAcha |
shR^iNu shambhvAdayo devA madAsuravinAshane |
upAyaM kathayiShyAmi tatkurudhvaM munIshvarAH || 1||
gaNeshaM pUjayadhvaM vai yUyaM sarve samAvR^itAH |
sa bAhyAntarasaMstho vai haniShyati madAsuram || 2||
sanatkumAravAkyaM tacChrutvA devarShisattamAH |
UchustaM praNipatyAdau bhaktinamrAtmakandharAH || 3||
devarShaya UchuH |
kenopAyena deveshaM gaNeshaM munisattamam |
pUjayAmo visheSheNa taM bravIhi yathAtatham || 4||
evaM pR^iShTo mahAyogI devaishcha munibhiH saha |
uvAchArAdhanaM tebhyo gANapatyo mahAyashAH || 5||
ekAxareNa taM devaM hR^idisthaM gaNanAyakam |
vidhinA pUjayadhvaM cha tuShTastena bhaviShyati || 6||
dhyAnaM tasya pravaxyAmi shR^iNudhvaM surasattamAH |
yUyaM taM tAdR^ishaM dhyAtvA toShayadhvaM vidhAnataH || 7||
ekadantaM chaturbAhuM gajavaktraM mahodaram |
siddhibuddhisamAyuktaM mUShakArUDhameva cha || 8||
nAbhisheShaM sapAshaM vai parashuM kamalaM shubham |
abhayaM sandadhantaM cha prasannavadanAmbujam || 9||
bhaktebhyo varadaM nityamabhaktAnAM niShUdanam |
etAdR^ishaM hR^idi dhyAtvA sevadhvamekadantakam || 10||
sarveShAM hR^idi saMstho.ayaM buddhiprerakabhAvataH |
svayaM buddhipatiH sAxAdAtmA cha sarvadehinAm || 11||
ekashabdAtmikA mAyA deharUpA vilAsinI |
dantaH sattAtmakaH proktaH shabdastatra na saMshayaH || 12||
mAyAyA dhArako.ayaM vai sattamAtreNa saMsthitaH |
ekadanto gaNesho vai kathyate vedavAdibhiH || 13||
sarvasattAdharaM pUrNamekadantaM gajAnanam |
sevadhvaM bhaktibhAvena bhaviShyati sadA sukham || 14||
evamuktvA yayau yogI sa sanatkumAra AdarAt |
jaya herambamantraM vai samuccharan mukhena saH || 15||
tato devagaNAH sarve manuyastapasi sthitAH |
ekAxaravidhAnena toShayAmAsurAdarAt || 16||
patrabhaxA nirAhArA vAyubhaxA jalAshinaH |
kandamUlaphalAhArAH kechitkechidbabhUvire || 17||
saMsthitA dhyAnaniShThA vai japahomaparAyaNAH |
nAnAtapaHprabhAveNa toShayan gaNanAyakam || 18||
gatavarShashateShu vai santuShTa ekadantakaH |
Ayayau tAnvarAndAtuM dhyAtastairyAdR^ishastathA || 19||
jagAda sa tapoyuktAn munIndevangajAnanaH |
varaM vR^iNuta tuShTo.ahaM dAsyAmi brAhmaNAmarAH || 20||
tasya tadvachanaM shrutvA hR^iShTA devarShayo.abhavan |
unmIlya lochane devamapashyansamIpasthitam || 21||
dR^iShTvA mUShakasaMsthaM taM praNemuste gajAnanam |
munayo devadevendrA pupUjurbhaktisaMyutAH || 22||
pUjayitvA yathAnyAyaM praNamya karasampuTAH |
tuShTuvurekadantaM taM bhaktinamrAtmakandharAH || 23||
devarShaya UchuH |
namaste gajavaktrAya gaNeshAya namo namaH |
anantAnandabhoktre vai brahmaNe brahmarUpiNe || 24||
AdimadhyAntahInAya charAcharamayAya te |
anantodarasaMsthAya nAbhisheShAya te namaH || 25||
kartre pAtre cha saMhartre triguNAnAmadhIshvara |
sarvasattAdharAyaiva nirguNAya namo namaH || 26||
siddhibuddhipate tubhyaM siddhibuddhipradAya cha |
brahmabhUtAya devesha saguNAya namo namaH || 27||
parashudhAriNe tubhyaM kamalahastashobhine |
pAshAbhayadharAyaiva mahodarAya te namaH || 28||
mUShakArUDhadevAya mUShakadhvajine namaH |
AdipUjyAya sarvAya sarvapUjyAya te namaH || 29||
saguNAtmakakAyAya nirguNamastakAya te |
tayodabhedarUpeNa chaikadantaya te namaH || 30||
devAntA.agocharAyaiva vedAntalabhyakAya te |
yogAdhIshAya vai tubhyaM brahmAdhIshAya te namaH || 31||
apAraguNadhAmAyAnantamAyAprachariNe |
nAnAvatArabhedAya shAntidAya namo namaH || 32||
vayaM dhanyA vayaM dhanyA yairdR^iShTo gaNanAyakaH |
brahmabhUtamayaH sAxAtpratyaxaM purataH sthitaH || 33||
evaM stutvA praharSheNa nanR^iturbhaktisaMyutAH |
sAshrunetrAnsaromA~nchAndR^iShTvA tAn DhuNDhirabravIt || 34||
ekadanta uvAcha |
varaM vR^iNuta deveshA manuyashcha yathepsitam |
dAsyAmi taM na sandeho yadyapi durlabhaM bhavet || 35||
bhavatkR^itaM madIyaM tat stotraM sarvArthadaM bhavet |
paThate shruNvate devA nAnAsiddhipradaM dvijAH || 36||
shatrunAshakaraM chaiva sukhAnandapradAyakam |
putrapautrAdikaM sarvaM labhate pAThato naraH || 37||
gR^itsamada uvAcha |
evaM tasya vachaH shrutvA harShayuktAH surarShayaH |
UchustamekadantaM te praNamya bhaktibhAvataH || 38||
surarShaya UchuH |
yadi tuShTo.asi sarvesha ekadanta mahAprabho |
yadi deyo varo nashchejjahi duShTaM madAsuram || 39||
iti shrImudgalapurANAntargataM sanakAdikR^itamekadantastotraM samAptam |
##
Encoded by Karthik Chandan.P (kardan5380@yahoo.com)
and Amith K Nagaraj (amithkn@rediffmail.com)
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit@cheerful.com
Last updated \today
https://sanskritdocuments.org

\end{document}