% Text title            : gaNeshaaparAdhaxamApanastotram
% File name             : shrIgaNeshaaparAdhaxamApanastotram.itx
% Category              : aparAdhakShamA, ganesha
% Location              : doc\_ganesha
% Author                : Traditional
% Transliterated by     : Karthik Chandan.P (kardan5380 at yahoo.com) : Amith K Nagaraj)
% Proofread by          : Ravin Bhalekar ravibhalekar at hotmail.com
% Description-comments  : mudgalapurANe
% Latest update         : September 17, 2004
% Send corrections to   : Sanskrit@cheerful.com
%
% This text is prepared by volunteers and is to be used for personal study 
% and research. The file is not to be copied or reposted for promotion of 
% any website or individuals or for commercial purpose without permission. 
% Please help to maintain respect for volunteer spirit.
%
\documentstyle[11pt,multicol,itrans]{article}
#include=ijag.inc
#endwordvowel=.h
\portraitwide
\parindent=100pt                
\let\usedvng=\Largedvng      % for 1 column     
\pagenumbering{itrans} 
\def\engtitle#1{\hrule\medskip\centerline{\LARGE #1}}
\def\itxtitle#1{\medskip\centerline{\LARGEdvng #1}\medskip\hrule}
\def\endtitles{\medskip\obeyspaceslines}
%%
\begin{document}
\engtitle{.. Shri Ganesha Aparadhaxamapanastotram ..}##
\itxtitle{.. shrIgaNeshAparAdhakShamApaNastotram ..}##\endtitles ##

shrIgaNeshAya namaH |
sumukho makhabhu~NmukhArchitaH sukhavR^iddhyai nikhilArtishAntaye|
akhilashrutishIrShavarNitaH sakalAdyaH sa sadA.astu me hR^idi || 1||
praNavAkR^itimastake nayaH praNavo vedamukhAvasAnayoH|
ayameva vibhAti susphuTaM hyavatAraH prathamaH parasya saH || 2||
prathamaM guNanAyako babhau triguNAnAM suniyantraNAya yaH|
jagadudbhavapAlanAtyayeShvajaviShNvIshasurapraNodakaH || 3||
vidhiviShNuharendradevatAdigaNAnAM paripAlanAdvibhuH|
api chendriyapu~njachAlanAdgaNanAthaH prathito.arthataH sphuTam || 4||
aNimAmukhasiddhinAyakA bhajataH sAdhayatIShTakAmanAH|
apavargamapi prabhurdhiyo nijadAsasya tamo vihR^itya yaH || 5||
jananIjanakaH sukhaprado nikhilAniShTaharo.akhileShTadaH|
gaNanAyaka eva mAmavedradapAshA~NkushamodakAn dadhat || 6||
sharaNaM karuNArNavaH sa me sharaNaM raktatanushchaturbhujaH|
sharaNaM bhajakAntarAyahA sharaNaM ma~NgalamUrtirastu me || 7||
satataM gaNanAyakaM bhaje navanItAdhikakomalAntaram|
bhajanAdbhavabhItibha~njanaM smaraNAdvighnanivAraNakShamam || 8||
aruNAruNavarNarAjitaM taruNAdityasamaprabhaM prabhum|
varuNAyudhamodakAvahaM karuNAmUrtimahaM praNaumi tam || 9||
kva nu mUShakavAhanaM prabhuM mR^igaye tvaGYatamo.avanItale|
vibudhAstu pitAmahAdayastriShu lokeShvapi yaM na lebhire || 10||
sharaNAgatapAlanotsukaM paramAnandamajaM gaNeshvaram|
varadAnapaTuM kR^ipAnidhiM hR^idayAbje nidadhAmi sarvadA || 11||
sumukhe vimukhe sati prabhau na mahendrAdapi rakShaNaM kadA|
tvayi hastimukhe prasannatA.abhimukhenApi yamAdbhayaM bhavet || 12||
sutarAM hi jaDo.api paNDitaH khalu mUko.apyativAkpatirbhavet|
gaNarAjadayArdravIkShaNAdapi chAGYaH sakalaGYAtAmiyAt || 13||
amR^itaM tu viShaM viShaM sudhA paramANustu nago nago.apyaNuH|
kulishaM tu tR^iNaM tR^iNaM pavirgaNanAthAshu tavecChayA bhavet || 14||
gato.asi vibho vihAya mAM nanu sarvaGYa na vetsi mAM katham|
kimu pashyasi vishvadR^i~N na mAM na dayA kimapi te dayAnidhe || 15||
ayi dInadayAsaritpate mayi naiShThuryamidaM kutaH kR^itam|
nijabhaktisudhAlavo.api yanna hi datto janimR^ityumochakaH || 16||
nitarAM viShayopabhogataH kShapitaM tvAyuramUlyamenasA|
ahahAGYatamasya sAhasaM sahanIyaM kR^ipayA tvayA vibho || 17||
bhagavannahi tArakasya te vata mantrasya japaH kR^itastathA|
na kadaikadhiyApi chintanaM tava mUrtestu mayAtipApmanA || 18||
bhajanaM na kR^itaM samarchanaM tava nAmasmaraNaM na darshanam|
havanaM priyamodakArpaNaM navadUrvA na samarpitA mayA || 19||
nacha sAdhusamAgamaH kR^itastava bhaktAshcha mayA na satkR^itAH|
dvijabhojanamapyakAri no vata daurAtmyamidaM kShamasva me || 20||
na vidhiM tava sevanasya vA nacha jAne stavanaM manuM tathA|
karayugmashiraHsuyojanaM tava bhUyAdgaNanAthapUjanam || 21||
atha kA gaNanAtha me gatirnahi jAne patitasya bhAvinI|
iti taptatanuM sadA.ava mAmanukampArdrakaTAxavIkShaNaiH || 22||
iha daNDadharasya sa~Ngame.akhiladhairyachyavane bhaya~Nkare|
avitA gaNarAja ko nu mAM tanupAtAvasare tvayA vinA || 23||
vada kaM bhavato.anyamiShTadAcCharaNaM yAmi dayAdhanAdR^ite|
avanAya bhavAgnibharjito gatihInaH sukhaleshavarjitaH || 24||
shrutimR^igyapathasya chintanaM kimu vAcho.aviShayasya saMstutim|
kimu pUjanamapyanAkR^iterasamartho rachayAmi devate || 25||
kimu madvikalAtsvasevanaM kimu ra~NkAdupachAravaibhavam|
jaDavA~Nmatito nijastutiM gaNanAthechChasi vA dayAnidhe || 26||
adhunApi cha kiM dayA na te mama pApAtishayAditIsha chet|
hR^idaye navanItakomale na hi kAThinyaniveshasambhavaH || 27||
vyasanArditasevakasya me praNatasyAshu gaNesha pAdayoH|
abhayapradahastapa~NkajaM kR^ipayA mUrdhni kuruShva tAvakam || 28||
jananItanayasya dR^ikpathaM muhureti prasabhaM dayArdradhIH|
mama dR^igviShayastathaiva bho gaNanAthAshu bhavanukampayA || 29||
gajarAjamukhAya te namo mR^igarAjottamavAhanAya te|
dvijarAjakalAbhR^ite namo gaNarAjAya sadA namo.astu te || 30||
gaNanAtha gaNesha vighnarAT shivasUno jagadekasadguro|
suramAnuShagItamadyashaH praNataM mAmava saMsR^iterbhayAt || 31||
jaya siddhipate mahAmate jaya buddhIsha jaDArtasadgate|
jaya yogisamUhasadguro jaya sevArata kalpanAtaro || 32||
tanuvAg hR^idayairasaccha sadyadanasthAtritaye kR^itaM mayA|
jagadIsha kariShyamANamapyakhilaM karma gaNesha te.arpitam || 33||
iti kR^iShNamukhodgataM stavaM gaNarAjasya puraH paThennaraH|
sakalAdhivivarjito bhavetsutadArAdisukhI sa muktibhAk || 34||
iti mudgalapurANantarvarti shrIgaNeshAparAdhakShamApaNastotraM sampUrNam |
##
Encoded by Karthik Chandan.P (kardan5380@yahoo.com)
and Amith K Nagaraj (amithkn@rediffmail.com)
Proofread by Ravin Bhalekar ravibhalekar@hotmail.com

\medskip\hrule\obeylines

Please send corrections to sanskrit at cheerful dot c om
Last updated \today
https://sanskritdocuments.org

\end{document}